مشاهدة النسخة كاملة : :::: بـــــآ‘قـــى حـــيــآ‘تـى ::::


سيلفانو
02-11-2011, 01:26 AM
هكمل باقى حياتى
وانا معدوم الاحساس

هكتم جوايا اهاتى
وهمشى ما بين الناس

هبان فكل اوقاتى
اسعد واحد فى الناس

لكن حقيقتى اهاتى
من ارضى لشعر الراس


قررت اكمل عمرى
ومكونش من العاشقين

وزى مياخدنى قدرى
ولا هسأل رايحين فين

كده كافى خيرى شرى
ولا ذل ولا خاينين

ولو طال بيا عمرى
هدوس على اى حنين

عشان مرجعش افكر
تانى فى اللى راح

اللى مشوفتش فزمانهم
غير بس الجراح

وادينا بعدنا عنهم
يمكن تييجى الافراح

وحتى لو مجتش
انا كده عايش مرتاح


على اد حبى وعشقى ماخدنى رفعنى لفوق
على اد مهانى كسرنى وخلانى للمر ادوق
ومهما افتكرته ووحشنى عمره مهيجيبنى الشوق
ده سابنى وباعنى وناسى ان ما بينا حقوق


حقوق عاشق لحبيبه
خاف مالنسمه عليه

وهو ده كان عيبه
انه ياما اترجى فيه

قاله اتحملنى اسمعنى
واوعا عنك تمنعنى
واوعا فيوم توجعنى
ولا توجع قلبى عليك

قاله انا عايزك ليا
وتشوف اللى تشوفه عنيا
ونعيش ايامنا الجايه
وانا ايدى فايديك

لكن مرضيش بحبى
ومستحملش قربى
واتهمنى بكدبى
وقالى كارهـ لياليكـ

قولت حبيبى سلام
لو كملنا حرام
لسه السنين قدام
ومع غيرى الله يهنيك



هكمل باقى حياتى
وانا معدوم الاحساس

هكتم جوايا اهاتى
وهمشى ما بين الناس

هبان فكل اوقاتى
اسعد واحد فى الناس

لكن حقيقتى اهاتى
من ارضى لشعر الراس



بقـــلــمــــى :::: NoOoR

مـــــلك
03-11-2011, 03:41 PM
قاله اتحملنى اسمعنى
واوعا عنك تمنعنى
واوعا فيوم توجعنى
ولا توجع قلبى عليك

قاله انا عايزك ليا
وتشوف اللى تشوفه عنيا
ونعيش ايامنا الجايه
وانا ايدى فايديك



بقـــلــمــــى :::: Nooor


والله لو حبيبتك مش مقدراك تبقى مش تستاهل
بجد أحساسك عالى
مش عارفه أزاى تبقى موجوع منها وتوصفلها فى وسط كلامك
حبك
مزيج بين الجرح والحب
والله خساره فيها
تسلم أيدك
يانور

yara2017
03-11-2011, 03:53 PM
رائع جدا
مشكور ع الابداع

LoOoLy El Treikawya
03-11-2011, 03:54 PM
كلمات جميلة ومؤثرة

وربنا يصلح حال الجميع

تقبل مرورى وتحياتى أستاذ نور

سيلفانو
04-11-2011, 12:54 PM
والله لو حبيبتك مش مقدراك تبقى مش تستاهل
بجد أحساسك عالى
مش عارفه أزاى تبقى موجوع منها وتوصفلها فى وسط كلامك
حبك
مزيج بين الجرح والحب
والله خساره فيها
تسلم أيدك
يانور




كنـــــــــآ‘رهــ

مشكورة على مرورك الرائع والغالى

دمتى بخير

سيلفانو
04-11-2011, 12:55 PM
رائع جدا
مشكور ع الابداع


الاروع هو المرور الغالى منك

دمت بخير

سيلفانو
04-11-2011, 12:56 PM
كلمات جميلة ومؤثرة

وربنا يصلح حال الجميع

تقبل مرورى وتحياتى أستاذ نور



مشكورة على مرورك الغالى
دمتى بكل الخير