30 سنة كتير [الأرشيف] - بوابة الثانوية العامة المصرية

ماهر درويش

07-10-2011, 10:12 PM

30سنة يا ناس كتير

30سنة ياناس كتير يشيبوا الطفل الصغير
ويدفنوا أجيال بحالها ويعملوا المنافق وزير
30سنة يا ناس كتير
30 سنة عدوا علينا لا رحنا فيهم ولا حتى جينا
سواء رضينا أو أبينا من إمتى كان ليهم رأي الحمير
30 سنة يا ماس كتير
ا رحل يا ريس ارحل و سيبنا احنا خلاص زهقنا و تعبنا
خد ولادك وستك وامشي هنكسر وراك 100قلة وزير
30سنة يا ناس كتير
من يوم ما جيت ضيعت مالنا خلتنا نشحت علشان عيالنا
ذليت ابونا ووقفت حالنا بقى اغنى واحد فينا فقير
30سنة يا ناس كتير
الرحمة حلوة يا ناس سيبوني خلوني اقول و اطلع جنوني
هاتوا يهودي أو ماروني المهم انشوف تغيير
30 سنة يا ناس كتير
انت و عصابتك مصيتوا دمي قتلتوا ابويا وقتلتوا امي
وفوق الهم زودتوا همي وبقيت للذل والهم أسير
30سنة يا ناس كتير
سيادتك و ابنك على راسنا فوق في ايدي قيد ورقبتي طوق
كرهنا صورتك وبكل زوق بنقول فارقنا يا عم الكبير
30سنة يا ناس كتير
يوم ما تفارقنا ده يبقى عيد هنغني و نرقص ونفرح أكيد
وبلاش نشوفك ولو من بعيد ولا نسمع صوتك عبر الأثير
30سنة يا ناس كتير

18 / 1 / 2011
رمضان الوحيدي