وظيفة المعيد [الأرشيف] - بوابة الثانوية العامة المصرية

abdo bedo

03-10-2011, 10:53 PM

ياريت حد يجاوبني يا جماعه هل مهنه المعيد جيده في اوضاعها الاجتماعيه والماديه .
سواء كنت معيدفي كلية تربيه او اداب واعمل ايه علشان ابقي معيد
ياريت حد يجاوب لاني هبني حياتي كلها علي الاجابات دي بليز ياريت اللي يجاوب يكون متاكد :

مدرس اللغة

04-10-2011, 08:08 AM

بص ياعم الحج لو كنت في أداب هيكون أفضل
أول حاجة تعملها لازم تطحن نفسك في المذاكرة وتطلع الأول على الدفعة:)
ولو طلعت الأول أضمن لك أنك تكون معيد بإذن الله :rolleyes:
بس فيه حاجة أنه المعيد ده مش وظيفة بس لأنه بيدرس أثناء الوظيفة المعيد إما أن يكون بداية طريق جميل
الأول معيد وبعدين تدرس تمهيدي وتنجح وبعدين تعمل رسالة الماجستير وتصلح هذه الرسالة أن تخدم البحث العلمي والمتعلمين
ثم بعد ذلك تنتقل إلى الدكتوراة تعمل رسالة الدكتوراة وتكون هذه الرسالة مقبولة في لجنة المناقشة حتى تكون دكتور -مدرس جامعي-ثم ربنا لو كرمك تبقى رئيس قسم وممكن تبقى عميد كلية وممكن تبقى رئيس جامعة بس بداية المشوار أنك تكون طالع الأول على دفعتك على الأقل في قسمك
الترتيب الوظيفي الجامعي
معيد-مدرس مساعد-مدرس-أستاذ مساعد -أستاذ
ملحوظة
المعيد إذا لم ينجح في التمهيدي سيحول إلى أعمال إدارية-شئون طلاب-مكتبة الجامعة-شئون خريجين-المهم أي وظيفة إدارية في كليته أو كلية أخرى-(التمهيدي يعاد سنتين للطالب إذا لم يجتازه سيحول إلى أعمال إدارية):o
كذلك إذا فشل في رسالة الماجستير(لم تقبل رسالته) سيحول إلى أعمال إدارية:cool:
ربنا يوفقك