انا مشكلتي اني مش واثقه في نفسي و بخاف اجرب اي حاجه جديده انا السنه دي اتخرجت من الثانويه و كان نفسي اكون مصممة ديكور بس كل الي حواليا بيقولوا انا منفعش فيها و ان انا كل يومين برأي جديد و اني مش عارفه انا عايزه ايه ساعات كتير بحس اني كده فعلا انا بحب اتعلم و بحب اذاكر بس انا فاشله معرفش ليه حاسه حياتي متلخبطه على بعضها اوووي و ملهاش راس من رجلين حد يساعدني ازاي اعرف شخصيتي و اطلع الخوف الي جوايا و اكون انا زي مانا شايفه نفسي انا ساعات بكره نفسي و بقول اني مستهلش اي حاجه كويسه و ساعات اقول لا انا استاهل حد يساعدني بلييييز

متبصيش لحد غيرك

اثبتي جدارتك , انتي عايزة تبقي مصممة ديكور ؟ اقري كتير عن المهنة دي

و اتعلمي و شددي ثقتك بنفسك , و لما تجيلك فكرة حلوة عن نفسك ثبتيها في مخك

و كل ما تفكري في حاجات محبطة افتكري الفكرة الحلوة اللي خدتيها عن نفسك قبل كدة

و متعتمديش على كلام الناس و حاولي تسمعي موسيقى جيتار اسبانية و جربي :d

على فكرة انا عامله زيك ^_^ بس انا بقولك اهووو ادخلى هندسه ديكور و خليكى فى رأيك
بس بجد اهم حاجه رأى امك لو هى مش بتاعت بنتى تطلع دكتورة و كدة :)
و ربنا معاكى و معابا عقبال موصل للثانويه العامه :|

اولا اتجهى لله فى كل شى ثم شوفى انتى بتحبى ايه تتخصصى فيه واتخصصى فيه اهم شى الواحد يحب العمل اللى يريده ولو حبيتى الديكور تاكدى انك هتكونى موفقة باذن الله وازرعى دائما ثقتك فى نفسك وتحياتى ليكى

-عليك ان تفعل الاشياء التى تعتقد انه ليس باستطاعتك ان تفعلها (روزفلت)
-انسان بدون هدف كسفينه بدون دفة كلاهما سوف ينتهى به الامر على الصخور (توماس كارليل)
-ان السعاده تكمن فى متعه الانجاز ونشوة المجهود المبدع (روزفلت)
-ليس السؤال كيف يراك ( الناس ) لكن السؤال كيف انت ترى (نفسك)

اعملي كل الي بتخافي منها
اتحدي نفسك وعاندي الدنيامش مهم هما شايفين اية وعايزين اية المهم انتي
قربي من ربنا وابتسمي دائما فالدنيا لحظات الي مكتوب هاتشوفية
والاهم حددي هدفك وسعي لتحقيقة