السلام عليكم
انا طالبه بالصف الثالث الثانوى
ادرس ماده التاريخ واذاكرها جدا لدرجه انى لو اخذت امتحان فيها احصل على الدرجه النهائيه بثقه ولكن عندما يسالنى المدرس اثناء الحصه لا استطيع ان اجاوب شفوى بالرغم من علمى بالاجابه ويضربى المعلم ويعلم انى لم استطيع الاجابه
وشرحت له انى لا استطيع ان اجاوب شفوى وبدا ان يستهزا بى بسبب ذلك ماذا افعل ارجو المساعده فانه يحرجنى امام زملائى ولا اعرف ماذا افعل اريد مساعدتكم

انتى بتقولى انك كويسة بس فى الكتابة فقط
ممكن بعد ما تذاكرى الدرس مثلا تاخدى سؤال سؤال
وتحفظى عناصره وتجاوبى عناصره دى بينك وبين نفسك كده شفهى
وبعدها تخلى مامتك تسمعهالك تانى وممكن تتعودى على الاجابة الشفهى
اتمنى اكون قدرت افيدك بالتوفيق

جزاكم الله خيرا ساجرب هذا الحل ان شاء الله

بعد ما تذكرى درس حاولى تشرحيه لمجموعه من زميلاتك

حتى تتعودى على الاجابه الشفوى

لما كنت طالبة كنت مش بحب الحفظ لكن لما افهم خلاص يبقى كأنى حفظتها

لكن فى حاجات لازم تحفظيها فكنت بسأل زميلاتى حد عارف درس كذا يقول لا

أقول لهم تعالو وأنا أشرح لكم وسبحان الله اللى مكنشى راضى يثبت فى مخى

بيثبت وأنا بشرح لهم ويفهمو ويشكرونى انهم فهمو وهما

لكن عرفت السبب أنى درجة تركيزى بتبقى عاليه جدا وأنا بشرح لهم

وعليكم السلام ورحمة الله وبركاته

ربنا يعينك ويوفقك وتحصلي على اعلى مجموع يبلغك الخير ان شاء الله

شوفي بالنسبة لمشكلتك دي مش مشكلة خالص عارفة ليه لان كل انسان عنده زيادة ونقصان في حاجة ولا يوجد انسان كامل من كله يعني انتي بتقدري تكتبي كويس غيرك بيحفظ قراءة وخلاص ويزهق من الكتابة لذا فاذا سألك المعلم استأذنيه تكتبي الاجابة وبعدين تقرأيها عليه ولا ثقلي على نفسك لان في النهاية الامتحان هيكون نظري ليس شفوي ولا ايه ....

وحبيبتي لا تفقدي الثقة في نفسك اهم شيء ذاكري كويس وما دمت على حق لا يهمك من حولك لان ده هيقابلك في مواقف كثير مش بس في المذاكرة ....واذا بعد كل هذا انتي مصرة انها مشكلة يبقى حبيبتي اليكي اقوى سلاح يخليكي تتفوقي على كل الفصل

الدعاااااااااااااااااء مع كثرة قراءة الكمية المطلوب مذاكرتها

انتى بتقولى انك كويسة بس فى الكتابة فقط
ممكن بعد ما تذاكرى الدرس مثلا تاخدى سؤال سؤال
وتحفظى عناصره وتجاوبى عناصره دى بينك وبين نفسك كده شفهى
وبعدها تخلى مامتك تسمعهالك تانى وممكن تتعودى على الاجابة الشفهى
اتمنى اكون قدرت افيدك بالتوفيق






أنا من راى استاذنا الفاضل
ده أفضل حل