Taleba Me7tasa
04-03-2008, 02:06 PM
السلام عليكم
بدون مقدمات هادخل علاطول ف الموضوع
دلوقتى ف مادة الفيزيا كلنا طبعا بناخد دروس
بس بلاقي ف اجزاء معينة من المنهج
احنا واخدين (بره) حاجات زيادة مش بلاقيها موجودة ف كتاب المدرسة
وكذلك باقي المدرسين
بس مش نفس الحاجات
يعني المدرس فلان مزود حاجات غير اللي مزودها المدرس علان وهكذا
واغلب الحاجات دي بتكون ف المنهج اللي قبل التعديل
خصوصا ان المواد العلمية بالذات بيتم فيها تعديلات يعني اضافات وحذف كل سنتين تلاتة دة اذا مكانش كل سنة
الخلاصة بعد اللتيشن دة اذاكر منين ؟!!
عارفة ان الاجابة البديهية من كتاب المدرسة طبعا
بس احنا مانضمنش العك واللخبطة ف وضع الاسئلة اخر السنة واظنها حصلت كتير ومش محتاجة احكي
دة حتى ف الاحياء بقينا نضطر اننا نحفظ رسومات عارفين اننا مش مطالبين بيها
ارجو الافادة لو سمحتم
إسلام هولمز
04-03-2008, 02:15 PM
عادي...ساعات الوزارة بتحب تهزر معانا تقوم تلغي الدرس وتسيب أسئلة عليه في النماذج ولا في اي حتة
ابقى روحي الدرس وانتي معاكي الكتاب وحضري للمدرس حاجة او اتنين من الحاجات الزيادة اللي بيديهالكوا وقولي له عليها
بس غالبا الحاجات دي بيبقى المدرسين حاطينها للفهم مش أكتر
يعني انا المدرس بتاعي مثلا بيحط في ملازمه المعلومات الإثرائية واحنا نبقى فاكرينها انها من المنهج ونقعد نذاكرها ، فين وفين لحد ما عرفت ان انا مش مطالب بيها...لكن اديني بذاكرها برده مش هاخسر حاجة ...وعموما ممكن كمان شوية يخش احد المعلمين الافاضل ويوضح الموضوع..بس انا في رأيي الحاجات الزيادة دي للفهم وانتي مش مطالبة بيها
اسماء3334
04-03-2008, 02:18 PM
بالنسبة للفيزياء
بالله عليك ادعيلى انا كمان
بص ذاكر من كتاب المدرسة واخر 100سؤال مهمين واكيد طبعا من المذكرات
وحاول انك تفهمها وتحل مسائل وتراجع كمان
Y U N A
04-03-2008, 10:24 PM
بصى يا محتاسه :)
الفيزيا مش زى الاحياء عايزه بالنص ..
المنهج اتحذف منه كتير اوى .. واللى اتبقى مبنى على القديم ..
فالمستر بيشرح بس الجزء القديم اللى يوصلنى لفهم اللى موجود دلوقتى ف الكتاب مش اكتر .. عشان منصمش وبس وعشان نفهم كويس ونقدر نحل الفنيات اللى بتيجى ف الامتحان ..
واى حاجه بره الكتاب مش مطالبه بيها ..
وعلى فكره ياريت تذاكرى من المذكره اللى اتعودتى عليها وعلى اسلوب الشرح اللى فيها
اما بالنسبه لكتاب المدرسه ففى الباب الخامس اسلوبه غبى ومعقد فعلا ومحتاج تبسيط
وحتى مش بفتحه غير لما اكون عايزه اطلع عليه مش اكتر
يارب اكون ساعدتك بحاجه :)
وربنا يخلصنا على خيــر :)
EnG.BeLaL
06-03-2008, 10:15 PM
هو المفروض المذاكرة تبقى من كتاب المدرسة بس للأسف حتى كتاب المدرسة فيه حاجات اتعدلت و المفروض ان المدرسين في المدرسةو بيقلوها بس ابقى قابلني بيقلوها للطلبة بتعوهم في الدروس
زكريا عزالدين
08-03-2008, 06:23 AM
ياريت تجمعي المعلومات التي تقصديها علشان نقول للك مطلوبة ام لا
Taleba Me7tasa
08-03-2008, 04:04 PM
شكرا لردود الجميع ولى عودة ان شاء الله لان الموضوع شكله مش هيتحل
محمود زيتون
08-03-2008, 10:43 PM
لا فيه معلومات بتخدم الدرس اللى مفروض بينشرح علشان كده المدرس لازم يقولها علشان تفهمى اللى بعديها
منى ياسين
16-03-2011, 06:45 PM
يا جماعة انا مش لاقية حاجات كويسة ع الفصل 11 فى حاجات مش فاهماه
واحده من الناس
17-03-2011, 05:59 AM
اولا خلينا متفقين ان كتاب المدرسه فى الفيزياء لوحده مينفعش
لانه مستواه من وجهه نظرى سىء للغايه على غير الكيميا كان رائع
المهم ان دا دور انتى بتذارى من الاشمل
او لو حابه تذاكرى من كتاب المدرسه تزودى الاضافات اللى بره
المهم تكونى مجمعه مذاكرتك كلها فى حاجه واحده
بحيث ايام الامتحانات متبقيش متشتته وتكونى عارفه هتراجعى من ايه
يعنى مثلا كتاب المدرسه مفيش فيه الجزء بتاع القدره ولا الطاقه المستنفذه نهائيا ولا حساسيه الاميتر
ولا الرغم من كدا جاى عليهم مسائل فى الدليل
وجت علي الحساسيه مساله فى امتحان لأننا المفروض مسؤلين عن الدليل كمان
بالتوفيق ليكى وللجميع
Future Eng
17-03-2011, 10:22 AM
السلام عليكم
بدون مقدمات هادخل علاطول ف الموضوع
دلوقتى ف مادة الفيزيا كلنا طبعا بناخد دروس
بس بلاقي ف اجزاء معينة من المنهج
احنا واخدين (بره) حاجات زيادة مش بلاقيها موجودة ف كتاب المدرسة
وكذلك باقي المدرسين
بس مش نفس الحاجات
يعني المدرس فلان مزود حاجات غير اللي مزودها المدرس علان وهكذا
واغلب الحاجات دي بتكون ف المنهج اللي قبل التعديل
خصوصا ان المواد العلمية بالذات بيتم فيها تعديلات يعني اضافات وحذف كل سنتين تلاتة دة اذا مكانش كل سنة
الخلاصة بعد اللتيشن دة اذاكر منين ؟!!
عارفة ان الاجابة البديهية من كتاب المدرسة طبعا
بس احنا مانضمنش العك واللخبطة ف وضع الاسئلة اخر السنة واظنها حصلت كتير ومش محتاجة احكي
دة حتى ف الاحياء بقينا نضطر اننا نحفظ رسومات عارفين اننا مش مطالبين بيها
ارجو الافادة لو سمحتم
والله انا مش متاكد من الموضوع دة لانى بذاكر من مذكرات المدرسين ومش بفتح كتاب المدرسة ولاما بلاقى جاجة موجودة عند المدرس دة ومش موجودة عند المدرس التانى بعتبر ان المدرس الى عندة الزيادات اقوى وبذاكر الزيادات لانى بلاقي كتاب الامتحان بيسال فيها . وعلشان تتاكدى من الموجود فى كتاب المدرسة بس ذاكرى من كتاب خارجى وبلاش مذكرات المدرسين لان الكتاب الخرجى بيكون مطابق لكتاب المدرسة
تفاحة نيوتن
18-03-2011, 01:43 PM
فى حاجات مش فى الشرح بس فى الاسئلة فى كتاب المدرسة
وفى حاجات المدرس بيحطها علشان الفهم بس
ولو سالتى طلاب تانيين عن معظم الزيادات هتلاقيهم عارفينها
CAn u see me
18-03-2011, 02:27 PM
الموضوع ده من 2008 وامتحانهم لا يخضع لمقاييس
..............
أم عبدة
18-03-2011, 08:43 PM
السلام عليكم
الححححححححححححححححححححححححححل في كتاب المعلم شرح لون الغلاف احمر وكتاب اكتر من رائع سيبكم من المذكرات الي بتكر شيء وتسيب 10 صدقوني هذا الكتاب هدية لتلاميذ الفيزياءوطبعا مفيش كتاب من غير عيب الا كتاب ربنا عشان كده ممكن تلاقي بعض الرسومات مش دقيقة اوي لكن الكتاب في المجمل اكتر من ممتاز