http://img707.imageshack.us/img707/764/frrrrrrrrrr.png


منظر كلنا بنشوفه يا جماعه ..


واحد قاعد فى عربيه أحدث موديل زى الباشا..


وواحد تانى جاى هدومه مقطعه وحالته مبهدله وواقف يمسحله العربيه..


يقوم صاحبنا دايس على زرار ..


ازاز العربيه يتفتح..


ويقوم صاحب العربيه مدي للراجل جنيه ولا اتنين..!!!


http://img413.imageshack.us/img413/2381/wwwwwwwww.jpg



http://img409.imageshack.us/img409/171/fawaslnew024.png


فكرت فى المنظر ده واتاملت فيه كويس..؟؟!


ربنا بيقولك المنظر ده ميعديش ..!!


ربنا بيقولك :


(انْظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلْآخِرَةُ أَكْبَرُ دَرَجَاتٍ وَأَكْبَرُ تَفْضِيلًا)






بص وشوف واتامل فى الدنيا..


ربنا جعل كل حاجه فى الدنيا درجات..


الجمال درجات..


الذكاء درجات..


المناصب درجات..





وكذلك الاخره..


الميزان درجات..


والمرور من على الصراط درجات..


والجنه درجات..!



الفرق بين الدرجه واللى بعدها زى الفرق بين السماء والارض..!!




تخيل ندمك هيبقى شكله ايه لو اتحرمت من انك تبقى فى درجه اعلى فى الجنه علشان حسنه ناقصاك او سيئة زياده بسبب معصية عملتها ومتبتش منها..؟؟؟



تخيل انك ممكن تتحرم من انك تشوف النبى ...؟؟


تخيل الاسوء من كده بمرااااااااااحل انك ممكن تتحرم من رؤية وجه الله فى الجنه؟؟


وهو الجنه تبقى جنه من غير رؤية وجه الله عز وجل؟؟؟؟


علشان ايه كل ده ..؟؟!!!


علشان ايه يا جماعه؟؟!!



http://img409.imageshack.us/img409/171/fawaslnew024.png



الناس لما عرفت ان فيه تعيين فى كلية الطب ل 50 الاوائل مثلا..بقى الواحد يقعد 6 سنين يفحت فى نفسه ويذاكر من 50 كتاب ومينمش ليالى ..كل ده علشان دنيا..


انما لما تيجي تقول الاخره..كله بيقول ربنا يهدينا..!



زى ما بنقول دايما..يا جماعه مش هيتساوى اللى ذكر ربنا 100 مره مع اللى ذكر ربنا 101 مره..


محدش فينا بيزعل على نفسه مره لما يسمع ان حد بيقيم الليل 4 ساعات مثلا ..؟


او حد بيختم القران كل اسبوع مثلا ..


او بيصوم يوم ويوم..


محدش بيقول ليه انا مكنش كدا..؟؟؟


محدش بيفتكر قول الله تعالى (وَفِي ذَلِكَ فَلْيَتَنَافَسِ الْمُتَنَافِسُونَ) ..؟؟



يا جماعه وانت قاعد عمال تضيع فى وقتك وتقول انا عايز حاجه ت*** الفراغ اللى انا فيه..!


فيه واحد قاعد بيقرا قران..


وواحد بيدعوا الى الله..


وواحد بيتفقه فى الدين..


وواحد بيذكر ربنا و بيصلى على النبي -صلى الله عليه وسلم..


حسانتهم عماله تزيد وانت قاعد فى مكانك..!



http://img409.imageshack.us/img409/171/fawaslnew024.png




كلنا عارفين اننا هنندم يوم القيامه على كل لحظه ضيعناها ..


والله لو وقع فى قلوبنا الاحساس بالاخره وبأهمية الحسنه يوم القيامه ما كان حد فكر انه يتفرج على فيلم او يسمع اغنيه او يرغى فى الموبايل من غير لازمه او يدخل الشات او ..او ....!!



http://img409.imageshack.us/img409/171/fawaslnew024.png




واخيرا..



قال تعالى :
(هُمْ دَرَجَاتٌ عِنْدَ اللَّهِ وَاللَّهُ بَصِيرٌ بِمَا يَعْمَلُونَ)



يا ترى درجتك عند ربنا ايه ؟؟؟؟


====
==


=

جزاك الله عنا كل خير

صدقت فأوجعت وألهبت قلوبنا

" اللهم اعنا علي طاعتك وذكرك وشكرك وحسن عبادتك "

جزاك الله خيرا

جزاك الله خيرا

جزاكم الله كل خير وشكرا على التذكرة

تقبل تحياتى

ممتاز ما شاء الله ..

سبحان الله وبحمده عدد خلقه ورضا نفسه وزنة عرشه ومداد كلماته

أحسنت ، أحسن الله إليك وجزاك خيراً

بارك الله فيك ونفع بك
ينقل للقسم المناسب

جوزيتم كل خير {كل من عليها فان ويبقى وجه ربك ذوالجلال والاكرام}