|
مشاهدة النسخة كاملة : نداء للاستاذ سعيد موسى والاستاذ عوض علي مستر أيمن كركيت 26-10-2011, 12:26 PM اليوم حدث شئ غريب قدمت ورقة اعمال السنة لشيخ المعهد فاذا به يقول ان ما فعلته خطأ لأن اعمال السنة توزع على 6 امتحانات وليس اربع وتوزيع الدرجات امر عائد للمدرس حيث انه لم يصل منشور للمعهد سوى ان هناك اعمال سنة للمواد الثقافية فقط ولم يصل منشور بكيفية توزيع درجات اعمال السنة فأرجو من حضراتكم رفع منشور النسب بتاع اعمال السنة ولكم مني جزيل الشكر وجزاكم الله خير الجزاء متلمس الطريق 26-10-2011, 12:39 PM قول لشيخ معهدك يقرا المنشور كويس المنشور بيقول 20% من الدرجه الكليه توزع على اربع امتحانات فى العام كله وتقسم ال 20% كالاتى 2% سلوك ومواظبه 2% نشاط 16 % اختبار تحريرى والكراسه اللى عاملها استاذ مداح موضوع مثبت وافيه بصراحه ورائعه مع احترامى لشيخ معهدك وشيوخ لمعاهد كلهم عمه عمه اعمل انت الورقه لنفسك ووريها لموجهك لو انت حاسس انه هيفهم اللى فيها لو مش كده (( اربط الدرجات مطرح ما يقول شيخ المعهد والموجه )) ومتتعبش نفسك لو قالولك خدها كده بالعب او بالويم او قالوك نجح العيال ومشى حالك وقالولك هتعمل ايه مع العيل اللى يغيب طول السنه تسقطه وتتحول تحقيق ولا تنجحه وتعيش مستور ؟؟؟؟ هسيبلك انت الاجابه بعد ما السؤال يتعرض عليك لانه نفس السؤال اتسالى انهارده بس الناس عندنا بصراحه فهموا ورقه اعمال السنه ورحبو بيها اسف على الاطاله متلمس الطريق 26-10-2011, 12:43 PM نصيحه لله كمان عشان محدش يوقعك فى غلط اعمل الورقه اخر السنه من اصل وصوره وسلم الاصل للكنترول واحتفظ بالصوره بعد ما تختمهامن المعهد صورة طبق الاصل واعمل الامتحان التحريرى للطلبه فى ورقه خارجيه واحتفظ بالورق اللى فيه الدرجات عندك فى البيت ونصيحه اخيره متعرفش طالب ايا كان حتى لو اخوك درجته فى اعمال السنه اتقى شر بنى ادم اعمل والله بالنصايح دى ومش هتندم باذن الله الاستاذ عوض على 26-10-2011, 02:46 PM للأسف المنشور لم يصلنا بعد !! كتائب الشهداء 26-10-2011, 05:29 PM المنشور وص والموجه مش فاهمه ومدير الادارة مش فاهمه ووكيل الوزارة مش فاهمه والمدرسين هم اللى هيتحولو للتحقيق مستر طاهرغزاله 26-10-2011, 06:24 PM المنشور قراتة وهو للعرض علي شيخ الازهر وهو توصية واقتراح من لجنة الجودة ولا اعتقد ان فية الزام دة مجرد استبيان واية الفرق بين المواد الثقافية والشرعية اهو كلة في الهجايس لايس أ/مصطفى محمود 26-10-2011, 06:27 PM المنشور وص والموجه مش فاهمه ومدير الادارة مش فاهمه ووكيل الوزارة مش فاهمه والمدرسين هم اللى هيتحولو للتحقيق هههههههه أضحك الله سنكـ في النهاية اذا كان الجميع لا يفهم فمهمة من يفهم أن يفهم - بضم الياء - وهذا ما فعلته مع زملائي بالمعهد. ولا يهمني في الحقيقة ان يفهم او لا سواء شيخ المعهد أو وكيل المعهد أو وكيل المنطقة ...ما يهمني الا استفادة الطالب العملية من اعمال السنة وانها كاختبار حقيقي لقدارات الطالب و تعويده على المذاكرة والجد وعدم انتظار الغش كالعادة ، كما ان الطالب سيفكر في كل شئ ، واتمنى ان يوزع المعلمين ايضا جزءا من المواظبه على الاهتمام بكشكول المادة . والشئ الاخر كنت اتمنى ان يكون التطبيق لاعمال السنة على جميع المواد بما فيهم الشرعية والعربية ، فلا اعلم ما المنطق الغريب الذي يفكر به من قرر اعمال السنة عدم تطبيقة على جميع المواد ولكن اعتقد ان هناك اجابة واحدة أن اعمال السنة تطبق في التربية والتعليم على المواد كلها والتي لا يوجد بها الا المواد الثقافية فقط اي ان القرار نسخ و تطبيق اعمى عشوائي كعادة الازهر. وارجو الا تكون اعمال السنة لصالح اشياء أخرى ، ودعوها تكون فقط في صالح التلميذ والعملية التعليمية فقط و اعمال السنة توزع كما ذكرها الاخ الف تحية أ/ سعيد موسى 26-10-2011, 08:51 PM الغريب ان موضوع سهل يتعمل منه مواضيع ومواضيع وردود وهجوم وخلاص كاننا ادمنا الهجوم من اجل الهجوم واضح ان المحافظات شىء والقاهرة شىء تانى بالامانه انا اخذت الورقة الخاصة باستاذ مداح وطبعتها ووزعتها على المدرسين مع تعديل النسب كل حسب مادته وحضر الموجه وشاهد التوزيعة وعجبته جدا وطلب تصويرها واخذها لتوزيعها على المعاهد التى يزورها وجميع نظار المعاهد الذين اعرفهم لم يسالوا حتى سؤال واحد لان المنشور واضح ولايوجد به لبس فهل وصل الى شيخ معهد أ / ايمن المنشور الذى يقول صراحه عدد 4 اختبار بواقع 2 فى كل تيرم فمن اين اتى ب6 اختبار !!! ياسيدى الفاضل المنشور موجود على المنتدى نزله وضع خط تحت 4اختبار واعطيه لشيخ معهدك وتتحل المشكلة أ/ سعيد موسى 26-10-2011, 08:55 PM نصيحه لوجه الله لازم الطالب يعرف درجته فى الاختبار التحريرى وهذا حقه ويقوم ولى الامر بالتوقيع على ورقة الامتحان من اجل كل ولى امر يعرف مستوى ابنه وهذا قانونى مستر أيمن كركيت 26-10-2011, 10:31 PM اسف يا استاذ سعيد للازعاج ولكنني لم اعثر على المنشور ف المنتدى انا كنت فعلا شوفته بس للاسف مش لاقيه حاليا فلو تتكرم ترفعه مرة تانية واسف للازعاج الاستاذ عوض على 26-10-2011, 10:51 PM تفضل حضرتك المنشور على الرابط http://www.thanwya.com/vb/showthread.php?t=381094 أ/ سعيد موسى 26-10-2011, 11:09 PM اسف يا استاذ سعيد للازعاج ولكنني لم اعثر على المنشور ف المنتدى انا كنت فعلا شوفته بس للاسف مش لاقيه حاليا فلو تتكرم ترفعه مرة تانية واسف للازعاج لاتتاسف يازميلى العزيز بل الذى يجب ان يتاسف شيخ معهدك وشكرا لك اخى عوض على مجهودك فى خدمه الجميع أ/ سعيد موسى 26-10-2011, 11:11 PM معذرة نفس رداءة صورة المنشور فى المنتدى هى التى عندى والا كنت رفعتها لك |