السلام عليكم ورحمه الله وبركاته
اخوانى الزملاء ليا استفسارات كتيرة خاصة بالاجازات
انا عندى ظروف طارئة وعاوزة اقدم على اجازة اعتيادى الاسبوع اللى قبل العيد مباشرة
يعنى من الاحد للخميس
اولا اقدمه ازاى وفين لانى سمعت اكتر من طريقة وايه طلب التقديم
ثانيا انا لو اخدت من الاحد للخميس يجب ان افصل قبل اجازة العيد ولا عادى لما ارجع بعدها لان الاجازة هتخلص الخميس وبعدين وقفة العيد السبت ياترى ايه هى القوانين فى الحالة دى
وياريت من حضراتكم صيغة الطلب اكون شاكرة ليكم وجزاكم الله كل خير

الرجاء الرد لان ده مطلب الكثير منا يريد معرفته من اهل الخبره

الاستاذة الفاضلة

بالنسبة للاجازة الاعتيادى بتقدمى طلب لمدير المدرسة بالاجازة وإذا كان ليس لديه مانع بيؤشر عليها بالموافقة ، ثم تقومى حضرتك باعتمادها من مدير الإدارة ( أو اى زميل لك ) ثم تسلم لقسم الاجازات فى الادارة .
بس المشكلة كلها فى موافقة مدير المدرسة .

أما بالنسبة لإجازة العيد طبعاً بالتأكيد لازم تفصلى بيوم بين الاجازتين يعنى تكتفى بالاجازة الاعتيادى الى يوم الاربعاء .

صيغة الطلب


إدارة ........... التعليمية
مدرسة .............

السيد الاستاذ / مدير مدرسة ...................
تحية طيبة وبعد

نرجو من سيادتكم الموافقة على منحى اجازة اعتيادية لمدة ......... تبدء من يوم ........ ( التاريخ ) وتنتهى يوم ........ ( + التاريخ ) . نظراً لظروف خاصة تمنعنى عن التواجد فى المدرسة هذه الفترة .
وحيث أن رصيدى من الاجازات الاعتيادية يسمح بذلك .

يعتمد .................................................. ....... يعتمد
مدير المدرسة ......................................... مدير الادارة التعليمية

بشكرك يا استاذ احمد على الرد والمعلومات اللى حضرتك وضعتها بين ايدينا وجعله الله فى ميزان حسناتك يارب

وهل الاجازة الاعتيادي حاليا لها تاثير علي الحوافز