فعلا خبر غريب جدا لما يوصل المنطقة فاكس بعمل حوافز 100% للاداريين والعمال الموجدين فى المعاهد يبقى خبر غريب يعنى كدا هيكون مرتبهم اعلى من المعلمين وعجبى على هذه البلد التى لهت الشعب عن المطلب الاساسى وهو العدالة الاجتماعية واعادة هيكلة الاجور من اول وجديد وتم اختزاله فى الحوافز مما اداى الى المظاهرات والاحتجاجات وبعدين يعيبوا على الشعب انتبهوا فهذه المعمعة مقصودة

ياررررررررررررررررب ولى من يعدل

ياررررررررررررررررب ولى من يعدل

اللهم ارزقنا و إياهم ، ايه المشكلة ؟ يارب احنا و هما ناخدوا 1000%
حب لاخيك كما تحب لنفسك
ربنا يكرمنا جميعا و يرزقنا الرزق الحلال و يبارك لنا فيه حتى وان كان قليل

خلاااااااااااااااااااااااااااص
الواحد مش مركز

ربنا يرزقهم واحنا معاهم لكن العدل اساس الملك يعنى فى ظل منح حاوفز 25% للمعلمين وكبار المعلمين الادارى والعامل 100%

الموازين مقلوبة والحكومة دى مش نافعة

المدرسين القدامى عندنا لما سمعوا ان المعلم المساعد هياخد 125% وهما 50% بيقولوا ايه الظلم ده انهم لم يراعوا اقدميتنا طيب ياجماعة ما انتم خدتم 150% قبل كده وكان المتعاقدين بيقولوا ربنا يسهللكم ولا هى الكحكة فى ايد المتعاقد عجبة

نفسى اعرف اية سبب التعقيد من الادارى الاتعلم ان الادارى هه اللى بيجر ى ورا المستحقات المالية علشان انتى تصرفها وانك انت بتدى دروس وهو قاعد فى العمل من الساعة 8الى الساعة 2 ولا يعنى الادارى بياحد الف جنية هو اقل فئة فى المجتمع

اللهم ارزقنا واياهم

حلوه دي الكعكه في ايد المتعاقد عجبه هههههههههههههههه

الاخ على حرام عليك كل اللى يكلم يقول دروس ربنا ياخد الدروس واللى بيدوا دروس قرفتونا الادارى لايفقه شىء فى عمله الا القليل المدرس هواللى قايم بكل حاجة فى مكانه من جمع مصاريف الى النظافة الى اعداد لجان الامتحانات الى الطابور الى الاشراف اليومى الى مشاكل كل يوم مع الطلبة قوللى بتعملوا ايه

أذا أردت السبب فتش عن صاحب المصلحة
هذه القرارات الهدف منها احداث حالة من الفوضى والهيجان ، فمن يتربعون على مركز القرار الآن هم أنفسهم رجال مبارك ، ومن مصلحتهم جدا ألا تقوم الدولة على قدمين ، لذا يصدرون القرارت المتناقضة ليحدث النفور والتصادم والاضرابات ، والتوقف عن العمل ، لأنهم لن يعودوا لمجدهم السابق إلا في هذه الأجواء الفوضوية التي يصنعونها ، فهذا مخطط ولابد.

ثانياً: بالنسبة للكتبة والعمال فمن حقهم أن يعيشوا وتكفل لهم الدولة ما يسد حاجتهم ، لكن هناك أوليات ، وهناك مستويات ، فالتربوي الذي يبني جيلا ، لابد من تأمينه ماديا ومعنويا ، ليرعى هذا الجيل وليزرع هذه المعاني في نفوس من يربيهم ، ولأن مهنته تتطلب قدرا كبيرا من الثبات النفسي والدعم المعنوي والصحي ، وكذلك فلا يعقل أن خريج الجامعة الذي كل وتعب وضيّع سنوات عمره ، ومن يحصل على دراسات عليا ، يتساوى مع من حصل على ثانوية تجارية أو صناعية ، ولا أقلل من شأن الناس ، ولكن هذه سنن الله في الكون أنه أن جعلهم درجات وجعل بعضنا فوق بعض .

فليس الأمر كما ينظر بعض الأخوة

الاخ الفاضل الاستاذ نديم اسجل اعجابى بحضرتك

وفعلا هل يعقل ان يتساوى الطبيب مع الممرضه؟ او فنى الاشعه او المعمل؟

اما موضوع العمل للادارى من 8 الى 2 فهذا كذب محض والله الادارى بكثيره ساعهاو ساعه ونصف ومش كل يوم بييجى المعهد
والله عندنا الادارى فى معهدنا لسه ما سلم كتب للطلبه لان البيه بييجى يوم وعشره لاء عنده ارز منشره وقاعد جنبه------
واخر بييجى يوم ما بيقبضنا وفقط وبيسيب الفلوس مع العامل للى حظه وحش ومش اتقابل معاه
واخر ماسك الاجازت بييجى لما يكون واحد عاوز اجازه او بتروح له البيت ومشى حالك
واخر ماسك شئون الطلاب وعامل عليهم ضرايب ملف ب 40 جنيه و تاخد شهاده الثانويه ب 30 مع ان رسومها 12 جنيه
واخر ماسك الماليات ودا بييجى يوم واحد فقط فى الشهر دا ان جاء اصلا عشان هو خطاط ومش فاضى بييجى يعمل الاستماره بتاع القبض وبيبعتها مع اى مدرس رايح المنطقه وساعات العامل يروح يوديها

منطقه المنصوره
وبلاش فضايح

كل ما نستطيع قوله الحمد لله على كل حال وهذه ارزاقنا اللتى قدرها الله لنا وربنا يعافينا من الامراض اللتى لاطاقة لنا بها

اتق الله ايها المدرس وحرام عليكم ان خبر كاذب مثل الذى ذكرته وهاتك ياشتيمه ايه رايك اننا قرفنا ونتمنى نتركها لكم

ياجماعة بلاش كدة اصلا كل هيكل الاجور غلط حتى لما جم يزودو الناس هببوها اكتر من الاخر عايزين خبير اجور على درجة عالية يصلح كل وزارات الدولة دون استثناء فين الشباب اللى واخد الدكتوراة فى المالية والاجور يعينوهم لاعداد هيكل كامل وبلاش العجن اللى احنا فية ولايستثنو البترول ولاالضرايب ولا يقرفو فى الناس انا حاسة انهم بيعملو كدة عشان نضرب فى بعض زى مانتم بتعملو كدة وربنا يصلح حال بلدنا يارب امين