هو ليه لما قابيل قتل هابيل الناس اعتزت باسم قابيل وسمت بيه ؟!!


ليه لما الاطباء وغيرهم من العاملين يعملو اضراب عشان رفع الاجور تكون محاولات الدولة وشغلها الشاغل احباط المحاولات دي مش حلها بطريقة عادلة ؟!!


ليه لما الحضري سافر الدنيا اتقلبت وقامت مقعدتش لحد مارجع وف كل سنة بيهرب كتير من شبابنا الباحثين - يعنى مشروع علماء ينتشلونا من الهم - محدش بيهتم ؟!!


ليه اما كوريا تصرف 90 مليار دولار على البحث العلمي مصر تصرف 100 مليون جنيه ؟!!

ليه لما تقول انا رايح اقرا كتاب زميلك يضحك ويقولك هههههه ياعم روح ذاكر اللي عليك

ولا مثلا لما تقرا كتاب عن التاريخ تسمع مقولة رذلة
"طب انت ليه مدخلتش ادبي"

ليه الحوار بين الاخوان العرب يتمثل ف شتائم وكر العصفور او الصحفي الفلاني

ليه اوربا وحدت عملتها واحنا حتى مش عارفين نوحد كلمتنا

ليه كل احساسنا باخواتنا اللي بتتقتل وتموت يتمثل ف اغنية الحلم العربي ولا مش عارف ايه

ولا الفنانة فلانة اللي لما تحب تعمل خير تزور شوية اطفال غلابة ف ملجا وتتصور وتنشر ف كل القنوات اعمالها الخيرة

ليه ف الامتحان بيسالك المعلومة دي مكتوبة ف كتاب الوزارة ازاي مش العالم اللي اكتشفها فكر فيها ازاي

ليه طوابير العيش بقت مجازر
يتخانق عليها عيلتين ويكون لهم من الضحايا اتنين
او لما يحاول الجد المسكين يجيب بجنيه كمان عيش
يقع وياخد لقب "مرحوم"

ولو على اسئلة ليه
الواحد لسة جواه كتير
وانت كمان جواك اكتر
بس الاحسن من كل دة
انت وانا ناويين يكون دورنا ايه
عشان نجاوب اي من اسئلة ليه ؟!!



م
ح
س
و
س

... .

قوليلى انتى ليه بجد لانى معنديش اجابه

شكراً يا نبتى موضوع جااااااااااااامد اوىىىىىىىىىىىىىىىىى

ثانكس يا سويتي على مرورك
مش انتى وانا بس اللي مش عارفين الاجابة
اطمنى فيه بتاع عشرين غيرنا قرو ومش عندهم اجابة

صحيح ايه الغباوة دي؟!!!!!

غباوة مين بالظبط ؟!!

السلام عليكم ورحمة الله وبركاته
ازيك ياطالبه
عامله ايه ؟
يارب بخير

أول حاجة بس عشان اعرف ارد
ناخد كل جزئيه علي حدا

هو ليه لما قابيل قتل هابيل الناس اعتزت باسم قابيل وسمت بيه ؟!!

انا بس كل اللي عايز افهمه
انتي هتستفادي ايه من اجابه السؤال ده بالذات
ومنين جبتي ان الناس اعتزوا باسم قابيل وسمت بيه كتير
لاء فيه واحد عجبه الاسم بغض النظر عن صاحب الاسم
بيسميه وخلاص
بس السؤال ده اعتقد انه مش هيفيدك

---

ليه لما الاطباء وغيرهم من العاملين يعملو اضراب عشان رفع الاجور تكون محاولات الدولة وشغلها الشاغل احباط المحاولات دي مش حلها بطريقة عادلة ؟!!

--

ليه لما الحضري سافر الدنيا اتقلبت وقامت مقعدتش لحد مارجع وف كل سنة بيهرب كتير من شبابنا الباحثين - يعنى مشروع علماء ينتشلونا من الهم - محدش بيهتم ؟!!

--

ليه اما كوريا تصرف 90 مليار دولار على البحث العلمي مصر تصرف 100 مليون جنيه ؟!!

--

ليه لما تقول انا رايح اقرا كتاب زميلك يضحك ويقولك هههههه ياعم روح ذاكر اللي عليك

--

ولا مثلا لما تقرا كتاب عن التاريخ تسمع مقولة رذلة
"طب انت ليه مدخلتش ادبي"

--

ليه ف الامتحان بيسالك المعلومة دي مكتوبة ف كتاب الوزارة ازاي مش العالم اللي اكتشفها فكر فيها ازاي

--

** مجموعه الاسئله دي
اجابتها الاطار الثقافي والاجتماعي اللي احنا فيه .. بمعني اننا اتولدنا في بلد اللي ميجبش مجموع في ثانوية عامه و يشغل دماغه بعد ما يتخرج مياكلش عيش .. حتي لو بيتهوفن في الموسيقي وبيل جيتس في الكمبيوتر و نزار قباني في الشعر و ابراهيم الفقي في التنميه ومصطفي محمود في الفلسفه
كل ده بالعربي الفصيح " ولا حاجة "
فعشان الواحد يعيش بقي في البلد دي
يااما يذاكر ويجيب مجموع يشتغل بيه
يااما لو فاتت منه الحته دي يشغل دماغه او يسافر برا يشوف حياته
حتي لو هيتهان برا
بس الاهانه برا بفلوس
بدل ما الواحد هنا بيتهان ببلاش

بس الحكومه حققت اللي هيا عيزاه بصراحة
حبست الناس في لقمه العيش
والطلبه في الصم
و المفكرين بعصام الحضري

--

ليه كل احساسنا باخواتنا اللي بتتقتل وتموت يتمثل ف اغنية الحلم العربي ولا مش عارف ايه

--

ولا الفنانة فلانة اللي لما تحب تعمل خير تزور شوية اطفال غلابة ف ملجا وتتصور وتنشر ف كل القنوات اعمالها الخيرة


دي بقي ياستي الاحسن انك متفكريش فيها
لانها مش من اختصاصك
ربنا اللي هيحاسبهم


وقد روى مسلم من حديث أبي هُريْرة قال سمعتُ رسولَ الله صلى الله عليه وسلم يقول: "إنَّ أوّلَ الناس يُقضى يوم القيامة عليه رجُلٌ استُشهِدَ (أي مات وهو يقاتل في المعركة) فأتي به فعرَّفه نِعَمَهُ فعرفَها قال: فما عمِلتَ فيها؟ قال: قاتلت فيكَ حتى استُشهِدْتُ.



قال: كذبْتَ ولكنك قاتلت لأن يقال جرىء (أي شجاع بطل) فقد قيل (أي أخذت جزاءك في الدنيا) ثم أُمِرَ به فَسُحبَ على وجهه حتى ألقي في النار. ورجُلٌ تعلَّم العلم وعلَّمه وقرأ القرءان فأُتي به فعرَّفه نِعمه فعرفها قال فما عملت فيها؟ قال: تعلَّمْتُ العِلْمَ وعلَّمتُه وقرأتُ فيكَ القُرءانَ.



قال: كذبْتَ ولكنك تعلَّمت العلم ليقال عالمٌ، وقرأتَ القرءانَ ليُقالَ هو قارىءٌ فقد قيل (أي أخذت جزاءك في الدنيا) ثم أُمِرَ به فسُحِبَ على وجهه حتى أُلقِيَ في النار، ورجل وسَّع اللهُ عليه وأعطاهُ من أصناف المال كله فأُتي به فعرَّفه نعمه فعرفها، قال: فما عمِلْتَ فيها؟ قال: ما تركتُ من سبيلٍ تُحبُّ أن يُنفَقَ فيها إلاّ أنفقتُ فيها لكَ قال: كذَبْتَ ولكنك فعلتَ ليُقال هو جَوَاد (كريم) فقد قيل (أي أخذت جزاءك في الدنيا) ثم أمر به فسُحِبَ على وجهه ثم أُلقي في النار".

يبقي الجزئيه دي مش بتاعتنا
الجزئيه دي ربنا هيعرف يحاسبهم عليها كويس اوي

--
ليه طوابير العيش بقت مجازر
يتخانق عليها عيلتين ويكون لهم من الضحايا اتنين
او لما يحاول الجد المسكين يجيب بجنيه كمان عيش
يقع وياخد لقب "مرحوم"

هنا بقى اللعب علي كبير
ونظام ملهوش تغيير
طول ما احنا مش بنتغير
احنا ساكتين
هناخد علي قفانا اكتر واكتر

بس اعتقد ان دي اجتهادات في حل الاسئلة
اتمني الافادة
:)