Mr. Muhammad Sobhy
15-10-2011, 09:20 PM
لا......... للردود السطحيه!!!ونعم ....للردود المفيده!!!
في ظاهره في جميع المنتديات والحمد لله احنا اقل نسبه من الموضوع ده!!
وهي ظاهره الرد من غير نفس!!!
ـــــــــــــــــــــــــــ ــــــــــــــــــــــ
او الرد لمجرد الرد !!
ـــــــــــــــــــــــــــ ــ
او الرد لزياده عدد المشاركات وبس!!
ـــــــــــــــــــــــــــ ــــــــــــــــــــــــ
اه انا شايف ان دي ظاهره!!!
في بعض المنتديات لازم تضع رد عشان يظهر المحتوي!!!
لكن هنا في منتدانا (بوابة الثانوية العامة) جميع الروابط وجميع المواضيع بلا استثناء متاحه امام لجميع الاعضاء فمفيش داعي ابدا لرد غير مفيد للموضوع!!
المفروض ان المشاركه يبقي لها اضافه للموضوع.
وصدقني موضوع فيه 10 ردود مفيده احسن من 1000 رد مالوش معني!!!
انا بشوف مواضيع في غايه الاهميه وفيها مجالات كتير للمناقشه ومواضيع تمسني وتمسك وتمس مجتمعنا ودينا وللاسف في بعض الردود اللي تقلل من شان الموضوع وتحبط كاتب الموضوع وكلمه شكرا مش سيئه بالعكس دي كلمه جميله بس تبقي اجمل واحسن لما تكون بعد تعليقك ورايك بمنتهي الصراحه (مش الوقاحه)
انا من اشد المعارضين لطريقه الرد بكلمه(مشكوووووووووو ر- شكرا - نايس توبيك _ .او يعمل كوبي بست لرد معين ..... الخ) وان كنت عملت كده فده كان فى بداية معرفتى بالمنتدى
مشاركتك لازم تبقي مفيده ليك ولكاتب الموضوع وللقاريء وليها معني وفي صلب الموضوع.
انت تشكره فعلا بانك تقراء الموضوع وتستفاد منه وتكتبله انت استفدت ايه او اتعلمت ايه والموضوع اثر فيك وللا لا ولو شايف معلومه غير صحيحه وضحها باسلوب مهذب ولو عندك اضافه اكتبها وبدون تردد وصدقني ده مش يزعل كاتب الموضوع في شيء انك تصححله معلومه او تظبط له تاريخ او تصحح حديث شريف او ايه قرانيه او او او.
لان الموضوع مش سلعه وهو بيكتب الموضوع مش عشان اي مقابل مادي لكن هو بيجتهد ويبحث ويكتب عشان انت تستفيد وتعم الفايده فابلاضافه بتاعتك للموضوع انت بكده بتحطايدك في ايده عشان الرساله توصل كامله.
ووالله انا ببقي سعيد جدا لما الاقي في احد موضوعاتي راي مخالف وصحيح واخ اواخت بيعدل معلومه ويصححها لي وياسلام بقي لما يكون في اختلاف في وجهات النظر ويبقي في مناقشه كده فعلا كاتب الموضوع بيحس ان مجهوده وتعبه ووقته مضاعش ويتشجع يبحث ويدور علي مواضيع احسن واجمل ويبقي في حماس وحافز عشان يعمل مواضيع تانيه وتالته.
ياريت كل اللي يقراء الموضوع يبتدي يطبق الكلام ده عشان نبقي فعلا علي مستوي عالي من الفكر ويبقي لينا شخصيتنا المستقله ونعود نفسنا علي المناقشه الجاده في كل امور حياتنا
يارب مكونش طولت عليكم
و
اسف على الازعاج
ولمن يختلف معى فى الراى اقول له باسما لكم ارائكم ولى اراء والحياة ظلال واضواء
..........................محمد صبحى......................
في ظاهره في جميع المنتديات والحمد لله احنا اقل نسبه من الموضوع ده!!
وهي ظاهره الرد من غير نفس!!!
ـــــــــــــــــــــــــــ ــــــــــــــــــــــ
او الرد لمجرد الرد !!
ـــــــــــــــــــــــــــ ــ
او الرد لزياده عدد المشاركات وبس!!
ـــــــــــــــــــــــــــ ــــــــــــــــــــــــ
اه انا شايف ان دي ظاهره!!!
في بعض المنتديات لازم تضع رد عشان يظهر المحتوي!!!
لكن هنا في منتدانا (بوابة الثانوية العامة) جميع الروابط وجميع المواضيع بلا استثناء متاحه امام لجميع الاعضاء فمفيش داعي ابدا لرد غير مفيد للموضوع!!
المفروض ان المشاركه يبقي لها اضافه للموضوع.
وصدقني موضوع فيه 10 ردود مفيده احسن من 1000 رد مالوش معني!!!
انا بشوف مواضيع في غايه الاهميه وفيها مجالات كتير للمناقشه ومواضيع تمسني وتمسك وتمس مجتمعنا ودينا وللاسف في بعض الردود اللي تقلل من شان الموضوع وتحبط كاتب الموضوع وكلمه شكرا مش سيئه بالعكس دي كلمه جميله بس تبقي اجمل واحسن لما تكون بعد تعليقك ورايك بمنتهي الصراحه (مش الوقاحه)
انا من اشد المعارضين لطريقه الرد بكلمه(مشكوووووووووو ر- شكرا - نايس توبيك _ .او يعمل كوبي بست لرد معين ..... الخ) وان كنت عملت كده فده كان فى بداية معرفتى بالمنتدى
مشاركتك لازم تبقي مفيده ليك ولكاتب الموضوع وللقاريء وليها معني وفي صلب الموضوع.
انت تشكره فعلا بانك تقراء الموضوع وتستفاد منه وتكتبله انت استفدت ايه او اتعلمت ايه والموضوع اثر فيك وللا لا ولو شايف معلومه غير صحيحه وضحها باسلوب مهذب ولو عندك اضافه اكتبها وبدون تردد وصدقني ده مش يزعل كاتب الموضوع في شيء انك تصححله معلومه او تظبط له تاريخ او تصحح حديث شريف او ايه قرانيه او او او.
لان الموضوع مش سلعه وهو بيكتب الموضوع مش عشان اي مقابل مادي لكن هو بيجتهد ويبحث ويكتب عشان انت تستفيد وتعم الفايده فابلاضافه بتاعتك للموضوع انت بكده بتحطايدك في ايده عشان الرساله توصل كامله.
ووالله انا ببقي سعيد جدا لما الاقي في احد موضوعاتي راي مخالف وصحيح واخ اواخت بيعدل معلومه ويصححها لي وياسلام بقي لما يكون في اختلاف في وجهات النظر ويبقي في مناقشه كده فعلا كاتب الموضوع بيحس ان مجهوده وتعبه ووقته مضاعش ويتشجع يبحث ويدور علي مواضيع احسن واجمل ويبقي في حماس وحافز عشان يعمل مواضيع تانيه وتالته.
ياريت كل اللي يقراء الموضوع يبتدي يطبق الكلام ده عشان نبقي فعلا علي مستوي عالي من الفكر ويبقي لينا شخصيتنا المستقله ونعود نفسنا علي المناقشه الجاده في كل امور حياتنا
يارب مكونش طولت عليكم
و
اسف على الازعاج
ولمن يختلف معى فى الراى اقول له باسما لكم ارائكم ولى اراء والحياة ظلال واضواء
..........................محمد صبحى......................