|
مشاهدة النسخة كاملة : يا ترى ... زعلان من الحضرى ؟ ! ولا عليه !!! مس رانيا حسن 24-02-2008, 11:32 PM طبعا من الموضوعات التى تشغل الساحه الاعلاميه هو موقف الحضرى وهروبه فى وقت عصيب من ناديه من النقاد من هاجم الحضرى واوضح اسباب الهجوم ومنهم من دعى الى تذكر انجازاته وعدم الهجوم عليه يا ترى انت زعلان منه ولا عليه ؟ !!! عاشقـــ الانمى ـــة 24-02-2008, 11:40 PM بصراحة مش عرفه هو المفروض يشوف مستقبله ولا دا مش من حقه مش عرفة بصراحة الاسطورة 24-02-2008, 11:48 PM عصام الحضرى غلطان لا احد كان سيمنعه من الاحتراف ولكن كل شىء له اصول والحضرى لم يتبع تلك الاصول وحكاية الزعل دى فا انا زعلان على ان لاعب اهلاوى(بقاله 15 سنة فى النادى ) ولم يكن وفى لروح الفانلة الحمراء...! مروج البحر 24-02-2008, 11:52 PM والله هو الطريفه اللي مش بها وحشه شويه بس كلنا لازم نعذره الراجل سنه 35 يعني قرب علي الاعتزال ونفسه يحترف يعمل ايه بقه يستني لما النادي الاهلي يحن عليه ويوافق ولا يعمل ايه لو حد مكانه هيعمل ايه معتقدتش اقل من اللي عمله ويمكن اكتر وبرده الحضري هيفضل جوه قلوبنا emoo 24-02-2008, 11:58 PM زعلان منه و عليه اولا الحركه اللى عملها الحضرى مفهاش ذره من ذرات الذكاء الحضرى دلوقتى بيخلص كوره خلاص سنه و لا حاجه و يعتزل لو كان فضل فى الاهلى و الاهلى عمل حاجه فى دورى ابطال افريقيا اللى جاى و عمل حاجه مع مصر فى كاس العالم للقارات و لو مصر باذن الله صعدت كاس العالم و عمل حاجه مع مصر كان هيعتزل و هوا فى قمة مجده لكن دلوقتى فى نادى سويسرى:( رايح هناك وسط زحمه و نجوم اوروبا و عمره ما هيظهر اولا النادى ده ملوش وجود فى دورى ابطال اوروبا ثانيا فيها هناك حراس جامدين فى اوروبا زى بيتر تشيك و غيره لكن اما كان فى افريقيا كان رقم واحد يلا حصل خير Sharp Nails 25-02-2008, 12:00 AM بصراحة لا مش زعلانة منه والله دة مستقبل ومن حقه يأمن مستقبله ومستقبل ولاده mR . mOstafa Fathi 25-02-2008, 12:00 AM مصر كلها كانت هتفرحلو بس بطريقة افضل غير الهروب ___ وفى الاول والاخر ربنا يوفقه __ شكرا يا فندم مس رانيا حسن 25-02-2008, 07:02 PM شكرا يا جماعه على المشاركه وانا برده من رايكم زعلانه منه وعليه لكن نتمنى له التوفيق BASMATY 25-02-2008, 07:08 PM بس انا مش زعلانة منه على العلم انى اهلاوووووووووية انا شايفة ان ده من ابسط حقوقه ممكن الطريقة ال مش بيها دى مش حلوة بس مش يمكن عشان النادى الاهلى ممكن يمنعه احمد رضا 25-02-2008, 07:45 PM السلام عليكم ورحمة الله وبركاتة ازيك يا استاذه رانيا يارب تكوني بخير بالنسبه لموضوع عصام الحضري وموضوع هروبه - كما يدعون - ملحوظة بقولها قبل ما اتكلم في اي موضوع كوري - انا علاقتي بالكورة زي علاقة حضرتك بالطاقة النووية والدراسات الفلكية - يعني سامحيني في اي خطأ كوري او اي معلومه كورية وصلتني غلط عصام الحضري متزوج ويعول عنده حوالي 34 سنه يعني علي مشارف الاربعين لما يتعب وصحته تبوظ والفلوس اللي معاه تخلص هيستفاد ايه اصلا والله ما حد نافعه ولا اسم ولا شهره ولا اي حاجة الراجل عايز يأمن مستقبل ابنه هو موقفه صح وانا بصراحه محترم موقفه شكرا لطرحك الموضوع The.Hero 26-02-2008, 12:38 AM انــــــــــــا زعــــــــــــلان مــــــــــن الــــــــــحــــــــــضــــــــري جـــــــدااااااااااااااااااااااااا مس رانيا حسن 26-02-2008, 12:56 AM السلام عليكم ورحمة الله وبركاتة ازيك يا استاذه رانيا يارب تكوني بخير بالنسبه لموضوع عصام الحضري وموضوع هروبه - كما يدعون - ملحوظة بقولها قبل ما اتكلم في اي موضوع كوري - انا علاقتي بالكورة زي علاقة حضرتك بالطاقة النووية والدراسات الفلكية - يعني سامحيني في اي خطأ كوري او اي معلومه كورية وصلتني غلط عصام الحضري متزوج ويعول عنده حوالي 34 سنه يعني علي مشارف الاربعين لما يتعب وصحته تبوظ والفلوس اللي معاه تخلص هيستفاد ايه اصلا والله ما حد نافعه ولا اسم ولا شهره ولا اي حاجة الراجل عايز يأمن مستقبل ابنه هو موقفه صح وانا بصراحه محترم موقفه شكرا لطرحك الموضوع أشكرك على مرورك y/m 26-02-2008, 03:56 PM دعونا نتكلم بموضوعية سيون عرض طلب رسمى والاهلى رفض ليه؟ بيقولوا عشان العرض قليل بس الحضرى موافق بياخد850الف جنيه فى الاهلى وبركات مليون ونص اكيد مظلوم حياخد هناك 10مليون يرح ولا لأ يجماعة انا مع الحضرى |