بصراحه [الأرشيف] - بوابة الثانوية العامة المصرية

مشاهدة النسخة كاملة : بصراحه

محمود ابو عيشة

23-10-2011, 03:41 AM

بسم الله الرحمن الرحيم
بعد التحية ,,,

انا هتكلم معاكم بصراحه مطلقة
أعرفكم بنفسي
محمود
طالب 3 ثانوي
طايش من فتره

انا يا جماعه جبت في تانية ثانوي مجموع مكنش حد يتوقعه مني خالص
جبت خمسه و تمانين بعد ما كنت بمشي في شارعنا يشير علي كل الناس الباش مهندس محمود
فجأه.....
نزلت هذه الاصابع التي تشير علي كان الكل متوقع اني هكون من أوائل الثانوية العامة
هكون مين انا كنت هبقي الاول ثانوية عامة 2011.
فجأه ....
توقفت كل هذه الاحلام وبقيت تائه و علشان كده اطلقت ع نفسي الطائش التائه

طب الموضوع محصور في اني مش عارف اعمل أية انا عرفت ال كان مضيعني في 2 ث أية وعلجت نفسي منه هو الكمبيوتر و الانترنت الحمد لله علجت نفسي منه بس .......

ع رأي المثل " طلعت من فحره وقعت في......"
طلعت من مشكلة الكمب وقعت في اخطر مشكلة الموبايل و الهاكرز قولت هحاول اعالج نفسي منه بس معرفتش هو يوم واحد الي اقعدت من غير الموبايل

دلوقتي بعد النكسه بتاعت 2011(2ث) حولت ادبي بعد ما والدي قالي هدخلك هندسه خاصه بس أنا و الله الي مش رضيت مش عاوز اخش حاجه كنت هجبها ببلاش اقوم اجبها بفلوس
بعض زميلي الاكبر مني قالولي حول ادبي وانت قدام فرص كتيره
زي اجدعن و انت تجيب احسن من العلمي قولت اوك

وطول اجارة الصيف عندي تحلس رهيب و ها انا الان افع في نفس فخ العام الماضي

وبضيع يا ..........
بجد بضيع بضيع ومش عارف
اعمل ايه خالص
مليش نف اذاكر
وكل لا اجي اذاكر يجي في دماغي الاصحاب الي اقل مني بقوا اعلي مني بكتير
بعد ما كنت بمشي معاهم في 2 ث تواضع
بقيت بانحرج امشي معاهم

انا كاتب موضوعي ده علشان ....
مش عارف لن بجد
مملن كنت عاوز اطلع حاجه جوايا
او علشان ال0لسه داخل 2 ث يعرف اية ال بيحصل في 3
بجد انا خايف من الايام
يا تري هدويني ع فين و ياتري
هغير اسم الطائش التائه ولا لأ

إسف ع اي خطأ ف الكتابه فانا بكتب من الموبايل

شكرا

Asa7be Wawa

23-10-2011, 08:53 AM

اولا تذكر ((قل لن يصيبنا الا ماكتب الله لنا)) (http://www.google.com.eg/url?sa=t&rct=j&q=%25D9%2582%25D9%2584%2B%25D9%2584%25D8%25A7%2B%2 5D9%258A%25D8%25B5%25D9%258A%25D8%25A8%25D9%2586%2 5D8%25A7%2B%25D8%25A7%25D9%2584%25D8%25A7%2B%25D9% 2585%25D8%25A7%25D9%2583%25D9%258E%25D8%25AA%25D8% 25A8%2B%25D8%25A7%25D9%2584%25D9%2584%25D9%2587%2B %25D9%2584%25D9%2586%25D8%25A7%2B&source=web&cd=3&ved=0CCwQFjAC&url=http%3A%2F%2Fwww.r-khair.net%2Fvb%2Fr7335%2F&ei=HrejTrnKLo2YhQff0_3vBA&usg=AFQjCNGBL5o9uyQBy3jVqKOrNT0c1zpZfQ&sig2=gQdyw1qysIF-fpLAjZfVag)

لو حاسس إن الكمبيوتر أو الموبيل مضيعينك .. بالنسبة للكمبيوتر شيل الرمات واديهم لوالدك وقولوا

خابيهم عن وشي متدهمليش خالص ... اما الموبيل فـلازم برده تغصب علي نفسك وتديه لوالدك وقولوا

أنا مش عايز موبيلات ... واوعى تحس إنك ضايع إنت لسة في أول السنة يعني إن شاء الله تلحق تعوض

كتير إنت ممكن تلحق السن أو اثار أو تجارة انجلش وكلها كليات قمة في ادبي خلاص متبصش للماضي

ابني احلام جديدة الدنيا عمرها ماحتقف على حاجة ماجاتلكش ... اما بقى بالنسبة للناس إللي حواليك

هاقولك على حاجة حطها في دماغك إنت مهما عملت عمره ماحيعجب الناس فـماتهتمش كتير برأيهم أو

غيره ... ماهو يا الأمل يا مفيش بديل:022yb4:مفيش في وقت الجد نوم :)

محمود ابو عيشة

23-10-2011, 09:24 AM

اولا : شكرا ليك أخ كوكو ع ردك
ثانيا:
انا قولت ان الكمبيوتر خلص معتش قدامي ولا الفاره حتي
بس المشكله دلوقتي هو الموبايل وغير كده كمان ان انا مش عاوز اذاكر خالص مش عارف ليه قرأت كتب كتيره في التنمية البشرية و ساعة القرأه خلص هتغير يعني هتغير
وبعدها بساعه كده كأبنك يا ابو زيد ما غزيت
ممكن يكون العيب فيا قولت اوك هحاول اغير نفسي وأبقي محمود نيو
بس معرفتش برضو

Asa7be Wawa

23-10-2011, 10:20 AM

صدقني مش هتيجي غير لما تغصب على نفسك وتشيل الموبيل اما حوار الحماس وكده

فيه مقولة تذكرها دايما :"العنصر الجوهري هو أن تقوم وتتحرك لتفعل شيئا... لدى الكثير من الناس افكار رائعة, لكن القليل منهم من يقرر أن ينفذ افكاره هذه ... لا تنتظر للغد - لا تنتظر الاسبوع المقبل .. الان . افعلها الاعلان فالناجح شخص يفعل ولا يؤجل " لنولان باشنيل

علق هدفك في كل حته.. اكتبه على ورق.. علقه على الحيطة, الزق الورق على المكتب ,حطه wallpaper لموبيلك

وأكتب فيه هدفك السنة ده أنا عايز اعوض إللي فاتني .. أنا عايز اجيب فوق 94 % مثلا... وصدقني كل لما تشوف الورق وهدفك قدامك هتسعي ليتحقق .. واعرف كل من يريد اكثر لازم يضحي اكثر :)

محمود ابو عيشة

23-10-2011, 11:14 AM

بجد مشكور و هحاول جاهدا ان شاء الله التنفيذ

Asa7be Wawa

23-10-2011, 11:54 AM

ربنا يوفقك إن شاء الله وتعوض إللي فات وترجع احسن واقوى من الاول

وأول خطوة حل المشكلة هو انك تعرف أسبابها وإنت عارفهم إللي هم الكمبيوتر والموبيل

الدور عليك بقى علشان تحلها بطريقتك تخلص منهم بقى مستقبلك اهم بكتييييييييير ;)

highlight

23-10-2011, 12:33 PM

انا معتقدش ان المشكلة فى الموبايل او الكمبيوتر دلوقتى.......
مشكلة حضرتك بقت مشكلة نفسية انك مش متخيل ان حلم حياتك فى الهندسة ضاع
بس الحمد لله على كل شئ..........ابدا ابنى لنفسك حلم جديد وحاول توصله
بس انا عايزة اقول لحضرتك حاجة.........
حضرتك ممكن توصل للهندسة و انا واثقة من كده........
لو كان الناس واثقين فيك انك هتكون مهندس و كمان من اوائل الثانوية العامة
انا خايفة اقولك حول رياضة تانى..........الله اعلم بالامتحانات السنة دى
بس مجموع حضرتك ممكن يوصلك للهندسة..بس عايزة شغل طاحن السنة دى
و لو املك ضاع فى الهندسة............يبقى فى فنون جميلة ممكن تدخلها من الادبى
بقدرات.......ممكن توصلها........فكر بسرعة و شوف قدرتك ايه
ربنا يوفقك باذن الله

Dr.Nariman

23-10-2011, 12:39 PM

اتعب كمان سنة ترتاح بقية العمر كله

حط ف راسك الموضوع دا وإن شاء الله خير

محمود ابو عيشة

23-10-2011, 04:21 PM

Analyzer.Mn3m55

23-10-2011, 07:17 PM

والله كلامك ده قلب عليا المواجع :(
انا كنت زيك بالظبط كده زماان .. مثالى جداا فى شارعنا و العيلة و معروف ان اخواتى دكاترة كلهم اكيد محمد هيبقى مهندس و خد عندك بقى شهادات تقدير المحافظة و تكريم لحد الاعدادية و كده و كنت بحفظ فى مسجد و حاجات جامده :d
و فجأة ..... !!
فى تانيه جبت 85 % زيك بالظبط طبعا كنت مصدوم جداا لان كان المتوقع ان اعز الناس عليا و كانوا اقل منى يجيبوا 95 و حاجات زى كده .. المهم تالته انا كملت علمى رياضه و جبت 95 % بقى كله 90 % جالى كلية علوم و قولت اخلينى فى تجارة و عربى كمان شوفت يعنى اللى ادبى جاب 86 لحق تجارة انجليزى و بتوع علمى لا
المهم انا فى تجارة خارجية لو تعرفها .. بشد حيلى جدااا جدااا و هثبت نفسى قدام نفسى و قدام كل الناس عشان اغير فكر الناس عن الكلية دى لان عندنا فيها طلبة مشرفين جداا .. مشرفين لجان سياسية فى جرايد كبيره يعنى عاوز اوصلك ان الناااجح هيكون ناجح فى اى مكان
و حط فى بالك ان الحاجة اللى هتدخلها هى اللى فيها الخير .. و تتعلم و تتصدم فى الحياة من دلوقتى احسن ما تتصدم فى وقت مينفعش فيه الصدمات ..
خليك ادبى و ركز و حط امل قدامك و هدف .. انك تدخل فنون او تجارة انجلش ان شاء الله و هتوصلها بسهوله باذن الله
و بكرر تااااااااااانى اوعى تحس باحباط اقسملك لو حسيت باحباط هتضيع كل حاجة
صلى و خليك مع ربنا و ادعى و اعمل اللى عليك و ربنا هيكرمك يا استااااااااااااااااااااااااااااااااااااااااااذنا
و هنستنى يوم التنسيق لما نشوفك دخلت الكلية اللى عجباك باذن الله و اى مساعده المنتدى كله معاااااك

محمود ابو عيشة

23-10-2011, 09:04 PM

THE CodeR

23-10-2011, 09:52 PM

بص يا محمود
انتا بتحب هندسة .... مفيش مانع انك تبقي مهندس
خلص الكلية اللي هتدخلها بإذن الله
بعدها
ادرس هندسة في الكلية بتاعت الهندسة !!
ربما ممكن اكون في يوم من الايام نفس حالتك لاني جبت 95% في تالنية
لكن مفيش شيء في الكون يقدر يبعدني عن دراسة الحاجة اللي بحبها
حتي ولو مع نفسي
لكن اعمل اللي انا عايزه و اللي بحبه
اقولك حاجة
تولع الدراسة علي التعليم علي الوزارة
انا اعرف مخترعين في تجارة كتير
لا نفعتهم المحاسبة في حاجة من شغلهم ولا المبيعات
لكن اللي نفعهم طموحهم
اجعل موت طموحك مع خروج روحك
طموحك ده غايتك في الحياة فإذا ذهب ذهبت الحياة
و اسف علي الاطالة

Asa7be Wawa

24-10-2011, 12:21 AM

محمود ابو عيشة

24-10-2011, 04:01 AM

THE CodeR

24-10-2011, 01:40 PM

بص يا اخي
بأمكانك انك تحضر دراسات عليا في اي مجال بعد ما تخلص كلية
لو عرفت تنظم وقتك طبيعي
انتا تقدر تجيب كتب مثلاً من حد زميلك في هندسة
و تقراها مع نفسك ( و مش هتلاقي حاجة صعبة في الفهم ولو لقيت هتعرف تسأل فيها ) و طور نفسك بنفسك
بجانب دراستك
علي ما تخلص كلية هيبقي معاك مثلاً حوالي منهج سنتين من بتوع كلية هندسة
تقدر تستمر بعد كده مع نفسك او تسجل نفسك في الدراسات العليا في المجال ده في الكلية
او ممكن تلتحق بجامعة مفتوحة في المجال ده .... و ممكن تكمل لغاية الدكتوراة
ناس كتير فاكرة ان الكلية الاولي بعد الثانوية هي اخر امل
لكن بامكانك انك تكون عالم بدون ما تدخل الكلية دي
في عالم اسمه جورج دي بوفون ... عالم فيزياء و كونيات فرنسي
تعرف اصل مهنته كانت ايه ؟؟ كان محامي !!
و حالياً في واحد من اشهر المحللين الفنيين لمؤشرات البورصة في مصر و مهنته الاساسية دكتور بشري
حتي العقاد ....مكملش تعليمه لكن شوفه بنفسه وصل لفين
مفيش حاجز بينك و بين اللي بتحبه
كل دول علموا نفسهم بنفسهم
و دول مش اقل منك
بل والله اعلم انتا ممكن تبقي احسن منهم كمان بس انطلق

محمود ابو عيشة

24-10-2011, 07:27 PM

THE CodeR

24-10-2011, 07:35 PM

‏فعلا انا فكرت في كده وفي بعض من اقاربي قالولي انت ممكن تدخل أي كليةوتذاكر و تحاول تعمل حاجه ,‏ بجد شكرا ليك بس انا بقي عايز اسأل حاجه بقي انا دلوقيتي أدبي أية الي لازم اعمله يعني اذاكر ازاي اقسم وقتي ازاي كده يعني لعل ان حتي الخوف الي عندي ده‎ ‎يروح‎ ‎انا‎ ‎بجد‎ ‎محتاج‎ ‎help ‎فهل هناك من مساعد??!
بص
حاول تذاكر و تدخل اقرب كلية للتخصص اللي بتحبه او تخصص تاني بتحبه
و بعد كده فكر في التخصص بتاعك
يعني متضيعش السنين دي من حياتك علي حاجة بتكرهها
فاهمني
ده رأيي والله اعلم

zamalek1

28-10-2011, 06:49 PM

عندك انا انا طول عمرى عندى احساس انى مكتوب كلية الطب البشرى على جبينى والصراحة امكانياتى العقلية والقدرات عندى الحمد لله معرفتش استغلها نهائى وكل ما كان الوقت يعدى احس انى راكب مواصلات ورايح على كلية الطب اول يوم فى الدراسة ولكن تاتى الرياح بما لا تشتهى السفن وجبت فى تانية 88% وكأن الموصلة اللى انا راكبة عطلت وعملت هبوط اطرارى لو كنت ترى وجهى وحالتى النفسية وابدنية طول الصيف ورمضان ممكن يجيلك اكتاب لا ثقة لا امل فى الحياة لا شىء نهائى اصل الطب كان حلم من كتر مكونت متعلق بيه حسيت انو بقى حقيقة بس كانت حقيقة مره اوى اوى وكل ده بسبب حاجتين اولا الكورة وثانيا حاجة مينفعش اقولها واكيد اللى فى سنى وسنك عرفنها اكيد عرفتها طبعا ده حاجة كفيلة ان ربنا يخفس بيك الارض المهم انا حولت دلوقتى من علوم لرياضة اللى انا مش بحبها وهلعب على الهندسة لحد اخر نفس فى حياتى لا رجوع ولا استسلام مش هستسلم للامر الواقع هنحت فى الصخر السنة ده ان شاء الله

محمود ابو عيشة

28-10-2011, 07:49 PM

NeVeR CoMe BacK

29-10-2011, 02:30 AM

كلامك طول عمره حكم يا احمد :)
ربنا يوفقك وتحقق طموحك :)