انا مش عارف ليه حاسس ان كل تعبى وشقاى هاايروح على ما فيش من القصص اللى بحيكيهالى الاساتذة فى التصحيح وكل ما اناقشهم فى سؤال وهو صح او غلط يقولولى العبارة اللى بقيت كل يوم بسمعها (على حسب المصحح) يعنى ايه على حسب المصحح يعن كل واحد بيصحح على مزاجه ده كلللله كوم والسلطة فى التصحيح كوم تانى يعنى واحد ممكن يكون حالل الامتحان كله صح ومافيش (فسواية ) سايبها فى الامتحان وفى الاخر علشان مزاج حضرة المصحح تلاقى الطالب ده ناقص كوم درجات فى الامتحان ده كله غير اللى بيصحح بالبركة يعنى بيكوم درجات وبس ولما سأل الاستاذ ليه كده بيقولى علشان الضغط اللى بيبقى عليهم بس بالنسبالى ده سبب غير مقنع بالمرة يعنى مستقبل واحد يضيع علشان الضغط اللى على حضرة المصحح دى حاجة وطبعا مع احترامى لكل السادة المعلمين اللى فيه كتير منهم بيراعوا ضميرهم فى التصحيح المهم انا عايزكم تناقشونى فى المسالة الخطيرة دى وخصوصا السادة المدرسين وشكراااااااااا

انا مع حضرتك جدا انا من كتر خوفى ساعات بقول لنفسى ايه لازمه المذاكرة لما ممكن اتظلم فى التصحيح وتروح درجات خاصة لما بسمع طلبه مروا بالحكابه دى انا نفسي فعلا افهم يعنى ايه اتظلم فى التصحيح يعنى ايه يعنى ايه بس برده نرحع نقول ان الله لايضيع اجر من احسن عملا والواحد بيعمل اللى عليه والنتيجه بتاعة ربنا وحسبى الله ونعم الوكيل فى اى مدرس ميراعيش ربنا فى الورقه اللى فى ايده اكيد ربنا هيردهاله فى اقرب الناس ليه انا منفعله لان موضوع الظلم ده بيستفزنى جدداااااااااا مالناش غير ربنا ربنا يكرمنا كلنا يارب
تقبل مرورى

من الاخر كدا اعمل ال عليك وسيب الباقى على ربنا

يعنى طول مانت بتفكر فى التصحيح هتوصل لمرحلة انك تقول لنفسك طب مش مذاكر منا ممكن اتظلم

غلط غلط ركز فى مذاكرتك الاول وبعد النتيجة احكم

واكيد بردة ربنا كاتبلك الخير

ماممكن وقع منك درجات عشان متدخلش مجال معين ويحصلك بلاوى ووووو

اكيد ربنا عاوز الاحسن لعبادة وفعلا ربنا مبيضيعش مجهود ااى حد

والاهم من دا النية صفى نيتك من اى حاجة عشان تاخد ع اد نيتك

وموضوعك فعلا غاية ف الاهمية

ايوة والله عندك حق يا استاذ محمد
القبت علينا المواجع:(
انا من الناس اللى اتشبكت فى الكلام ده فى العربى السنة دى
فى امتحان العربى السنة دى والله انا جبت 25/30
على الرغم من انى كنت جايبة 29/30 فى 2:angry2:
بجد كانت صدمة لما شوفت الدرجة ومكنتش مصدقة:o:o
عملت اعادة تصحيح انا و بابا للعربى
اخدنا معانا نموذج الاجابة اللى مش مسموح انك تدخل بيه....بس دخلت بيه وخبيته
ياااه
اقسم بالله لما كنت بشوف ورقتى............اقسم بالله العلى العظيم
علامة الغلط ما موجودة فى الورقة عندى
تخيل 10 درجات طاروا عشان انا مش مجاوبة زى نموذج الاجابة وفى كام كلمة انا مش كاتباها وموجودة فى النموذج
واقسم بالله اجاباتى كلها صح.....ولا مدرس يقدر يعترض عليها....بس للاسف مش زى النموذج
النموذج ...النموذج...النموذج
الله يحرق النموذج ده.........هو ايه سبب وجوده اصلا:angry2::angry2:
هم مش اللى بيصححوا دول مدرسين...ولا بياعين فجل(سورى فى اللفظ)
حد هيقولى عشان تبقى الاجابة واحدة لكل الطلبة ومحدش يختلف
يا سلاااام
طب ما فى مدرس ممكن يعدى الاجابة دى صح وممكن يعديها غلط
وتصدقوا بالله.......سؤال البلاغة عندنا كنت جاوبته ان تحققت الوحدة العضوية
النموذج كان نازل لم تتحقق الوحدة العضوية ولقيت مكتوب 2/4 فى البلاغة
لقيت تحتيها مكتوب 4/4 وفى مدرس ماضى
طب ما اهوه.......مش زى النموذج
يعنى كان زمانى جايبة 24/30 فى العربى
ومجموعى قل 396
على الرغم انى فى صيدلة...........الا انى كنت جايبة مجموع اقل صيدلة 396....المنيا
لولا الدرجة اللى اترفعت من 24 لـ 25 ولحقت الصيدلة على اخر لحظة...........ربنا يكرمه والله يا رب اللى عدل الدرجة
وربنا يحرقهم بجاز كل اللى علموا ورقتى فى نصوص وقراءة وتعبير والادب
حسبى الله ونعم الوكيل فيهم

بص متسبقش الاحداث ومتحطش فدماغك الكلام ده بجد هيحبطك
واعرف انه بيحصل اه بس بنسبة لما يحصل يعنى ل 100 واحد لاحظ ان الناس بتعلم ييجى نص مليون ورقة نسبة الغلط مش عالية للدرجة اللى تخوف
ولو لا قدر الله لا قدر الله حصلت معاك وكان بينك وبين كلية درجة ومخدتهاش احمد ربنا
والله العظيم احيانا بيبقى الحرمان _ او اللى انت تعتبره حرمان _ بيبقى اكبر نعمة من ربنا بس بنفهم متاخر
انت عليك تتقن عملك وربنا مش بيضيع تعب حد وهيوجهك للى فيه الخير
ودايما ادعى ربنا
بس طولت عليك شوية :)
تقبل مرورى :078111rg3: