السلام عليكم ورحمة الله
ازيكم يا احلى اعضاء البوابة بجد وحشتونى ووحشتنى مواضيعكم الجميلة
ومواضيعى معاكم يارب مغبش عن هنا تانى
حسيت انى محتاجالكم جدا انا عندى مشكلة نفسى اتكلم فيها معاكم بس يارب
مكنش مضيقاكم
انا وصلت لدرجة من الياس محدش ممكن يتخيلها وهو ده سبب غيبتى المهم
انا مكنش عندى مشاكل خالص كانت عيشتى الحمد لله كويسة
كويسة فى الجامعة وانا وخطيبى مفيش مشاكل والبيت بردو مفيش اى مشكلة
وحياتى كلها الحمد لله كويسة فجاءة حسيت ان ده كله مش طبيعى ازاى يبقى حياتى كلها حلوة كدة
ومسيرى هايجى عليا يوم وهاسيب كل ده ومسير بردو هايحصل مشاكل لان الدنيا مابتديش كل حاجة
ومن يومها من ساعة مافكرت فى كدة وانا حياتى كلها مشاكل
زعل حصل فى البيت وانا وخطيبى كنا قربنا ننفصل
زى ما اكون حطيت الفكرة دى فى دماغى وانا بسعى لتحقيقها
بجد حاجة وخشة قوى وهمت نفسى بحاجات مش موجودة ومع الياس والملل حققتها
مرضتش باللى ربنا كتبهولى حتى لو كان كويس وربنا عاقبنى
بس انا كنت مريضة
فنصيحة منى كل واحد يرضى بقسمته واللى كتبهولو ربنا حتى لو كان مش كويس
وربنا يجعل ايامنا كلها سعادة
اسفة على الاطالة
مصرية افتخر

اى بيت بيكون فى مشاكل
وواكيد لازم الانسان يحمد ربنا على كل شئ مهما حصل
وفى الاخر كل شئ نصيب
شكرررا على الموضوع

اولا حمدا لله على سلامتكى

وربنا يبعد عنك كل المشاكل

وتكونى فى صحة وعافية وسعادة

اما الموضوع فالعبرة منه كبيرة

وقال النبى الكريم

لو تعلموا الغيب لاخترتم الواقع


فقولى الحمد لله على كل حال


ونورتى بيتك

اى بيت بيكون فى مشاكل

وواكيد لازم الانسان يحمد ربنا على كل شئ مهما حصل
وفى الاخر كل شئ نصيب

شكرررا على الموضوع

فعلا كل شئ قسمة ونصيب
دى الحاجة اللى المفروض الكل يبقى متاكد منها
شكرا على المرور الجميل
نورت

اولا حمدا لله على سلامتكى


وربنا يبعد عنك كل المشاكل

وتكونى فى صحة وعافية وسعادة

اما الموضوع فالعبرة منه كبيرة

وقال النبى الكريم

لو تعلموا الغيب لاخترتم الواقع


فقولى الحمد لله على كل حال


ونورتى بيتك

ربنا يسلم حضرتك
الحمد لله شكرا لحضرتك
نورت الموضوع

لا
انا اللي عشته و شفته ان الانسان طالما همه الوحيد انه يعيش هيعيش....
اما إذا كان همه انه يفيد ....ده اللي هيقابل مشاكل
ربما اعتبر حالتك مخالفة لكنها برضه قد تخضع لما قلت بشكل من الاشكال
اقترح انك تفكري في حاجة اهم انك تعمليها
هتقابلي المشاكل
لكن في وسط المشاكل دي هتحسي فعلاً انك صح
لان اكتر واحد بيتعب هو الصح
مشاكل و عدت بفضل الله و الحمد لله علي كل حال
تقبلي مروري و رأيي البسيط

اهم حاجة انك حضرتك تكونى استفدتى من اللى حصل
وحمد لله على سلامتك

ربنا يصلح حالك انتى وجميع بنات المسلمين

حمدالله علي السلامه
ونورتي المنتدي كله بعد الغياب الطويل دا

بخصوص موضوعك كل واحد ليه مشاكله الخاصه والي بيحاول انه يتفرغ ليها عشان يلاقيلها حل

وان شاء الله ربنا يخلي حياتك وحيات الجميع في سعاده دايما

السلام عليكم فى الاول حمد لله على سلامتك والحمد لله على كل شى ولازم تتاكدى ان الحياة من عير مشاكل يبقى مافيش حياة لان الدنيا سجن للمسلم ولازم الواحد يأمن بقضاء الله فى السراء والضراء والحمد لله رب العالمين على كل اللى يحصل تحياتى

يا هلا بعودتك

شوفي يا غالية بالنسبة لمشكلتك احمدي الله واعلمي ان اكييييييييد فيه خير


لن نتحدث في الماضي بل اقول لك لا تبكي على اللبن المسكوب وتذكري كلمة بسمعها من بنات كتير

"اان الحكيم لا يقدر الا الخير "

وبعدين انتي مؤمنة ان ربنا بيحبك يبقى اكيد ربنا مقدر ده لانه خير ليكي فاتركي الماضي وخذي منه العبرة وانهضي وقفي على قدميك لان الطريق طويل يحتاج منك الى جهد فهيا بنا الى النجاح بالاستعانة بالله

ومن وجد الله فماذا فقد ومن فقد الله فماذا وجد

فعلا اوقات الانسان لما بيلاقى الدنيا كلها حلوة وكويسة فعنيه بيبقا بيدور على اى مشكلة ولو صغيرة عشان يحس انه عايش
لان الحياة من غير مشاكل مش حياه
فبجد ده بيبقا وهم كبير الانسان بيعيش نفسه فيه
وربنا يسعد ايامك دايما يارب وحمدلله على سلامتك ياقمر

حين كنتِ راضية كنتِ سعيدة
ثم بدأتى نظرة تشاؤم فرأيت الأمور سيئة
المسألة إيحاء نفسى بحت ,
عموماً ألتزمى دينك أكثر عند ضيقك
وطبقى مبدأ :
كن جميلاً كى ترى الوجود جميلا

زى ما اكون حطيت الفكرة دى فى دماغى وانا بسعى لتحقيقها
بجد حاجة وخشة قوى وهمت نفسى بحاجات مش موجودة ومع الياس والملل حققتها

بالظبط كدا انتي كدا عرضتي المشكلة وحلها
الشيء اللى المخ بيفكر فيه بينمو
ودي حقيقة علمية

الموضوع محتاج شوية تحلي بالايمان
وقناعة بردو زي ما قلتي
وكل مشاكلنا تتحل بإذن الله

ينقل لقسم اجتماعيات