مشاهدة النسخة كاملة : موضوع خطير وهام برجاء المساعدة
ahmed hawass 06-10-2011, 09:10 AM السلام عليكم ورحمة الله وبركاته
يا جماعة انا كنت متعاقد بنظام المكافأة الشاملة (105جنيه ) بمحافظة الغربية بمركز زفتى ده في 2009 بس انا انقطعت عن العمل وانا مش في مصر حالياً انا فوجئت ان والدي بيتصل عليا بيقولي اني انا اسمي نازل في العقود المميزة وكمان في مدرسة تانية غير اللي كنت فيها
طيب حاليا انا العقد المفروض بعد ما قرأت القرار من على النت اني اتثبت بعد سنتين المشكلة اني لما سألت قالوا اني لازم اجيب في الأوراق مفردات مرتب وورقة بمزاولة العمل من المدرسة اللي كنت فيها انا خايف انزل من السفر لا الاقي عقد ولا اعرف ارجع
لوسمحتم اللي يقدر يفيدني في الموضوع ده يساعدني في أسرع وقت والسلام عليكم ورحمة الله وبركاته
حياتى نورتها بتلاوة وحفظ القرأن 06-10-2011, 11:02 AM ممكن حضرتك تخلى اى حد يسألك ذو ثقه الاول وتتأكد ان ليك فى العقود وتنزل على نور دى حاجه
الحاجه التانيه ان بالنسبه للاوراق هما عاوزين اوراق كتير جدا بس بسيطه فى المكتبه تلاقيها وبالنسبه لاوامر الندب الا حضرتك كنت بدرس بيها ودى ساهله خالص بتجاب من الاداره التابع ليها او المدرسه مع الادارى هناك
او تالت حاجه ممكن حد يجيبلك فى البلد رقم الموجهة بتاع الماده ال كنت بدرسها وبعدين تتصل بيه وتتأكد منه شخصيا قبل ما تأخد اى خطوه وشوف حيقولك ايه وبذلك تحدد اذا كان الامر يستحق النزول ولا لا
وربنا يكرمك يارب ويكرمنى بالتثبيت اللهم امين
ahmed hawass 06-10-2011, 05:21 PM يا جماعة ربنا يكرمكم حد يجاوب عليا انا مش عارف اعمل ايه طيب انا قرأت القرار ده المفروص أقدم الأوراق دي امته وهي ايه الأوراق أصلاً علشان اعمل حسابي وهل فيه تثبيت فعلا بعد سنتين يعني الموضوع مستاهل ان اجي من السفر ولا ايه ؟
لوجين20 07-10-2011, 10:17 AM عقد ايه حضرتك اللى بتسال عليه؟
اللى حصل حاليا للحصه
مش تعاقد
حتى لو كان مكتوب كده ع الورق
العقد لازم تعمله فيش وتشبيه وكمسيون طبى واصل المؤهل وكعب عمل ....... الخ
اللى اتعمل للحصه
هو اعادة تشغيل بالحصه
نفس الراتب 105 او 120
العقد الحقيقى مش ده
اسال تانى واتاكد
حرام تسيب شغلك وتنزل عالفاضى
على فكرة
مرتبهم تقريبا بيتصرف من صندوق المحافظه
مش من وزارة الماليه
انا سالت عالموضوع ده وده اللى وصلنى
ربنا يسهل
اسال الموجه واتاكد منه
ده بالاضافه لسوء التوزيع
ابقى طمنى
تحياتى
محمدمحمد4 07-10-2011, 10:24 AM احسن شيئ اعمل استخار ة وربنا يوفقك لما فيه الخير
ahmed hawass 07-10-2011, 11:57 AM ايوه ما هو فعلا فيه كشف طبي وفيه فيش وانا اسمي نازل معاهم وفيه قرار اصلا في الغربية بتعديل اوضاع المعلمين وانا شوفت القرار وفي مصر قالولي انه فعلا اسمي نازل مع الناس اللي هيتعاقدوا التعاقد الجديد بس انا عاوز اعرف فيه اوراق مطلوبة مع العلم اني كنت منقعطع عن العمل
لوجين20 07-10-2011, 12:02 PM مش مشكله الانقطاع عن العمل
طالما اسمك نزل فى الكشوف
والف مبروووووووووووك طالما تعاقد
هاسالك حد من الغربيه على الكلام ده واتاكد
بدل ماتنزل عالفاضى
عامة الاوراق بتكون حسب كل محافظة
وتقريبا دى الاوراق المشتركة
فيش
كمسيون
اصل الموهل
اصل الميلاد
اصل المعافاه
اقرار ذمة ماليه
وشويه دمغات
وصورة البطاقه
وكام صورة شخصيه
ومش فاكرة الباقى
هادورلك على الطلبات دى وانزلهالك هنا
الف مبرووووووووك يا احمد
لوجين20 07-10-2011, 12:09 PM دى الطلبات بس كانت فى المنيا
السلام عليكم ورحمة الله وبركاته
بالنسبة لمسوغات التعيين هى كالتالى
1-أصل العقد
2- أصل المؤهل
3- أصل الدبلومة التربوية لغير التربوى
4- كعب عمل ( للجمييييييييييييييع )
5- فيش
6- الرقم التأمينى
7- إفادة من المدرسة أنك ما زلت على قوة العمل
8- ملف
9- صورة من نجاحك فى امتحان الكادر
10- 4 دوسية ورق
11- شهادة ميلاد ( رقم قومى )
12- كومسيون طبى
13- الموقف من التجنيد ( للذكور )
14- 4 صور شخصية
هذا ما تقدمنا به فى إدارة سمالوط التعليمية - محافظة المنيا
وده لينك الموضوع
اللى عايز يعرف مسوغات التعيين كلها( هام جدااا) (http://www.thanwya.com/vb/showthread.php?t=342999)
ahmed hawass 07-10-2011, 12:57 PM لو سمحتم يا جماعة اللي من الغربية وبدأ في الاجراءات دي يعرفني المنفطعين عادي ولا طالما اسمي جه خلاص يبقى القرار ده على كل الناس وشكراً
لوجين20 07-10-2011, 01:19 PM لو سمحتم يا جماعة اللي من الغربية وبدأ في الاجراءات دي يعرفني المنفطعين عادي ولا طالما اسمي جه خلاص يبقى القرار ده على كل الناس وشكراً
ده الرد وياريت تستخير
لو شغلك مرتاح فيه عندك يبقى خليك
لان مرتبك هايكون زى اللى بالحصه
التعاقدات الان من 1/10 هى لنقل من كان يعمل بالمكافاة الشاملة الى عقد معلم مساعد بشرط ان يكونوا عى راس العمل
اما من 1/11 سيكون هناك عقود مكافاة شاملة من انقطعوا عن العمل وسيعودوا ولكن على عقد مكافاة شاملة
يعنى زى قلته
نصيحه خليك هناك وارجع لما الاحوال تتعدل
اذا كنا احنا المتعينين مش اخدنا حقنا
ربنا يسهل
انا لو مكانك مش هارجع دلوقتى
ولو تم التعيين للمنقطعين هابقى ارفع قضيه وهاكسبها
ومش هاتكون لوحدك فى غيرك كتير وممكن ينزلك قرار بالتعيين
ده لو انت تربوى اصلا
مؤهلك ايه طيب؟
ahmed hawass 07-10-2011, 01:32 PM انا فعلا كلية تربية نوعية بس هي جزئية على رأس العمل دي هي اللي حيرتني وبعدين ازاي طيب اسمي يجي في الكشوف وكمان المدرسة اللي كنت فيها كمان اتغيرت يعني اسمي جاي وكمان في مدرسة تانية ده اللي محيرني
لوجين20 07-10-2011, 01:37 PM اسمك نزل عادى جدا
لانه هايتعملك عقد باللحصه
ياريت اكون فيدتك
ahmed hawass 07-10-2011, 02:05 PM بقول لحضرتك انه في كشوف اللي تم تحويلهم من عقد مكافأة شاملة لعقد مميز
لوجين20 07-10-2011, 02:21 PM لانهم مستمرين فى العمل
ومش انقطعو يا فندم
اللى انقطع عن العمل هايرجع تانى عشان يشتغل بالحصه
ده موقفك
وخلى حد يتاكدلك
تحياتى
ahmed hawass 07-10-2011, 02:24 PM معلش تاعب حضرتك معايا بس الموضوع ده عاملي صداع ازي انا منقطع واسمي يجي في الكشوف فعلا وحضرتك بتقوليلي انه هارجع مكافأة شاملة وكمان اسمي جاي اني رايح مدرسة جديدة
ahmed hawass 07-10-2011, 02:31 PM مع العلم اني اشتغلت سنة بنظام المكافأة الشاملة
لوجين20 07-10-2011, 02:36 PM معلش تاعب حضرتك معايا بس الموضوع ده عاملي صداع ازي انا منقطع واسمي يجي في الكشوف فعلا وحضرتك بتقوليلي انه هارجع مكافأة شاملة وكمان اسمي جاي اني رايح مدرسة جديدة
ولا يهمك المهم افيدك
وفى سوء توزيع كمان
مع العلم اني اشتغلت سنة بنظام المكافأة الشاملة
عادى يا احمد
هاينزلك عقد اعادة تشغيل بالحصه حتى لو مش قدمت اوراقك
استنى بس الاوضاع تتحسن
وابقى ارجع
ربنا يسهل يا احمد
ابقى طمنى
ahmed hawass 07-10-2011, 02:40 PM جزاك الله كل خير واسف على الازعاج
لوجين20 07-10-2011, 02:46 PM جزاك الله كل خير واسف على الازعاج
ولا يهمك يا احمد
المهم مش تتعب نفسك وتضيع سفرك عالفاضى :)
(http://www.thanwya.com/vb/showthread.php?t=344682)
|