:eek:عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال
بلاش المناكفة و لايم و عيش
هتتعب معانا و سهمك يطيش
نلفق لاهلك قضية حشيش
و تصبح حكاية و نكتة و مثال
تعالى و هاودنا و عدى الامور
و عيش فى الطراوة و خش الطابور
لكن لو هتزعل و دمك يفور
هنشهد نهايتك فى بحر الرمال
هتصبح حرامى هتصبح امير
هتصبح حرامى و ندل و اجير
و نقدر نلخبط فى اصلك كتيير
و جدك شحاتة هيصبح شحال
هنحلف ان الحبايب شافوك
بتقبض يا خاين و تقتل اخوك
ساعتها مراتك هتلعن ابوك
و تلطم و تنعى احط الرجال
مالكش انت دعوة بى اا اللى ضاع
و مين اللى شارى و مين اللى باع
و مين اللى كيل و مين اللى شال
فحب الحكومة و حب السلام
و علم ولادك يشدوا الحزام
علشان بكرة هياكلو حمام
و ينسوا الاسية و ينسوا الهزال
فلازم يا صاحبى تغمض عنيك
و طنش علينا نطنش عليك
و اياك تشاور نقطع ايديك
و تصبح مواطن ما يسواش ريال
عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال

مشكور على الموضوع

هههههههههههههههههههه
جامده والله يامان
هو ده المطلوب من كل مواطن مصري

وده الواقع

لا تعليق

ههههههههههههههههههههه

نصيحه لكل اللي يقرأ الموضوع يدعي لحكومتنا الغاليه اللي مش مخليه في نفسنا اي حاجه


بارك الله فيها


ههههههههههههه

فحب الحكومة و حب السلام
و علم ولادك يشدوا الحزام
علشان بكرة هياكلو حمام
و ينسوا الاسية و ينسوا الهزال
فلازم يا صاحبى تغمض عنيك
و طنش علينا نطنش عليك
و اياك تشاور نقطع ايديك
و تصبح مواطن ما يسواش ريال

ههههههههه جميله جدا والله ومعبره عن الواقع بشده

نصيحه لكل اللي يقرأ الموضوع يدعي لحكومتنا الغاليه اللي مش مخليه في نفسنا اي حاجه


بارك الله فيها

يا سلام وحشه مثلا حكومتنا عشان ما ندعلهاش

ربنا يبارك فيها ويخليها ويطول ف عمر رؤسائنا

اميـــــــــــــــــن

ميرسى لولوداد ع الموضوع

مشكور على المرور بس دى الحقيقة

لا جامده
حسبنا الله ونعم الوكيل

لا جامده
حسبنا الله ونعم الوكيل

مشكور على المرور

الفكرة جميلة وبها عدة اسقاطات سياسية حساسة

شكرا