موضوع للنقاش : مرحلة التعليم الأساسي (الابتدائى) [الأرشيف]

مشاهدة النسخة كاملة : موضوع للنقاش : مرحلة التعليم الأساسي (الابتدائى)

أخصائى مكتبات

08-10-2011, 07:08 PM

لوجين20

08-10-2011, 07:48 PM

ملحوظة : عاوز مشاركة فعالة يا جماعة ....
هو انا خفت من التهديد عشان كده هاشارك :p
شوف يا احمد
بيقولو فى الابتدائى طالما انت مؤهل عالى يبقى تقدر تدرس اى مادة
وكفاية انك اكاديمى يا احمد
بس مش من حقك تدرس مادة زى الدراسات
ممكن تدي دين او تدي حصص عربى او حساب للصفوف الاولى
ليا عودة :)

أخصائى مكتبات

08-10-2011, 11:39 PM

هو انا خفت من التهديد عشان كده هاشارك :p
شوف يا احمد
بيقولو فى الابتدائى طالما انت مؤهل عالى يبقى تقدر تدرس اى مادة
وكفاية انك اكاديمى يا احمد
بس مش من حقك تدرس مادة زى الدراسات
ممكن تدي دين او تدي حصص عربى او حساب للصفوف الاولى
ليا عودة :)

قاعدة مهببة والله يا لوجين بتاعة طالما أنى مؤهل عالى يبقى أدرس أى مادة دى..
والمصيبة أنى اكاديمي..

منورة يا لوجين ومرحب بيكى فى أى وقت..

aleman

11-10-2011, 11:23 AM

السلام عليكم ورحمة الله وبركاته..

ازيكم جميعا ؟؟ عاملين ايه؟؟

واحشينى جميعااااااااااااا والله ..

راجع لكم بموضوع مهم جدااااااا..

وهو مشكلة تتعلق بالمرحلة الابتدائية..

أو بالمعنى الأصح : ضياع التخصصات بالمرحلة الابتدائية..

لأن أما اشتغلت فى المرحلة الابتدائية لقيت أى حد ممكن يدرس أى مادة أقرب مثال العبد لله..

ليسانس آداب علم نفس ومعايا جدول حصص سنة 4 مادتى : تربية اسلامية - دراسات اجتماعية..

شايفين الجمال ؟!!!!!

أنا من وجهة نظري أن من أهم أسباب تدهور التعليم الأساسي فى بلدنا هي مشكلة : فوضى التخصصات دى ..

بمعنى أن أى مدرس يعطى أى مادة كده بالبركة ودى مشكلة كبيرة..

وتيجى تسأل المدير يقول لك أعمل ايه معنديش مدرسين..

أرجو من كل زميل وزميلة يدخل للموضوع ويقول لنا من وجهة نظره كده :

أسباب تدهور التعليم الأساسي فى جمهورية مصر العربية ؟؟؟؟

ملحوظة : عاوز مشاركة فعالة يا جماعة ....

موضوع مهم بجد
انا من رأيى ان اسباب تدهور التعليم الاساسى فى جمهورية مصر العربية المدرس قبل ما يبقى مدرس؟!!
بمعنى
اتخرجت الان من سنة رابعة كلية تربية او اداب
الوزارة اما طلبت عقود لتشتغل كانت عاملة تخصصات محددة رياضيات عربى علوم دراسات ...ألخ
اللى بيحصل ان عشان مثلا تخصصى مش موجود او مطلوب الان من جانب الوزارة فالمعلم (قبل مايبقى معلم )بيقدم ورقه فى اى تخصص مع كثرة التقديمات للالتحاق بأى تخصص المهم يلحق اى تعاقد مع الوزارة
وفعلا ناس كثيرة جالها تعليم ابتدائى مش تخصصها وهلى تربية عام بس هى قدمت فيه ساعتها
الان بقى بعد التعيين ناس كثيرة تشتكى من التخصصات
مع ان العيب فينا من الاول

واذكر مثال:
انا وصديقة لى متخرجين دفعة واحدة 2005
انا تقدير جيد وهى تقدير جيد جدا مع مرتبة الشرف
قدمنا للوزارة بالاسكندرية بوكالة الوزارة وبالادارات المختلفة
انا صممت انى مقدمش غير مدرس رياضيات ابتدائى(تخصصى)
هى كانت من ذوات افكار ان الواحد يلحق اى حاجة وخلاص قدمت معلم فصل ورياضيات وحاجات تانية كثيرة بكذا ادارة
احنا الاثنين تم التعاقد معنا فى نفس الوقت بنفس الادارة
انا معلم رياضيات (تخصص)
وهى معلم فصل
ولما سألت عن السبب قيل لها المطلوب الان فيه عجز معلم فصل ولقيناكى مقدمة ورقك هنا
طبعا عملت العقد
شاء ربنا اننا نشتغل فى مدرسة واحدة انا معلمة تخصص رياضيات تخصصى لرابعة وخامسة وسادسة وهى معلمة فصل لاولى وثانية وثالثة
لحد العام قبل الماضى زهقت وسافرت الكويت ربنا كرمها هناك بس عقدها طبعا اتفسخ هنا بالحكومة المصرية

وانا والحمد لله مشيت مع الاجراءات المتبعة من امتحان كادر ونجاح فيه وتعيين الان والحمد لله على تخصصى

طبعا انا لا اعيب فى معلمى الفصل
بس فعلا هم مؤهلين افضل من اى حد تانى تخصص مادة للتعامل مع الاطفال فى ال3سنوات الاولى من مرحلة التعليم الابتدائى
والله ولا اى دورات تغنى عن التعليم الاكاديمى المتخصص للفئة دى
زى مابردوا ولا اى دورات تخلى مدرس تخصص عربى مثلا يدرس مادة رياضيات او علوم مثلا
والعكس
(بعيدا عن الدروس الخصوصية الكولكش طبعا واعتذر للتعبير بس ده اللى بيحصل من بعض المدرسين
تلاقى المدرس بيدى بالدرس عربى ورياضيات وعلوم ودراسات ولو طال يدى انجليزى بيدى )

وطبعا انا كلامى هنا عالعام لا اخص به شخص معين

مشكور اخى الفاضل لطرح الموضوع الهادف هذا

أخصائى مكتبات

11-10-2011, 10:29 PM

الايمان..
أشكرك جدا على كلامك المفيد ده..
ومرورك الرائع..
وربنا يرحمنا من فوضى التخصصات..