kimoooo_85
10-10-2011, 11:52 PM
انا طالب في ثانوي عام علمي رياضة وخايف جدا جدا من الثانوي لدرجة اني مش عارف اذاكر فأنا بطلب من حضرتكم نصيحة
|
مشاهدة النسخة كاملة : ممكن نصيحة من حد كان في ثانوي وتفوق kimoooo_85 10-10-2011, 11:52 PM انا طالب في ثانوي عام علمي رياضة وخايف جدا جدا من الثانوي لدرجة اني مش عارف اذاكر فأنا بطلب من حضرتكم نصيحة karimadel7 11-10-2011, 12:03 AM ايه لازمة الخوف ده ؟؟؟؟ الثانوية العامة سهلة جدا لو اتخدت بنظام من الاول خلي عندك ثقة في نفسك و اجتهد و ان شاء الله ربنا يوفقك highlight 11-10-2011, 03:13 PM والله مش عارفة اقولك ايه.... بس عنى نفسى انا.....وعن خبرة منى بلاش وتحت اى اى ظروف.... انك تدخل الامتحان وانت خايف ولا متوتر... والله هتضيع نفسك على الفاضى..... الامتحان 99% منه ثقة بالنفس وهدوء اعصاب و 1% مذاكرة.. والله وعن تجربة شخصية..... نصيحتى كانت عامة.......يا ريت حد يفيدك بحاجة تانية وبالتوفيق ان شاء الله.....:) ~~ yaso ~~ 11-10-2011, 03:32 PM ان الله لا يضيع اجر من احسن عملا انت اعمل اللى عليك واللى يريح ضميرك وربنا اكيد هيوفك وكمان لازم تفكر بايجابية شوية عن كدا يعنى تخيل انك ذكرت وعملت كل اللى تقدر عليك لازم تجيب مجموع وحتى لو الامتحان جه صعب وانت مذاكر فاكيد هيبقى صعب ع الكل مش عليك انت بس ولو حتى لقدر الله مجبتش مجموع يبقى ربنا عايزك تدخل كليه غير اللى انتا عاوزها لنفسك فانت لو اجتهد وعملت اللى عليك مفيش حاجة هتيقى شر ليك kimoooo_85 11-10-2011, 06:28 PM انا خايف من كلام الناس انها صعبة جدا highlight 11-10-2011, 06:31 PM والله العظيم 3 ما صعبة....... بحر_الامل 11-10-2011, 07:21 PM اعمل اللى عليك اللى يرضيك و يرضى ضميرك و يرضى ربنا و سيبها على ربنا انا بقة عندى مشكلة من نوع تانى و هى انى مش عارف اذاكر منين لان ملازم الاساتذة بتكون مختصرة بالرغم من انى جربت كذا استاذ فى اغلب المواد عشان الحكاية دى و كل استاذ الاقيه سايب حتة التانى قايلها و العكس قلت خلاص اريح دماغى و اجيب كتاب خارجى و اذاكر منه لقيت مشكلة تانية ان كل كتاب خارجى برضه فى حاجات بتبقى موجودة فيه مش موجودة فى كتاب خارجى تانى و العكس قلت خلاص اجرب و اروح لكتاب المدرسة و اذاكر منه فتحته لقيته كله داخل فى بعضه و معرفتش اذاكر منه رحت قفلته تانى فى الاخر قلت خلاص اذاكر من كل حاجة يعنى كل الكتب الخارجية اللى عندى و ملزمة الدرس و كتاب المدرسة و اذاكر اى معلومة تقع قصادى بخصوص المنهج و ابقى كدة عملت اللى عليا اللى يرضي ضميرى بس المشكلة ان الموضوع ده متعب جدا و ساعات بيلخبط و كمان انا سمعت ان الواحد المفروض يذاكر من مصدر واحد فانا محتار و مش عارف اعمل ايه اذاكر من كل المصادر و اتوكل على الله و لا اذاكر من مصدر واحد و اريح دماغى ؟؟؟؟؟ يا ريت لو حد عنده نصيحة يفيدنى بيها شكرا و اسف للازعاج karimadel7 11-10-2011, 08:23 PM اعمل اللى عليك اللى يرضيك و يرضى ضميرك و يرضى ربنا و سيبها على ربنا انا بقة عندى مشكلة من نوع تانى و هى انى مش عارف اذاكر منين لان ملازم الاساتذة بتكون مختصرة بالرغم من انى جربت كذا استاذ فى اغلب المواد عشان الحكاية دى و كل استاذ الاقيه سايب حتة التانى قايلها و العكس قلت خلاص اريح دماغى و اجيب كتاب خارجى و اذاكر منه لقيت مشكلة تانية ان كل كتاب خارجى برضه فى حاجات بتبقى موجودة فيه مش موجودة فى كتاب خارجى تانى و العكس قلت خلاص اجرب و اروح لكتاب المدرسة و اذاكر منه فتحته لقيته كله داخل فى بعضه و معرفتش اذاكر منه رحت قفلته تانى فى الاخر قلت خلاص اذاكر من كل حاجة يعنى كل الكتب الخارجية اللى عندى و ملزمة الدرس و كتاب المدرسة و اذاكر اى معلومة تقع قصادى بخصوص المنهج و ابقى كدة عملت اللى عليا اللى يرضي ضميرى بس المشكلة ان الموضوع ده متعب جدا و ساعات بيلخبط و كمان انا سمعت ان الواحد المفروض يذاكر من مصدر واحد فانا محتار و مش عارف اعمل ايه اذاكر من كل المصادر و اتوكل على الله و لا اذاكر من مصدر واحد و اريح دماغى ؟؟؟؟؟ يا ريت لو حد عنده نصيحة يفيدنى بيها شكرا و اسف للازعاج الطريقة ديه غلط جدا و هتضرك و هتضيع وقتك علي الفاضي انت تذاكر من ملازم مدرس معروف و تكون ملازمه حلوة و فيها معظم الحاجات بعد كده تفتح كتاب الوزارة و تقرأ الدرس بس و الحاجات الناقصة من الملازم علم عليها و اعرفها و اسال مدرسك عليها و شوف رايه انا كنت بعمل الطريقة ديه السنة اللي فاتت و فرقت معايا في الاخر :) بحر_الامل 11-10-2011, 09:23 PM الطريقة ديه غلط جدا و هتضرك و هتضيع وقتك علي الفاضي انت تذاكر من ملازم مدرس معروف و تكون ملازمه حلوة و فيها معظم الحاجات بعد كده تفتح كتاب الوزارة و تقرأ الدرس بس و الحاجات الناقصة من الملازم علم عليها و اعرفها و اسال مدرسك عليها و شوف رايه انا كنت بعمل الطريقة ديه السنة اللي فاتت و فرقت معايا في الاخر :) شكرا جدا لردك بس حكاية مدرس معروف دى تفتكر المدرس بيكون معروف ازاى او يثبت انه معروف ؟؟؟؟؟ مع ان معظم المدرسين المعروفين اللى اعرفهم كله بيعتمد على اسمه و شهرته و مبيهتمش بطلابه فبنضطر نروح للمدرس اللى بيهتم بيك و اللى تستريح معاه و نرجع للمشكلة تانى من اول و جديد و هى عدم الثقة فى ملزمة الماستر بس انا ممكن انفذ طريقتك على كتاب خارجى و كتاب المدرسة بحيث انى الم معلومات من محيط اوسع و لا انت ايه رايك ؟ karimadel7 11-10-2011, 10:35 PM شكرا جدا لردك بس حكاية مدرس معروف دى تفتكر المدرس بيكون معروف ازاى او يثبت انه معروف ؟؟؟؟؟ مع ان معظم المدرسين المعروفين اللى اعرفهم كله بيعتمد على اسمه و شهرته و مبيهتمش بطلابه فبنضطر نروح للمدرس اللى بيهتم بيك و اللى تستريح معاه و نرجع للمشكلة تانى من اول و جديد و هى عدم الثقة فى ملزمة الماستر بس انا ممكن انفذ طريقتك على كتاب خارجى و كتاب المدرسة بحيث انى الم معلومات من محيط اوسع و لا انت ايه رايك ؟ انا مش عارف نوعية المدرسين اللي عندك :( بس انا عندي عن تجربة المدرس المشهور بيبقي اكفا و احسن و خبرته اوسع المهم في الطريقة اللي قولتها يكونوا عندك مصدرين و الاساسي ان التاني يكون كتاب الوزارة الاول اختاره بمزاجك انت حر انما التاني يكون كتاب الوزارة :cool: اكتر من كده تبقي بتضيع وقت kimoooo_85 11-10-2011, 10:45 PM الله العظيم 3 ما صعبة....... طب اعمل ايه عشان ابقي زي حضرتك ان شاء الله او انتي كنتي بتعملي ايه ؟ kimoooo_85 11-10-2011, 10:47 PM طب اعمل ايه عشان ابقي زي حضرتك او انتي كنتي بتعملي ايه ؟ Dr.Nariman 12-10-2011, 10:37 AM ممكن تدخل الموضوع دا هتلاقي فيه اجابة على سؤال خوفك الشديد بعون الله http://thanwya.com/vb/showthread.php?t=336292 درة الفردوس 12-10-2011, 11:59 AM ايوه يا ريت تقوليلنا يا اشطر دكتوره ان شاء الله كنتى بتعملى ايه وبتذاكرى ازاى على فكره انا حلم حياتى انى ادخل صيدله بس مش عارفه بعد المجموع الى انا جبته ده ممكن الحقها ولا لا بالمقارنه بالدرجات الى فوق فوق بتاع السنه دى انا جايبه 96و3 من عشره فى 2 فربنا يستر باه والحق صيدله وانا بجد عجبانى طريقتك فى الكلام اوى وكمان شخصيتك عجبانى جدا جدا وربنا يوفقك ان شاء الله وادعيلى باه ان الحق صيدله عشان ابقى معاكى السنه الجايه وده اكيد يشرفنى طبعا ده اذا مكنش يضايق حضرتك طبعا بس انا بجد نفسى اتعرف عليكى هو انا ممكن اعرف حضرتك منين دا برده اذا مكنش يضايقك درة الفردوس 12-10-2011, 12:03 PM وطبعا اشكر دكتور نرمين عالموضوع الجميل الى حطاه ده بجد تحفه ومع شكرى ايضا للدكتور high light بس يا ريت بجد تردى عليا درة الفردوس 12-10-2011, 12:54 PM ممكن تقبلى اضافتى highlight highlight 12-10-2011, 02:43 PM طب اعمل ايه عشان ابقي زي حضرتك او انتي كنتي بتعملي ايه ؟ ايوه يا ريت تقوليلنا يا اشطر دكتوره ان شاء الله كنتى بتعملى ايه وبتذاكرى ازاى على فكره انا حلم حياتى انى ادخل صيدله بس مش عارفه بعد المجموع الى انا جبته ده ممكن الحقها ولا لا بالمقارنه بالدرجات الى فوق فوق بتاع السنه دى انا جايبه 96و3 من عشره فى 2 فربنا يستر باه والحق صيدله وانا بجد عجبانى طريقتك فى الكلام اوى وكمان شخصيتك عجبانى جدا جدا وربنا يوفقك ان شاء الله وادعيلى باه ان الحق صيدله عشان ابقى معاكى السنه الجايه وده اكيد يشرفنى طبعا ده اذا مكنش يضايق حضرتك طبعا بس انا بجد نفسى اتعرف عليكى هو انا ممكن اعرف حضرتك منين دا برده اذا مكنش يضايقك اولا ربنا يخليكى يا درة على الكلام الجميل ده:) وان شاء الله و باذن الله توصلى لصيدلة.......:) وعلى فكرة انتى جايبة اعلى منى فى 2....انا كنت جايبة 96 بس;) وفى ناس والله كانت جايبة 96 فى تانية ووصلوا لل 98.3 ودخلوا طب بشرى وفى اللى جاب 96.8 و فى 3 وصل لل 99 ودخلوا صيدلة _____________________________________ نبدا الحكاية............اولا والله الحكاية مش صعبة ولا حاجة.... والله اللى يذاكر ويهتم.......هيوصل للى هو عايزه.... اللى مش مهتم ده بيضيــــــــع و مش بيوصل.........نبدا... انا كنت من النوع اللى مش بيحب يضغط على نفسه اول السنة....نت وكمبيوتر وتليفزيون :romarioxp6: بس اخر السنة ببقى معرفش شكلى ايه....ولا الكمبيوتر ده بيتفتح ازاى...:bosyht9: اهلى كانوا بيصوتوا منى و على طول كلام محبط منهم انى مش هوصل...بس الحمد لله .....المهم.... اللى كنت على طول اول ما اخده اذاكره هو الفيزيا.....دى على طول اول باول مفيش فيها فصال نهائى استحالة اروح الدرس وانا مش مذاكرة اللى فات فيها هى والكيميا و الاحياء العربى بصراحة مكنتش بذاكره الا لما يقولوا فى امتحان -_-.....عشان تقريبا كان كل اسبوع فى امتحان:lol: هههههههههههههه.......يعنى بذاكره بردو...بس كان شئ خانقنى لانه كان مسببلى ضغط كبير ومجهود صعب عشان انا بموووووووت وانا بحفظ.....ممكن ساعة واكتر فى صفحة بس:wacko: بس مكانش بيهمنى لانى عارفة ان ده مش راح على الفاضى لانى الحمد لله مش بنسى بسرعة بس ايـــــــــــــــــــــــــــــــــــاك متذاكرش الادب ده من اول السنة:angry2: هتصوت فى الاخر..........اسال مجرب والقصة فى ناس بتقول كفاية عليها قرايتها 5 مرات.........لا انا كنت بحفظ س و ج بصراحة اضمنلى واربيحلى.......... المهم...نكمل....الانجليش كنت بذاكره قبل الحصة على طول فى نفس اليوم لانه مكانش تقيل الاستاذ بتاعى كان بيبسط لنا القواعد جدا........فا بتخلص بسرعة... وكان شديد ....فا لازم اذاكر:lol: الفرنساوى دا كان لذيــــذ بردو....قبل الحصة كنت بذاكره....او مذاكرهوش....:ph34r: لان مكناش بناخد حاجات كتير فى الحصة...فا كان ممكن يتاجل واذاكر حاجة غيره اهم... بس خد من مدرسك اللى بيديهولك كفاية والله و صدقنى لان امتحان الفرنساوى بيبقى تقليدى جدا ...... (بقول فرنساوى:stickjo4: معرفش الباقى) الرياضة بقى....دا كان لازم ليها يوم لوحده عندى ......... عشان كنت بحس انى مش ورايا حاجة تانية فا اركز فى المسائل بهدوء.... ويوم ما احل مسائل فيزيا بردو.....لازم ابقى هادية ومرتاحة.....B) والاحياء بقى دى بصراحة مكنتش بحبها اوى عشان كانت دش غبى.. بس كنت دايما ادرب على الرسمة مرة واتنين وتلاتة ......عادى والفيزيا بصراحة التجارب و الاثبات ....كنت بذاكره كده خفيف خفيف عشان انا عارفة انى هنسى الكلام ده فا كنت بجمعه بورق اكتبه انا على الكمبيوتر عشان مش بحب اذاكر من خطى و اعينهم لاخر السنة والكيميا حصة بحصة مذاكرة ضرورى....وانا كنت بحب الكيميا جدا بصراحة...ومازلت كده قولنا العربى والانجليش (نفس النظام فى 2 و3 لانهم نفس المدرسين)الكيميا والفيزيا والاحياء والفرنساوى والرياضة..................... بس الكيميا والفيزيا والاحياء و الفرنساوى والرياضة دول كانوا بالورقة والقلم.........:028ja7: ونيجى بقى لعلم النفس.......:ph34r: المادة الوحيدة والله فى الثانوية العامة اللى مكنتش عارفة فيها حاجة ولا فاهماها كنت ممكن والله عشان 3 صفحات اقعد اليوم كله احفظ وانسى واعيد من الاول كان يوم الجمعة دا عندى ضايع ضايع...لان الاستاذ كان بيسمع كل حصة فا لااااااازم احفظ وعشان تتاكدوا ان الثانوية العامة للحفيظة بس مش للى بيفهموا ........... دا رقم جلوسى 1307786 روحوا شوفوا درجات المواد ......و علم النفس بس انا جايبة فيه كام:unsure: نكمل.............. نكمل ايه...ما خلاص كده...قولت كل المواد ....صح ولا ايه؟؟ ما علينا لو ناقصنى حاجة فكرونى...........:d اقولكم على الكتب بقى...العربى كتاب الرسالة المراجعة النهائية ومذكرة استاذتى....بس الرياضة المعاصر....الكيميا والفيزيا والاحياء كتاب الامتحان الانجليش والفرنساوى و علم النفس......مفيــــــــــــــــــش نصيحة مهمة جدا بقى:slap1qk6:.....محدش يبص فى كتاب الاجابات بتاع المواد العلمية روح لمدرسك احسن ومتسالش ليه............:angry2: مواعيد الدروس ...مكانش فى مدارس بس كنت بحب دروسى تبقى بليل عشان منزلش واتعب واجى انام.........;) بس لو بتروحوا مدرسة ....خليها بعديها على طوووووووووووووووول......:friendsxs3: الاربع دا كان عندى اجازة...........اليوم ده كنت بدافع عنه برقبتى....:stickjo4: استحالة اسمح بدرس فيه.... بس والله وعن تجربة.........اهم حاجة.......الراحة النفسية ابعدوا عن التوتر دا خالص..... حتى قبل الامتحانات..........خلوا عندكوا بروووووووووووووووووووود اعصاااااااااااب (مش اوى يعنى وترمى الكتاب...لحسن انا عارفة الشعب المصرى....ما بيصدق) تبقى داخل الامتحان كووول واعصابك فلة اوى:cool: وحافظوا على مواعيد للنوم ثابتة وللمذاكرة بردو........... واخيرا حلوا نحو وبلاغة على طول ولو ساعة كل يوم قبل ما تناموا...والله كنت بعمل كده ولو عدت القطعة 100 مرة......ومسائل الفيزيا والكيميا والرياضة كذلك والله * لو وقت حسيت انك عايز تنام...خش نام لانك من الاخر مخك مش هيستقبل كلمة...اخرتك كام ساعة وهتنسى *لو عينك وجعاك ومصدع.....متعملش فيها مجتهد وقوم ريح ومتعملش شاى والحاجات دى *لو ملكش مزاج للمذاكرة......لو عملت قرد عشان تضغط على نفسك انك تذاكر...مش هتقدر (لو مخنوق اوى ومش قادر يعنى....مش لو فى فيلم مش قادر تسيبه تقول مش عايز:mad:) عشان انا عارفة الحركات دى كنت بشوفها من اصحابى..........:lol: *لو فى يوم جبت درجة وحشة فى امتحان استاذ على الرغم انك مذاكر...متزعلش *فى الدرس لو واحد كلمك مرة قوم من جنه ومتقعدش جنبيه تانى نهائى و ادى ودنك ودماغك للاستاذ ......وامشى انت *اللى مش هتفهمه اول السنة هتفهمه اخر السنة وترجع تقول دا كان تافه اوى *يوم الامتحان نام بدرى واصحى عادى على الامتحان على طول لمليون سبب اولا: لما هتنام مخك هيرتب المعلومات....و هيستريح و لو المعلومة واخدها من فين...هيجيبها والله بابا كان بيعمل معايا كده يقولى خشى نامى ومش عايزك تذاكرى..... ثانيا:اللى يبييجى قبل الامتحان قبل اللجنة ده يقعد يقرا ويراجع ده........ مخه ممكن يثبت فيه اللى هو قراه ده بس و ينسى حاجات كتير....ومش هيقدر يفتكر لما يروح وعليه خير بقى..... متقفش مع الناس دى احسنلك متبصلهمش لانك ممكن تحس انك ناسى المنهج وتروح تبص معاهم انا عن نفسى دول كنت بحس انهم مذاكرين اكتر منى بقى ومجتهدين وانا اللى فاشلة ثالثا: لو روحت الامتحان وعندك صداع..........احتمال تنسى اسمك فى اللجنة ومحدش يستغرب.........لان الضغط والتوتر اللى انا بقول بلاش منه....وعليهم الصداع هينسوك 1+1 يديك كام......... عشان كده بقول تنام احسنلك.......... اول ما تصحى اقرا شوية قران و صلى وتوكل على الله.... (انا عن نفسى كانوا بيعملولى حاجات غريبة هنا.....بلاش احراج) باذن الله مش هيسيبك ابدا ...ووالله عن تجرية مش عايزة اكتبها عشان كتبت كتير انا عارفة انكوا زهقتوا منى........... معلش..........:d بس كده تقريبا.........دى كانت نظام المذاكرة بتاعتى فى نظم تانية كتييييييييير احسن منى انا عارفة....:blush: ممكن اكون افدتكوا بحاجة على الاقل ولو بسيطة......... واى استفسار اتصل ب 09001111002........هتلاقى نفسك فى القسم على طول:lol: وبـــــــــــــــــــــــــــــــــس كــــــــــــــده..........:d يااااااااه والله بقالى اكتر من ساعتين ونص بكتب فى الكلام ده و اعدله.......هههههههه يلا بالتوفيــــــق يا رب :) (ملحوظة رفيعة: انا عارفة انى اتكلمت عن مواد 2 الفرنساوى والكيميا........بس قولت اهو بالمرة :d) _______________________________________ وانا من اسكندرية على فكرة يا درة :) وضفتك طبعا :) Analyzer.Mn3m55 12-10-2011, 05:05 PM انا عن نفسى كنت علمى رياضه و فى تالنه جبت 95 % بسهوله جدااا العربى كنت بذاكره اخر كل اسبوع كل شوية و كنت بحفظ القصه طبعااااا .. الانجليزى .. قبل الدرس لانه سهل بالنسبه لى اصلا الفيزياء والرياضه كانوا بياخدوا كل وقتى الصراحه بس ربنا كرمنى فى الرياضه و الفيزياء يعنى .. المستوى الرفيع ظبطنى طبعا فى المجموع كنت انجلش و جبت فيه 9 / 10 و كنت بلعب كورة و عندى تمرين و كنت بخرج و نت و كل حاجة الفكره فى التنظيم مش اكتر و الثقه و الاقتناع بقدراتك و علاقتك مع ربنا قبل كل شئ .. kimoooo_85 12-10-2011, 05:45 PM [QUOTE=Analyzer.Mn3m55;4042268]انا عن نفسى كنت علمى رياضه و فى تالنه جبت 95 % بسهوله جدااا العربى كنت بذاكره اخر كل اسبوع كل شوية و كنت بحفظ القصه طبعااااا .. الانجليزى .. قبل الدرس لانه سهل بالنسبه لى اصلا الفيزياء والرياضه كانوا بياخدوا كل وقتى الصراحه بس ربنا كرمنى فى الرياضه و الفيزياء يعنى .. المستوى الرفيع ظبطنى طبعا فى المجموع كنت انجلش و جبت فيه 9 / 10 و كنت بلعب كورة و عندى تمرين و كنت بخرج و نت و كل حاجة الفكره فى التنظيم مش اكتر و الثقه و الاقتناع بقدراتك و علاقتك مع ربنا قبل كل شئ .. kimoooo_85 12-10-2011, 05:52 PM وعملت ايه مع رياضة 2 Analyzer.Mn3m55 13-10-2011, 10:36 AM رياضه 2 كنت بذاكرها اول ب اول مش بفوت درس .. بس بنظام و ثقة كنت بحل واجب النماذج مش كله بس الحاجات المهمه و الافكار الجديده و حليت لامى كله و الامتحانات كلها و كتاب المدرسه المدرس كان بيدينا المهم منه .. يعنى كنت بتعب بس مش بموت نفسى و ربنا كرمنى جبت 49/50 مش عارف الدرجه راحت فين بس الحمد لله و ربنا يكرمك يا باشمهندس المستقبل kimoooo_85 13-10-2011, 03:58 PM معلش هتعب حضرتك : كنت بتقسم ايامك ازاي يعني كام ساعة تذاكرها في اليوم وكدا ...................؟ درة الفردوس 13-10-2011, 09:31 PM طبعا انا متشكره جدا انك قبلتى اضافتى لانى بجد نفسى اتعرف على حضرتك جدا وربنا يوفقك يا رب وتبقى اشطر دكتوره فى الدنيا ويا ريت تبقى تدعيلى Engineer .. 14-10-2011, 08:59 PM يا حبيبي والله ما تخاف انت قلقان ليه بس دا كلام سهل جداً والله وبسيط وومتع بص أنا عارف انك في ث . زفته عامه لكن معلش لو ممرتش بالجسر ده مش هتخش جامعة ايه رأيك ؟ يكون الجسر متعلق في الهوا ومقطوع منه ولا يكون على الأرض ومفروش ورد ؟ يبقى تذاكر ومتقلقش واعلم ان الهدوء في المذاكرة والتركيز بيجدد نشاطك وبيذهب عنك فكرة القلق وبتدخل تقفل الإمتحان ربنا يوفقك يا باش مهندس بجد انت تفتخر انك هتدخل كلية هندسة باذن الله بس متضيعش الفرصة من ايدك بئه وسيب النت بئه وروح ذاكر احنا في أخر شهر 10 الإمتحانات هتيجي حلوة , مش سهلة , بس عايزة طالب مذاكر و فاهم و حافظ و مركز في حل السؤال kimoooo_85 14-10-2011, 09:45 PM حبيبي والله ما تخاف انت قلقان ليه بس دا كلام سهل جداً والله وبسيط وومتع بص أنا عارف انك في ث . زفته عامه لكن معلش لو ممرتش بالجسر ده مش هتخش جامعة ايه رأيك ؟ يكون الجسر متعلق في الهوا ومقطوع منه ولا يكون على الأرض ومفروش ورد ؟ يبقى تذاكر ومتقلقش واعلم ان الهدوء في المذاكرة والتركيز بيجدد نشاطك وبيذهب عنك فكرة القلق وبتدخل تقفل الإمتحان ربنا يوفقك يا باش مهندس بجد انت تفتخر انك هتدخل كلية هندسة باذن الله بس متضيعش الفرصة من ايدك بئه وسيب النت بئه وروح ذاكر احنا في أخر شهر 10 الإمتحانات هتيجي حلوة , مش سهلة , بس عايزة طالب مذاكر و فاهم و حافظ و مركز في حل السؤال المشكلة كلها في اني انا مش متخيل نفسي ادخل هندسة مع ان كل المدرسين بيقول لي اني هخش وكمان مش عارف اذاكر المواد ازاي معلش انا عايز حضرتك تقولي كنت بتذاكر ازاي في يوم الدراسي ورياضة 2 خاصة والفيزياء بعد اذن حضرتك kimoooo_85 18-10-2011, 01:26 AM بعد اذنك يا باشمهندس ممكن تجاوبني المشكلة كلها في اني انا مش متخيل نفسي ادخل هندسة مع ان كل المدرسين بيقول لي اني هخش وكمان مش عارف اذاكر المواد ازاي معلش انا عايز حضرتك تقولي كنت بتذاكر ازاي في يوم الدراسي ورياضة 2 خاصة والفيزياء kimoooo_85 18-10-2011, 01:27 AM بعد اذنك يا باشمهندس ممكن تجاوبني المشكلة كلها في اني انا مش متخيل نفسي ادخل هندسة مع ان كل المدرسين بيقول لي اني هخش وكمان مش عارف اذاكر المواد ازاي معلش انا عايز حضرتك تقولي كنت بتذاكر ازاي في يوم الدراسي ورياضة 2 خاصة والفيزياء |