ممكن نتكلم شوية بهدوء؟.....صلوا ع النبي
الاخوة - الأعزاء - اللي بيدعوا لمظاهرات اسقاط الوزير ممكن لو سمحتم تسمعوا رأيي و تردوا عليا لأني لو اقتنعت بردودكم هنزل معاكم لاسقاط الوزير
اولا انتم وصفتم الوزير ده بأقبح الصفات وشتمتوه بألفاظ مش من الادب اني اعيدها تاني...طيب انا شخصيا شايف في الوزير ده مميزات مش موجودة في غيره ممن تولوا الوزارة وحتى مش موجودة في كل اللي بيشتموه
أولا هو احد المقاتلين في حرب اكتوبر...يمكن دي تقولوا عليها متخصناش....بس اللي اعرفه انه في يوم من الايام راح عشان يموت من اجل بلاده مش طلع يهتف في وقت الهتاف اصبح ببلاش
ثانيا : لما نقارن الوزير ده باللي قبله تفتكروا مين يكسب المقارنة؟هذا الوزير لم يأخذ معلما بالشبهة...لم ينقل مدرسا او يجازيه دون تحقيق...فماذا فعل من سبقه؟احمد زكي بدر عمل فيها المفتش كولمبو ونزل زيارات اعلامية كل هدفها اهانة المعلمين(ع فكرة : محدش من اخواننا اياهم طلع مظاهرة ايامها لاسترداد كرامة المعلم)...يسري الجمل اشترك في خطة خداع لتشويه قانون الكادر...حسين كامل بهاء الدين عمل مرة مسابقة للطلبة بجايزة 10 جنيه فورية لمن يبلغ عن معلم مدخن( حبذا لو قفشه من قفاه وسلمه للقسم )
ثالثا هذا الوزير هو اول من يعترف بان المعلم لا يحصل على ما يستحق حتى بوجود الكادر(ع فكرة هو اول من دعا لقانون الكادر لكن القانون اتعمل بعد اقالته)
رابعا: هذا الوزير هو اول من اقترح تدبير الاموال اللازمة للحد الادنى للمعلم من خلال رفع الدعم عن الوقود للمشروعات الاستثمارية وتحويل الفروق لاجور المعلمين
خامسا : بالله عليكم هل يملك الوزير صلاحيات رفع او خفض الاجور ؟...الموازنة لها محددات وهو لا يملك الا العرض الامين في ضوء الموارد وعجز الموازنة ومعدل التضخم
سادسا : هذا الوزير اول من تحدث عن حق المعلم في عدم القيام باعمال غير التدريس زي الامن او الوظائف الادارية مثلا(اعرف ان البعض لازال يقوم بهذه الاعمال لكن من حقه يعترض ومحدش يقدر يجازيه)
سابعا: المطالبات باقالة الوزير معرفش ممكن تعود علينا كمعلمين بايه بالظبط ؟ (قوليلي لو سمحتم)
ثامنا : لو وضعنا المطالبات دي زائد النزعة الثورة(المتتطرفة قوي والمضحكة قوي للبعض) زائد الهجوم الشديد على الاخوان(الناجحين في النقابة) تجد ان المسألة كدة رايحة في سكة المصالح(يعني المسألة ان المستقلة بتعرف تزعّق فتبقى اجدع من الاخوان)
اخيرا : تفتكروا عشان احصل على اعجابكم وردودكم اللذيذة كنت ممكن اكتب موضوع زي ده؟
طبعا انا منتظر منكم الويل والثبور وعظائم الامور لكن اهي كلمة حق واجري على الله
وسلامو عليكم

فتح الله عليك أخي الحبيب وجزاك الله خيرا .
فعلا هناك من يقيس القدرة على العطاء بعلو الصوت وياحبذا لو كان بالسب والإهانة لرموز كانوا يوما ما يقدمون النفس فداء لنا ولوطننا .
هذا الوزير المفروض يمشي ويسيب الوزارة دي ( مش عشان وحش ) لكن علشان إحنا مينفعش معانا الا اللي يسب ويشوط بالشلوت وينقل ويرفد و يتجسس علينا .
ربنا يولي من يصلح ويحفظ بلادنا الغالية من غير الفاهمين ومكر الماكرين .

انتوا بتغنوا وتردوا على بعض
اشمعنا ما قولتوش الكلام دة على اى وزارة تانية من اللى عملوا مظاهرات
ولا احنا الحيطة المايلة
الواحد زهق من البلد الظالمة دى واللة ان عمر مصر دى اتقدمت طول ما الظلم فيها
هوما حدش شايف الا المعلمين قدامة كل واحد يلطش فيهم شوية اية مالكوا يا بشر
اتقوا اللة

ولاواحد من مرشحى الرياسه تكلم عن مشاكل المعلم ياترى فيهم حد يستاهل اى صوت من المعلمين وعددها 1500000 صوت فلنرشح احدهم ليحقق مطالبنا اوننشء حزب يحقق العاله فعلا مش جزب البطيخ والعداله

اسمع بقى
*وزيرك كذاب ليه
1- قال بالحرف ان معلمى مصر فى طليعة موظفى الدولة .........وهذا مخالف للواقع
2-قال ليس من الوطنية الاضراب عن العمل ........مع العلم ان الاضراب حق قانونى وكل من اضرب لايقل وطنية عن الوطنيين الاحرار
3- قلٌب الرأى العام والاعلام على المعلمين.
4- كان الامر الطبيعى لمعالى الوزير الكذاب ان يرد على المنافقين أمثال ( سيد حجازى فى مقالته القذرة الرخيصة ) والتى اخطأ فيها خطأ جسيماًعندما اهان المعلمين الاحرار

ايه رايك .................

كلام منصف هو فعلا افضل من سابقيه

اسمع بقى
*وزيرك كذاب ليه
1- قال بالحرف ان معلمى مصر فى طليعة موظفى الدولة .........وهذا مخالف للواقع
2-قال ليس من الوطنية الاضراب عن العمل ........مع العلم ان الاضراب حق قانونى وكل من اضرب لايقل وطنية عن الوطنيين الاحرار
3- قلٌب الرأى العام والاعلام على المعلمين.
4- كان الامر الطبيعى لمعالى الوزير الكذاب ان يرد على المنافقين أمثال ( سيد حجازى فى مقالته القذرة الرخيصة ) والتى اخطأ فيها خطأ جسيماًعندما اهان المعلمين الاحرار

ايه رايك .................
شوف انا هاجاوبك بلسان الوزير وبعدين اقوللك رأيي
المعلم في طليعة موظفي الدولة ده صحيح بحساب النسبة الصماء للاجر المتغير يعني كادر ومكافأة وخلافه
ليس من الوطنية الاضراب اذا كان الاضراب بالصورة اللي حصلت لأن المتضرر الاساسي لأن المتضرر الاساسي كان الغلابة فقط اما الاغنياء مش فارقة معاهم( احنا والغلابة في مركب واحدة...صح؟)
أما الرأي العام فكان منقلب على المعلمين من قبل الوزير ما يتكلم واحنا السبب لأننا معملناش اجراءات تجذب الرأي العام في صفنا.....كنا اضربنا عن الدروس كمان ...الناس كانت تحترمنا
اما سيد حجازي فالوزير ماردش عليه لأنه بصراحة الراجل قال اللي كل الناس حاسة بيه ناحية المدرسين...ولا انت مبتسمعش الناس في كل مكان بتقول علينا ايه؟
ثم ان الوزير مابيردش على اللي بيشتموه هو شخصيا(شوف الدرر في منتدان ده)
ثم بالله عليك انا شايف ان اي معلم حر النهاردة يجب ان يلتف حول نقابته المنتخبة انتخابا حرا اما لو كل واحد اشتغل بدماغه فيبقى ده خروج على رأي الجماعة
نفسي نعمل حاجة تنفي عننا تهمة الجشع والانتهازية اللي ترسخت عند الناس واللي محتاجة اجيال عشان تصلحها وده كله بسبب الهواة والمغرضين والسفهاء اللي تولوا قضيتنا بلا استئذان فأساءوا لها
المعلم له حقوق ... مادية واجتماعية...وانا واثق انه من غير اضرابات تاني انها هتحقق لأن مصر الثورة بتعيد ترتيب اوضاعها وقادرة تشوف ان الحصان لازم يكون قدام العربية ...امنحوها وقتها ...وفروا لها مخاضا آمنا بدل ما تفطس في ايدينا ولا نطول بلح الشام ولا عنب اليمن

انتوا بتغنوا وتردوا على بعض
اشمعنا ما قولتوش الكلام دة على اى وزارة تانية من اللى عملوا مظاهرات
ولا احنا الحيطة المايلة
الواحد زهق من البلد الظالمة دى واللة ان عمر مصر دى اتقدمت طول ما الظلم فيها
هوما حدش شايف الا المعلمين قدامة كل واحد يلطش فيهم شوية اية مالكوا يا بشر
اتقوا اللة
ياسيدي انا معلم اتكلم عن مهنتي وعن نفسي
طيب هقولك: ايه رأيك ان عمال الري مثلا قالوا عاوزين ال 200% كاملة والا يقطعوا المياه عن المحافظات؟
الدكاترة قالوا زودونا والا مش شغالين وبعدين رفعوا الفزيتة بتاعة العيادات
دول و دول خونة لوطنهم وشعبهم لأنهم بيمسكوا الشعب مش الحكومة من ايديهم اللي بتوجعهم...لأ ...اللي بتموتهم
ومتقوليش في امريكا واوروبا بيحصل زي عندنا ...برضه يبقوا خونة
طيب ازاي نعمل اضراب ونعبر عن مطالبنا؟
لازم اضرابات المصالح الخدمية(تعليم و صحة و ري) تكون لها لجنة تنسيقية عليا مكونة من المتضررين(المعلمين مثلا)ومعاهم المستفيدين (أولياء الامور)ويتفقوا على موعد بداية ونهاية الاضراب
تخيل لو عملنا كده ولم يرسل الناس اولادهم للمدرسة لمدة اسبوع واتفقنا ان المدارس تفتح ساعتين بس بالليل خلال الاضراب لتعويض الطلبة...والله كنا حققنا مطالبنا و زاد احترام الناس لينا
افتكروا كلامي...فيه ناس تتاجر بمطالبنا عشان مصالحهم...واحنا والغلابة مجرد وقود لطهي غنيمتهم...اللي لسة مش شايف ياريته يراجع مشاركات ثوار المنتدى...

كلمات للشاعر حافظ ابراهيم قال يوماً ما يصف مكانة المعلم و العلم فى عصره

قف للمعلم وفه التبجيلا .. كاد المعلم أن يكون رسولا

و يا ليته ما قالها فالآن كرامة مهدرة فياليته قد قال قف للقاضى أو قف للضابط أو قف للمهندس أو قف للطبيب فلو قالها والله ما حزنا لكنه قال ذلك لأن العلماء ورثة الانبياء فنحن المعلمين ورئة العلم نحن العلماء

فيا ترى هذه الكلمات تنطبق على حال المجتمع الآن كما قالها الشاعر واصفاً عصره

واكرر بيت الشعر مرة اخرى لعلنا ننعى مصرنا به وليس المعلمون فقط

قف للمعلم وفه التبجيلا .. كاد المعلم أن يكون رسولا

لكل مسئول رفيع .... فى أى موقع وفى أى مكان على وجه الأرض

هل هذا الكلام صحيح ؟

هل بأمكانك أن تقف لمعلمك ؟

هل بأمكانك أن تنحنى له أحتراماً وتقديراً ؟

أنت أيها الشرطى أنت أيها الطبيب أنت أيها الصانع البسيط أنت أيها القاضى أنت أيها المهندس أنت أيها الوزير أنت أيها القاضى أنت أيها....

قلها بصراحة ....

من الذى علمك مسك القلم ؟؟؟ من الذى وجهك طريق الصواب ؟؟؟؟؟ بل من الذى رباك عندما كنت صغيراً ؟؟؟؟؟؟؟؟

أذا كان معلمك اماذا اذاً تكره بقصد أو بدون قصد ؟ لماذا تسيء اليه ؟؟؟ هل لا تحب لأولادك ان يكونوا مثلك ؟؟؟؟

اذا كنت تربيت فهو من رباك وعلمك وهيئك للمكان الذى تعمل به سواءً كنت رئيساً أو وزيراً أو قاضياً أو طبيباً أو مهندساً ؟ لماذا إذن تكرهه ؟؟؟

وتقول عنه انه لا يستحق , وإنه جشع , وإنه , و إنه

أم هذه فلسفة الجدال وعدم قول الصدق رباها ونماها النظام السابق وما زلنا نتجرعها حتى الآن .

اذا اردت لأبنك أن يكون طبيباً او مهندساً أو ... عليك فى البداية الاهتمام بمعلمه الذى سيعلمه كما علمك

بل وتطالب انت لا المعلمين برفع مكانة وقيمة التعليم وجعله أولوية على أى شيء حتى صحتك أنت وتبذل لأجل تربية وتعليم أولادك الغالى والنفيس وتطالب بجعله مسئلة حياة أو موت

الامضاء / محمد حسين الشربينى – معلم مصرى



&&&&&&&&&&&&&&&&&&&&&&&&&

الانجليزية English

Words of the poet Hafez Ibrahim said one day the teacher, and describes the status of science in his time
Stand for the teacher Loew Altbjeela .. CAD teacher to be a messenger
Les and I uttered what dignity So now wasted Faalith Stand said to the judge or the officer or Stand Stand Stand for the engineer or a doctor if God said it, what grief, but scientists said that because we are the heirs of the prophets and teachers of science we are scientists lung
So the question is these words apply to the community now as if uttered by the poet, describing his time
House of Poetry, and I repeat again to publicly mourn him and repeated his teachers not only
Stand for the teacher Loew Altbjeela .. CAD teacher to be a messenger
A senior official of each .... At any site, anywhere on earth
Is this true?
Can you stand to your teacher?
Can you bend him respect and recognition?
You are you, O ye policeman doctor you are You, O ye simple manufacturer judge you, O you, O Minister Engineer you judge you, O ye ....
Say frankly ....
Keeping your knowledge of the pen??? Who is right by your face ????? But from the heights when I was young ????????
If your teacher if you hate Amama intentionally or unintentionally? Why offend him??? Do not you love for your children to be like you????
If you grew up is one of the heights and Haik and your knowledge of the place in which they operate, whether you're a president or a minister or a judge or a doctor or an engineer? So why do you hate???
According to him he does not deserve, and that greed, and that, and it is
Or the philosophy of this debate and not to tell the truth and reared, cultivated by the former regime continue to Ntgraha so far.
If you want your child to be a doctor or engineer or ... You at first parameter of interest, which also Saalmh your knowledge
But you are not calling for teachers to raise the status and value of education and make it a priority to anything until you and your health are being made for the upbringing and education of your children dearly and calls Msilh making it life or death
Signature / Mohamed Hussein El-Sherbini - Egyptian teacher



&&&&&&&&&&&&&&&&&&&&

الفرنسية france

Paroles du poète Hafez Ibrahim a dit un jour le maître, et décrit l'état de la science dans son temps
Support pour l'enseignant Loew Altbjeela .. Professeur de CAO d'être un messager
Les et je poussai quelle dignité Alors maintenant gaspillées stand Faalith dit le juge ou l'officier ou le Stand Stand Stand pour l'ingénieur ou un médecin si Dieu l'a dit, quelle douleur, mais des scientifiques ont déclaré que, parce que nous sommes les héritiers des prophètes et des enseignants de la science nous poumons scientifiques
Donc la question est de ces mots s'appliquent à la communauté, comme si désormais prononcés par le poète, en décrivant son temps
Maison de la Poésie, et je le répète publiquement le deuil et répété ses professeurs, non seulement
Support pour l'enseignant Loew Altbjeela .. Professeur de CAO d'être un messager
Un haut responsable de chaque .... À n'importe quel site, n'importe où sur terre
Est-ce vrai?
Pouvez-vous vous tenez à votre professeur?
Pouvez-vous vous pliez le respecter et de reconnaissance?
Vous êtes vous, docteur O ye policier tu es Tu, ô juge simple fabricant toi, ô toi, ô ministre Ingénieur, vous vous juger, ô ....
Dites franchement ....
Garder votre connaissance de la plume?? Qui a raison par votre visage ????? Mais depuis les hauteurs, quand j'étais jeune ????????
Si votre enseignant si vous détestez Amama, intentionnellement ou non? Pourquoi l'offenser?? N'aimez-vous pas à vos enfants d'être comme vous????
Si vous avez grandi est jusqu'à l'une des hauteurs et Haik et votre connaissance de l'endroit dans lequel ils opèrent, si vous êtes un président ou un ministre ou d'un juge ou d'un médecin ou un ingénieur? Alors pourquoi ne vous détestez???
Selon lui, il ne mérite pas, et que la cupidité, et que, et il est
Ou la philosophie de ce débat et de ne pas dire la vérité et élevés, cultivés par l'ancien régime continuent à Ntgraha jusqu'ici.
Si vous voulez que votre enfant soit un médecin ou un ingénieur ou un ... Vous au premier paramètre d'intérêt, qui a également Saalmh vos connaissances
Mais vous n'êtes pas appeler les enseignants à relever le statut et la valeur de l'éducation et en faire une priorité à rien jusqu'à ce que vous et votre santé sont en cours pour la formation et l'éducation de vos enfants et appelle tendrement Msilh rendant la vie ou la mort
Signature / Mohamed Hussein El-Sherbini - enseignante égyptienne


شكراً

&&&&&&&&&&&&&&&

بالفعل الوزير محترم ومن أفضل وزراء التربية والتعليم لكن للأسف أن سقف المطالب لكل الفئات ارتفع لزيادة الأجور وبالفعل حدث زيادة مرضية للمعلم فى ظل الظروف الصعبة الراهنة وتم تعيين آلاف المعلمين بعد الثورة ولكن يجب أن نصبر بعد استقرار الأوضاع ثم نطالب بالزيادة مرة أخرى

يعنى الوزير عندما قال اننا نحصل على حوافز قيمها 325%هل هذا الكلام صحيح وباقى الوزارات كلها اخذوا ال200%كاملةوماحدش يقول اننا وزارة خدمات او البلد مافيهاش فلوس لان لو الكلام ده على الكل كان ماشى لكن فيه فرق فى المعامله بين المعلم واقل عامل فى الدولةحد سمع عن اختراع تكملة الحافز ده الا وزارة التربيه والتعليم انا نفسى اعرف من هو العبقرى الفذ صاحب هذا الاختراع وبعدين فيه ناس تانية بتاخد كادر وكادر بصحيح ولم يخصم منهم شىءالى جانب ان المعلمين اعترضواوهددوا بالاضراب قبل بداية العام الدراسى وكان فيه فرصة للتفاهم وسماع وجهة نظرهم قبل الدراسة والاضراب الذى تسبب فى غضب اولياءالامور بعد نقل الصورة الخاطئة للجميع بالتعاون مع بعض الذين يقال عليهم اعلاميين وهم ليس لهم اى علاقة بالاعلام لانهم اصحاب مصالح لكن لاحياةلمن تنادى حتى الان الفئة الوحيدة التى لم تلاقى اهتمام من اى حد هم المعلمين حتى اصبح المعلمين بلطجية وطماعين واصبحوا ملطشة للجميع وحتى الان لم يجدوا من يرد لهم ماء وجههم وكرامتهم التى اهينت وحتىالزيادات التى اقروها ملاليم لا تسمن ولاتشفى من جوع حسبى الله ونعم والوكيل فى الظلم والظلمةاللهم انصر عبادك المظلومين فنحن الفئة الوحيدة الذين جاروا عليهم ولن اقول لم يستجيبوا لمطالبهم بل حرموا من الحق الذىةمنح لكافة فئات العاملين بالدولة الاالمعلمين وعلى راى المثل الذى يقول اللى يقول لمراته ياعورة الناس تلعب بيها الكورة هذا المثل ينطبق علينا مع فرق صلتنا بالوزير

فتح الله عليك أخي الحبيب وجزاك الله خيرا .

يعنى الوزير عندما قال اننا نحصل على حوافز قيمها 325%هل هذا الكلام صحيح وباقى الوزارات كلها اخذوا ال200%كاملةوماحدش يقول اننا وزارة خدمات او البلد مافيهاش فلوس لان لو الكلام ده على الكل كان ماشى لكن فيه فرق فى المعامله بين المعلم واقل عامل فى الدولةحد سمع عن اختراع تكملة الحافز ده الا وزارة التربيه والتعليم انا نفسى اعرف من هو العبقرى الفذ صاحب هذا الاختراع وبعدين فيه ناس تانية بتاخد كادر وكادر بصحيح ولم يخصم منهم شىءالى جانب ان المعلمين اعترضواوهددوا بالاضراب قبل بداية العام الدراسى وكان فيه فرصة للتفاهم وسماع وجهة نظرهم قبل الدراسة والاضراب الذى تسبب فى غضب اولياءالامور بعد نقل الصورة الخاطئة للجميع بالتعاون مع بعض الذين يقال عليهم اعلاميين وهم ليس لهم اى علاقة بالاعلام لانهم اصحاب مصالح لكن لاحياةلمن تنادى حتى الان الفئة الوحيدة التى لم تلاقى اهتمام من اى حد هم المعلمين حتى اصبح المعلمين بلطجية وطماعين واصبحوا ملطشة للجميع وحتى الان لم يجدوا من يرد لهم ماء وجههم وكرامتهم التى اهينت وحتىالزيادات التى اقروها ملاليم لا تسمن ولاتشفى من جوع حسبى الله ونعم والوكيل فى الظلم والظلمةاللهم انصر عبادك المظلومين فنحن الفئة الوحيدة الذين جاروا عليهم ولن اقول لم يستجيبوا لمطالبهم بل حرموا من الحق الذىةمنح لكافة فئات العاملين بالدولة الاالمعلمين وعلى راى المثل الذى يقول اللى يقول لمراته ياعورة الناس تلعب بيها الكورة هذا المثل ينطبق علينا مع فرق صلتنا بالوزير
مين قال ان المعلمين بس اللي دخلت مكافأتهم في ال 200% ؟ النقل العام عملوا اضراب لنفس السبب...وعمال الري كذلك..وبتوع المالية...وغيرهم وغيرهم
الكل حاسس انه مظلوم...فعلا كلنا مظاليم ومن سنين طويلة...بس لو الكل حصل على كل مطالبه حالا الاسعر هترتفع بجنون...دي ارتفعت فعلا....ومش هنحس بأي زيادة
المفروض الحكومة تقدم جدول اجور بحد ادنى واعلى لمدة خمس سنين واخنا كمان لازم نصبر شوية لأننا فعلا في فترة متقلش عن فترات الحرب

فعلا الوزير راجل محترم وده كان سبب فى خروجه من الوزارة فى عهد مبارك

اخي الكريم انا اسف كل كلامك مش مظبوط
وبعدين الواضح لي من كلامك انك تنتمي لجماعة الأخوان المسلمين ( التفوا حول النقابة المنتخبة ) علشان نسلمها مفتاح النقابة
انا اسف هنبقي سمنا القط مفتاح الكرار ( اخي انا اسف بدا ما نتلف مع اخوانا المنتخبين ) المفروض عليهم بعد انتخابهم يتكلموا باسمنا يدافعوا عن حقوقنا المهضومة ( والحقوق التي اقصدها ليست مادية فقط بل معنوية واجتماعية _ يا اخي احنا بقنا ملطشة للجميع ـ احنا دائما اخر الصف وبعدين يا اخي بلاش والنبي نغمة وزارة خدمية ـ احنا مش هنقارن بعضنا بواحد شغال في مصنع بطاطا
يا اخي انتي معلم وظيفة اعداد وتعليم كوادر هذة الامة : انتي تربي وتذي عقولهم
وبعدين هو فية استثمار افضل من العقول البشرية
اتقي الله فينا
فاض الكيل وطفح : انما الامم الاخلاق فأن هم ذهبت اخلاقهم ذاهبوا
يا اخي من كثرة اليود علي المعلم ( مثل ممنوع العقاب ) واناضد العنف مع التلاميذ ( بس بالله عليك لو ابنك غلط ) هتسيبة علشان ممونوع العقاب ( لية هو انا هومت ابني)
عايزن ترجع الينا هيبة ووقار المعلم ( ولا 2000% ) هترجع ليك كرامتك لو ولي امر مش يستاهل اهانك في مدرستك
وقول علي الدنيا السلام
ارجوا الرد

كل من قام بالاضراب تمت الاستجابة لمطلبهم هذا الى جانب انهم لم يهانوا اويتم السخرية منهم ولم يصبحوا حديث الساعة فى اغلب الفضائيات الى جانب ان ضاراب المعلمي لم يتسبب فى خسارة الملايينمن الجنيهات وتعطيل مصالح الناس مثل اضراب النقل العام اوتسببوا فى خسائر بشرية مثل اضراب الاطباء هل سمعتم عن توائم كفر الزيات الذين ولدواناقصى نموورفضت اغلب المستشفيات استقبالهم بسبب اضراب الاطباء مما تسبب فى وفاة اثنين منهم ولم اتابع ماحدث مع من تبقوا ولم نسمع حد اتكلم او شتم وتقول لى كلنا حاسيين بالظلم انت عاجبك اهدار كرامتك انت حر فى نفسك بس فيه غيرك مش مستحمل الظلم

اخي الكريم انا اسف كل كلامك مش مظبوط
وبعدين الواضح لي من كلامك انك تنتمي لجماعة الأخوان المسلمين ( التفوا حول النقابة المنتخبة ) علشان نسلمها مفتاح النقابة
انا اسف هنبقي سمنا القط مفتاح الكرار ( اخي انا اسف بدا ما نتلف مع اخوانا المنتخبين ) المفروض عليهم بعد انتخابهم يتكلموا باسمنا يدافعوا عن حقوقنا المهضومة ( والحقوق التي اقصدها ليست مادية فقط بل معنوية واجتماعية _ يا اخي احنا بقنا ملطشة للجميع ـ احنا دائما اخر الصف وبعدين يا اخي بلاش والنبي نغمة وزارة خدمية ـ احنا مش هنقارن بعضنا بواحد شغال في مصنع بطاطا
يا اخي انتي معلم وظيفة اعداد وتعليم كوادر هذة الامة : انتي تربي وتذي عقولهم
وبعدين هو فية استثمار افضل من العقول البشرية
اتقي الله فينا
فاض الكيل وطفح : انما الامم الاخلاق فأن هم ذهبت اخلاقهم ذاهبوا
يا اخي من كثرة اليود علي المعلم ( مثل ممنوع العقاب ) واناضد العنف مع التلاميذ ( بس بالله عليك لو ابنك غلط ) هتسيبة علشان ممونوع العقاب ( لية هو انا هومت ابني)
عايزن ترجع الينا هيبة ووقار المعلم ( ولا 2000% ) هترجع ليك كرامتك لو ولي امر مش يستاهل اهانك في مدرستك
وقول علي الدنيا السلام
ارجوا الرد
يا أخي الحبيب أما انتمائي للاخوان فانه شرف لا ادعيه...ثم ان العاقلين لا يعرفون الحق بالرجال انما يزنون الرجال بالحق فلا تهتم بانتماءاتي بل انظر الى كلماتي فالحكمة ضالة المؤمن فحيث وجدها فهو أحق بها
اما النقابة فبالله عليك اجبني :كيف تدعونا الى انتزاع حقوقنا ثم تنكر على من تم انتخابهم حقهم في ممارسة مسئولياتهم وحق ناخبيهم في رؤيتهم ممثلين لهم؟!!! والله اني أعيذك بالله ان تكون ممن يقولون مالا يفعلون
اما عن حقوقنا فمن قال انني ضدها - اكون مجنونا ان فعلت - ولكن للناس في طلب حقوقهم شئونا وانواعا واصنافا...طريقتي عرضتها عليك في موضوعي واعذرني ان خالفتك رأيك وان اصررت على ذلك اصرارا...فالاولوية عندي في ارتفاع شأننا بين الناس وتحصيل احترامهم لنا واعجابهم بمبادئنا ...ولست كما ترى اميل الى علو صوت او صخب في المطالبة وانما اظل بالرفق خلف ما ابتغي وان تأزمت واستحكمت حلقاتها فلعلي اثور بشكل لا يفقدني صديقا ولا يستعدي على شريكا
يا اخي يجب ان نبني على ما تركه لنا السابقون فانهم سحبوا للمعلم شيئا من كرامته ووفروا له نذرا يسيرا من قيمته ولا ينكر ذلك الا جاحد ... ألم تر ان المحاكم كانت في السابق لا تعتد لشهادة المشخصاتي ومعلم الصبيان؟
ثم هانحن اولاء الان انظر في عين كل اب ثم سله بالله عليك ان كان قد تعامل مع معلم ؟ والله ان كانت العين شاشة لما تنضح به افكاره لرأيت بها هيئة مصاص دماء او نصاب فهلوي او جزار قاطع طريق
اتنكر ان اعلانا صوتا الان هم اقلنا علما وثقافة و دراية و حسن مداخلة وجمال محاورة؟
اتنكر اننا وان حققنا اليوم مكسبا بخسا دراهم معدودة سنكون قد فقدنا احترام الناس وانا والله لسنا في ذلك من الزاهدين؟
اما مسألة الوزارة الخدمية فلم اهدف منها التقليل او التبرير لعدم الزيادة ...كيف والعالم كله يسعى للاستثمار في الخدمات فيما يعرف بالقيمة المضافة وبرامج التنمية المستدامة...وانما قصدت منها اهميتها لدى الناس واثرها في حياتهم...وهل كان جمع الضرائب الا لمثل ما نعمل من تعليم وصحة؟
اخيرا ...انصح الجميع واني للنصيحة احوج....ان انظروا بالله عليكم للامور بعينين واعيتين واعلموا ان ميزانيات الدول كمثل الطاقة : لا تستنفد ولا تستحدث من العدم.....فما من زيادة للاجور لا تخرج من رحم تنمية حقيقية الا و استتبعت زيادة ضخمة في الاسعار وضعفا في قيمة العملة يجعل والله راتبك بعد الزيادة يساوي او يقل عن راتبك قبلها

انتوا بتغنوا وتردوا على بعض
اشمعنا ما قولتوش الكلام دة على اى وزارة تانية من اللى عملوا مظاهرات
ولا احنا الحيطة المايلة
الواحد زهق من البلد الظالمة دى واللة ان عمر مصر دى اتقدمت طول ما الظلم فيها
هوما حدش شايف الا المعلمين قدامة كل واحد يلطش فيهم شوية اية مالكوا يا بشر
اتقوا اللة
ماشي....كل الفئات اللي بتنتهز الفرصة عشان تحقق زيادة مالية لاتتحملها الموازنة هي فئات ظالمة وخائنة لبلدها

ايوة ده بيت القصيد المعلمين اصبحوا ملطشة للى يسوى واللى ما يسواش والجاهل والعاطل واللى فاهم واللى مش فاهم ماشفتش اى حد اتهاجم خالص غير المعلمين حسبى الله ونعم الوكيل

هو فعلا افضل من سابقيه .. لكنة تجاهل لغة الخطاب بيننا وبينة .... مع العلم انا احب واقدر هذا الرجل ... لاننى رايتة شخصيا وزار مدرستى مرتين لكن لاسف راجل دوغرى فى كلامة المنصب عايز واحد دبلوماسى اكتر .. يعنى لو تدارك غضب المدرسين من الاول وعندة الوسائل الفيديو كمفرانس ... بدل ماتقع المصيبة ويتفرغ على كل الفضائيات يدافع عن الوزراة

ولكن للناس في طلب حقوقهم شئونا وانواعا واصنافا...طريقتي عرضتها عليك في موضوعي واعذرني ان خالفتك رأيك وان اصررت على ذلك اصرارا...فالاولوية عندي في ارتفاع شأننا بين الناس وتحصيل احترامهم لنا واعجابهم بمبادئنا .
ممكن انا اسأل سؤال .................ليه حضرتكم معتصمين امام النقابات ؟ وهل هذا الاعتصام لا يضر بمصلحة البلد كما تدعون ؟ وهل حق الاعتصام والاضراب مقبول عندكم فقط ( اى الاخوان ) ولنا خطأ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولكن للناس في طلب حقوقهم شئونا وانواعا واصنافا...طريقتي عرضتها عليك في موضوعي واعذرني ان خالفتك رأيك وان اصررت على ذلك اصرارا...فالاولوية عندي في ارتفاع شأننا بين الناس وتحصيل احترامهم لنا واعجابهم بمبادئنا .
ممكن انا اسأل سؤال .................ليه حضرتكم معتصمين امام النقابات ؟ وهل هذا الاعتصام لا يضر بمصلحة البلد كما تدعون ؟ وهل حق الاعتصام والاضراب مقبول عندكم فقط ( اى الاخوان ) ولنا خطأ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اؤكد تاني اني مش اخوان- وليتني اكون -
الاعتصام امام النقابة حسب معلوماتي يتم بعد اليوم الدراسي....ثم انه اعتصام عشان تسليم نقابة منتخبة يعني ده مطالبة بحق كل المعلمين ان ممثليهم اللي اختاروهم يدخلوا النقابة اللي بتمثلهم

السلام عليكم

اخى لعزيز هذا الوزير ليس كويس

فهو كاذب قال للناس واولياء الامور اننا بنتبتر على النعمه وبناخذ كتير

بالرغم من انه قام بالغاء الكادر اللى كان بيميز معلم عن اخر

ثانيا هو لا يقدم للمعلم شئ فهو مجرد شخص يريد السلطة والكرسى حتى لو المعلمين مش عايزينه زيه زى حسنى مبارك


ثالثا هو ترزى قانون دايما يطلعنا متداينين فى اى فلوس تجينا زى ال200 % اللى طلعنا بناخد اكثر منها و المكافئة اللى رجع ودخل الزيادة فيها

رابعا هو ضعيف لان الشلة اللى حواليه كلها فساد وهو مش قدها


يبقى يتغيير ويجى واحد قوى بيخاف ربنا ومستعد يسيب الكرسى لو لقى انه مش قد الكرسى وانه بيظلم المعلمين بوجوده
وفيه ضغوط عليه وانه مش قادر يقضى على الفساد اللى حوليه وانه اقوى واحد فى الوزارة مش شلة بتمشيه حتى لو غلط هو ماشى معاهم


وبعدين لازم نعرف ان الوزارات دى كراسى ممكن تتغير عادى مش زى النظام السابق اللى كان الوزير يقعد يعشش
التغيير فى حد ذاته مهم حتى لا يعتبر اى وزير انه مبلط وانه فى اى لحظة ممكن يتغيير لو قصر ولازم يبقى زى الشعلة من النشاط وانه مكان متعب مش مريح وانه مكان للثواب وكلما تعب اكتر خد ثواب اكثر مش العكس


عايزين عقلياتنا تتغير

نقاش راقي ومحترم ياريت كل من القوى السياسية تحذو حذوكم فعلا قدوة

فى اتتظار ردك ولا خلاص اقتنعت ان الوزير ده اكبر مخادع وخدع ناس كتير حتى فى اوساط المعلمين نفسهم بسبب افكارهم وحبهم فى الاستقرار وخوفهم من التغيير