بشرى لتعيين 1/3/2011 بادارة وسط بخصوص ال700ج [الأرشيف]

مشاهدة النسخة كاملة : بشرى لتعيين 1/3/2011 بادارة وسط بخصوص ال700ج

aleman

10-10-2011, 07:39 PM

السلام عليكم ورحمة الله وبركاته
زميلاتى وزملائى تعيين 1/3/2011:

امس كنت بادارة وسط التعليمية عند استاذة سامية مدير شئون العاملين سألتها عن فروق المرتب من امتحان الكادر للان وهو ماقبض بالمنتزة من فترة حوالى 700ج
فقالت لى ان القرار جه فعلا وعدا على الشئون القانونية وفوق فى المهايا عند استاذة جيهان اطلعلها وقوليلها تنبه على الموظفات والموظفين بالمهايا (الحجرة اللى فوق استاذه سامية)
فطلعت لاستاذة جيهان وفعلا شوفت عندها القرار فعليا مكتوب فيه تحديدا 747ج (استمارة)
ستصرف باذن الله لينا نحن تعيين 1/3/2011 ودى فروق للمرتب من ساعة النجاح بالكادر للان او لقبل التعيين تحديدا
طبعا استاذه جيهان قالتلى انتى مش بالمدارس اللى تتبع لى
قولت لها استاذه سامية قالتلى انك تنبهى على العاملين بالمهايا
وفعلا ذهبت معى مشكورة لاستاذه عبير(مخصوص) لتفهمها المطلوب ولاستاذه هدى ربنا يكرمها وللباقى
المطلوب بقى منا الاتى:
استمارة فردية لكل واحد فينا مختومة من المدرسة (استمارة 50) + مايفيد ويثبت تاريخ اول تعاقد مميز لينا اما جواب من المدرسة او اقرار القيام بالعمل
ولاتقلقوا اللى سبق له التنقل من كذا مدرسة الكلام ده كله بالتعيينات فوق بالادارة سهل جدا باذن الله تجيبوا الكلام ده من فوق

المشكلة بقى ان اليوم قولت للادارية بالمدرسة تدينى استمارة 50 لى

رفضت وقالت دى مسئولية انا هروح الادارة غدا اشوف الموضوع ده
فياريت ياجماعة بمدارسنا نحرك الموضوع ده حتى لا يضيع علينا
انا شفت القرار والمبلغ بعينى فعلا وخلاص متوافق عليه وكله تمام وبالمهايا المفروض انهم مستنين استمارتنا الفردية ومايفيد أول تعاقد لينا مميز للصرف باذن الله
ياريت زميلاتى وزملائى بوسط نبلغ بعضينا والحاضر يبلغ الغائب لتحريك الادارية بكل مدرسة لصرف هذا المبلغ لينا

وللاسف ادارة شرق معندهاش اى علم بال700ج دول
فوق عند استاذه محاسن مدير شئون العاملين بشرق

بالتوفيق للجميع

مسيو/ محمد

10-10-2011, 08:40 PM

نريد صورة من القرار

aleman

11-10-2011, 10:41 AM

اخى الفاضل
القرار كان عند استاذه جيهان تحت كومة من الورق كده
ولو اقدر اصوره كنت صورته لزميلاتى بادارة شرق
عموما من يرد التأكد عليه بالذهاب للادارة
ادارة وسط باذن الله لاستاذه سامية او لاستاذة جيهان او للادارية اللى مدرسته تابعة ليها بالادارة
ربنا يوفق الجميع

ام حبيبه ان شاء الله

11-10-2011, 01:32 PM

ياريت صوره من القرار ضرووووووووى

ahmed772007

11-10-2011, 04:44 PM

ده خاص بالكادر اللي ظهرت نتيجته 2010 ؟ ولا فروق من شهر 3 ؟

وهل الموضوع ده لكل المحافظات ؟

heba abd elhamid

11-10-2011, 10:48 PM

ده خاص بالكادر اللي ظهرت نتيجته 2010 ؟ ولا فروق من شهر 3 ؟

وهل الموضوع ده لكل المحافظات ؟
خاص بالكادر اللى ظهر نتيجته 2010 اما اللى نجحوا فى 1/4/2011 فلهم اقل تقريبا 117 او 107 ج

heba abd elhamid

11-10-2011, 10:52 PM

راهيم

11-10-2011, 10:53 PM

محافظة الغربية وصل لها القرار ولا لا

aleman

11-10-2011, 11:26 PM

اختى الفاضلة ايمان الف مليون مبروك ليكم على الخبر الجميل ده وعقبالنا يا رب بادارة العامرية
طلب هام ياريت ما تنسيش تسالى يا ايمان الادارة على الاجازة الاعتيادية لينا حتترحل للسنة القادمة ام لا؟وهى كام والعارضة كام؟
ضرورى يا ايمان

ربنا يخليكى ياهبة
وعقبالكم يارب
اما عن الاجازات الاعتيادية انا سألت فعلا عنها بالاجازات
واضح ان الكل مش عارف حاجة لينا
اللى عرفته منهم ان من اول شهر 1 لحد 12 لينا 5فقط عارضة
اما الاعتيادى كلها تكهنات انها 15 يوم
بس الصح بقى ان العارضة تبقى 5 ايام محسوبة من شهر 3 (التعيين)لاخر 12 فقط
بس لانهم مش فاهمين حاجة ولسة مجتش ليهم حاجة رسمى تخص الموضوع ده لينا فبيقولوا اللى فى ذمتهم 5 ايام وبس
وبالنسبة لترحيل الاعتيادى هسألك فيه باذن الله غدا

aleman

11-10-2011, 11:29 PM

محافظة الغربية وصل لها القرار ولا لا

واضح ان كل محافظة ليها اسلوبها
لانى لاحظت من زمان من قبل التعيين وكثير من المحافظات بتقبض اعلى مننا كمعلم مساعد فى وقتها
فدى فروق مرتب من ساعة النجاح بالكادر لينا نحن معلم مساعد من 2008 للان بالاسكندرية
لذا انا خصصت بكلامى محافظة الاسكندرية حتى لايقع لبس بين المحافظات المختلفة
وربنا يكرمنا اجمعين

ahmed772007

12-10-2011, 11:51 AM

عايزين صورة من القرار عشان نقدر نتحرك ونحاول نطالب بحقنا اللي ضايع

hob7a

12-10-2011, 05:58 PM

والكلام ده فى اسكندريه بس والبحيرة لا لو القرار للكل ياريت نعرف

lolly82

12-10-2011, 06:01 PM

aleman

12-10-2011, 11:28 PM

ايمان انا سألت عبير فى المهايا وقالت لى ان شغل الفروق ده بيشتغلوا فيه ومش طلبت منى استمارة 50 وقالت لى لو فى حاجة عاوزاها حتتطلبها من الادارى بالمدرسة هى بس خدت منى اول تاريخ تعيينى بالتعاقد

تمام طب كويس
بس لازم كل ادارى بالمدارس المختلفة يعرف المطلوب منه لان اكيد هيطلب تاريخ اول عقد مميز لينا
عموما خلينا برده نتابع الموضوع
وانا غدا باذن الله هقول الكلام ده للادارية بمدرستى
ربنا يهديها
الف شكر لمعلوماتك دى اختى الفاضلة

yasowm

13-10-2011, 06:58 PM

فعلا الموضوع ده حصل عندنا الادارية عملت الاستمارة ووديتها الاداره وقالتلنا الصرف قريب علي فكرة الفروق دي خاصه بالعلاوات من تاريخ 1-4-2008 العقد المميز والمنتزه اول ناس قبضتها

aleman

17-10-2011, 06:07 PM

فعلا الموضوع ده حصل عندنا الادارية عملت الاستمارة ووديتها الاداره وقالتلنا الصرف قريب علي فكرة الفروق دي خاصه بالعلاوات من تاريخ 1-4-2008 العقد المميز والمنتزه اول ناس قبضتها

كلام مظبوط
بس يارب نقبضها فعلا

eva2012

18-10-2011, 01:40 AM

فى قنا محدش سمع حاجة ياريت لو فيه صورة القرار علشان نعرف نطالب بحقنا

رحاب2

18-10-2011, 01:55 PM

فى المنيا {مغاغه }محدش سمع حاجه