متنزلش السبت الجاى..
*******
السؤال:-
حتنزل السبت امام مجلس الوزراء ليه؟
مالهاش لازمه..
انت غاوى وجع قلب وبهدله فى الشمس
انت غاوى مصاريف وتعب
حتنزل ليه...انت فاكر ان حد حيعبرك
وكنتوا فين من 30 سنه متحركتوش ليه..اشمعنى والبلد حتغرق
ياااناس فوقوا البلد فى خطر بلاش تزودوها..ارحمونا وارحموا مصر
حتنزل ليه...
الاجابه:-
1-حنزل عشان بحب مصر عشان عارف ان البلد دى مش حيصلح حالها الا بالتعليم
نازل دلوقتى عشان كنت 30 سنه فى يأس من ان البلد دى ينصلح حالها
واول ما جت فرصه نزلت التحرير
وبعدها صبرت لحد ما فات 8 شهور ووجدت الوضع بيسوء
وزارة فاسده واموال تختفى وحزب وطنى بيتكون فى وزارة التربيه والتعليم
مش نازل عشان فلوس
نازل عشان كرامة...نازل عشان ابنائى واخواتى الطلبه
مستقبل مصر
مينفعش نقوم بثورة ونخرج الاجيال الجديده ضعيفه وضد الثورة
نازل عشان عايز مناهج افضل وعقول احسن
نازل عشان اشيل مئات الجنيهات اللى بيدفعها ولى الامر
نازل عشان اعلم طلابى معنى الكرامه
نازل عشان اطهر الفساد من اهم وزارة بمصر ..(وزارة انتاج القول والاجيال)
البلد بتغرق ...طيب نسيبها يغرقوها ولا نمد ايدينا
ومدينا ايدينا باللى نعرفه وهو مجالنا مجال التعليم
مدينا ايدينا بخطط للرقى بالتعليم ومقترحات لرفع مستوى المعلم ماديا ومهنيا بدون ان نكلف البلد شئ واكرر معنا خطط سهلة التنفيذ وبدون ان تكلف الدوله شئ
بس للاسف محدش عبرنا
كده نبقى خاينين ولا هم ...
2-نازل عشان اثبت للكل ان اللى اتفاوضوا مع الوزير من ورانا واتخذوا قرارات لا يمثلونا ولن ينفعوا الوزير بشئ ولن ينفعهم الوزير بشئ
3-نازل عشان الكل يعرف الاعيب الحكومة معنا فى الزياده لان الكل اعتقد ان خلاص المعلمين اخدوا حقهم فلو سكتنا سيصدق الراى العام هذا ويصدق كلام الوزير
4-نازل عشان اللى بيقول ان المعلمين انقسموا بأثبت لهم اننا متوحدون وان خالفنا جماعة منا فهم قله لا يتأثر صف المعلمين بهذا الانشقاق
5-نازل عشان لما ارجع البيت احس بالاحساس الممتع الذى احسه كل ما اشترك (الكرامة -رفع الرأس -الوقوف ضد الظلم ولو بكلمة-عزة النفس)
6- نازل عشان فى واحد اسمه الدكتور محمد زهران عاقبوه فى قبو لانه اضرب عن الطعام عشان المعلمين وغيره الكثير ...وعشان زميلى اللى اضرب بسكين ويرقد بالمستشفى والوزير معبروش حتى..وعشان ارد على سيد حجازى والمتلونين من امثاله بالاذاعة والتليفزيون والتى راها الوزير وسمع سب وشتايم عن من هو مسئول عنهم ولم يستنكر حتى ....
بل راح يزيدها هو ومساعديه....ويقلب اولياء الامور

عشان كل ما سبق انا نازل
وحتحمل البهدله والمصاريف والشمس
لانى راجل لا اقبل المساومه
واخيرا نازل عشان لا ينطبق على قول الشاعر هشام الجخ فى قصيدة جحا
(ولاننا كنا طوعا.......صرنا لهم خفا
جاءوا بموكبهم ........واشتغلت الزفه)
نازل عشان مكنش طوع لاحد ولا كداب زفه اهلل لاحد عشان مصلحتى
واترك الباقى ...اتخلى عنهم

انا نازل ..السبت 8/10 عند مجلس الوزراء....انت حتعمل ايه؟؟؟؟

مش هنزل ابدا

الله معنا
النصر للمعلمين
عاش المعلم المصرى
عاش نضال المعلمين

صمت القبور لا يدوم ، وغدا ستشرق شمس الكرامة


موعدنا غدا إن شاء الله


إن الْمُعَلِّمَ وَالطَّبِيبَ كِلَيـهُمَا ***لا يَنْصَحَانِ إذَا هُمَـا لَمْ يُكْـرَمَا
فَاصْبِرْ لِدَائِك إنْ أَهَنْت طَبِيبَهُ*** وَاصْبِرْ لِجَهْلِك إنْ جَفَوْت مُعَلِّمَا

صمت القبور لا يدوم ، وغدا ستشرق شمس الكرامة

إلى كل المثاليين اصحاب الشعارات البراقة اقسم بالله انكم لو قرأتم مقال السيد حجازى فى صحيفة الاخبار لن تنزلوا فقط بل ستقوموا بثورة ويكفى ان تعلموا ان عنوان المقال

" أيها المدرسون نحن نكرهكم وبشدة"

ثورة 25يناير موجة و عدت
شعارااااااااااااااااااااااااااااات
وبس

لكي الله يا مصر و الله مش عدت عارف أعمل أية ؟؟؟؟؟؟؟؟؟؟؟؟؟؟؟

2-نازل عشان اثبت للكل ان اللى اتفاوضوا مع الوزير من ورانا واتخذوا قرارات لا يمثلونا ولن ينفعوا الوزير بشئ ولن ينفعهم الوزير بشئ

جامدة قوى الله ينور هننزل عشان كرامة المعلم المصرى\

الله معنا ويوفقنا

المطالبة بإصلاح كل جوانب العملية التعليمية والمؤسسة التعليمية التى طالها الفساد كما طال غيرها من مؤسسات الدولة ، وإستكمالا للثورة
وقطار الثورة لن يوقفه أحد .

من حقنا ان نزيد مثل غيرنا الذين زادو بغير حق

جم بقا علي المعلم وقفلوا الباب

لا اسفين والله

العنوان سيئ جدا و مستفز كمان
بصراحة انا كنت داخل علشان ارد عليه
لكن بعد الذي قراته انشاء الله نتقابل هناك الصبح
و ربنا معانا

بصراحه ووضوح الوزيز ضحك على المعلمين
كان مفروض الحافز هذا العام للجميع مائه فى المائه كل عام يضاف اليه خمسه وعشرون فى المائه

شكراااااااااااا

شكرا مرة تانية

إن الْمُعَلِّمَ وَالطَّبِيبَ كِلَيـهُمَا ***لا يَنْصَحَانِ إذَا هُمَـا لَمْ يُكْـرَمَا
فَاصْبِرْ لِدَائِك إنْ أَهَنْت طَبِيبَهُ*** وَاصْبِرْ لِجَهْلِك إنْ جَفَوْت مُعَلِّمَا

طبعا كلنا مش نازلين قصدي كلنا طالعين الى العلا الى تحقيق مطالبنا المشروعة يوم السبت 8-10 امام مجلس الوزراء

يسقط الوزير

وكل وكلاء الوزارة


بالذات

محمود عميرة وكيل وزارة التربية والتعليم بالدقهلية ا

لكذاب المنافق

كمل حضرتك
نازلين نخرب البلد ونعطل مصالح الطلاب وندى فرصة لمدرسين الدروس الخصوصية للشغل ونغضب ربنا باننا مانشتغلش ونقبض اخر الشهر والله عمرى ما هنزل

..جزاك الله خيراً

نزلين علشان عرفنا حقنا وعرفنا ان صوتنا ممكن يتسمع احنا مش عايزين زيادة احنا عايزين نطهر الوزارة من الحرامية اللى مستولين على ميزانية التربية والتعليم وبعد كدا هيفيض فلوس من داخل ميزانية الوزارة عرفت احنا نازلين لية ايها الاخ العتيم

فى ناس هنا مضللة ومساطة لتهبيط همم المعلمين انتبهوا من فلول النظام البائد

الله المستعان

كفى مظاهرات البلد محتلجه جدا للاستقرار والا سنعلن افلاسنا صبرا قليلا والخير قادم تلقائيا لنا جميعا

وانا ايدى ف ايدك و نازل عشان اعرفهم ما يتفاوضوش باسمى بعد كده

هبوا إلى المجد والعلا يا معلمى مصر . .. وهبوا لكرامتكم وأخرجوا وزير السياسات من هذا المكان المحترم ... واتركوا فلول النظام لحقدهم على هذه الثورة العظيمة لأنهم لايكفيهم مافعلوه فى البلد

الله معاكم تشبسوا بحقكم ولا تفرطوا فيه

كمل حضرتك
نازلين نخرب البلد ونعطل مصالح الطلاب وندى فرصة لمدرسين الدروس الخصوصية للشغل ونغضب ربنا باننا مانشتغلش ونقبض اخر الشهر والله عمرى ما هنزل

هي الاخت محروقة ليه من مدرسي الدروس الخصوصية هو احنا بنشحت منكم !!!!!!!!
احنا بنشتغل وبناخد اجر واولياء الامور هما اللي بيتحايلوا علينا
ولا عشان انتِ مش عارفه تعطي درس
واخيرا والله العظيم بنشرح في الفصل احسن من الدرس والله على ما اقول شهيد ..............وربنا يهديكي