السلام عليكم...

انهارده انا خدت فكتاب التاريخ معلومه بتقول ان الديموقراطيه لم تتحقق كامله الا في عهد الرئيس مبارك

وده الامتداد الطبيعي لثوره 52 .... طيب انا هعرض اللي اتحقق لقيام الديموقراطيه فعهده السيد الرئيس وانت تجاوب نفسك حصل او محصلش

1.تبنى مبادئ الثوره السته وتم تحقيقها بأكملها في عهده

2.استعاده دور مصر الرائد سواء في العالم العربي أو منطقه الشرق الاوسط

3.تحقيق العداله الاجتماعيه

4.تحقيق التنميه لرفع مستوى المعيشه للفقراء

5.الاهتمام بمحدودي الدخل وزياده المرافق والخدمات للمناطق المحرومه

6.تحقيق العداله الاجتماعيه وتذويب الفوارق بن الطلبات

7.تحقيق مبدأ تكافؤ الفرص لجميع المواطنين مثل (التعليم والعلاج والمواصلات )

8.تحطيم كل القيود التي تكبل الناس وحرر الشعب من الخوف

9.تدعيم الجيش وتطوير الصناعات الحربيه رغم اهتمامه بالسلام

10.اقامه حياه ديموقراطيه سليمه (المبدأ السادس للثوره)

.....اذا كان كده فحنا بيعناك يا ريس

الاسئله 10 واللي اتحقق 10 فأنا بدي للريس 10/10 يا زعيمنا:d

يا ريت تسيب التقييم بتاعك عشان الريس يشوف درجتو بالنسبالكو ايه

كلام زى الحقيقه بالضبط

شر البليه ما يضحك

شكرا يا أحمد على الموضوع ربنا يسترها معاك الايام دى ولم الدور شويه هههههههههههه

اوك انا بعد الموضوع ده هحفر حفره استخبى فيها لحد مالامور تهدى شويه

شكرا عالرد يا استاذه رانيا

طيب عشان بتقولوا بس ان ريسنا مش بيعمل حاجه

والله انا كنت ناويه اعمل اقتباس لكام واحده كده واقولك طبعا كلهم اتحققوا وبالذات دول "تريقه طبعا"

بس لقيت ان كله نتيجته واحده

ربنا يخليك لينا يا ريسنا

شكرا يا استاذنا على الموضوع

جارى النقل
لملفات ايجبتيه

بيس يا بوب

السلام عليكم...

انهارده انا خدت فكتاب التاريخ معلومه بتقول ان الديموقراطيه لم تتحقق كامله الا في عهد الرئيس مبارك

ما لازم يحطولك كده في كتاب التاريخ عشان تطلع بتحب الريس .. امال هيقولولك ده على الأسعار وسرق الشعب وخربها :cool:



وبكرة هتلاقي في كتاب التاريخ بتاع ابنك معلومة بتقول .. الديموقراطية لم تتحقق إلا في عهد السيد الرئيس جمال مبارك ;)

انا مش عارف انت كاتب بجد ولا بتتريق .. بس شكرا ع التوبيك يا مان


وعليكم السلام

تريقه طبعا

بعد التوبيك ده لازم تمشى تبص وراك يا باشا وتستنى المصيـ.... قصدى الهديه اللى هتاخدها انت متعرفش ان الريس مدينا الحريه والديموقراطيه وحسن المعيشه ..... الخ



(ااااااه محدش يضرب انا بقول اللى انتم عايزينه اهه ) طبعا الكلام ده مش كلامى ده هيكون كلام صاحب الموضوع لو مابطلش يتكلم فى السياسه ولا عايزهم يقولوا انك بتحرض الجماهير على الانقلاب على الحكم؟؟؟؟؟!!!


* دى نصيحه من واحد يعرف اللى بيحصل جوة معتقلات امن الدوله

مصر يا امى يا سفينة
يارب تغرق يارب تغرق
ااااااااااااة يا عم الريس تمام
عمرة ما جوع الشعب
عمرة ما غلى الاسعار
بيهتم بمحدود الدخل قوى يدخلة دخل شهرى من غير شغل
انتو عارفين منين من الشحاااااااااااااااااتة
ياسلام على ريسنا
وعندى نكتة حلوة مرة جندى مصرى بيقول لجندى اسرائيلى انتا بتاخد كام فى الشهر قالة الاسرائيلى
باخد 1000 جنية بدل سكن
و1000 جنية بدل لبس
و1000 جنية بدل اكل
وبدل وبدل.........
فقال الاسرائيلى للمصرى انتا بقا بتاخد كام فى الشهر
قال الجندى المصرى باخد 120 جنية
فقالة الجندى الاسرئيلى بدل اية
فقلة الجندى المصرى بدل ما اشحت
ادعو للريس يا جماعة

بسم الله الرحمن الرحيم
بارك الله فيك أخي الفاضل حسبي الله ونعم الوكيل فيهم مصر اصبحت لا شئ دول العالم تتقدم ونحن نقف تحت الصفر الا يذكرون يوم الحساب كيف سيواجهوا الله تعالى ماهي اجابتهم حين يسألهم المولى عما فعلوه في خدمة بلدهم . بارك الله فيك وجعلك من المكرمين دنيا ودين.

قال مصر ام الدنيا
والريس ابوها

انا بس عايز اقول ان الرئاسه دي مش حاجه وخلاص لان ربنا يوم القيامه هيسأل الرئيس على الراجل اللي ماشي فالشارع واتكعبل فطوبه فهيتسأل انت ممهدتلوش الطريق ليه واترك التعليق ليكم

شكرا لمروركم الكريم

يبقى إنت أكيد فى مصر
ألف عين عنها عليك عاوزه تلطش المحفظه من بين إيديك

والله أنا ساعات يا جماعة بحب الرئيس لانى بحس إنه عمل حاجات كتير فى مصر وارتفاع مستوى المعيشة وبالنسبة لحكاية غلا ء الاسعار هيعمل إيه يعنى
شكرا على الموضوع

على فكره يا جماعه الرئيس مش الصوره البشعه اللي فدماغنا بس هو واقع فحاجات اي رئيس بيقع فيها بس الفرق ان بره بيلاقو اللي يسندهم وهنا بيوقعو اكتر

انا من رأيي اننا لو خرجنا مره فمظاهره ونقولو بنحبك يا ريس بس كده كتير اكيد هنحرك فيه عاطفه ونخليه يشوفنا وبصوره كويسه وفنفس الوقت منكونش عملنا حاجه غلط

يبقى إنت أكيد فى مصر
ألف عين عنها عليك عاوزه تلطش المحفظه من بين إيديك



هههههههههه
و هي فين المحفظه ؟؟؟؟