ممكن تساعدوني؟؟ [الأرشيف] - بوابة الثانوية العامة المصرية

د.ميرو (باذن الله)

02-10-2011, 07:52 PM

السلام عليكم ورحمه الله وبركاته

size="4"]"انا ف 2 ثانوي وبذاكر الحمد لله بس مشكلتي ف سوء تنظيم وقتي يعني احيانا مش بلاقي عندي وقت للمذاكرة واحيانا بكون خلصت مذاكرة وقاعده فاااااااضيه خااااااااااالص فممكن تقولولي ازااااي انظم وقتي؟؟؟
كمان احيانا بذاكر كويس جدااا لمده ساعات اجي اليوم اللي بعده مش بعرف اقوم خاااالص والحكايه دي تعباني اووووي لان كده مينفعش خااالص فممكن برضو تقولو لي انظم مواعيد نومي ازززاي ؟؟؟
مع العلم اني مش بعرف اذاكر خاااااالص الفجر يعني اخري ف المذاكرة اصلي الفجر واقعد شويه لحد 6 كده وبعد كده نووووم والا نووووو تركيز
فممكن حل

وجزاكم الله خيراااا مقدما][/color][/size]

highlight

03-10-2011, 03:20 PM

يا دوك مش تخافى خالص
وضح ان الناس مقلقة بطريقة جامدة من تنظيم المواعيد
والله انا كنت ماشية السنة كده.....
اللى المفروض اذاكره وعليا اذاكره بحطه قدامى اول حاجة
واهتم بيه كويس
واديكى جاوبتى على نفسك
عشان انت فاضية لسه.......مفيش حاجات كتير بتاخديها دلوقتى
شوية شوية هيزيد وهتلاقى نفسك تخرجى من مذاكرة مادة لمادة تانية
ولو زعلانة على الوقت الفاضى ده.... استغليه فى حل على اللى انتى ذاكرتيه
وانتى بتنامى كتير بعد المذاكرة دا جميل جداا........بس متتعوديش على كده
(اضغطى على نفسك انك تصحى)
عشان مخك بس بيستريح وبيرتب المعلومات اللى انت اديتهاله
وطالما انتى مش بتعرفى تذاكرى الفجر........خلاص متضيعيش وقت ونامى احسن
وشوفى انتى بتخلصى مذاكرة امتى.......اخر مقدرتك فى المذاكرة بعد الساعة كام
تدخلى تتعشى و شوية تليفزيون وعلى السرير عدل
تصحى بقى على الفطار اهم حاجة و عدل على المذاكرة
و2 ثانوى اسهل و اخف من 3
وانا جاوبت على استاذة tweety فى موضوع هى عاملاه...كان عندها نفس مشكلة حضرتك....اقريه عشان انا كتبت حاجات كتير هناك
وتعبت من كتر الكتابة معلش:d
وربنا يوفقك يا دوك :)

Dr.Nariman

03-10-2011, 04:34 PM

مافيش احلى من انك تنامي الساعة10 وتصحي على 5الفجر الوقت بيبقى فيه بركة رهييييبة جدااااا وتركيييز عااالي والجسم بيرتاح جدا لان النوم كلها كان بالليل قال تعالى (وجعلنا الليل لباسا)

د.ميرو (باذن الله)

05-10-2011, 04:43 AM

د.ميرو (باذن الله)

05-10-2011, 04:54 AM

مافيش احلى من انك تنامي الساعة10 وتصحي على 5الفجر الوقت بيبقى فيه بركة رهييييبة جدااااا وتركيييز عااالي والجسم بيرتاح جدا لان النوم كلها كان بالليل قال تعالى (وجعلنا الليل لباسا)

المشكله يا دوك اني والله حاولت كتييييير جدااا انام بدري واصحلى الفجر اقعد بس مش بعرف خاااااالص بحس كاني شاربه حاجه ولازم انااام

وجزاك الله خيرا ع المساعدة يا دوك :)

مدرس اللغة

05-10-2011, 03:30 PM

أنصحك بقراءة القران في الأوقات اللي بين المذاكرة

د.ميرو (باذن الله)

05-10-2011, 06:22 PM

أنصحك بقراءة القران في الأوقات اللي بين المذاكرة

جزاك الله خيرا ع النصيحة يا مستر

zamalek1

06-10-2011, 07:13 AM

احلى حاجة وانت فى بداية السنة يكون ليك ميعاد ثااااااااااابت للمذكرة هو تقريبا مفيش مدارس والطال بالمتفوق اللى يجيب اعلى الدرجات اللى مش بيذاكر بغزالة يعنى ايه مش لازم يكون ليك مزاج للمذاكرة عشان تذاكر مذكرتك هى شغلك وسلاحك وراحة بالك واتمنى انك تبتدى مذكرتك بكلمات يعنى يوم انجليزى ويوم فرنساوى لازم تعود نفسك من اول السنة انك تعمل اسبرنتات فى المذاكرة من اولى السنة وبجد بجد سنة تانية ثانوى فرصة لاتعوض اسال مجرب وحاول تسمع كلام مدرسينك اوى ومفيش واجب يفضل لتانى يوم وكمان لازم تاخد عند مدرسين خبرة فى المادة
مستقبلك فى ايدك وحافظ عليه

د.ميرو (باذن الله)

06-10-2011, 06:51 PM