دعوة لكل من يعمل بنظام الحصة وبيقبض 150 جنية للمطالبة بعقد مميز [الأرشيف]

مشاهدة النسخة كاملة : دعوة لكل من يعمل بنظام الحصة وبيقبض 150 جنية للمطالبة بعقد مميز

m-farouk

26-10-2011, 12:17 PM

إلي كل من يعمل بنظام الحصة سواء مدرسين مواد أو أاخصائيين وبيقبضوا 150 جنية وساكتين لحد امته هيضحكوا علينا كمان وكمان يعني يبقي رجل جامعي وبشتغل وفي اخر الشهر يعطيني 150 جنية اعمل بيهم ايه ارجوا من السادة الزملاء تجميع اكبر عدد من جميع المحافظات للمطالبة بعمل عقد مميز يضمن حياة كريمة وفي سبيل المستقبل للتثبيت والله المستعان

الزمرانى

26-10-2011, 01:36 PM

فين الوقفه وامتى اولا احنا 105 ومبنقبصش

m-farouk

26-10-2011, 04:01 PM

الوقفة ستتم انشاء الله بعد تجميع اكبر عدد ممكن

محمد يسرى عبده

26-10-2011, 04:53 PM

انشاء الله انا معاكم

mahmoudelgamily

29-10-2011, 02:37 AM

ان شاء اللة معاكم

teacher_2

31-10-2011, 03:00 PM

http://www.thanwya.com/vb/showthread.php?t=381636

m-farouk

01-11-2011, 07:32 AM

فى شهر اكتوبر الحالى
وصل فاكس من وزارة المالية للمحافظات
محدد به مرتب المعلم بالحصة 400 جنيه فى الشهر
وعدد المتعاقديين بالدقهلية حسب المصدر 1900 مدرس
والمبلغ حوالى 5.5 مليون جنيه
مع العلم ان المعلم بالحصة لا بيدخل فى اعمال امتحانات
ولا مراقبة ولا خلافه
ورغم كده بيتحسب له مبلغ تحت مسمى مكافأة امتحانات
اعتقد لو انا متعاقد
يلزمنى مبلغ كويس فى الشهر
بدل ما هى لبانه كل شوية بنسمعها ان مرتبهم 150 جنيه
لا مرتبهم شهريا حسب فاكس المالية الوارد للمحافظة
على حسب المصدر 400 جنيه فى الشهر وليس 150 جنيه

shazlymath85

04-11-2011, 09:23 PM

لا بديل عن العقد المميز ولابد من التنسيق مع كل المحافظات لوضع حد لهذه المهزلة يعني ايه حتى 400 جنيه يا اخوانا احنا مش عايشين ال400 جنيه دي مصروف تلميذ في الابتدائي او الاعدادي لمجرد ان ابوه شغال في البترو ل او الكهربا او....... حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل.

محمد فيثاغورس

04-11-2011, 09:38 PM

ياجماعة انا من الدقهلية وغيرت المسمى الوظيفى واتعينت ولكن ياجماعة انتم لازم تروحوه المحافظة وتزنوا على المحافظ ومحدش بيؤخذ حقه غير بكده تخيل اثنين لهم مطالب من المحافظة واحد بيزن على المحافظة وبيعتصم علشان ياخذ حقه مين المحافظة هتبصوا له وتحل مشكلته 150 جنيه ايه اللى بيتكلموا عليه لكم والله العظيم انا عندى استعداد اجيى معكم واقف معاكم واجيب مجموعة تغيير المسمى تتكاتف معكم ولكن لازم تجمعوا بعض اكتر ويكو لكم قوائد من كل الادارات

m-farouk

05-11-2011, 07:42 AM

ان شاء الله احنا مش هنسكت الا لما يعملوا لينا عقد مميز

محمد فيثاغورس

05-11-2011, 01:48 PM

الحل الوحيد هو العقد المميز هو بداية التعيين انما العقد بالحصو والمكافاة الشاملة مش هيودى لحاجة

m-farouk

06-11-2011, 12:42 PM

ياريت الكل يشارك معانا عشان صوتنا يوصل

meslmat

14-11-2011, 04:30 AM

بالتوفيق
فى الشرقية 110

meslmat

14-11-2011, 04:33 AM

صورة الفاكس لو سمحت

محمد فيثاغورس

14-11-2011, 09:52 PM

يعملو فائض ميزانية ويحطوها فى جيوبهم
http://kll2.com/upfiles/OxR89763.gif

m-farouk

15-11-2011, 07:38 AM

مشكور استاذ محمد علي صورة الفاكس لأن أنا بصراحة مكنش معايا صورة الفاكس دي

محسن اللول

15-11-2011, 10:33 AM

وعلمت "الجمهورية" ان الجهاز حدد من بين 30 إلي 40 ألف جنيه كحد اقصي للأجور كمرحلة أولي تطبق علي قيادات الجهاز الحكومي وعددهم 10 آلاف قيادة علي أن يبدأ التنفيذ أول يناير القادم وسيتم علي مرحلتين الأولي أول يناير والثانية بعد 6 أشهر علي اصحاب الكادرات الخاصة من العاملين من الدولة كالقضاة والشرطة ورجال القوات المسلحة والصحفيين والعاملين بالسلك الدبلوماسي وبالرقابة الادارية والمخابرات العامة والجهاز المركزي للمحاسبات..

m-farouk

15-11-2011, 12:58 PM

واحنا مش لاقيين ال400 جنية حتي

مصطفى العبادى

02-12-2011, 04:31 PM

فى محافظة قنا على مستوى الادارات اقسم بالله بنقبض 240 جنيه بس ومعظمنا عندنا اسر متزوجين يعنى وعندنا اطفال احنا معاكم كل مدرسى قنا بنظام العقد الزبالة اللى ب240 جنيه كلنا معاكم

m-farouk

03-12-2011, 07:07 AM

الله المستعان

روتي حبي

06-12-2011, 07:37 AM

يا جماعه عقد مميز ايه بس مش عاوزين مهاطلات لا عقد مميز و لا مؤقت عاوزين تثبيت علطول و بعدين وزير الماليه الجديد بيقول هيثبت العماله المؤقته كلها فنيجي احنا و نطالب بعقد مميز تااااااااااااااااني
لاغني عن التثبيت كفايه قوي كده عاوزينهم يعملوا لنا عقد مميز و نرجع ننادي و نلم بعض تااااني كمان سنتين علشان نتثبت؟؟؟
خدوها من قصيرها احسن

m-farouk

06-12-2011, 12:51 PM

ان شاء الله مع رئيس الوزراء الجنزوري ووزير المالية الجديد فيه أمل للتثبيت

القلوب النيره

08-12-2011, 12:36 AM

ايه اخر اخبار مدرسى الحصة فى الدقهلية بعد ممسك الوزير الجديد جمال العربى نريد التثبيت فوررا

القلوب النيره

09-12-2011, 06:58 PM

يا جماعة عاوز اعرف اخر الاخبار ايه بالنسبة لمدرسى الحصة فى الدقهلية

fayoumy2020

12-12-2011, 12:18 AM

واحنا كمان في محافظة الفيوم بعد عودة المنقطعين اصبحنا ناخذ 120 جنيه هذا المبلغ المفروض انه يفتح بيت واسرة كبيرة عشان كده لازم نتحد جميعا ونحدد يوم لعمل وقفة امام الوزارة بمصر وكمان نعمل صفحة علي الفيس بوك يا ريت يا جماعة عشان نحدد الميعاد

m-farouk

12-12-2011, 07:38 AM

ان شاء الله هيبقي تثبيت علطول مع قانون الكادر الجديد

هشام جيل

14-12-2011, 02:19 PM

أنا اعرف ناس شغالة بالعقد من 3 شهور في الشرقية و لسه مش خدت حاجة
ده غير المواصالات انا اعرف ناس بتركب 3 مواصلات
يعني من الآخر مدرس العقد شغال ببلاش ا
ربنا معاكم
ياريت تنشروا ميعاد المظاهرة
وياريت تشمل التطهير من الفلول عشان أنا جبت جواب ان في مدرسة عايرة تخصصي وقالولي في الادارة لأ ( الكلام ده قبل ماستلم الشغل في المدرسة البعيدة ) لازم شايلها لحد واسطه هذه الاإدارة هي ادارة غرب الزقازق التعليمية

روتي حبي

15-12-2011, 10:03 PM

انا من الشرقيه فعلا ما قبضناش و لا مليم لحد دلوقت و السكرتير في المدرسه بيقول لنا لما تجيبوا العقود
و الاداره بتقول لسه مجتش لنا عقود من المديريه
مش عارفه المسئول عن الكلام ده بيعتبرنا ايه بالظبط اكيد مش كائنات حيه طبعا لان لو اي كائن حي هيحتاج ياكل دول بيعتبرونا موتي
..... لو حد عنده تفسير تاني يقول....

ابراهيم عقل

16-12-2011, 09:49 AM

ممكن حد يقولي متي سيتم التثبيت للعاملين بالعقود الموقتة انا خريج تربية انجليزي 2002 واشتغلت سنتين و انقطعت وبعدها قدمت مرة ثانية في الصيف الماضي

shitos888

16-12-2011, 02:17 PM

ياشباب انا محافظة الغربية وولسه مقبضتش حاجة مش عايزين عقد مميز احنا عايزين تثبيت على طول كفاية الظلم ال احنا شفناه قبل كدا حراممممممممممممممم لازم نقف ايد واحدة

طاهر المروانى

16-12-2011, 04:39 PM

لكل المنقطعين بمحافظة الشرقيه sharkiateachers*groups.facebook.com (sharkiateachers*groups.facebook.com)

m_adel_143

16-12-2011, 10:01 PM

الي كل من عاني في نظام الحصة

في الدقهلية او غيرها

ان شاء الله لو لم يتخذ اجراء مرضي خلا الفترة القادمة وحتي شهر يناير 2012

هيكون فيه اعتصام مفتوح امام محافظة الدقهلية

يوم الاربعاء 1/2/2012

لازم نطالب بحقوقنا احنا بنشتغل في مدرسة واتنين وثلاثة وبنقبض 150 وبعد الخصومات 130

فيه خريج جامعة يقبض 130 جنيه دول مايكملوش تمن بنطلون ولا حتي مواصلات

اتمني المشاركة من الجميع

انا معايا عدد كويس من ادارات مختلفة وياريت باقي الادارات تتفاعل معانا وتعمل حسابها تكون معانا

ان شاء الله هكون علي تواصل مع حضراتكم و ده رقمي

01003934511

m-farouk

17-12-2011, 09:39 AM

محمد باشا اخبارك ايه ان شاء الله لازم مانسكتشي علي حقوقنا ونطالب بيها لابد عن التثبيت انا معاك في الكلام اللي بتقوله بس هل بقيت الناس معانا وهيشاركوا اتمني من الله ان يكون العدد كتير علشان نعرف نجيب حقنا علي فكره انا لسه ما قبضتش حاجة ومليت استمارت شهر 10 و 11 اللي هيه بـ 150 جنية ههههههههه ولكن الموجة بتاعي كل ما نقوله نيجي لحضرتك علشان تمضي الاستمارة يقولك لا لحسن فيه اعتصامات في المديرية أمال لو 1000 جنية كانوا عملوا فينا ايه

روتي حبي

17-12-2011, 08:45 PM

معاكوا في الاعتصام
جروب المنقطعين بمحافظة الشرقيه
ميعادنا 1/2 /2012 ان شاء الله

مصطفى العبادى

18-12-2011, 12:57 AM

معلمين قنا معاكم ان شاء الله

محمد تامر مرزوق

18-12-2011, 12:55 PM

عايزين موقف واضح من الوزارة و يكون في حطوات للتثبيت

7OBEL3MR

18-12-2011, 07:07 PM

والله ياجماعة دة اخر ذل انا بروح المدرسة من اول شهر 10 ولا مليم اخدناة وشكلهم برضوة مش هيدونا حاجة والواحد حاسس بانة مهمش وبانة ملوش حق وكمان احساس عدم الاستقرار دة وحش يعنى الى هوة رضينا بالهم والهم موش راضى بينا وعيب اوى لما ابقى تعليم جامعى ومعايا تقدير ودبلومة وكمان الicdlوباخد 150 دة لو خدتهم لا غنا عن طلب حقنا والى لة حق مش بيضيع وطول محنا ايد واحدة موش هنخاف ولا هنتراجع معاكم من ادارة بلقاس

القلوب النيره

19-12-2011, 12:00 AM

ايه الجديد فى الدقهلية بالنسبة لمدرسى الحصة 18 12 2011

مصطفى العبادى

19-12-2011, 10:20 PM

لازم نعمل مظاهرة عشان نتساوى باصحاب العقود المميزة اللى معظمهم اخدوها عن طريق نواب الوطنى الحرامية

محمد سلامة فهمى محمد

19-12-2011, 11:41 PM

سلام عليكم نحن نريد ان ننظم وقفة على مستوى محافظات مصر ننظم حملة شعارها نريدالتثبيت هذا شعارنا انا من بنها نريد التنظيم لنقف وقفة واحداة

العمده ابوعلى

20-12-2011, 12:06 AM

تم اليوم خلال لقاء اعضاء النقابه ا/مجمود مصطفى (نقيب المعلمين بالمنتزه)و ا/عماد الدين حسانين بخيت(عضو نقابة المنتزه) فى المديريه تم الاتى
1- سوف يتم تثبيت(1425)معلم(عقد داخلى او بالحصه)على درجه معلم مساعد(من امضى ثلاث سنوات) وسوف يتم ذلك قبل 1-7 القادم وسوف نعلن الاسماء قريبا على الموقع وداخل النقابه
2- المرحله الثانيه من تغيير المسمى الوظيفى انتهت وخلصت وسوف يتم تنفيذها فى اجازة نصف العام نظرا للدخول فى امتحانات نصف العام وحرصا على اسقرار العمليه التعليميه وسوف نقوم بنشر الاسماء كامله على الموقع وكذلك فى داخل النقابه
هذا وتتمنى نقابة المعلمين بالاسكندريه التوفيق لمعلمى العقود ومعلمى المرحله الثانيه من تغيير المسمى الوظيفى وتعدكم بالتواصل معكم فى اى مشكله خاصه بالمعلمين
اخوكم / عماد الدين حسانين بخيت عضو نقاب المعلمين بالمنتزه
التواصل 01007928658
http://www.facebook.com/groups/141849369221560/
http://www.facebook.com/pages/نقابة-المعلمين-المنتزة/234494956588847?ref=ts&sk=group_2816272552

alaa20022003

20-12-2011, 12:42 AM

اليوم طلبوا أوراق التعاقد للمعلمين في ادارة غرب المنصورة ممكن حد يسأل ويتأكد

m-farouk

20-12-2011, 07:33 AM

منين سمعت الكلام ده وامتي بالضبط لآن الأوراق دي مطلوبة من زمان بقالها حوالي شهر واتسلمت في ادارة غرب المنصورة وانا من الادارة دي أنت سمعت ايه يالضبط وضح

القلوب النيره

21-12-2011, 12:46 AM

انا عاوز اعرف اخر الاخبار عن مدرسى الحصة فى الدقهلية الى اشتغلو مارس وابريل 2011 والى تم اتجديد لهم على القديم ولسنا لم ناخذ مليما واحد فياريت حد من المنصورةيروح مديرية التربية والتعليم بالدقهلية فى المنصورة ويسال ويقولنا ايه الاخبار

m_adel_143

22-12-2011, 01:55 PM

اخر الاخبار ان الورق راح المديرية من شهر تقريبا عشان يتعمل عقود مميزة في شهر يناير عشان كده اخترت اول يوم من شهر فبراير للو قفة امام مبني محافظة الدقهلية في حالة عدم الاستجابة لنا وعمل عقود مميزة واحتساب المدة السابقة التي عملنا بها ضمن مدة الخدمة حتي يتسني لنا التثبيت في اقرب وقت

الفنان محمود عيد

24-12-2011, 06:14 PM

موعدااااااا فى الاول من فبراير

مصطفى العبادى

24-12-2011, 06:23 PM

ان شاء المولى عز وجل لازم نتساوى باللى معاهم عقد مميز لانهم غالبيتهم اخدوا العقود دى من فلول الوطنى قبل الثورة وغالبيتهم واسطة مينفعوش يبقوا مدرسين

m_adel_143

24-12-2011, 10:56 PM

المعاد اول فبراير

الكل لازم يعرف ويكون موجود

القلوب النيره

25-12-2011, 01:05 AM

انا سامع ان فيه ناس قعدت مع محافظ الدقهلية الاربع ال فات 22 12 2011 من بتوع الحصة هحد يسال من المنصورة ويقولنا ايه الاخبار ضرورى

m_adel_143

25-12-2011, 08:45 PM

انا سمعت برده ان كان فيه قعدة لكن معرفش وصلوا لايه

مصطفى العبادى

25-12-2011, 09:43 PM

احنا عاوزين عقد مميز زى اللى كان نواب الوطنى بيجيبوه لمعظم المدرسين اللى بالعقد احنا عاوزين نتساوى بيهم هما بياخدوا 650 جنيه واحنا بناخد 240 جنيه

القلوب النيره

26-12-2011, 01:20 AM

هو فيه حاجة جدده فى الدقهلية بالنسبة لمدرسى الحصة يوم الاربعاء الى جاى 28_12_2011

القلوب النيره

26-12-2011, 01:22 AM

اقصد هل من جديد؟حد يقول لنا

سلوى خضر

26-12-2011, 03:51 PM

وانا من البحيره معااااااااااااااااااااااااااااااااااااااااااااااكم رغم لو فى خنصره من فلوسنا اكيد الوزير عارف ويبقى مشترك معاهم
واكيد شايف وبيسمع

m-farouk

27-12-2011, 07:34 AM

ان شاء الله لو محصلشي حاجة اول يناير الوقفة هتبقي أول فبراير الكل يجهز نفسه بمشيئة الله

روتي حبي

27-12-2011, 03:18 PM

احنا تظلمات الشرقيه مضينا اول امبارح ترخيص عمل 110 جنيه و الوظيفه مكتوب معلم مساعد ...ليه معرفش و ايه الفرق بينه و بين كلمة معلم اللي كانت بتتكتب في خانة الوظيفه زمان؟؟
لان في متعاقدين تبع الخدمات مكتوب لهم عقد مؤقت مش ترخيص و الوظيفه معلم بس..
و المكافاه بند 2/3 اجور موسمين
و اللي عايزه استفسر من حضراتكم عنه ان الاجازات تخضع لقانون الجهاز المركزي للتنظيم و الاداره رقم 15 لسنة 2009 ...ايه بقه الاجازات المتاحه ؟؟
علي فكره احنا مش ساكتين و فيه ناس راحوا لوكيل الوزاره اعتراضا علي ال 110 قالهم هرد عليكوا منتصف يناير
و ادارة شرق الزقازيق اخدوا راتب 340 جنيه ..
وفيه اعتصام يوم 8/1/2012 للمطالبه بالتثبيت
و علي فكره فيه همس في الاداره ان كل العقود هتتثبت في يناير و معني كده انهم عاوزين شوية ضغط مننا للحصول علي حقوقنا ... يا ريت كل التظلمات في كل المحافظات تنادي بالتثبيييييت لا غني عنه لاعقود مميزه ولا غيره يعني نتثبت و نمتحن كادر بعدين زي معلمين الحصه اللي اتثبتوا قبل الثوره
ربنا معانا...

الفنان محمود عيد

27-12-2011, 07:54 PM

سمعت ان فى وقفه أمام مديريه التربية والتعليم بالدقهليه الاربعاء 28-12-2011

الفنان محمود عيد

27-12-2011, 08:31 PM

تم انشاء صفحة على الفيس لتواصل معلمو الحصه بالدقهلية تحت عنوان معلمو الحصه بالدقهلية
واجد صعوبه فى وضع الرابط بسبب عدد المشاركات
facebook.com/
groups/
325372734139398/

الفنان محمود عيد

27-12-2011, 08:32 PM

يجب التواصل بجميع الادارات

fayoumy2020

27-12-2011, 11:33 PM

ياريت نعمل صفحة علي الفيس بوك ونحدد مطالبنا ونعمل وقفتنا ونجمع اكبر عدد ممكن من الناس يا ريت انا وزمايلي من الفيوم منتظرين التعليمات

القلوب النيره

28-12-2011, 01:35 AM

ياريت يا جماعه حد يقولنا اخر الاخبار فى الدقهليه

القلوب النيره

28-12-2011, 01:37 AM

مدرسى الحصه فى الدقهليه ايه خر اخبارهم يوم 28-12-2011

القلوب النيره

28-12-2011, 11:16 AM

كان فيه وقفة النهارده الاربعاء28-12-2011 لمدرسى الحصه بالدقهليه امام المديريه عاوز اعرف الوقفه دى وصلة لايه.............. هل فيه عقد ولا تثبيت من فضلكم د يقولى اخر الاخبار ضرورى

7OBEL3MR

28-12-2011, 09:35 PM

ولا الهوا زمايلى كانوا هناك النهاردا فى الوزارة الاول فى المنصورة وبعدين راحوا المحافظة وقالولهم تعالو يوم الاحد بس فعلا احنا عايزين واقفة والكل متحد مع بعضة يوم معين

القلوب النيره

29-12-2011, 01:39 AM

يعنى هم عملوا ايه فى المديريه

m-farouk

29-12-2011, 07:44 AM

طبعاً اعطوا لهم حقن مسكنه وخلاص وقالولهم فوت علينا بكره يا سيد

7OBEL3MR

29-12-2011, 07:51 AM

فعلا والله قالولهم اننا هنزل فى اول السنة الجديدة مسابقة على عقوج مميزة عشان فى ناس تستحق ووراهم ورق لناس معاها دبلومات كتيرة ودورات وقال ان دول احق مننا وان كان شغلنا غلطة وبتوع المحافظة قالولهم تعالو الاحد فض حوار موش اكتر فى ناس هتروح الاحد وفى ناس هتستنى نروح كلنا فى شهر فبراير

القلوب النيره

29-12-2011, 12:44 PM

هم عندهم الورق فى المديرية فى المنصورة وعارفين الى بيشتغل والادرات بعتلهم بكدة يطلعوا ورق الناس المزورة من الورق وكمان يطلعوا ورق الدبلومات ويعلملوا عقود مييزه اوتثبييت للناس الى معاهم موهلات عليا..............................ليه لازم التثثبيت اوالعقد لان الناس الى شغالين معانا فى شهر مارس وابريل بعد الثورة اتعملوهم عقود مميزه فى المحافظات الاخرى فمن باب العدل
نتساوى بهم وهم عملوا عقود لما يقرب من 132مائة واثنان وثلاثين الفا........................وبعدين حد يقولى احنا هنروح المحافظة فى الدقهلية نمل ايه بالضبط حد يقولى وهنروح وناخد حاجه معنا من الاوراق ولا لاأ

مصطفى العبادى

29-12-2011, 04:22 PM

وفى قنا اتفقنا كلنا اصحاب العقود الؤقتة اتفقنا يوم الاحد القادم على مظاهرة للمساوااة باصحاب العقود المميزة وكذلك ممن هم بالحصة والمكافاة الشاملة

7OBEL3MR

30-12-2011, 08:05 AM

هنروح اضعف الايمان اننا نروح عند المحافظة نعمل اعتصام يبقى لينا كيان ويبقا لينا عقود مميزة وفى الاتحاد قوة عموما انا هقولكم برضوة هيقلولهم اية يوم الاحد وهنفضل على تواصل لحد مانروح كلنا ان ماحصلشى حاجة فى شهر يناير بس عندى امل فى ربنا انة يحصل عقود بامر الله

m-farouk

30-12-2011, 03:36 PM

الله المستعان

روتي حبي

31-12-2011, 10:39 AM

الفنان محمود عيد

02-01-2012, 07:16 PM

اية اخر الاخبار بالدقهلية

هشام جيل

03-01-2012, 02:03 PM

ايه أخر أخبار الشرقيه ؟؟ ؟؟؟؟

القلوب النيره

04-01-2012, 12:35 AM

كان فيه وقفه امام محافظة الدقهليه لمدرسى الحصة يوم الاحد الى فات1 - 1 -2012 ياريت الى يعرف هما وصلوا لايه يقول لنا ضرورى علشان يكون فيه تواصل

مصطفى العبادى

04-01-2012, 03:22 PM

احنا فى قنا مدير الادارة قدم لنا طلب وبرضو رئيس مجلس المدينة قدم لنا طلب وهيتم عرضهم على المحافظ لكى يتم معاملتنا ماليا زى العقود المميزة وكذلك ادارة نجع حمادى وابوتشت وفرشوط ومستنيين باقى الناس تتحرك فى بقية الادارات

7OBEL3MR

07-01-2012, 02:00 PM

مافيش جديد ياجماعة؟؟؟؟؟؟؟؟؟؟؟؟؟؟؟؟؟

طاهر المروانى

07-01-2012, 02:25 PM

بيان هام من اداره جروب معلمين التعاقد فى محافظه الشرقيه
نظرا لعدم الاعتراف بنا نحن المعلمون المتعاقدون فى محافظه الشرقيه واهمال مطالبنا وحقوقنا فقد قررنا الاعتصام وعمل وقفة احتجاجية يوم 2012/1/22 امام مديرية التربية والتعليم بالزقازيق وامام مبنى محافظة الشرقية بالزقازيق ولن يتم فض اعتصامنا حتى ننال مطالبنا المشروعة فنرجوا المساندة حتى ننال مطالبنا

اولا:- لم نتسلم اى راتب شهرى منذ 2011/10/1 حتى الان
ثانيا:- تغيير الراتب الذى لا يكفى لكى نأكل عيش فقط وهو 110 جنية فقط لا غير
ثالثا :_ التثبيت

RRRRREEE

07-01-2012, 02:38 PM

m-farouk

07-01-2012, 04:05 PM

اين المتعاقدين في الدقهلية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

7OBEL3MR

07-01-2012, 08:47 PM

e emy

07-01-2012, 08:51 PM

ياجماعة العقد المميز اتلغى بق تثبيت ع طول بعد 3 سنين شغل
والعقد العادى معتش ب 150ج
اترفع ل 400 ج

7OBEL3MR

07-01-2012, 09:09 PM

انا برضوة بقول بدل مانلم بعض بعد مانتم 3 سنين عشان برضوة نتحايل عليهم نتثبت يبقى مدام هنعمل اعتصام يبقى نطلب حاجة تستاهل الاعتصام لحسن وربنا الواحد قرف

e emy

07-01-2012, 09:30 PM

احنا اتثبتا كمان قبل منكمل 3 سنين وفى ناس اشتغلت سنتين وشهر واتثبتوا معانا بردو
اصبروا بس وكل حاجة هتتعمل ان شاء الله واهم حاجة المحافظ هو الى بيعمل كل حاجة
ممكن يطلع قرار بتثبيت كل الى ع راس العمل هو الى ف ايده كل حاجة

7OBEL3MR

07-01-2012, 10:21 PM

احنا بنقول يـــــــــــــــــــــــــــــارب وصدقينى احنا لو اول التعيين بتاعنا عقد مكناش هنبقى تعبانين كدة احنا غير مستقرين نهائى عشان حاسين فى اى يوم هيقلولنا سلام ادينى هنستنا لاخر شهر يناير لو محصلشى حاجة وعندى امل فى ربنا ان يكون فى خير يعنى هنروح نعتصم عند المحافظة لحد ماشوفولنا حل

روتي حبي

07-01-2012, 10:30 PM

اشتغلنا 6 سنين قبل الانقطاع و سنه بعد الانقطاع علي امل التثبيت و مانقطعناش بمزاجنا علشان الاخوه الحشريين اللي بيقولوا كنتوا بتسيبوا الشغل ليه ...؟
لازم ناخد حقنا و يرفعوا الظلم عننا
و لن يضيع حق ورائه مطالب....مينفعش السكوت
و لا لازم ثوره تانيه علشان ناخد حقنا و نتثبت ..مش عايزين نشوف كلمة عقود تاني عقدتنا في عشيتنا الكلمه دي تخيلوا سبع سنين بنسمعها .... ربنا يحرمنا منها و نتثبت

e emy

07-01-2012, 10:39 PM

لالا متقلقوش خلاص معتش ف حاجة اسمها عقود
ان شاء الله تثبيت ع طول
احنا بردو فضلنا حاطين امل ع اننا ناخد عقد مميز بس ربنا سهل واتثبتنا عطول
ان شاء الله انتو كمان هتبقوا كدا

روتي حبي

07-01-2012, 11:17 PM

ااااامييييين يا ايمي و ربنا يبشرك دايما بالخير

m-farouk

08-01-2012, 07:56 AM

الله المستعان يارب وفقنا ووفق الجميع

m-farouk

08-01-2012, 12:31 PM

بالنسبة للي لسه ما أخدشي تربوي ولا icdl هيبقي له في التعاقد أو التثبيت ده ولا ايه

e emy

08-01-2012, 02:19 PM

ايوة التثبيت ع معلم مساعد ملوش دعوة بالتربوى ولا ال اى سى دى ال
امتحان الكادر هو الى يحتاج تربوى بس ومعتش كمان الى سى دى ال شرط لدخول امتحان الكادر

m-farouk

08-01-2012, 04:41 PM

بارك الله فيك علي هذه المعلومه وشكراً جزيلاً لك

7OBEL3MR

08-01-2012, 11:48 PM

ربنا يبشرك بالخير يايمى والله انا مخلصة بجيد جدا ومعايا تربوى بجيد مرتفع وكمان معايا ال اى سى دى ال يعنى اعمل اية يعنى اقطع نفسى بعد كدة ولا اية

هشام جيل

11-01-2012, 09:56 AM

ادارة جروب المعلمين المنقطعين بالشرقيه
رسالة لكل معلم متعاقد 110 جنيه وعائد من التظلمات
شارك في الإعتصام والوقفة الإحتجاجية يوم الأحد 22 يناير 2012 م الساعة 9 صباحا أمام مديرية التربية والتعليم بالزقازيق
لماذا ستشارك ولن تكون سلبيا وتنتظر في المنزل أن يأتي إليك التثبيت أو العقد المميز ؟
أنا سأشارك للأسباب الآتية :
> أستاذي الفاضل يقولون عنك في المديرية والإدارة بأنك عائد من التظلمات فهل رفعوا الظلم
عنك حتى الآن
> أستاذي الفاضل كنت تعمل منذ عشر سنوات أو أكثر أو أقل بمرتب 110 جنيه فهل تقبل أن
تعمل به الآن؟
>أستاذي الفاضل الدولة تستطيع وبكل سهولة تدبير موارد لتحويل العقد إلى مميز أو تثبيت؟
> أستاذي الفاضل الدولة والحكومة والوزير والمجلس العسكري لا يعلمون عنا شيئا حتى الآن ؟
> أستاذي الفاضل المحافظ ووكيل الوزارة قالوها لنا صريحة ليس لكم تثبيت أو مرتب أكثر
من 110 جنيه واحمدوا ربنا إنكم رجعتم الشغل
> أستاذي الفاضل لقد تركت عملك وعدت لتأخذ حقك كاملا وأنت الآن ليس لك مصدر دخل آخر
فهل ستصبر ثلاث سنوات حتى تثبت أو يتحول عقدك إلى مميز ؟
> أستاذي الفاضل المحافظ قام بزيادة حوافز الإداريين إلى 250% ورفض زيادة راتب
العقد 110 جنيه بحجة عدم وجود موارد
أنا سأشارك لأني أريد الحصول على حقي كاملا لقد ظلمت قبل ذلك ولن أقبل بأقل من حقي كاملا

شارك معنا يوم الأحد 22 يناير 2012 ولا تكن سلبيا ولا تجلس في المنزل وتقول من سيذهب يكفي لن يسمع صوتنا ولن يصل للمسؤولين إلا بإتحادنا جميعا

القلوب النيره

11-01-2012, 03:47 PM

وطيب وايه هيا اخر اخبار مدرسى الحصة بالدقهليه

حسين زغلول

11-01-2012, 07:15 PM

أنا من الدقهلية وأعمل بالحصة ومعى 20 حصة ولم اقبض حتى الان حتى 150 واوراق المرتب رجعت مرتين وعملوا 3 أشهر مع بعض والمجموع الكلى فى ال3 اشهر 387 بعد الخصم يعنى الشهر مش مكمل 150 علشان احنا اللى عايشين الواقع وعلى فكرة دة فى إدارةالسنبلاوين بمحافظة الدقهلية

حسين زغلول

11-01-2012, 07:24 PM

انا من المحافظة المذكورة إدارة السنبلاوين ومعى 20 حصة ولم نقبض حتى الان حتى ال150 وللعلم عملت ورق ال3 اشهر مع بعض 387 بعد الخصم يعنى الشهر مش مكمل 150 مش عارفين إيه الكلام اللى بتقولوه ده .

7OBEL3MR

11-01-2012, 09:26 PM

ياستاذ حسين حالنا من حال حضرتك احنا عملنا الورق برضوة ورجع مرة واتنين ورجعوا اخدوة ولسة مقبضانش ولا مليم يعنى مش حضرتك لوحدك بس انشاء الله نامل فى ربنا خير قول يارب

القلوب النيره

11-01-2012, 11:41 PM

وايه اخبار التعاقد او التثبيت بالنسبة لمدرسى الحصة بالدقهليه

صلاح محمد على سلامة

11-01-2012, 11:58 PM

> أستاذي الفاضل الدولة والحكومة والوزير والمجلس العسكري لا يعلمون عنا شيئا حتى الآن ؟

مصطفى العبادى

12-01-2012, 01:51 PM

ماضاع حق وراءه مطالب

hossamrozza

12-01-2012, 02:11 PM

فعلا يا جماعة دى مهزلة كبيرة جدا بكل المقاييس ....... ولعلم حضراتكم اننا فى محافظة الغربية ادارة سمنود التعليمية المفروض العقد بمبلغ 130 جنية وطبعا لازم يتخصم منه من غير لية ليصل الى 115 جنية فى الشهر .
ولكن منذ فترة طلبت مننا المدرسة ملئ استمارة بيانات موظف + صورة البطاقة ليتم تسليمها فى قسم الاحصاء وعندما سالنا عن الهدف من هذه الاستمارة كانت الاجابة حتى يتم استخراج رقم سرى وكود ليصبح لكم بيانات على موقع الوزارة ّ!!!!!!!!!!!!!!!
كيف ذلك ونحن كما يقولون مدرسيين بالقلم الرصاص ......
المهم اننا اول اهدافنا ان نطمس هذه الصيغة التى تسمى مكافاة شاملة حتى يصبح لنا كرامة مثل باقى المدرسيين ووالله اننى ارى انه ليس من المفروض عمل عقود مميزة فهذه اصبحت موضة جديدة او منوم جديد للمماطلة فى الوقت فالمفروض ان يتم التثبيت فورا لاننا عملنا من قبل لسنوات طوال

نحن معكم قالب وقالبا نحن يدا واحدة فهناك مازال انسان لا يعرف معنى الكرامة ويريد ان يستمر فى مسلسل الزل والهوان الذى نحن فيه

برجاء الافادة باى جديد يخص هذا الموضوع

e emy

12-01-2012, 05:42 PM

ياجماعة معتش الكلام دة .. انتو ساكتين ليه
انا كنت شغالة 3 سنين بقعد عادى ب 140 ج والى كمل مننا ال 3 سنين اتثبت ع معلم مساعد
والى لسة بالعقد العادى مرتبه اترفع ل 420 ج دة اقل مرتب عندنا فى محافظة كفر الشيخ
معتش حاجة اسمها 150 ج دى
انتو متسكتوش وطالبوا انك تتساوى بالمحافظات التانية

القلوب النيره

15-01-2012, 01:50 AM

انا قرات ان التعاقد بالنسبه لمدرسى الحصة بالدقهليه اصبح سلطه بيد المحافظ يعنى لازم نقابل المحافظ ونشوف انعمل ايه ............................وعلى فكره انا مثلكم لسه مامخدش ولا مليم من اول مشتغلت فى شهر 10
http://www.thanwya.com/vb/life/misc/progress.gif

القلوب النيره

15-01-2012, 01:53 AM

ويا ريت الى عنده اخبار جديده يقولها عن العقد او التثبيت او اى معلومات او اخبار عن مدرسى الحصه بالدقهليه............وجزاكم الله خيرا

m-farouk

15-01-2012, 08:20 AM

فين الجماعة بتوع الدقهلية امتي الوقفه عاوزين ميعاد واضح ومش عاوزين نسكت علي حقنا علي فكرة معتشي إلا حاجة بسيطة والعقد بتاعنا هيخلص في شهر 4 مش عاوزين نرجع تاني نلف حاولين نفسنا لازم نحاول أنهم يعملوا لينا عقد مميز أو يثبتونا عاوزين نشبك في أي حاجه

m_adel_143

15-01-2012, 12:11 PM

لكل معلمي الدقهلية .. انا معايا عدد كبييير

وباذن الله في حالة عدم عمل عقد مميز او تثبيت في خلال اسبوع هنعمل وقفة اما المحافظة

واعتصام مفتوح يوم 1 فبراير 2012

لازم نطالب بحقنا انا بعمل اتصالات مع الكل

وباذن الله الوقفة هتنجح وهناخد حقنا العدد كبير وعلي الجميع المشاركة ..

محدش هيجري لحد علي حقه ..

حقك اجري عليه ..

ايد علي ايد هناخد حقنا

وايد لوحدها ماتصقفش

ساعدوا نفسكم لان محدش هيساعدكم

والبلد حالها واقف محدش بيسال في حد

موعدنا او ل يوم في شهر فبراير اما المحافظة التاسعة صباحا التاسعة صباحا محدش يتأخر

mahmoudelgamily

15-01-2012, 01:32 PM

كلنا معاك وان شاء اللة كل الناس هتيجى يوم 1 فبراير تطالب بحقها

القلوب النيره

15-01-2012, 01:49 PM

واحنا معاك ان شاء الله لكى ناخذ حقوقنا

مصطفى العبادى

15-01-2012, 02:19 PM

وقنا جارى التنسيق فيها بنجاح واقبال كبير وان شاء الله معاكم

m-farouk

15-01-2012, 03:42 PM

الله المستعان كلنا ايد واحده أول فبراير

المكاوية

15-01-2012, 04:00 PM

وقنا جارى التنسيق فيها بنجاح واقبال كبير وان شاء الله معاكم
lوالاعتصام دة لمين الكل ولا العقود بس والحصة مش معاهم

مصطفى العبادى

15-01-2012, 06:45 PM

lوالاعتصام دة لمين الكل ولا العقود بس والحصة مش معاهم

الدعوة مفتوحة للجميع

m_adel_143

15-01-2012, 07:55 PM

الجميع معانا

كل من هو دون العقد المميز اي حد بيقبض 100 او 105 او 110 او 150 او 134

كله زي بعضه

عايزين تثبيت .... او علي الاقل عقد مميز وتثبيت خلال عام من تاريخ العقد المميز

البركة فيكم يارجالة انا لو حد ي مش هعمل حاجة

الخير كله فيكم ان شاء الله

بلغوا اللي ميعرفش

m_adel_143

15-01-2012, 08:11 PM

ياريت المحافظات التانية تنظم وقفة معانا برده

وانا ممكن اتصل ببرنامج مصر الجديدة والعاشرة مساءا واقولهم اننا هنعمل وقفة واعتصام مفتوح

المكاوية

16-01-2012, 10:20 PM

الاعتصام فى قنا يوم 21-1

صلاح محمد على سلامة

16-01-2012, 11:31 PM

الحقوا يابتوع الدقهلية محافظ البحيرة حول بتوع الحصة الى معلم مساعد

m-farouk

17-01-2012, 08:06 AM

إن شاء الله أول فبراير الدور جاي علي بتوع الدقهلية كلنا أمل في ربنا ثم في المحافظ بتاعنا

7OBEL3MR

17-01-2012, 05:03 PM

فى ادارة بلقاس فى ناس كتير بتقول فى خير ان شاء الله على اخر الشهر بس محدش بيأكد اوى يعنى مجرد كلام

m-farouk

17-01-2012, 05:11 PM

صوروا القرار بتاع محافظ البحيرة وهاتوه معاكوا أول فبراير علشان نعطيه للمحافظ بتاعنا ونتساوي بيهم

هشام جيل

17-01-2012, 06:34 PM

محافظة الشرقيه 22/1
وبني سويف السبت 21 /1
ثورة معلمى الحصص والمكافاه يوم 22/1/2012 القادم للتثبيت
اخرجوا يامعلمى مصر فلقد اعلنت محافظة القليوبيه والشرقيه واسوان وقنا والدقهليه والقاهره وكل محافظات مصر ان شاء الله الخروج فى 22/1/2012 القادم من اجل التثبيت وليس التعاقد ولم نرجع ولم نترك اماكنا امام دوواين عام المحافظات حتى يتم اصدار قرار فورى بالتثبيت وصرف جميع مستحقاتنا لاننا شباب مصر معلمى الحصص على مستوى الجمهوريه

التثبيت التثبيت التثبيت التثبيت التثبيت ولا للتعاقد المميز

samaa_114

18-01-2012, 12:41 AM

الكلام ده مش صحيح في الغربية العقد ب 130 جنيه و 75 قرش وحتي كمان بقالنا شهرين ولسة مقبضناش وانا موافقة علي عمل عقد مميز او زيادة الراتب شوية

الفنان محمود عيد

18-01-2012, 06:30 PM

الحرباء
أيها القادة ... أيها المسئولين وياأصحاب الجاه والسلطان !!!!لما تعشقون الحرباء
سيأتى يوم ولن تجد الحرباء غيركم لتفرغ كافة سمها فيكم
انظروا لمن حولكم فستجدون من كانوا يلحنون لغيركم عنكم ويجولون ويثورون فى حقكم !!!
فجأة يا للعجب ... لقد صاروا احبابكم وحولوا ولائهم لكم ليس حبا فيكم ... ولكن فى توقيعكم على الشيكات والمزايا التى يجنونها من خلفكم !!!
وغدا سيلحنون لاخرين غيركم عنكم وعن من سبقكم
انهم كالحرباء يتلونون بلون الرؤساء
وهم من يلوثون سيرة المديرين والرؤساء الشرفاء
احزروا الحرباء واقطعوا رأسها فان الشيطان يأتيها كل مساء ليسألها عما سيفعله غدا
احـزروا الحرباء .......فهي موجوده دون أن تشعركم أنها حولكم ...فتلك أهم خصالها ...
بالأمس كانت تعمل مع.... واليوم تعمل مع...... هههههههههههه.... وعجبي
فالواضح انهم يتلاعبون بارادتنا
يتلاعبون بمصيرنا
واخيرا اقول لكل المعلمين المظلومين
هل نسيتم قول ربكم أن الساكت عن الحق شيطان أخرس
ماذا تقولون لربكم حين يسألكم لما لم يتمعر وجهكم يوما لوجه الله ضد كل ظالم متجبر قاسى القلب ممحوق الرحمة تاه من ربه أمام عين من لا يتوه امامه عبد
ياظالم ياصاحب القلب القاسى ارجع فلن تهنأ بعد اليوم
يامظلوم انهض وأسرع وعد الى صوابك وقل للظالم المتجبر لا...لا....لا.....لا...............

dradel.adel

19-01-2012, 02:11 PM

تبدأ الوقفات يوم السبت والاحد القادمين
فى ينى سويف سنخرج السبت 21/1/2012
الشرقيه 22/1 وباقى المحافظات
نحن فى بنى سويف نناشدكم بالخروج وةعدم العوده الا بقرار التثبيت
ارجوكم اخرجو ا حتى يعود الحق لاصحابه

dradel.adel

19-01-2012, 02:18 PM

إنتفاضة معلمى الثوره
( العائدون إلى عملهم بعد الثوره برواتب مخزيه وعقود واهيه )
بنى سويف يوم السبت 21/1/2012 الساعه التاسعه صباحا امام مبنى محافظة بنى سويف
الشرقيه 22/1/2012
وباقى المحافظات
الانتفاضه يارجاله على مستوى الجمهوريه كلا أمام مقر المحافظه التى يتبعها
لا تعودا الى دياركم الا بقرار التثبيت
فلقد قال وزير التعليم فى قناة الرحمه بالامس
ان اخرنا شهر مايو اخرجو يا معلمى الثوره موعدنا السبت 21/1/2012 فى بنى سويف امام محافظة بنى سويف
التاسعه صباحا السبت

محمد حسن عبدالوهاب

19-01-2012, 02:40 PM

ينى سويف سنخرج السبت 21/1/2012

كتبغا

19-01-2012, 06:08 PM

لقد قال الوزير إن العقد سينتهي في مايو
وبعدها هنترمي في الشارع
الواقفة لم تؤثر

هشام جيل

19-01-2012, 07:18 PM

انت هتترمي في الشارع لو منزلتش معانا ولو مبطلتش تحبط في الناس وربنا معانا ربنا مع المظلوم

كتبغا

19-01-2012, 11:20 PM

انت هتترمي في الشارع لو منزلتش معانا ولو مبطلتش تحبط في الناس وربنا معانا ربنا مع المظلوم
أنت فهمت غلط الغرض هو التحفيز وليس الاحباط
لاني مثلكم وليس ضدضكم

m_adel_143

20-01-2012, 04:42 PM

ثورة المعلمين بالدقهلية

الوقفة هتبدأ من يوم 30 يناير 2011

وهنبات هناك ومش ماشيين خااااااااالص

عقد مميز او تثبيت .. هو ده طلبنا

الناس كلها استجابت وهتكون موجودة

ليه متكونش انت كمان معانا ؟

تم التنسيق مع ادارات

نبروه ..
بلقاس ..
بني عبيد ..
منية النصر ..
دكرنس ..

وجاري التنسيق مع ادارات اخري( السنبلاوين .. شربين .. المنزلة .. ميت سلسيل .. ميت غمر )

سارع واحجز مكانك في ثورة المعلمين للمطالبة بحقوقنا

لامته هنفضل نايميين ياشباب

فات سنة علي ثورة 25 يناير ولسه الحال زي ماهو

وبرده بنقبض 150 جنيه وبيتخصم منهم كمان

هل انت راضي عن وضعك ؟!

طب ليه ساكت

عَلِّي صوتك وطالب بحقك

ثورة المعلمين بالدقهلية

ابتداءا من

30 يناير 2011

و31 يناير 2011

و 1 فبراير 2012

و...................

وحتي تلبية مطالبنا كاااااااااااااااااااااملة

عاش شباب الثورة

للتواصل والتنسيق

01003934511

m-farouk

20-01-2012, 04:46 PM

الكلام ده كان زمان كان قبل الثورة إنسي نترمي إزاي وبعد كده نشحت في الشوارع علي شغل تاني مش هنسكت ان شاء الله إلا لما ينظروا لنا ويقدروا قيمتنا ولازم صوتنا يوصل ليهم والله المستعان

m_adel_143

20-01-2012, 05:12 PM

للتواصل معي علي صفحتي علي فيسبوك

ابحث في فيسبوك علي الايميل ده

m_adel_143
علي الياهو

أو

Mohammed Adel

" انا حاطط صورة لشخص يحمل والده المسن في الحج "

لأن فيه اكثر من مستخدم بنفس الاسم

اتمني التواصل 01003934511

كتبغا

20-01-2012, 06:04 PM

الكلام ده كان زمان كان قبل الثورة إنسي نترمي إزاي وبعد كده نشحت في الشوارع علي شغل تاني مش هنسكت ان شاء الله إلا لما ينظروا لنا ويقدروا قيمتنا ولازم صوتنا يوصل ليهم والله المستعان
تحيه خاصة لك
وأرجو أن يكون هذا هو روح الجميع

m_adel_143

20-01-2012, 07:50 PM

العاشرة مساءا

38552300

38552309

el3shera..dreams.tv

90 دقيقة

90min..elmehwar.tv

ابراهيم حجازي

ihegazy..ahram.org.eg

محمود سعد

saad.mashakel..gmail.com

مصر الجديدة .. معتز الدمرداش

09000200

اي نقطتين باللون الاسود اخنصار لحرف at لأنه لا يظهرعلي المنتدي اي ايميل

m_adel_143

20-01-2012, 07:57 PM

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا .....
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل

كتبغا

20-01-2012, 11:16 PM

قررت جمعية معلمى الثورة بالقليوبية فى اجتماعها اليوم برئاسة عبد الحميد راشد القيام باعتصام مفتوح لجميع المعلمين أمام ديوان عام المحافظه السبت القادم، بسبب عدم تثبيتهم رغم أنهم يعملون منذ سنوات بصورة متصلة، وفشلت كل المفاوضات مع المحافظ الدكتور عادل زايد، ومحمد العمريطى، وكيل وزارة التعليم، بالمحافظة من أجل التثبيت.

أكد المحتجون أن مشكلتهم بدأت منذ شهر مارس 2011 عندما صدر قرار مديرية التربية والتعليم، رقم 515، بتثبيت كل العاملين بوزارة التربية والتعليم من حملة المؤهلات العليا والمتوسطة ممن أمضوا ثلاث سنوات متصلة أو منفصلة بالأجر أو العقد.

وقالوا: "إلا أن مجموعة كبيرة لم يشملهم القرار ولم يتم تثبيتهم ونحن منهم، ودخلنا فى اعتصام مفتوح أكثر من مرة، ولكن دون جدوى وبعد مفاوضات مع المحافظ تم عمل عقود جديدة بمرتب شهرى 150 جنيها تبدأ من 1 أكتوبر 2011 لحين الانتهاء من إجراءات التثبيت فى أقرب وقت ممكن، وبعد مرور أكثر من شهرين صدر قرار بتثبيت المتعاقدين من عام 2009 وتجاهلنا القرار مما فجر الأزمة من جديد".

أشار أعضاء الجمعية إلى أنه تم عقد اجتماع للمطالبة من جديد بحقوقهم أسوة بباقى زملائهم الأصغر منهم سنا والأقل خبرة، لذلك تقرر الدخول فى اعتصام مفتوح وإضراب عن الطعام أمام المحافظة حتى يحصلوا على حقوقهم، سواء من المحافظة أو الوزير.

m-farouk

21-01-2012, 11:30 AM

غضب المؤقتين قادم لا محاله عن التثبيت لضمان حياه كريمه

روتي حبي

21-01-2012, 01:09 PM

m-farouk

22-01-2012, 04:20 PM

استعدوا يا معلمي الدقهلية موعدنا أول الشهر لنرجع بالنصر إن شاء الله ولا بديل عن التثبيت

mahmoudelgamily

22-01-2012, 05:48 PM

اول الشهر ولا يوم 30 فى الشهر ؟؟ اخر اتفاق كان 30 فى الشهر

m-farouk

22-01-2012, 07:52 PM

ان شاء الله هتبدأ الوقفة يوم 30 في الشهر انا بتكلم علشان كلنا نستعد

هشام جيل

23-01-2012, 04:50 PM

هام جدا لقد تم الاتفاق بالامس يوم الاحد الموافق 22/1/2012 على اننا نجتمع غدا يوم الثلاثاء الموافق 24/1/2012 الساعه التاسعه 9 صباحا امام المديريه لمقابله السيد وكيل اول الوزارة محمد حسيب وعرض كل المشكلات التى قابلتنا فى المديريات التعليميه وشكرا
ادارة ثورة معلمين التعاقد بالشرقيه

القلوب النيره

23-01-2012, 05:16 PM

ربنا يوفق مدرسى الحصه بالدقهليه

7OBEL3MR

24-01-2012, 12:24 AM

خير ان شاء الله

m_adel_143

24-01-2012, 05:14 PM

تظاهرة للمعلمون ببنى سويف تطالب برحيل وزير التربية والتعليم

بنى سويف - عمرو رجب :

تظاهر السبت اكثر من 200 من المعلمين المتعاقدين بمديرية التربية والتعليم ببنى سويف، امام ديوان عام محافظة بنى سويف، مطالبين برحيل جمال العربى وزير التربية والتعليم، اعتراضا على تصريحات الوزير، والذى اكد فيها عدم وجود ميزانية تسمح بزيادة اجور هؤلاء المعلمين .

واشتكى المحتجون من انتهاء عقودهم المؤقتة بنهاية العام الدراسى، مشيرين الى انها لا تدخل ضمن ميزانية التربية والتعليم، وانما تخضع لميزانية المحافظات، اضافة الى عدم حصولهم على مرتباتهم منذ اكثر من شهرين، رغم تدني تلك المرتبات والتى قد لا تصل الى اكثر من 180 فى الشهر.

كما طالب المعلمين بضرورة عمل عقود أفضل لهم، وادخالهم ضمن ميزانية التربية والتعليم حتى يتساوا، مهددين بتكرار المظاهرات داخل محافظة بنى سويف حتى الاستجابة لمطالبهم، او الدخول فى اعتصام مفتوح امام وزارة التربية والتعليم حتى الاستجابة لمطالبهم.

يذكر أن هؤلاء المحتجيمن هم من خريجى كليات الاداب والتربية، وقد عملوا كمدرسين حصة لعدة سنوات، ويعود الاستغناء عنهم الى رؤية الوزارة لعدم الاحتياج اليهم، وسبق وان تظاهر هؤلاء المعلمون عدة مرات حتى وافق لهم المستشار ماهر بيبرس على العودة للعمل مرة اخرى بالتربية والتعليم بعقود مؤقتة من داخل صناديق المحافظة .

هذا الخبر نقلا عن موقع مصراوي

عاش رجالة بني سويف

كلنا معاكم ..

الدقهلية .. يبدأ الاعتصام يوم 30 يناير 2011

الساعة التاسعة صباحا .. أمام المحافظة

m_adel_143

26-01-2012, 12:12 AM

من غرفة العمليات

تم تعديل الموعد والمكان

الموعد .. 1 فبراير 2012

المكان .. مديرية التربية والتعليم بالدقهلية .. المنصورة

التجمع في التاسعة صباحا ولا تأخير

سبب تعديل الموعد .. اجراء انتخابات مجلس الشوري يومي 29 و 30 يناير وبالتالي فلن يسمعنا احد

رجاء ..

كل من يشارك يقوم باخبار جميع الزملاء بالموعد والمكان الجديد ..

للتواصل
01003934511

...
!!!

m-farouk

26-01-2012, 04:52 PM

الله المستعان إن شاء الله هنرجع كلنا ومعانا قرار التعيين أسوة بباقي المحافظات وبدون شروط أرجوا الكل يشارك معانا دي الفرصة الوحيدة لينا لازم نتمسك بيها ومنسيبهاش تضيع مننا ويارب يوفقنا ويوفق كل المتعاقدين من جميع المحافظات

القلوب النيره

27-01-2012, 12:16 AM

ربنا يوفقنا جميعا ولا تراجع عن التعين والتثبيت بدون شروط اسوة بالمحافظات الاخرى ولازم يكون جميع مدرسى الحصه بالدقهليه متحدين ومتفقين حتى نكون يد واحده ونحصل على حقوقنا ونتمنى الخير للجميع

m-farouk

28-01-2012, 09:55 AM

أرجوا من الجميع أنكم تصوروا صورة القرار بتاع محافظ الشرقية معاكوا للأهمية

محمود على الله خضر

28-01-2012, 10:19 AM

أنا محمود مدرس دراسات من سمنود غربية وأنا معاكم ان شاء الله

محمود على الله خضر

28-01-2012, 10:21 AM

فيه حد من الغربية

m_adel_143

28-01-2012, 07:52 PM

بالنسبة لاعتصام معلمي الدقهلية يوم 1 فبراير 2012

المكان امام المحافظة
ده آخر مكان ...

انا ااكتشفت صدفة ان فيه مجموعتين .. الاولي عند المحافظة والتانية عند المديرية

المكان الرئيسي هو المحافظة وباذن الله هكون علي تواصل مع الجانبين عشان الكل يكون موجود عند المحافظة

موفقين ان شاء الله

m-farouk

28-01-2012, 08:47 PM

الدور جاي عليكي يا دقهلية قولوا معايا يا رب وربنا المستعان

7OBEL3MR

29-01-2012, 01:24 AM

ان شاء الله خير ربنا معانا

7OBEL3MR

02-02-2012, 08:24 PM

مافيش جديد ياجماعة؟؟

m-farouk

03-02-2012, 10:39 AM

عفوا سامحوني يا جماعة بعدم المشاركة كام يوم وهذا بسبب انقطاع النت من السنترال بتاعنا لأنه كان فيه عطل من كام يوم يا ريت لو حد عارف حاجه عن اللي تم مع بتوع الدقهلية يقول ايه الجديد وان لله وانا اليه راجعون علي ارواح ضحايا بور سعيد

صلاح محمد على سلامة

04-02-2012, 12:09 AM

يا جماعة انا من الدقهلية وكنت معاكم فى المحافظة يومى الاربعاء والخميس احب اعرفكم انه كما قال الاستاذ بتاعالتنظيم والادارة انه من الصعب عمل عقد مميزلانه حسب القانون يحتاج عمل مسابقه 0000 لذلك من حقنا المطالبة من المحافظ عمل العقد العادى المعروف باسم المكافاة الشاملة الذى يعتبر من سلطة المحافظ دون الحاجة الىموافقة وزارات المالية والتعليم والتنظيم والادارة على الاقل احسن من العمل بالحصة وكمان يضمن استمراريتنا على طولالاعوام الدراسية وبعدذلك نطالب بالتثبيت

m-farouk

04-02-2012, 08:27 AM

واحنا ما اشتغلناش عن طريق مسابقة ولا أيه

adam hrb

04-02-2012, 12:54 PM

ربنا معاكم وان شاء الله التعاقد المميز للجمع

mahmoudelgamily

04-02-2012, 05:46 PM

والعقد المكافاة الشاملة دا مرتبة كام ؟واية العقد المميز لازم مسابقة لية...يعنى كل الى اخد عقد مميز كان مسابقة ... دى بقت حاجة تقرف والله

ahmed_khater

07-02-2012, 01:27 AM

هذا طلب وليس موافقة وفى البحيرة قيمة التعاقد 105 تم زيادتها الى 172

ثوره25

07-02-2012, 02:29 AM

الا بذكر الله تطمئن القلوب

m-farouk

07-02-2012, 08:21 PM

بالنسبة لبتوع الدقهلية لسه فيه حد كمل ثلاث سنوات ولم يتم تثبيته حتي الآن

m-farouk

18-02-2012, 08:17 AM

ما هي آخر الأخبار بالنسبة لمدرسي الحصه بالدقهلية ماذا توصلتم مع المحافظ ما هو الجديد ياريت لو حد عارف ايه الجديد يقول ؟

m-farouk

24-03-2012, 08:20 AM

اين بتوع الحصه

mahmoudelgamily

24-03-2012, 10:53 AM

موجودين..سمعنا ان فى اخبار جديدة يوم الاثنين القادم ان شاء اللة

d_dma23

20-01-2013, 08:24 PM

انا عقد مميز وبأخد 300 جنيه بالقاهرة

ahmed8570

21-01-2013, 09:36 PM

احنا في البحيرة مرتبنا وصل ل 665 من شهر 1_2013 وكان قبل ذللك 290 بعد الخصم واول ما اتعقدنا كان 105 بس مسكتناش لا علي المحافظ ولا على الادارات

mariam sadek

22-01-2013, 11:01 PM

احنا مدرسين متعاقدين فى محافظة القليوبية كنا فى الأول عقد 150وكنا بنقبض صافى 126 ولما نسأل لية الخصم يقال تأمينات ولاإحنا لينا تأمينات ولاحاجة وبعدين جة فاكس ان مرتبنا يبقى 350وكنا كالعادة بنقبضة بعد الخصم 294وبعدين ربنا كرمنا وأصبح 287 ولسة لغاية دلوقتى لاتثبيت ولا تعيين إحنا خلاص تعبنا حد يقولنا نعمل ايه

mariam sadek

22-01-2013, 11:07 PM

احنا مش عاوزين عقود وخلاص احنا عاوزين تثبيت بمرتبات ماينفعش بعد 5سنين شغل ومرتبتنا توصل للمهزلة دى على العلم ان انا واحده خريجة كلية تربيةقسم اللغة الألمانية وشغالة مدرسة دين وفى غيرى كتيير كده انا عاوزه التثبيت علشان اغير المسمى الوظيفى حد يقولى اعمل ايه