زمان كان الطلبه بيتمنوا ان المدرسين يشرحوا ليهم فى المدرسه أما الان .... !!!!!!!!! [الأرشيف]

مس رانيا حسن

04-03-2008, 01:07 AM

mR . mOstafa Fathi

04-03-2008, 01:26 AM

يا ترى ايه السبب ؟؟؟؟؟؟؟؟ !!!!

اولاً تقصير من الاسره

______________

مش عارفه ايه اللى حصل
علاوة على ذلك سوء معامله المدرس والتطاول عليه احيانا
قد تناسى الطلاب قول الشاعر
قم للمعلم وفه التبجيلا 0000 كاد المعلم أن يكون رسولا

يمكن
علشان الدروس الخصوصية او غيرها

___________

هى فعلاًَ ظاهرة فى كل مدارس مصر بنواجيها
الاسباب
1- الاسرة
2- الدروس الخصوصية
3-دى مرحلة الطالب مش عارف قيمتها الا بعد
فوات الاوان
___________

اولا علشان نغير
فنبتعد عند الدروس الخصوصية
وبكدا الطالب هيركز لمدرسين
لانهم المرجع الثانى بعد الكتاب
بس مهما عملنا وقولنا
بردو

سعد
زعلول قال ايه !!!!!!!!!

مفيش فايده
شكرا استاذه
رانيا
على الموضوع الجميل جداً
وبيناقش مشكلة
فعلاً منتشرة جدا

بارك الله فيكى

مس رانيا حسن

04-03-2008, 01:33 AM

اولاً تقصير من الاسره

______________

يمكن نسيم
علشان الدروس الخصوصية او غيرها

___________

هى فعلاًَ ظاهرة فى كل مدارس مصر بنواجيها
الاسباب
1- الاسرة
2- الدروس الخصوصية
3-دى مرحلة الطالب مش عارف قيمتها الا بعد
فوات الاوان
___________

اولا علشان نغير
فنبتعد عند الدروس الخصوصية
وبكدا الطالب هيركز لمدرسين
لانهم المرجع الثانى بعد الكتاب
بس مهما عملنا وقولنا
بردو

سعد
زعلول قال ايه

فعلا كلامك صحيح

أشكرك على مرورك وردك الكريم
بس اتحفظ على كلمه سعد زغلول ( مفيش فايده )
لا كل مشكله ولها حل

المهم نبدأ بأنفسنا

مروج البحر

04-03-2008, 01:50 AM

مسيو محمد حسني

04-03-2008, 01:59 AM

من رحمة الله بنا ان جعل لنا القرآن منهج حياة قويمة متكاملة
قال عز وجل
فمن تبع هداي فلا يضل........... الايه
فاتباع هدى الله عز وجل نور وبصيرة

قال صلى الله عليه وسلم
تركت فيكم ما ان تمسكتم به لن تضلوا بعدي ابدا كتاب الله وسنتي

فكم اكدت الايات والاحاديث على العلم وفضل العلم والعلماء

لكن يتدهور حال العلم والسبب في ذلك
- مدرس لم يرد من العلم الا جعله وسيلة للربح السريع حتى وان كان على حساب مبادئه أو كرامته احيانا
- وولي امر مغرور اعتقد انه بماله يزدري الناس ويشتري العلم وربما يشتري المدرس احيانا وزرع ذلك في نفس ابنه
- وطالب تافه لا يقيم المدرس بعلمه انما بسيارته وببدلته واحيانا بنوع السيجارة التي يشربها فأصبح الاحترام لهذه الاشياء وليس للعلم نفسه
- وادارات ومؤسسات تسمي نفسها تعليمية ليس لها هم الا جمع الملايين وان كان الثمن ان يركب الطالب
واساب اخرى كثيرة منها الاعلام وما تفعله مسرحية مثل مدرسة المشاغبين التي احطت من دور المدرس وتلتها العيال كبرت لتدني ايضا دور الاسرة وبخاصة الاب في البيت فلا يبقى هدف ولا احترام ولا علم

ان التعليم منظومة متكاملة لا تستطيع ان تنهض بجانب واحد فيها وتتجاهل الجوانب الاخرى
لكن الكل يسير جنبا الى جنب هكذا ترقى العملية التعليمية في مصر

Rambo_Uranium

04-03-2008, 02:04 AM

والله انا من رأيى نظام التعليم نظام التدريس فى المناهج المدرسه تخنق ليه علشان مبقتش مدرسه بقت سجن بالنسبه للطلبه نظام تعليم مش ممكن انا مش معترض على المناهج من رأيى منهجنا فى جميع المواد الدراسيه جيد جدااااااااااااا
بس المشكله ان سنه خلصت خلاص انسى كل اللى ختوا هو ده الخطأ المدرسيين المدرس عايز يولع فى الطلبه اللى جدامه ليه علشان المرتب بتاعه مهو يقول ايه انا اريح دماغه واشرح فى الدرس
ده بالنسبه للمدرس اللى معندوش ضمير
فيه بقا نوع تانى من المدرسيين يخش الفصل عمال يتمنظر على الطلبه علشان يبين ان هو احسن من المدرس اللى بيخدوا معاه علشان يسيبوه ويروحوا ياخدوا معاااااااااااااااه وبصراحه انا بحب النوع ده علشان ديما بحرجهم هههههههههههههههههههههههههههههههههههههههه
نوع تالت بيشرح وكل حاجه وميه ميه المشكله ان الطالب برده متعود على شرح استاذه ولما يسمع شرحيين دماغه بتقلب خالص وانا كده فى الفيزياء دماغى بتقلب بكون فاهم الدرس كويس
اروح المدرسه دماغى تتبخر
فى بقا برده نوع من الطلبه يعنى ظروفه الاجتماعيه خلته يبقى يعنى قليل الخلق والوعى
اى مدرس يكلمه ( اسكت ياعم انت _ تضرب مين يا استاذ_ انا رايح اقول للمدير _ انا مستنيك بره)
طبعا المدرس برده اللى معندوش وعى هو اللى يخلى الطلبه يكرهوه واكيد اى طالب بيقول لمدرس كلام زى ده اكيد علشان مدرس شتمه بأهله اوقاله الفاظ مش كويسه .
الحل
من رأيى البسيط ان ممكن نغير نظام التعليم مش المنهج رأيى النظام نفسه كله خطأ علشان المدرس يحب المدرسه ويحب المنهج اللى بيشرحه وعلشان برده الطالب يحب المدرسه والتعليم.
وطبعا مش هقول احنا هنحل مشكله التعليم ازاى علشان صوابعى وجعتنى والله ههههههههههههههههههه
محمد رامبو اللى هو انا واحد من اللى بيعشق مناهج التعليم بعشقها ليه انا والحمد لله ربنا انعم عليا بذاكره قوووووويه جدااااااااا الحمد لله علشان كده يعنى فاكر كل المناهج وكل الدروس اللى ختها من اولى ابتدائى لحد دلوك د ى بقا فادتنى انى اكون ثقافتى البسيطه وخلتنى ديما عندى الرد لاى حاجه الحمد لله على كل شيىء.
شكرااااااااااااااااااااااااااااااااااااااااااااااا ااااااااااااااااااا
جزاك الله كل خير .
ياجماعه محدش يزعل منى بس انا قولت رايى المتواضع اللى انا شايفه صح

Sharp Nails

04-03-2008, 02:05 AM

عندك حق ياميس رانيا
الطالب مش بيرح المدرسة علشان عنده البديل والى يغنيه
وهى طبعا الدروس الخصوصية
................
اما بخصوص المعاملة
فهى من الطلاب الغير محترمين بس
اما طبعا المحترمين اكيد بيعاملوا المدرس بادب
مش الكل زى بعضه
.....................
اما الحل انهم يوقفه الدروس علشان الطلاب تلج للمدارس
والمدرسة تكون سريعة فى الشرح وبتشرح بذمة
يعنى فى مدرسين مش بيشرحوا كويس
بناء على ان الطالب بياخد درس برة
وبيكروتوا ومش بيقولوا كل حاجة

بس شكرا لطرحك المشكلة

صوت الحق

04-03-2008, 08:53 PM

أ/ عثمان ربيع

04-03-2008, 09:41 PM

اولا جزاكي الله خيرا استاذه رانيا

ثانيا ..... من وجهة نظري .... ان السبب في ضعف العملية التعليمية ( بالاضافة الي الليحضرتكم قولتوة ) الغش اللي بيحصل في الشهادة الاعدادية ..... لدرجة ان عدد كبير من طلبة الثانوي ...... لا يستحقوا دخول الثانوي ..... ولا يملكون اي قدرات تساعدهم في الالمام بالمواد ....... ونرجع للطلبة دول يصرخوا يقولوا ان المواد تقيلة

انا وجهة نظري احكام الرقابة في امتحانات الاعدادي بالذات ...... ورفع تنسيق الثانوي ..... بحيث يدخل الثانوي من يستحق ومؤهل فقط ...... بكدة عدد الطلاب يقل ...... ثانيا الطلاب دول هيهتموا بالمدرسة لان فيه تنافس شديد بينهم بسبب تقارب المستويات .......

انا اعتقد ان من يسئي معاملة المدرس في اغلب الحالات هم الطلاب ضعاف المستوي ..... اللي مش فارقة معاهم

من رايي ان الحكومة تطبق نظام التعليم المفتوح والحر .... بمعني ان الطالب يدرس براحتة وحسب شطارتة ..... لو شاطر وقدر يجمع المنهج بتاعة في 6 شهور ...... ايه المانع انه ياخد سنتين في سنة

كمان يتلغي نظام الحضور للمدارس ...... ويكون نظام اختياري ... الطالب حر .... يختار ويتحمل مسؤلية اختيارة

دي بعض الملاحظات وجزاكم الله خيرا

هاشم الظلاط

04-03-2008, 09:59 PM

اولا انا شايف ان السبب الاول من المدرس اقصد يعنى شخصيته
انا مثلا مجرد ما ادخل الكل يبقى زى الشىء اللى قاعد عليه
ببساطة لانه لو مش هيقعد ساكت عارف اللى هيحصله

مس رانيا حسن

04-03-2008, 11:03 PM

شكرا يا ميس رانيا علي الموضوع المهم ده

للاسف في مدرسين معندهمش ضمير والله انا زعلانه وانا بقول الكلام ده

انا لما بروح المدرسه وبكون لوحدي واو معايا مثلا وحده زملتي مفيش مدرس بيعبرنا ويجي يشرح الله وحضرتك بتقولي ان المدرس فى المدرسه اليوم يترجى الطالب ويتوود اليه فين الكلام ده والله مبيحصلش انا طالبه ومجربه
انا في رأيي المدرس هو المسئول عن اللي بيحصل دلوقتي من عدم احترام الطلبه له والله لو المدرس شرح بضمير اكيد هيلاقي ك احترام تقدير من الطلاب وسعتها فعلا هيستحق قول الشاعر

قم للمعلم وفه التبجيلا 0000 كاد المعلم أن يكون رسولا

والله اخت مروج بنشرح بضمير ويعلم الله للاسف الطلبه مش عندها استعداد انها تسمع

واحيانا نترجى الطلبه انها تدخل الفصل وان دخلوا بيكونوا أشبه بالمساجين

بحاول اعرض الدرس بشكل شيق وبعيد عن الطرق التتقليديه والحمد لله
فيه طلبه بتستجيب لكن قله

عموما لازم نحاول ولازم نغير والله المستعان
جزاكى الله كل خير وشكرا على المرور العطر

مروج البحر

05-03-2008, 12:24 AM

والله اخت مروج بنشرح بضمير ويعلم الله للاسف الطلبه مش عندها استعداد انها تسمع

واحيانا نترجى الطلبه انها تدخل الفصل وان دخلوا بيكونوا أشبه بالمساجين

بحاول اعرض الدرس بشكل شيق وبعيد عن الطرق التتقليديه والحمد لله
فيه طلبه بتستجيب لكن قله

عموما لازم نحاول ولازم نغير والله المستعان
جزاكى الله كل خير وشكرا على المرور العطر

استاذتي الغاليه انا متكلمتش علي كل المدرسين في مدرسين بيشرحوا وبضمير كمان

واكيد حضرتك منهم والاف زي حضرتك ربنا يبارك فيهم

وارجو انك متزعليش مني لو قولت كلمت زعلت حضرتك

مس رانيا حسن

05-03-2008, 12:31 AM

مس رانيا حسن

05-03-2008, 12:37 AM

gamal saber

05-03-2008, 06:27 AM

شكرا يا استاذة رنيا على طرحك للموضوع دة
بس انا شايف ان سبب الموضوع دة ان الفصل الواحد بتلاقى فية اكتر من خمسين طالب ودة حال المدرسة الى انا كنت فيها
طبيعى هتلاقى فيهم ناس عاوزة تسمع وناس مش عاوزة وناس طول الليل قاعدة بتذاكر ورايحة المدرسة يقعدو فيها ساعتين يفرفشو شوية قبل مايروحو عشان يكملو مذاكرة
وبعدين الحصة كلها بتلاقيها ساعة الا ربع تقريبا لو كل طالب حب يشارك المدرس ويقول كلمة المدرس مش هيكلم اصلا فالطالب بيحس ان الحصة ملهاش لزمة
وكمان اكيد وجود مصدر تانى ياخد منة الشرح وهو الدرس الخصوصى بيخلية ميحطش المدرسة فى دماغة اصلا
وانا كنت كدة كانت المدرسة بالنسبالى وقت اللعب والهزار عشان لما اروح اكون مفيش فى دماغى غير انى اذاكر
ووالله كنت سعات بروح لحد المدرسة واكسل ادخل اروح مغير اتجاهى على طول لملعب الكورة العبلى سعتين واروح اذاكر لانى مقتنع جدا ان المدرسة وسيلة للترفية فقط لا غير انما للعلم مينفعش لان مفيش امكانيات فى المدرسة لكدا

zizo2_2

05-03-2008, 10:43 AM

الآن استاذة اصبح شعار اطلبة

قم للمعلم واترك له التبجيلا

ولكن ما يحدث هو ان الدولة هي من اضاعت حق المعلم
زمان اسمع من من هم اكبر مني سنا حين كانوا يرون مدرسهم يمر بأحد الطرق كانوا يتسارعون ليتاوروا عنه لخوفهم الشديد منه
لأنهم كانوا يقدرون قيمة المعلم
اما الآن فيجب على المعلم ان يبحث عن طريق أخر غير الطريق الذي يوجد به الأولاد

ولكن ان بعد العسر يسر ان شاء الله

الاسطورة

05-03-2008, 10:50 AM

الآن استاذة اصبح شعار اطلبة

قم للمعلم واترك له التبجيلا

لا يا زيزو شعار الطلبة دلوقتى مش كده
بس مش عايز اقوله عشان بس الاخوة المدرسين اللى معانا
والموضوع ده اصبح موضوع صعب جدآ ومالوش حل
والسبب واضح جدآ وهو الدروس الخصوصية
الطالب بيقول اشتغل الاستاذ واعمله اراجوز فى الحصة
لو طردنى ايه يعنى
الكلام ده خدته فى الدرس !
هى دى كلمة السر

عاشقـــ الانمى ـــة

05-03-2008, 10:58 AM

إحنا عندنا فى بلدنا الحال غير كده خالص
عندنا متلقيش المدرس بيجى ويمضى ويروح
والطالب بيجى عشان يلعب ماتش كورة مع أصحابه دا إذا جاء أصلا
إنما بالنسبة للبنات مش بتيجى إذا كان مش فى مدرسين أو مدرسات هتيجى تعمل إيه فتفضل تذاكر فى بيتها أحسن
أنا أقصد طبعا عن طلاب الثانوية لانهم مش عندهم أعمال سنة فمش حاطين فى دماغهم
أنا سمعت أخر خبر فى بلدنا إن نسبة البنات والولاد غل اتفصلوا من المدرسة السنادى 40% عشان الغياب طبعا

abdelRhman772007

05-03-2008, 09:48 PM

يا جماعة المفروض نخلى مفيش حاجة اسمها درجات يعنى تبقى الزراعة زى الصناعة زى الثانوى
ساعتها كل واحد هيخش اللى هو بيفهم فيه من غير حرج ولازم التنسيق يبقى كل الكليات نفس التنسيق
ومفيش كلية أحسن من كلية و يبقى فى اختبار قدرات وتخصص من أول الثانوى
لأن الكل عارف بصراحة إن اللى بيخلى أى حد يخش كلية ما هو مجموعة لا أكثر ولا أقل
و عشان المنظرة و البالطو الأبيض والكلام ده ولما يبقى فيه تخصص كل واحد هياخد المواد
اللى هو بيحبها واللى هو شايف نفسه فيها يعنى هيحترم المدرس كده كده
وبعدين حد يقولى الوزارة حطت سنة ساتة ليه؟؟؟؟؟؟؟؟؟؟؟؟؟
كله فشنك لازم نبدأ من الصفر من جديد

aboali5029

06-03-2008, 12:01 AM

انا هقولكم حاجة حصلت امامى فى اثناء الشرح حدثت مشادة بين استاذ وطالب انتهت بان خرج الطالب من المدرسة ومعه استدعاء ولى امر والمفروض ان ولى امره ياتى ويعتزر وينتهى الامر ولكن ما كان من والده
و..................مش لازم احكى لان ده عيب عرفتوا اية السبب فى ده كله (عدم اهتمام الاباء)

مس رانيا حسن

06-03-2008, 12:48 AM

مس رانيا حسن

06-03-2008, 12:50 AM

الكل مشترك فى هذه المشكلة
الاسرة الطالب المدرس والمجتمع واكثر المسؤلية عن الحكومة وأهمها البطالة التى
التى توحى للطلبة ما هى فائدة الشهادة طالما لا يوجد شغل
وده غط كبير جدا

فعلا معك حق يا صوت الحق

أسعدتنى بمرورك العطر وأحسستنى بالثقه

جزاك الله خيرا

MohammeD el_SadaT

06-03-2008, 05:30 AM

مس رانيا حسن

06-03-2008, 05:17 PM

مس رانيا حسن

06-03-2008, 06:32 PM

اولا انا شايف ان السبب الاول من المدرس اقصد يعنى شخصيته
انا مثلا مجرد ما ادخل الكل يبقى زى الشىء اللى قاعد عليه
ببساطة لانه لو مش هيقعد ساكت عارف اللى هيحصله

بس انا احب ان الطلبه يحضروا المدرسه ويلتزموا بيها حبا فيها وفى الالتزام

وليس الخوف منها

فيه فرق انى أحضر للمدرس بارادتى ورغبتى

وبين حضورى رغما عنى

عموما أشكرك أستاذ هاشم على مرورك العطر

مس رانيا حسن

06-03-2008, 10:38 PM

EnG.BeLaL

06-03-2008, 10:48 PM

انا شايف ان العيب مش مننا احنا الطلبة العيب في نظام التعليم اللي خلى الاولوية في الدروس الخصوصية لانه نظام فاشل . يبقى الطالب مايتلامش لو مراحش المدرسة لانه مش محتاجلها لاننا مش بنستفاد منها اساسا و المدرسين في المدرسة مش بيشرحوا بنفس الجهد اللي بيبذلوه في الدروس دوول بيوفروها للطلبة اللي بتدعلهم فلوس في الدروس . انا شايف احسن لهم يقفلوا المدارس الثانوي مبقاش ليها لزمه و برضه الطلبة بتجيب مجاميع من غيرها و المقولة بتاعت ( قم للمعلم وفه التبجيلا كاد المعم ان يكون رسولا ) اتغيرت بقت ( قم للمعلم وفه التلطيشا كاد المعلم ان يكون شاويشا ) هههههههههههه .

مس رانيا حسن

07-03-2008, 02:00 AM

مس رانيا حسن

07-03-2008, 05:50 PM

لا يا زيزو شعار الطلبة دلوقتى مش كده
بس مش عايز اقوله عشان بس الاخوة المدرسين اللى معانا
والموضوع ده اصبح موضوع صعب جدآ ومالوش حل
والسبب واضح جدآ وهو الدروس الخصوصية
الطالب بيقول اشتغل الاستاذ واعمله اراجوز فى الحصة
لو طردنى ايه يعنى
الكلام ده خدته فى الدرس !
هى دى كلمة السر

يمكن تكون دى فعلا كلمه السر

على اى حال اشكرك على مرورك

مس رانيا حسن

07-03-2008, 10:53 PM

مس رانيا حسن

09-03-2008, 02:56 PM

مس رانيا حسن

09-03-2008, 02:57 PM

اميرة ولكن حزينة

09-03-2008, 03:09 PM

gamal saber فعلا كلامة صح احنا عندنا مش بنروح المدسة لان المدرسين اكترهم موش كفائة وبصراحة تضيع وقت انا بقول ائى البيت والدروس احسن من المدسة بكتير وبعدين احنا بنزاكر والمدرسة اكيد بتبقة سبقانا والمدرسين بيطروا يسالوا فا بنحرج بس الحمد لله

اميرة ولكن حزينة

09-03-2008, 03:11 PM

حتى عندنا بينفصلوا وهما فرحنين عشان هيعدوا قدهم اخر السنة وخلاص

مغترب وبس

09-03-2008, 04:22 PM

بسم الله الرحمن الرحيم
انا مش عارف ابدأكلامي منين بس الي ربنا يعني عليه هقولو وخلاص
استاذة رانيا هل الاساتذة في المدارس بيقومو بواجبهم على اكمل وجه ؟؟!!!
انا كل دراستي المدرسة كانت في السعودية ... لما جيت مصر على الجاامعة عند صحاب كتير في الثانوي هنا في مصر مش بيروحو المدرسة طبعا انا استغربت جدا ليه يابني انت وهو يا عم هو فيه حد بيشرح ...
طيب يا جماعة علشان يكون كلامي منظم :-
اولا انا هتكلم عن الطلاب الي مهتمين وفعلا عاوزين يتعلمو مش ال ...
السبب الي يخلي واحد مهتم وعاوز يجيب درجات عالية انو ميروحش المدرسة ايه اكيد انو مش لاقي فايدة من المدرسة !!!
يبقى اكيد المدرسين مش بيأدو واجبهم على اكمل وجه عشان كده الطلاب بقو يحسو ان المدرسة تضييع وقت ...
بالمقارنة بلي كنت شايفو في السعودية :- الطالب المهتم مكنش بيغيب يوم واحد عن المدرسة الا لعذر فعلا السبب عشان المدرسين فعلا بيشرحو خايفين من ربنا ومن الامانة الي في ايديهم ...
تاني حاجة ايه الي يخلي طالب مهتم انو يعامل استاذة بطريقة وحشة فيه اسباب كتير اولا الاستاذ ياعيني ملوش لا حول ولا قوة مفيش درجات في ايده علشان الطالب يحترمو
غير ان الطالب شايف المدرس مش بيعمل الي عليه فمخنوق منو
غير ان الطالب حاسس ان المدرس ده ملوش اي قيمة هو او المعلومات الي بيقولها مه انا باخد درس بره كل حاجة بتجيني جاهزة

بالمقارنة :- هناك الطالب المهتم بيعمل اعتبار للمعلم علشان فيه درجات في ايد الملعم ولو الطالب عمل كده ولا كده الاستاذ هيخسف بيه الارض
غير انو مفيش دروس خصوصية الا من ورا الستاير فمعظم الطلاب بيحتاجو المدرسين علشان لو فيه حاجة مفهمهاش مفيش قدامو غير استاذو الي هيقولهالو لو محترمهوش يبقى عليه العوض

ولكامي مش من فراغ الدليل على كلامي
الطلاب المصريين في الثانوية العامة المواد الدينية لما بننزل مصر بتتشال من المجموع
قبل كده بتكون موجودة في المجموع وعليه 500 درجة
فتلاقي الطالب في اولى وتانية ثانوي قمة الاحترام مع الاستاذ بتاع المواد الدينية
تيجي تالتة ثانوي قمة الاستهتار وقلة الاحترام مه طبعا مش هامو ان شالله تعمل ايه كلو بيتلغى فانت مش هتأثر عليا ( منطق الطالب )
في حين تشوف الطالب قمة في الاحترام وازيك يا استاذ ولما يجي يكلمو مابين كل كلمة وكلمة يقولو حضرتك ومش عارف ايه ...

دليل تاني مادة التربية الوطنية عشان مش بتخش في المجموع بيتعمل فيها نفس الحكاية ...

فده رايي تتصلح الاوضاع وكل حاجة هترجع زي ما كانت يا استاذة رانيا

مس رانيا حسن

09-03-2008, 10:50 PM

بسم الله الرحمن الرحيم
السلام عليكم ورحمه الله وبركته
المشكله دى فعلاً بيعانى منها المدرس المصرى
بس نرجع ونقول السبب الأول والرئيسى المدرس ليه بصى زمان حضرتك وقارنى وإنتى تعرفى الفرق زمان كان المدرس له وقار وفيه فاصل خط حاجز نارى بين المدرس والطالب حدود فى الكلام فى الهذار كان المدرس محتفظ بهبته أمام الطالب وبدأ بالتدريج يتخلى عن هبته حتى ذهبت نهائياً
ومن الأسباب المؤديه لذلك حب المال يعنى عشان المال أخسركرامتى والله أبداً لكن للأسف معظمهم عمل كده
هما اللى نزلو من مستواهم قدام الطالب لما الطالب بقى حاسس إنه شارى المدرس بفلوسه بيروح الحصه عشان يرفه عن نفسه وبقى بيتفنن فى إنه إزاى يضايق المدرس والله المدرسين دول بقو صعبانين عليا
ربنا يكون فى عونهم بس هما اللى عملو كده فى نفسم
واللى عمل خطأ يتحمله واللى بيشيل إربه مخرومه بتخر على رأسه

طبعا كلامك صحيح لكن زى ما ذكرت أخ محمد معظم المدرسين هما السبب
وليس الكل
لكن للاسف هى مثل الافه وانتشرت ماذا يفعل قله منا فى وسط هذه الغوغائيه
لكنى ساظل لدى الامل الى أخر لحظه وساتمسك بحقى كمدرس
لانى وبفضل الله اراعى الله فى عملى واعترف ان قله من التلاميذ قد استجابوا معى بايجابيه
وأعتبرهم بصيص الامل الذى سيضىء لى طريقى وإكمال مسيرتى فى مجال التدريس
وأشكرك أخ محمد على مرورك ومشاركتك الفعاله والايجابيه
جزاك الله خيرا

المجاهد فى سبيل الله

09-03-2008, 11:20 PM

السلام عليكم
ولله يا اخوان العيب على ضمير المدرس
لو كل مدرس اتقى الله فى شغله الى هى تعتبر اهم ولا تقل اهمية عن الطبيب
بالعكس المدرس اهم كمان
ولله يا اخوان حصل معايه موقف
تخيلوا مدرس الفرنساوى دخلنا
فا لقناه دخل وجلس فى الحصه
اهى دى يا استاذه رانيه نقدر نقول علشان مفيش طلاب بالعكس
كان الفصل ممتلئ على اخره
وبرغم من هذا جلس المدرس
فا فى طالب قاله يا استاذ انت نسيت الكشكول بتاع التحضير ولا ايه فى البيت
قاله لا يابنى قاله طيب مش حتشرح الدرس
قاله وليه اقوم واشرحه ما لو انا شرحته انتم مش حتفهموا يبقى اتعب نفسى ليه واقوم
شفتى حضرتك المدرسين
انا ناوى ان شاء الله اطلع مدرس بس مش بالطريقه دى
لان الى بيحكمنى ضميرى مش مرتبى

مس رانيا حسن

10-03-2008, 12:21 AM

مس رانيا حسن

10-03-2008, 12:23 AM

حتى عندنا بينفصلوا وهما فرحنين عشان هيعدوا قدهم اخر السنة وخلاص

الان الطالب بفرح ويسعد بفصله من المدرسه

عجبت لك يا زمن
مشكورة اخت سلوى على مرورك

لولو داد

10-03-2008, 01:05 AM

مس رانيا حسن

10-03-2008, 12:42 PM

مس رانيا حسن

10-03-2008, 11:45 PM

مشتاقة لرضا الله

11-03-2008, 05:27 PM

بصراحه انا شايفه ان المسئوليه على الطالب والمدرس فى نفس الوقت لان المدرس مابقاش زى زمان ايام ماكانوا عاوزين يخرجوا اجيال اما الطالب تلاقى نوعين فى طالب يبقى عايز الشرح ويتحايل على المدرس عشان يشرح وطالب اصلا مش حاطط فى دماغه حاجه وكل ده اصلا بسبب اللا مبالاه اللى البلد كلها بقت فيها كل واحد مش حاطط فى دماغه حاجه والمدرس يقول وانا مالى ماهم بيروحوا دروس والطالب يقول مش مهم اذاكر طالما نهايتها واحده واهو الحال على كده لحد ما البلد خربت خالص

شكرا على الموضوع الجميل يا ميس رانيا وبصراحه انا ما عنديش اى حل للمشكله دى عشان دى بقت طبيعة الشعب المصرى وخلاص بيتهيالى مفيش فايده

مس رانيا حسن

11-03-2008, 11:56 PM

السبب الرئيسى فى الكلام دا
الدروس الخصوصية
لان الطالب محتاج معلومة فاخد المعلومة من
الدرس وبالتالى هو مش محتاجة من استاذة فى المدرسة
بمعنى اصح لما الاستاذ يشرح يقول الطالب قديمة

وحضرتك مش بتعملى كدا او كنتى بتعملى كدا ؟ما سالتى نفسك السؤال دا لية

الحقيقه انا عمرى ما عملت ده
ولا فكرت فيه

لانى كنت مواظبه على الحضور وكانوا المدرسين بيشرحوا لينا
بالتالى كنت بستفاد من المعهد خير استفاده
وانا مكنتش باخد دروس زى الطلبه الان فى جميع المواد
ان درس انجليزى وعربى فقط
اما الان الدروس فى جميع المواد
الطالب بيكسل عاوز المعلومات على الجاهز
معندوش استعداد لبذل اى مجهود

_GUIDE_

12-03-2008, 07:36 AM

قم للمعلم وفه التبجيلا 0000 كاد المعلم أن يكون رسولا

قديمة شوية
اقسم بالله انا شوفت مدرس فرنساوى ايم الثانوى بينضرب من طالب بالمقشه
تتخيلى حضرتك ده طالب ماسك مدرس بيضربه بالمقشه
عايزه تعرفى حضرتك ليه المدرس
عايزه حضرتك تعرفى ايه السبب اللى خله المدرس يتحايل على الطالب
لان المدرس سقط من عين الطالب
لما اخد مهنة التدريس وسيلة لكسب المال من الدروس الخصوصية
اصبح المدرس هو اللى فى حاجة للطالب مش العكس
المدرسيين هما اللى بيترجه الطلاب انهم ياخده عندهم دروس
احساس الطالب ان المدرس محتاج ليه اكتر من الطالب محتاج للمدرس
وطبعا الاهل والتربية والكلام ده كله بيجى فى اخر الكلام

مس رانيا حسن

12-03-2008, 01:57 PM

مس رانيا حسن

13-03-2008, 01:02 PM

قديمة شوية
اقسم بالله انا شوفت مدرس فرنساوى ايم الثانوى بينضرب من طالب بالمقشه
تتخيلى حضرتك ده طالب ماسك مدرس بيضربه بالمقشه
عايزه تعرفى حضرتك ليه المدرس
عايزه حضرتك تعرفى ايه السبب اللى خله المدرس يتحايل على الطالب
لان المدرس سقط من عين الطالب
لما اخد مهنة التدريس وسيلة لكسب المال من الدروس الخصوصية
اصبح المدرس هو اللى فى حاجة للطالب مش العكس
المدرسيين هما اللى بيترجه الطلاب انهم ياخده عندهم دروس
احساس الطالب ان المدرس محتاج ليه اكتر من الطالب محتاج للمدرس
وطبعا الاهل والتربية والكلام ده كله بيجى فى اخر الكلام

لا تعليق لان لسه يا ما هيحصل من افعال الطلبه المشينه مع مدرسيهم

عموما مشكور على المرور

amrdia

15-03-2008, 04:29 AM

علشان الطالب بقى فاشل و الاستاذ كمان
و نتيجة كدا تعليم متدهور

مس رانيا حسن

15-03-2008, 09:14 PM

علشان الطالب بقى فاشل و الاستاذ كمان
و نتيجة كدا تعليم متدهور

ليه الغلط ده

حكمت على المدرس بالفشل

بصراحه انت اخطأت التعبير

ملكة زمانى

15-03-2008, 09:24 PM

مش دة اللى بيحصل دايما
مثلا عندنا فى المدرسة المدرس يتاخر ربع ساعة عن الحصة وبعدين يدخل معاة كوباية الشاى ويبعت واحدة من الطالبات تشترى بسكوت لحضرتة لانة مفطرش فى البيت
شوية والموبايل يرن (ونغمات انا مرضاش انزلها على موبايلى) وهكذا وساعات مبيحضرش الحصة اساسا ولما تيجى متابعة كل المدرسين يدخلوا الفصل ويشرحوا يجى المتابع ما المرسين بيشرحوا وكل حاجة اهوة امال فى اية يا بنات بتغيبوا لية والمدرس يرد يقولة احنا بنعامل ربنا فيهم علشان رببنا يبارك فى اولادنا وما ان يخرج المتابع والاستاذ يبتسم ويقول كلة اونطة ويطلع الشاى اللى كان مخبية فى الديسك
اكيد علشان مظلمش حد مش كل المدرسين كدة وبرضوا مش كل البنات ملتزمين مش هتصدقونى لو قولت ان فى بنات بتنط من على السور عندنا
م الاخر مدرستنا دى مش مدرسة على راى واحد من المدرسين

hema7575

15-03-2008, 09:31 PM

شكرا ليكى استاذة رانيا
بس هناك عديد من النواحى اولا البيت والداولة والتعليم وعدم وجود العمل بعد التخرج وثانيا المدرس ذاتة الدروس الخصوصية لان الطالب عارف انة لو مفهمش عادى ممكن الدرس لانة بيعتبر انة بيشترى المدرس ببع المال وهناك اشياء اخرى كثيرة

amrdia

15-03-2008, 09:46 PM

ليه الغلط ده

حكمت على المدرس بالفشل

بصراحه انت اخطأت التعبير

طبعا مش كلهم بس سبب المشكلة هما المدرسين و الطلبة الفشلة
اقصد الفشلة من المدرسين مش كلهم

مس رانيا حسن

16-03-2008, 06:00 PM

سبيدر مان

16-03-2008, 06:06 PM

لا تعليق
.................................................

سبيدر مان

16-03-2008, 06:08 PM

شكرا استاذه
رانيا
على الموضوع الجميل جداً
وبيناقش مشكلة
فعلاً منتشرة جدا

بارك الله فيكى

مس رانيا حسن

16-03-2008, 11:12 PM

Taleba Me7tasa

17-03-2008, 02:30 AM

بالامس الفريب كان الطلاب يتمنون ان يدخل المدرس ويشرح لهم فى الحصه
حيث كان الاحترام والود متبادل بين الطرفين

أما الان فالوضع اختلف تماما
فالمدرس فى المدرسه اليوم يترجى الطالب ويتوود اليه
ليستمع للشرح طبعا دا فى حاله اذا الطالب حضر الى المدرسه اساسا

مش عارفه ايه اللى حصل
علاوة على ذلك سوء معامله المدرس والتطاول عليه احيانا
قد تناسى الطلاب قول الشاعر
قم للمعلم وفه التبجيلا 0000 كاد المعلم أن يكون رسولا

يا ترى ايه السبب ؟؟؟؟؟؟؟؟ !!!!
منتظرة ردودكم وأرائكم

وكمان الحلول المقترحه يمكن يكون ده بدايه صحيحه ويقظه من سبات عميق
أطاح بالطلاب

يا مس رانيا الدروس الدروس هي السبب الاول والاخير واللي ف النص كمان

لو مكانش فيه دروس كان المدرس هيوجه طاقته كلها للطلبة ف الفصل

لو مكانش فيه دروس كان هيبقى الطلبة ف اشد الحاجة لاي كلمة يقولها المدرس ف الفصل

لو مكانش فيه دروس مكناش هنضطر نغيب من المدرسة عشان نذاكر للدرس ونعمل واجبات الدرس

مش انا طالبة وف ثانوية عامة لكن اما بروح المدرسة ايه اللي بيحصل
مدرسين فاضيين كل همهم الكراسة والسبورة
تخيلي ان فيه مدرسين بيمسكولنا كراسة المكتب ويعملولنا امتحانات لحد دلوقتي

بروح اضيع وقتي واشوف صحابي واروح الدروس مصدعة ومش مذاكرة وعايزة انام

Am.k.A

17-03-2008, 03:55 AM

أنتم بلشكل ده ظالمينا قوى عندى كلام كتيييييييييييييييير قوى عاوزة اقوله لكن معنديش وقت عارفين ايه السبب
اكيد لأ كلمكوا معناه كده
السبب هو الدروس الخصوصية مهو لو احنا بناخد حصصنا فى المدرسة والأساتذة البهوات بيشرحوا عدل ولا كنا سيبنا المدرسة و لا خدنا دروس خصوصية لكن هيهات بنادى على مين على مدرس يدخل الحصة معاه كوب شاى يشربه و يقضى بقيت الحصة نوم علشان يروء دماغه للدروس
يا ريت تناقشوا المشكلة من جميع الجوانب و من جذورها

مس رانيا حسن

17-03-2008, 08:54 PM

شكرا استاذه
رانيا
على الموضوع الجميل جداً
وبيناقش مشكلة
فعلاً منتشرة جدا

بارك الله فيكى

الله يعزك
وبارك الله فيك

مس رانيا حسن

19-03-2008, 09:15 PM

يا مس رانيا الدروس الدروس هي السبب الاول والاخير واللي ف النص كمان

لو مكانش فيه دروس كان المدرس هيوجه طاقته كلها للطلبة ف الفصل

لو مكانش فيه دروس كان هيبقى الطلبة ف اشد الحاجة لاي كلمة يقولها المدرس ف الفصل

لو مكانش فيه دروس مكناش هنضطر نغيب من المدرسة عشان نذاكر للدرس ونعمل واجبات الدرس

مش انا طالبة وف ثانوية عامة لكن اما بروح المدرسة ايه اللي بيحصل
مدرسين فاضيين كل همهم الكراسة والسبورة
تخيلي ان فيه مدرسين بيمسكولنا كراسة المكتب ويعملولنا امتحانات لحد دلوقتي

بروح اضيع وقتي واشوف صحابي واروح الدروس مصدعة ومش مذاكرة وعايزة انام

لا تعليق

مشكورة على المرور

مس رانيا حسن

21-03-2008, 09:29 PM

basmala

22-03-2008, 09:39 AM

مس رانيا حسن

22-03-2008, 11:32 AM

مدرسه ...!! ...مدرسه ايه ؟؟؟

المدرسين دول اشخاص لاتبحث الا على الفلوس

هياخدوا كام اخر الحصه والمدرسين مابقوش بتوع مدارس ولا شرح

المدرسين بقول بتوع دروس خصوصيه ..وياريت كمان الواحد منهم بيشرح بضمير فى الدرس الخصوصى لا كروت الدرس واقلب واللى فهم فهم واللى مافهمش يدور على اكبر حيطه ويخبط دماغه فيها

هتلاقى من كل عشرين مدرس فى مصر مدرس واحد ممكن يكون عنده ضميره

من الاخر الموضوع ده ماينفعش نتكلم فيه ...سلام

نحن ناقشنا الموضوع وتبين ان المسئول ليس المدرس فقط او الطالب فقط
ولكن المسئوليه تقع على المدرس والطالب والمدرسه وولى الامر

ارى انك متحامله على المدرسين

عموما مشكورة على المرور