موضوع المشكلة انا كنت فى مدرسة اعدادى المدرسة تم عمل ندب كلى لى لمدرسة ثانوية عامة ونصابى اكتمل هناك واقمت بالعمل فيها شهر حتى الان ولكن فية مدرسة تانى عايزة مدرس وبعيدة عازين يدونى انا فيها ندب تانى من الثانوى ويجيبو واحد معرفة ليهم يحطوة فى مدرستى اللى انا اقمت بالعمل فيها وانا اسيبها واروح المدرسة البعيدة
يعنى باختصار عايزين يروحو غيرى فى مدرسى اللى انا اندبت عليها ويمشونى انا منها واروح المدرسة البعيدة عشان انا لا امتلك وسطة ولا رشوة اما غيرى فيختار المدرسة اللى هوة عيزها مع العلم ان الشخص التانى نفس الموهل والتعيين ونفس الدرجة المالية
اعمل اية اخوانى الكرام بارك الله فيكم

عليك التقدم بشكوى للنيابة الادارية

تقدم بشكوى إلى النيابة الإدارية لأنه لا يجوز ندب المعلم أكثر من مرة خلال العام و إذا ألغى ندبك فالعودة إلى مدرستك الأم و إذا أراد الموجه ندب معلم أخذ معلم غيرك
و إذا أصر على عناده عليك بالشؤون القانونية في الوزارة و إن طال الوقت لكنها مش بتهزر زي خدمة المواطنين في المديريات و تأكد إن فيها جزاء للتوجيه إذا ثبت التعنت و المحاباة

لا تشكو إلا إذا صدر بالفعل لك خطاب من التوجيه بإعادة ندبك إلى مدرسة أخرى لأن النيابة لا تأخذ بالنية و لكن بالورق فاحتفظ بصورة لكل مكاتبة تأتيك من النوجيه التابع له

بارك الله فيك لحسن اهتمامك لك منى جزيل الشكر

بس والله العظيم ان التوجية بتاعى كل شغلة مجاملات لناس مميزة والباقى يتفلق دة كمان بيقولوى هتروح اى مدرسة احنا نوديك فيها وافقت ام لم توافق انت تنفز وبس يقش كل شهر نوديك مدرسة ماعليك الا التنفيذ وكمان معاملتهم معاملة سيئة مع الناس
ربى معى ( ولا تحسبن الله غافلا عما يعمل الظالمون )

اولاك خطا توجيه لو حدث فعلا
القانون بيقول ان ما ينفعش ندب مركب اي ندب على ندب الا بموافقتك ربما انت بتجامل التوجية بتاعك فا دي ما فيها شمشاكل او بنا ءعلى رغبتك.
ثانيا لو الغى انتدابك يبقى ترجع مدرستك ومش هتخرج منها الا بعد ما يمر الاناتداب على كل اساتذة مادتك كل سنه واحد

لو حدث وصدر النشرة حتى لو بالالغاء فقط.
دا يعتبر اهدار للمال العام والتلاعب بمصلحة التلاميذ اشتكي للنيابة الادارية وللمحافظ ولشئون المواطنين بالمديرية ولشئون المواطنين بالوزارة

ربنا يوفقك إلى الخير

السلام عليكم
=========
ممكن اعرف حضرتك فى ادارة ايه . الادارة فقط

لا تترك حقك أشتك فى النيابة الادارية والوزارة ولا تخلى حلى لو قالوا لك اخلاء ادارى
وأمثال هذا التوجيه موجودون وكان لى تجربة مماثلة مع التوجية ولكنها وصلت للنيابة العامة!!!!
منذ10سنوات واسم بالله اننى علمتهم الادب
ورغم مرور هذه السنوات وأمثال هؤلاء
اصبحوازكرى سيئة بعد وصولهم للتقاعد

ولا ضاع حق وراء مطالب

اشكركم جميعا لحسن الاهتمام بالموضوع بارك الله فيك