يـــوم الحــــــــشر




ايه شعورك لما تكون اختك رايحة مشوار وتشوفها راجعالك معيطة وهدومها مقطعة من تحرش الرجالة بيها ..



ايه شعورك لما تشوفها وهيا قاعده علي سلم نقابة كليتها وقاعدة تعيط علي شنطتها اللي اللي اتقلبت ..



وبطاقتها اللي مش عارفة تاخدها ومش هتعرف تروح من غيرها ...؟؟




طيب تخيل بقي لو كانت مسافرة من بلد زي اسكندرية ولا قنا ولا سوهاج ولا طنطا و اتبهدلت البهدلة دي كلها ..



ايه شعورك ...لما اخوك الصغير يرجعلك مضروب ومبهدل وحاجته ضايعة وكرامته اتهانت ..؟؟؟



ايه شعورك لما والدتك ترجعلك ونفس القصة ..وراجعةو بمنتهي القهر تقوللك واحد كان لازق فيا وبيقوللي كلام في منتهي قلة الادب


ومش عارفة تتكلم عشان الزحمة ..ومفيش ولا موظف او موظفة ولا امن موجود تشتكيله ..؟؟؟؟؟؟؟؟؟؟؟؟
اللي حصل في نقابة المحاميين ...يوم حلف اليمين ...محصلش في تاريخ مصر ...




اللي حصل ده عاااااااااااااار .....عار علي اي واحد ممكن يشوف المنظر ده ويسكت

القصة ........:

نقابة المحاميين بتحدد يوم الاحد من كل اسبوع ..لحلف اليمين ...اداء القسم المهني للمحاماه ..


الاف مؤلفة من البشر..صبيان وبنات خربيجين كلية الحقوق من كل مصر ...


جايين يحلفو اليمين لممارسة المحاماة ..ويستلمو كارنية نقابة المحاميين ...!!!



http://www.nugoomfm.net/forum/style_images/softblue2/img-resized.png Reduced: 80% of original size [ 640 x 480 ] - Click to view full image

http://img247.imageshack.us/img247/4931/image728vs2.jpg



كل واحد من الألافات دي ؟؟؟ سلم بطاقته الشخصية ..جوا النقابة ..للموظفين ..

عشان يحلف اليمين ..وبعد كدا ياخد وصل ...وبعد كدا يستلم الكارنية بالوصل ..!!!

الألاف من الناس ..جايين من الاقاليم ومن كل حتة ..اسكندرية ..البحيرة طنطا سوهاج فيوم غربية شرقية

والي حصل ان محدش ادي اليمين .. من الزحمة ..مكانوش عارفين يدخلو حد .

.بعد البطايق ما اتاخدت طبعا كان لازم يرجعوها تاني ...هيرجعوها ازاي ...وباي طريقه؟؟؟

هيستخدمو ميكروفون ينادو بيه عالناس ..؟؟؟ لأ طبعا ....

هيعملو اعلان بورقة او يافطة في خمس دقايق مثلا ؟؟؟؟ ..........لأ بردو ...

هيعملو حساب ان في بنات اتحرشو بيهم في الزحمة دي واتقل الادب عليهم بدرجة بشعة ؟؟؟ .......لأ طبعا

هيعملو حساب الراجل العجوز اللي شفته امبارح وكان هيعيط مش لاقي ابنه اللي بيدور علي بطاقته


وعايز يلحق يسافر يرجع قبل المغرب زي الاف من الناس ..واللي اكتريتهم بنات جايبين امهاتهم؟؟؟؟؟؟؟؟؟ لأ بردو ......!!!!


لا معملوش اي حاجة من دي ...


كل اللي عملوه ان ..

اكتر من الف بطاقة اترمو عالارض ....

اكتر من الف وصل استلام كارنية اتقطع وصاحبة اتحسر ..


الطلبة هيا اللي بادرت وخدت البطايق ..( بطايق الكل صبيان بنات ) وقعدت تنده اسم اسم كذا مرة ..


وكله اتجمع بقي ..عشان يسمع اسمه وياخد بطاقته ..وطبعا الكل كان مع بعضه الصبيان مع البنات وفي الزحمة دي ؟؟؟؟؟؟؟




والنتيجة ؟؟؟؟؟؟؟؟؟؟؟؟

http://www.nugoomfm.net/forum/style_images/softblue2/img-resized.png Reduced: 80% of original size [ 640 x 480 ] - Click to view full image

http://img247.imageshack.us/img247/2130/image738jw7.jpg


وده


http://www.nugoomfm.net/forum/style_images/softblue2/img-resized.png Reduced: 80% of original size [ 640 x 480 ] - Click to view full image

http://img247.imageshack.us/img247/1586/image737jg8.jpg


وده



http://www.nugoomfm.net/forum/style_images/softblue2/img-resized.png Reduced: 80% of original size [ 640 x 480 ] - Click to view full image

http://img247.imageshack.us/img247/9641/image736lq2.jpg

وكمان ده


http://www.nugoomfm.net/forum/style_images/softblue2/img-resized.png Reduced: 80% of original size [ 640 x 480 ] - Click to view full image

http://img247.imageshack.us/img247/5607/image734ie5.jpg


ناس روحت من غير بطايق ..

ناس سافرت من غير بطايق من الاقاليم ...ويا عالم اتمسكو تحري في الكماين ولا لأ ...

بنات اتقلعت هدومها ..ورجعت حاسة بالقهر و قذارة انك تكون عايش هنا ...

ده يرضي ميييييييييين .........؟؟؟؟؟؟؟

احنا بقينا خلاص ؟؟؟؟؟؟؟؟؟؟؟؟؟؟؟ انعام ؟؟؟؟؟؟؟؟؟؟؟

مين ياخد حق الناس دي ؟؟؟؟؟؟؟؟؟؟؟؟؟؟؟؟؟؟؟؟

هنخلص امتي بقي ؟؟؟؟؟؟؟؟؟؟؟؟؟


يا نقابة ..يا مسؤولين النقابة ....بنتك او اختك او والدتك هنا في الزحمة دي ؟؟؟


واحد لازق فيها يقوللها في ودنها ابشع كلام جنسي في الدنيا ....


ايييييييييييييييه احساسك .؟؟؟؟؟؟؟؟؟؟؟؟؟؟؟؟؟؟


أرجوك وبالله عليك لتفهم كلامي كويس وتحسه ....وبلاش تنصر نفسك ظالم مظلوم ...!!!!!!!!!!



اخيرا ....



لا اله الا الله محمد رسول الله ....



انا لله وانا اليه راجعون ......



يارب كملها بالستر وعديها علي خير في دي بلد .......!!!

وتبقي كلمه واحده في في
سأرددها دائما
انا متفاءل
:)

يا الله !
هى الحكاية وصلت للدرجة دى !
ايه ده يا جماعة
والله دى حاجة زى كده تخلى اللى مش ليهم دعوة حتى يروحوا هناك عشان التحرش بالفتيات!
لا واللى زاد وغطى موضوع البطايق ده
يعنى ايه ما خدوش البطاقات بتاعتهم مش فاهم
يعنى ايه اترموا على الارض؟
وكل ده وما خلصوش المصلحة اللى كانوا رايحين عشانها
عمار يا مصر .....,,

لا حول ولا قوة إلا بالله
كل دول رايحين يسلموا بطايقهم دول ألوفات وما أدراك ما ألوفات كام واحد فيهم قضى مصلحتة
والبنات ذنبهم إيه فى إل حصل دا كله المفروض إن الدولة تشوف حل لكل ده

اخي احمد ان ما سردته لنا اليوم لهو مآساه من آلاف المآسي التي تدور وتحدث كل يوم في بلدنا مصر

دائما نسمعهم يرددون شعارا مزيفا مصر بلد الأمن والأمن

حفظنا هذا الشعار عن ظهر قلب ولكن حفظنا مجرد شعار

المصري يهان باي حال من الأحوال وفي اي مكان في البلد الحبيبة مصر
وذلك لسوء المعاملة وقوانين الطورايء التي تصدرها الحكومة مما يجعل لها اليد العليا في ان تفرض جبروتها على الشعب
الحكومة هي السبب في الهمجية
لا يجود نظام داخل البلد
لماذا لا تجرى المعاملات كلها اليكترونية حتى لا يكون هناك طابور وزحام

لماذا لا نوفر وسائل الامان للشعب
لماا لا نوفر وسائل المواصلات المنفصلة على ان يكون كل على حدة ان تكون مواصلات خاصة للنساء ومواصلات خاصة للرجال

وللاسف لن الوم الحكومة وحدها بل الوم الشعب باكمله فنحن بطبيعتنا كمصريين شعب همجي لا يقدر النظام


كثير من الماسي تدور في بلدنا

ولكن في النهايوة اتمنى ان تكون مصر افضل بلاد العالم

اشكرك أخي أحمد

يبقى إنت أكيد فى مصر
:mad::mad::mad:
إنت تعرف إن نقابت المحامين المفروض إنها أحسن نقابه فى مصر
بالنسبه لباقى النقابت
!!؟؟
عمار يا مصر
يا أرض النعم يا أرض الحضاره يا مهد القيم
;)
إن لم أكن مصرياً لوددت أن اكون ............ غير " مصر "
:D

انا متفاءل
:)


we ana kman:)

an gad manzarhom bashe3 bas homa mesh be3dehom she3 :(

we zay manta 2olt hata absat eltorok mesh 3maloha

kol wahed fe eydo haga b2a yesta5sar ye3melha

a5do elrays kodwa leehom:mad:

we hey de masr ya 3abla:D

merci kteer ahmed 3la elmodo3

ربنا ما يحكم علينا
انا ناوية الحمد الله ادخل السن ويارب ادخلها
ربنا يستر والحقها وهيه فاضية
قبل الزحمة

لا حول ولا قوة الا بالله
لا ياعم الله الغنى عن هذا
مالهااااااااا كليه حاسب الى وتكنولوجيا

ولا تقولى حقوق ولا غيرها ......
بس على فكرة شكلنا كدا فى مصر

بس عندى سؤال؟؟؟(( الناس دى هيأكلوها امته))

وشكرا ليك يا حبيب قلبى على الموضوع الجبار ده

:eek::eek::eek: هاقول ايه هى دى مصر

شكرا لمروركم جميعا
وعندك حق فعلا يازيزو
احنا شعب همجي
وصدقني قدامنا تقريبا علي الاقل خالص بالميت - وانت رافع ايدك كدا يعني - 7000 سنه
اد السبع تلاف سنه اللي احنا بنفخر بيهم
:d
---
عندك حق يا محمود هيا كانت معجنه فعلا
اللي داخل داخل يهجص - لفظ محترم -
:d
---
اه ياحنان الدوله هتشوف حل
لما التين بشوكو يطلع ويسيب شوكو
ولما ابقي انا اطلع استصلح المريخ
واقعد فيه
:d
---
عندك حق يا سادات لو لم اكن مصريا .. يبقي كدا قشطه
وزي ما قال احمد رضا لو لم اكن مصريا ما وددت ان اكون مصريا
---
ده لما قالها هيا دي مصر ياعبله
مكانش لسه شاف حاجة
تعرفي لو كان شاف مصر كدا
كان قالها الله يحرق مصر علي شعبها
وعليكي انتي كمان
ويالا علي امك
وانتي طالق بالسبعه
وكان راح انتحر
---
مادام عايشه في مصر
هتتشلي هتتشلي يانسمه
يعني السن طب هندسه صيدله معهد صرف صحي حتي
ادعي انتي بس ان الشلل يجي نصفي ولا في دراع واحد ولا اي حاجة
هو كدا جي جي
بس انتي ادعي بأقل الخسائر
هتتشلي كنايه علي فكرة
بعد الشر يعني
:d
----
زي ما قولت لنسمه
الشلل جي جي
تعرف احنا عاملين زي ايه ؟ عاملين زي واحد بياخد قلم بالايد اليمين
وواحد تاني بياخد قلم بالايد الشمال بعديه
لكن في المستقبل القريب بقي
هنتضرب من الناحيتين
فهناخد الضربه ومش هيبقي من حقنا نقول اي كمان
فاللي يعرف يهرب دلوقتي يهرب
العمر بيجري
ومتوسط عمر الفرد في مصر هيبقي اخره 45 سنه
وبعديها بشوية
الطفل هينزل ميت
بلد تقرف
يارب طلعنا منها علي خير
---
اه هي دي مصر
والله المستعان
--
ربنا معاكم بقي .. استمروا

يا جماعه لا تتعجبوا
طول ما احنا فى مصر وارد ان ده يحصل واكتر من ده كمان
لا حول ولا قوة الا بالله العلى العظيم

وتبقي كلمه واحده في في
سأرددها دائما
انا متفاءل

لا حول ولا قوة الا بالله

مش هعلق علي الموضوع ولا حتي هقول لا تعليق
كفايه التعليقات الباقيه

هو بس ازاي تكون متفائل وانتا كاتب موضوع زي دا
مش متركبه ابدا:d
او بشكل اوضح ايه هي الاسباب اللي مخلياك متفائل؟!:)

بصراحه ياجماعه الغلط علي المسؤلين
احنا لو قرأنا القوانين هنتعجب ومش هانصدق اللي في الورق
الورق كويس بس التنفيذ فين
المشكله ان كل مسئول عاوز فوق رأسه عسكري يقول له اعمل وماتعملش-ربنا يستر ومايديش للعسكري رشوه-
لوكل واحد عارف ان في ملكين علي يمينه وعلي شماله او حتي يحط نفسه مكان الناس
البلد هايتصلح حالها
بس الحمد لله المسئولين -إلا من رحم ربي-لاعندهم دين ولا ضمير
لقد أسمعت لو ناديت حياً ولكن لا حيا لمن تنادي
ولو نار نفخت بها أضاءت ولكن انت تنفخ في رمادي
ان لله وانا ايه راجعون

يا نهارى
دة الكلية لوحدها وموادها عذاب
دة علشان ناخد الكارنية مطلوب تدريب سنتين بالاضافة انهم بيناقشوا انة يصدر قرار بتسليم الكارنية للحاصلين على الدبلومات فى القانون
حتى الكارنية بتاعها عذاب !!!! ياربى
دة المفروض انها من اقيم النقابات
بس انا لما سالت عمو
قالى ان الواسطة بتغنى عن البهدلة والزحمة دى "حتى حقوق دخل فيها الواسطة:mad: "

شكرا احمد على الموضوع
"انا مش نفسى ادخلها
انا دخلتها خلاص :D انضمينا لحزب العيلة "

هههههههههههه
قلبت علينا المواجع
مين اللى نشط الموضوع ده تانى
بس تعرف حاجة يااحمد الفحص والمحص
اكتشفت ان العيب فى المواطن نفسه
هو اللى مش عارف يقف بنظام
وهو كمان اللى اتنازل عن حقه فى حياة كريمة

لا حول ولا قوه الا بالله

مش عارفه اقول ايه
بس فعلا احنا كمان العيب فينا
لو نظمنا نفسنا هنكون احسن
العيب في الناس مش في البلد
وطالما ضايعين ضايعين
حكومه البلد هي السبب وشعبها الناصح هو السبب
ربنا يرحمنا ويتولانا

لا حول ولا قوة لا باللة الغلط من الموظفين الى قاعدين على المكاتب وسيبين الشغل ولا فى دماغهم انا من راى مادام الناس دى مش شايفة شغلها كويس او مش قادرة تشتغل تقوم بقى وتسيب اماكن للشباب الى محتاج شغل وعندة طاقة وطموحات

:eek::eek:لا حول ولا قوة لا باللة الغلط من الموظفين الى قاعدين على المكاتب وسيبين الشغل ولا فى دماغهم انا من راى مادام الناس دى مش شايفة شغلها كويس او مش قادرة تشتغل تقوم بقى وتسيب اماكن للشباب الى محتاج شغل وعندة طاقة وطموحات

ربنا يكرمك يا احمد والله والحمد لله اني دخلت عشان مش افكر في الكليه دي نهائي

ربنا يستر علينا

انا مش عارفه والله الواحد يقول ايه ؟؟؟؟بس بجد بقت حاجه تقرف

الحكومة الالكترونية
:)
عادى ..والله او قلتلى انهم كانوا من غير هدومهم كمان...
هصدق دوغرى:)