كيف تكون مستعد لأى سؤال خارج المنهج (لاقدر الله) ؟ [الأرشيف]

مشاهدة النسخة كاملة : كيف تكون مستعد لأى سؤال خارج المنهج (لاقدر الله) ؟

fairlove

22-10-2011, 11:40 PM

بسم الله الرحمن الرحيم

12- السؤال الصعب و المفاجىء
علميا :
*التعامل مع المفاجئات يبدأ قبل حدوثها بمعنى توقعها قبل أن تحدث
بمعنى آخر:
* التعامل مع السؤال الصعب و المفاجىء هو أن تتوقع حدوث ذلك من الآن و تقوم بالتدريب على حل الاسئلة الصعبة و المفاجئة منذ بداية العام وتتدرب على التفكير فيها

أشكر العضو (سعيد نجم) على تفاعله ومشاركته الاكثر من رائعه .

و لكن : ما هو تفكير واضع الامتحان , عندما يضع سؤال من خارج المنهج / غير مقرر ؟

أكثر مرحله يكثر فيها هذه النوعية من الاسئلة , تكون مرحله الثانوية العامه .

و للأسف : إذا كان التفكير سلبى , فقد يؤثر عليه سلبيا .

فأرجو أن تفيدونى : فى هذا الأمر .

و أتمنى لكم التوفيق باذن الله .

ArabianPDA

22-10-2011, 11:54 PM

بره المنهج مين بس

بص يا برنس

م الاخر لو جينا نبص علي الاسئله الي في امتحاناتي ايام الثانويه
هنلاقيها كلها من المنهج بس العيال للاسف مش بتفكر

يعني قطعه الاحاسيس بتاعت تانيه :
مين قال ان القطعه "including كلماتها" يكونوا من المنهج؟!
والفكره كانت واضحه ونص العيال عندنا24 فما فوق
ومع ذلك كانو في التي في يقولوا :
الاسئله دي بره المنهج..لا بره المنهج..وربنا من بره المنهج
وهيا اصلاً السبوزد انها بره المنهج

الرياضه :
"وما هو المنهج"
يعني هل الرياضه المفروض تيجي 1+1=2!
فما عدي ذلك ليس من المنهج !

العربي:نو بروب بس غالبا من المنهج صرف

الفيزيكس:الي فاهم "صح" صدقني هيحل اي مسأله لو من المريخ

الكيميستري:جوه المنهج علي طول

الاحياء:جوه المنهج "ونادرا" سؤال كده للتفكير زي بتاع AGAAG بتاعنا

بس كده ده رأيي
الاستعداد بالفهم قبل الدش:d

fairlove

23-10-2011, 12:16 AM

بره المنهج مين بس

بص يا برنس

م الاخر لو جينا نبص علي الاسئله الي في امتحاناتي ايام الثانويه
هنلاقيها كلها من المنهج بس العيال للاسف مش بتفكر

يعني قطعه الاحاسيس بتاعت تانيه :
مين قال ان القطعه "including كلماتها" يكونوا من المنهج؟!
والفكره كانت واضحه ونص العيال عندنا24 فما فوق
ومع ذلك كانو في التي في يقولوا :
الاسئله دي بره المنهج..لا بره المنهج..وربنا من بره المنهج
وهيا اصلاً السبوزد انها بره المنهج

بس كده ده رأيي
الاستعداد بالفهم قبل الدش:d

أولا : بشكرك على الرد .... ثانيا : أنا قولت كده لانه فى الانجليزى لتانية ثانوى الـــ Translation كان فيه كلمات غير

مقررة فى المنهج , زى كلمة Clash .... أنا عرفتها الحمد لله , لأنى كنت سمعتها قبل كده فى فيلم Clash the titans

حد حصل معاه .... حاجه زى كده ؟؟ ممكن تشاركوا ..

karimadel7

23-10-2011, 12:31 AM

علي فكرة الترجمة مش المفروض تكون كلماتها من المنهج
هي محصلة معرفتك باللغة الانجليزية لسنين طويلة
و المستر لما كان بيديني ورق كلمات للترجمة
كانت بتبقي ملهاش علاقة بالمنهج خالص
و كل الكتب الخارجية قطع الترجمة بتاعتها كلماتها مش من المنهج الا قليل منها

بصراحة انا مشفتش في حياتي سؤال من بره المنهج
هي بتبقي عيال يا مش مذاكره يا حافظة و خلاص من غير فهم
فالطبيعي يخرجوا يقولوا ده من بره المنهج لانهم مش فاهمين حاجة اساسا

طبعا ده باستثناء ال 3 تشوز الانجلش اللي اتشالوا علي طول برغم اني كنت عارفهم اساسا
غير كده مشفتش حكاية بره المنهج ديه ابدا

ArabianPDA

23-10-2011, 01:26 AM

أولا : بشكرك على الرد .... ثانيا : أنا قولت كده لانه فى الانجليزى لتانية ثانوى الـــ Translation كان فيه كلمات غير

مقررة فى المنهج , زى كلمة Clash .... أنا عرفتها الحمد لله , لأنى كنت سمعتها قبل كده فى فيلم Clash the titans

حد حصل معاه .... حاجه زى كده ؟؟ ممكن تشاركوا ..
ومن امتي الترجمه بتبقي من المنهج؟!

ثم ان حتي وقع كلمه Clash فرضا انك مش عارفها
سنس اللغه هيقولك ان الكلمه دي فيها تخبيط او حاجه لاطشه في حاجه
زي عندنا في بشري "كمثال حتي"
كلمه زي agammaglobulinemia
ودي كلمه واحده للعلم مستحيل تحفظ كل كلمه مرض
لكن سنس اللغه بيقولي ان mia =مرض باللاتيني
a =نقص
وبالتالي بدأت افهم المعني بدون الحاجه لحفظ الكلمه

ومكانش لازم في الجمله تعرف معني الكلمه في حد ذاتها
سياق الجمله هيوصلك المعني بشكل بجد ادق

ahmed doula

23-10-2011, 12:05 PM

highlight

23-10-2011, 12:34 PM

هو على انى فاكرة ان حصل معايا حاجة زى كده........بصراحة لا
بصوا يا جماعة فى فرق بين لما يتقال
السؤال صعب.........السؤل تراكمى......السؤال من برة المنهج
السؤال الصعب دا المفروض يتحط للتمييز ولا اعتراض على ذلك...
السؤال التراكمى...........انا ارفضة فى ثانويةالعامة نهائى........
لا مثلا مش كل المواد ممكن يحصل فيها التراكمى.....زى العربى(ماعدا النحو)
واللغة التانية.......بس مش ييجى فى الفيزيا و ينزلى كلام اولى ثانوى و يقولى دا تراكمى عليكى
وطبعا دفعتى تانية ثانوى 2010 يمكن شافوا سؤال الصدمة التراكمى فى التفاضل.......
بفضل الله انا حليته..........بس هو خلاص يعنى.......الاسئلة كلها مش عاجباه ولا متكرره و مشلاقى
سؤال يحطة فيجيب حاجة من 3 اعدادى............انا ارفض ده
والسؤال من برة المنهج......مممممممم............لا اتفق مع الكلمة دى بصراحة
انا حليت امتحانات كتير جدا او انا فى ثانوى
مصادفش معايا حاجة من برة المنهج..........الغير اللى كان محذوف من عندى
بس تفكير حضرتك مش سلبى.......بس السؤال ممكن يبقى صعب اوى اوى اوى...بس المنهج بردو
اعمل اللى عليك وربنا هيوفقك ان شاء الله....
دا راى الشخصى..........

karimadel7

23-10-2011, 12:40 PM

highlight

23-10-2011, 12:50 PM

انا بتفق معاكي يا دوك في كل كلامك معادا الرياضة
لان الرياضة متصلة و مينفعش نقول حاجة قديمة
مثلا في رياضة 2 كل مسائل الهندسة الفراغية تقريبا لازم استخدم نظريات من اعدادي او اولي ثانوي
لدرجة ان المستر نزلنا ورق فيه كل النظريات تاني و شرحهم لينا

انما بقيت المواد مظنش يجيب تراكمي حتي الفيزيا لان فيزيا 3 بعيدة عن فيزيا اولي اوي :)
تمام........عندك حق فى كلامك عن الرياضة
بس متنساش حاجة.............الرياضة 1 للعملى و الادبى......
امتحانا جالنا دايرة وجواها مثلث و الاثبات كان بالمماسات.......
يعنى تميز طالب الادبى(فى الغالب) مش زى طالب العلمى ابدا
لازم يراعى الكلام ده........
بس اللى داخل رياضة 3 ثانوى يبقى هو عارف هيقابله ايه فى الرياضة.......
و طبعا الفيزيا الحمد لله مش تراكمى.......بس بردو نرجع نقول........
قوانين الحركة بتاعة نيوتن و العجلة و الكلام ده ..........
فى مسائل بيتحل بيها الباب التانى بتاع الموائع........وبالذات حالات المنطاد
يعنى من ده على ده..........

احمد هشام مجدى

23-10-2011, 01:10 PM

fairlove

23-10-2011, 07:11 PM

بص يا كابتن
اللى بيحط الامتحان ميقدرش يجيب اى حاجة من برة المنهج
ما عدا الانجليزى لانه لغة والعربى بتاع تالتة ممكن يلعبلك فى النحو والبلاغة
اما المواد الادبية ميقدرش يجيبلم حاجة من برة المنهج
زى التاريخ والجغرافيا وعلم النفس والفلسفة وغيره

يا جماعه : أنا مش من النوع المعقد , اللى كلامهم فيه نسبه كبيره من السلبيات و الاحباط .

بالعكس : و كابتن أحمد جاب المفيد ^_^

فى كلمه ( يلعبلك) : ده اللى قصدى عليه .... إزاى نفهم لعب اللى حاطط الامتحان ؟؟ دماغه فيها إيه ؟؟

ده غير إننا نجتهد ونتوكل على الله طبعا .... عشان محدش يخرج عن الموضوع (:

و خارج المنهج : مش أقصد إنها حاجه جديده علينا .... لا , أقصد زى ما قالت (highlight)

● يعنى تميز طالب الادبى(فى الغالب) مش زى طالب العلمى ابدا
لازم يراعى الكلام ده........

● السؤال التراكمى...........انا ارفضة فى ثانويةالعامة نهائى........
لا مثلا مش كل المواد ممكن يحصل فيها التراكمى.....زى العربى(ماعدا النحو)

PrinCeSs MeRaMar

23-10-2011, 10:58 PM

مفيش حاجه بتيجي من بره المنهج
و بالنسبه لسنه تانيه السنه الي فاتت هو الانجلش بس و مكنش بقصد ده كان بسبب ان الي حط الامتحان كان معاه المنهج القديم يعني غلطه غير مقصوده
و الترجمه و البراجراف الي بتكتبه و comprehension دول مفهومش حاجه من بره المنهج ولا جوه
ده حصيلة معرفتك للغه
مفهاش منهج اساسا علشان يجي منه او من براه
زي مثلا الفرنساوي مهو بيجي فيه قطعه القطعه ده بتيجي كلمتها برده حصيلة الدراسه مش اكتر

karimadel7

24-10-2011, 01:05 AM

يا جماعه : أنا مش من النوع المعقد , اللى كلامهم فيه نسبه كبيره من السلبيات و الاحباط .

بالعكس : و كابتن أحمد جاب المفيد ^_^

فى كلمه ( يلعبلك) : ده اللى قصدى عليه .... إزاى نفهم لعب اللى حاطط الامتحان ؟؟ دماغه فيها إيه ؟؟

ده غير إننا نجتهد ونتوكل على الله طبعا .... عشان محدش يخرج عن الموضوع (:

و خارج المنهج : مش أقصد إنها حاجه جديده علينا .... لا , أقصد زى ما قالت (highlight)

المشكلة ديه حلها الوحيد حل اكبر قدر من الاسئلة و التنويع بين السهولة و الصعوبة عشان تكتسب مهارة حل الاسئلة علي اختلاف اشكالها

Osama Saeed

25-10-2011, 01:47 PM

المواد اللى فيهم لعب العربى والإنجليزى والرياضة
الباقى كله اللعب فيه بيبقى على الضيق
يعنى بيبقى ملتزم بكتاب المدرسة بنسبة كبيرة

zamalek1

25-10-2011, 02:20 PM

بس امتحان ثانوى عام 2012 هيكون نسبة التفكير فيه عالية جدا جدا جدا عشان تكون الدرجات على حق لازم كله يحل كتير مدرس الرياضة والفيزياء السنة ده بيقولوا امتحانات هتيجى السنوات اللى جاية هيحكوا عليها زى ما احنا بنحكى على امتحان 2008

karimadel7

25-10-2011, 02:36 PM

امتحان 2008 بتاع الفيزيا كل الحكاية ان اللي حط الامتحان جاب 9 حاجات من الالمبياد بتاعة السنة بتاعتها
و انا شفت الاسئلة علي الحاجات اللي خدناها
مستواها عالي جدا جدا
و كده كده المدرسين عندنا حلوا الالمبياد كلها سنتها علي افتراض ان ممكن حاجة واحده تيجي
و الاسئلة جت بارقامها مفيش حاجة اتغيرت
الفاهم و اللي مش فاهم حل
بصراحة الامتحان كان تعجيزي لازم تكون شايف نوعية الاسئلة قبلها زي ما حصل
و علي العموم المستر قالنا انه صدر قرار ان مينفعش اسئلة الالمبياد في الفيزيا تنزل في امتحان الثانوية

حسونة بيه

26-10-2011, 09:36 PM

لا اله الا الله انتى خوفتونى وبالذات من الرياضة اللى انا مخنوق منها اصلا يعنى لازم ازاكر بتاع ا عداى واولى ثانوى عشان لو سوال بايخ جيه اعرف احله

fairlove

27-10-2011, 05:20 PM

المواد اللى فيهم لعب العربى والإنجليزى والرياضة
الباقى كله اللعب فيه بيبقى على الضيق
يعنى بيبقى ملتزم بكتاب المدرسة بنسبة كبيرة

يعنى ( العربى والإنجليزى والرياضة ) من رأيكم ... إيه اللى نلتزم بيه ؟؟ ( فى خطوات) .

أحب أعرف رأيكم !!!

العضو ( 7 karimadel) : يا أستاذ كريم ... مشاركاتك مفيدة ... بس مش فاهمنى كويس !!

ممكن تقولى رأيك فى إمتحان العلوم البيئية و الجيولوجيا , السنة اللى فاتت ؟؟

-----------------------------------------------------------------------------------------------------------------

بالنسبة للعضو حسونة بيه : خد حبوب تفائل , و متقولش الكلمات السلبية كتير زى : ملل / خنقة / صعبة/ رزلة ...الخ

لكن قول : ماده تحتاج لمجهود / ذكاء ... و أنا شخص ذكى ...وهكذا ▼ :078111rg3:

http://www.youtube.com/watch?v=IiH80mcDEe0

http://www.youtube.com/watch?v=uB76W9AEPKE

highlight

27-10-2011, 05:43 PM

ههههههههههههههههههههههههههه.............
لالا فيديو خطير بجد........
تسلم يا استاذنا :d

fairlove

05-11-2011, 10:21 PM