متجدد : التسويات والوضع الوظيفى للمعلمين الجدد وحقوقهم [الأرشيف]

MUSTAFAEGYPT

04-11-2011, 12:51 AM

الاخوة الافاضل زملائى المعلمين
كل عام وانتم بخير بمناسبة عيد الاضحى المبارك
اعاده الله عليكم بالخير واليمن والبركات
هذا الموضوع قد تعرض له بعض الزملاء الافاضل بالمنتدى وهو موضوع غاية فى الاهمية والخاص بالتسويات حيث طلبت بعض المديريات التعليمية مثل مديرية التربية والتعليم بدمياط الاوراق الخاصة لتسوية الوضع الوظيفى للمعلمين الجدد تعيين
1-3 -2011 لتسوية وضعهم الوظيفى ومنها ضم مدة الخدمة السابقة وبالتالى هذا يدل على توافر درجاتهم المالية وكانت الاوراق المطلوبة هى :
1- خطاب باسم وكيل الوزارة
2- صورة من اقرار القيام بالعمل المؤقت
3-صورة من اخلاء الطرف للعمل المؤقت
4-صورة من خطاب التعيين
5- المؤهل الدراسى
6-صورة طبق الاصل من العقود
7-صحيفة احوال من ملفات الادارة
8- نموذج 51 س للخدمة العسكرية
9- نموذج 103 ع
ولذلك
رجاء من الزملاء الافاضل متابعة مديريتهم التعليمية قسم التسويات لمعرفة موقفهم كل حسب تاريخ تعيينه

تم ادراج صورة لنموذج 103ع الخاص بضم المدة السابقة وكذلك نموذج 51 س للخدمة العسكرية بالمشاركات التالية

سيتم تثبيت هذا الموضوع لفترة محدودة للاطلاع على الاوراق المطلوبة وعلى الاعضاء متابعة مديريتهم التعليمية وذلك لأهميته حيث لن ينصلح الوضع الوظيفى للمعلمين الا بعد اتمام التسوية لهم

أ/محمد على عاشور

04-11-2011, 11:19 PM

موضوع هام فعلا
شكرا أستاذ مصطفي

MUSTAFAEGYPT

04-11-2011, 11:54 PM

موضوع هام فعلا
شكرا أستاذ مصطفي

ربنا يخليك يااستاذ محمد
كل عام وانتم بخير

زياد الشلقامى

05-11-2011, 05:29 AM

موضوع رائع شكرا لك

MUSTAFAEGYPT

05-11-2011, 06:04 AM

موضوع رائع شكرا لك
جزاكم الله خيرا

MUSTAFAEGYPT

05-11-2011, 06:10 AM

الحاجات المطلوبة دى انا اعتقد انها كلها متوافرة وسهل الحصول عليها

نموذج 51 س بنجيبه من السجلات العسكرية بمجرد احضارك لصورة من شهادة اداء الخدمة العسكرية وده بيضيف سنة اقدمية لك

بالنسبة لنموذج 103 جارى رفع صورة منه والخاص بضم مدة العمل السابقة

MUSTAFAEGYPT

05-11-2011, 06:21 AM

نموذج 103 الخاص بضم المدة السابقة ويملأ من ملفات الادارة
بدل ماتتعب نفسك ممكن تطبعه من هنا وتملاه من ملفات الادارة

http://up11.up-images.com/up/viewimages/382b844d47.jpg

وهذه صورة نموذج 51 س للخدمة العسكرية وده نموذج السجلات بتعملهولك جاهز عن طريق الكمبيوتر

http://up11.up-images.com/up/viewimages/2e0b2c5712.jpg

mido181173

05-11-2011, 10:20 AM

بارك الله فيك على هذا المجهود الرائع مشكووووووووورررررررر
اريد الاستفسار عن هل تثبيت 1/7 هما كمان يحضرو اوراقهم ولا تعين 1/3 اولا

MUSTAFAEGYPT

05-11-2011, 01:19 PM

بارك الله فيك على هذا المجهود الرائع مشكووووووووورررررررر
اريد الاستفسار عن هل تثبيت 1/7 هما كمان يحضرو اوراقهم ولا تعين 1/3 اولا

والله عندنا فى دمياط اخدوا بتوع 1-3 وبتوع 1-7
انت تسأل عندك فى مديريتك التعليمية
لان قرار التسوية بيكون من المديرية وبالتالى تاريخ ورقم القرار بيختلف من مديرية لمديرية
فيه مديرية بتخلص القرارات دى بسرعه ومديرية تانية بتطول شوية على اما يتم استخراج القرار

hazem ali

05-11-2011, 03:43 PM

كفر الشيخ نايمة فى العسل

هلاوغلا

05-11-2011, 04:03 PM

احنا ضمن قرار 113
هل الكلام ده ينطبق علينا

marwasamy

05-11-2011, 09:39 PM

هو فعلا يا مستر محمد كلام حضرتك صحيح ولكن انا لما سالت فى مديرية التربية والتعليم بدمياط قالوا تعالى بعد العيد باسبوع قدمى الورق

MUSTAFAEGYPT

05-11-2011, 09:42 PM

كفر الشيخ نايمة فى العسل
لو تابعت التسويات اكيد هتلاقى الجديد ان شاء الله

MUSTAFAEGYPT

05-11-2011, 09:45 PM

احنا ضمن قرار 113
هل الكلام ده ينطبق علينا
هيطبق على اى معلم جديد تم تثبيته

MUSTAFAEGYPT

05-11-2011, 09:52 PM

هو فعلا يا مستر محمد كلام حضرتك صحيح ولكن انا لما سالت فى مديرية التربية والتعليم بدمياط قالوا تعالى بعد العيد باسبوع قدمى الورق
هما بعتوا اشارات الى الادارات التعليمية بتقديم الورق المطلوب للتسويات لدفعات 1-3
وكمان بالمرة ورق التسويات الخاص بدفعة 1-7
الادارات هية اللى تجهزة عشان منتعاملش مع المديرية على طول ويكون هناك زحمة فهما بيريحوا دماغهم ويخلوا الادارة هية اللى تتولى المهمة دى والادارات بالفعل بدأت تخلص فى الاوراق المطلوبة وبيخدوا مننا مبلغ 15 جنيه اضافية للدمغات

moon light 83

05-11-2011, 10:52 PM

ربنا يسهل والدقهلية تتحرك
عموما هانسال بعد العيد

MUSTAFAEGYPT

06-11-2011, 12:42 AM

ربنا يسهل والدقهلية تتحرك
عموما هانسال بعد العيد

اكيد هيتحركوا هما لازم يسوا ليكم الوضع الوظيفى أجلا أم عاجلا
المشكلة تكون فى القرار الخاص بالتسوية لانه بيصدر من المديرية نفسها ففيه مديريات بتصدر القرار ده بدرى ومديريات بتطول شوية

hebaallah1

06-11-2011, 05:49 PM

مديريه ايه دي الي طلبت وهل مديريه الشرقيه طالبه الكلام ده

alsadic

06-11-2011, 09:41 PM

بالنسبة للخدمة العسكرية ...هل ستضم فترة التجنيد ؟؟؟ام لا ؟؟؟
ودا لو كانت اثناء العقد ام ستسرى على اللى خادم الجيش قبل العقد ؟؟؟
ارجو الرد للاهمية ...

MUSTAFAEGYPT

06-11-2011, 10:36 PM

بالنسبة للخدمة العسكرية ...هل ستضم فترة التجنيد ؟؟؟ام لا ؟؟؟
ودا لو كانت اثناء العقد ام ستسرى على اللى خادم الجيش قبل العقد ؟؟؟
ارجو الرد للاهمية ...
بيقولوا فى التسويات انها بتضاف كسنة اقدمية وبتخدمك فى المعاش
لابد من ان تقوم باستخراج هذا النموذج من السجلات العسكرية بمحافظتك وتسليمه لقسم التسويات بالمديرية

المنشاوية

06-11-2011, 11:29 PM

جزاك الله خيرا
وان شاء الله خير
وناخد حقنا
علىفكرة احنا عملنا النموذج 103 مع ورق التعيين بس لدلوقتي مفيش اى اخبار

moon light 83

07-11-2011, 11:34 AM

MUSTAFAEGYPT

07-11-2011, 12:38 PM

جزاك الله خيرا
وان شاء الله خير
وناخد حقنا
علىفكرة احنا عملنا النموذج 103 مع ورق التعيين بس لدلوقتي مفيش اى اخبار
فيه ادارات بتخليكى تعملى الاوراق دى مع ورق التعين
عشان يريحوا نفسهم
وميبعتوش ليكم لو المديرية طلبت هذه الاوراق للتسوية
ويبعتوها مباشرة من الادارة للمديرية
واحيانا المديرية بتبعت موجه مالى للاطلاع على الاوراق دى بملف التعيينات وعمل التسوية

MUSTAFAEGYPT

07-11-2011, 12:41 PM

ربنا يجزيك خير يامستر
طبعا الدقهلية من ابطء المحافظات دائما ربنا يسهل ويعملو حاجة
بس لي استفسار سنوات العمل بالحصة كانت سنة واحدة فبل العقد بسنتين
دي ممكن تنضاف وخاصة انهم كانو بيخصمو من الاجراللى كنا بناخدة حت المكافاءة اللى خدناها
وشكرا

من حقك تضيف السنة إللى أنت اشتغلتها فى التربية والتعليم طالما السنة دى كانوا بيخصموا منك شهريا
التأمينات والمعاشات والاستقطاعات بصفة عامة زى أى موظف
لك منى خالص الشكر والتقدير

زينب عبدالرحمن

07-11-2011, 03:02 PM

MUSTAFAEGYPT

07-11-2011, 03:10 PM

بسم الله الرحمن الرحيم

هذا الموضوع مهم جداً لأن أعتقد هيكون من حقنا الترقي للدرجة الأعلي لأن هيكون مر علينا خمس سنوات علي الدرجه الثالثة ...........

وبالتالي ياريت نلحق نعمل حاجه عشان البرامج التدريبية لترقية المعلمين شغاله دلوقتي ؟؟؟؟؟؟؟؟؟؟؟؟؟؟؟؟

طبعا طبعا
يعنى الناس اللى اتثبتت فى 1-3 بكدة درجاتهم المالية هتبدأ من اول يوم فى التثبيت ( التعيين الجديد ) وبكدة عشان يترقى لازم ينتظر خمس سنوات
لكن لو ضمينا المدة السابقة اللى اشتغلناها بالعقد المؤقت
كدة الدرجة المالية هترجع من تاريخ اول عقد وبالتالى هيكون لينا نصيب كبير فى الترقيات فى اقرب وقت ممكن

العدوى1

07-11-2011, 09:56 PM

انا ى دمياط سالت فى الادارة قالولى احنا بنسوى لبتوع 2004 مع انى 1/7/2011

العدوى1

07-11-2011, 09:59 PM

يا جماعة ياريت ح يدلنى هيا التسويات دى للى اتعين فى1 / /7/2011 ولا اللى قبل كده مع انى تعاقد 26/1/2009

MUSTAFAEGYPT

07-11-2011, 11:05 PM

انا ى دمياط سالت فى الادارة قالولى احنا بنسوى لبتوع 2004 مع انى 1/7/2011

يا جماعة ياريت ح يدلنى هيا التسويات دى للى اتعين فى1 / /7/2011 ولا اللى قبل كده مع انى تعاقد 26/1/2009

انا تعيين 1-7 مثلك تماما ورغم ذلك قمت بتسليم الملف الخاص بالتسوية للادارة احنا ودفعة 2004

الموضوع ان عندكم فى الادارة عايزين يخلصوا من بتوع 2004 الاول وبعد كدة يطلبوا اوراقكم

لكن عندنا فى ادارتنا طلبوا ورقنا احنا تعيين 1-7 مع دفعة 2004

على العموم هيطلبوا الورق منكم بعد الانتهاء من بتوع 2004 دى مسألة تنظيم من الادارة نفسها

zeinmohamed

08-11-2011, 03:24 AM

والله طمنتونا الواحد كان ناوى يرفع قضية انا وزملائى

sase cat

08-11-2011, 04:42 AM

هو النظام ده ف كل المحافظات ولا دمياط بس

haloma

08-11-2011, 09:54 AM

ايه اخبار محافظة قنا فى التسويات

ا/عبد الفتاح شبانة

08-11-2011, 12:36 PM

محافظة الشرقية نايمة فى العسل نوم
كل عام انتم بخير:022yb4::022yb4::022yb4::022yb4:

مصري13

08-11-2011, 05:20 PM

العدوى1

08-11-2011, 09:49 PM

عاوز اعرف يجماعه موقف دمياط انا متعاقد فى 2009 وتم تعيينى 1/7/2011 مش عارف سالت فى الادارة قالوا اننا بنضم لتعيين 2004 وانتوا لسه شوية حد هنا يقدر يفدنى

MUSTAFAEGYPT

08-11-2011, 09:51 PM

استاذ مصطفي انا تعيين 1/7 احنا اتعملنا في نظام الحوافز وقرروا لينا 75 في الميه

بس لقينا المعلم المساعد والاساسي بتاعه زينا خد 125 وبقي اكتر مننا وكمان لسه مش طلبوا مننا الورق ده بتاع الترقية

طيب هل دلوقتي المعلم المساعد لو امتحن وخد الكادر هيفرق عني برضو اكتر من 100 جنيه وهل الموضوع ده علي مستوي الجمهورية ولا ده غلط

لو المعلم المساعد امتحن واخد الكادر فى الحالة دى مش هيبقى معلم مساعد

هيبقى معلم وبالتالى مش هياخد 125 لانه فى الحالة دى اصبح معلم وليس معلم مساعد

هياخد الكادر + 75 زيك تماما بما إنه اترقى وبقى معلم

وعلى العموم ( الناحية المالية للمعلمين حاليا وخصوصا نظام الزيادة الجديدة غير واضحة المعالم الموضوع لسة مبهم لان فيه تخبطات فى القرارات وخصوصا السنة دى يعنى انت مثلا اما تترقى وتبقى معلم اول ياترى هيعملوا معاك ايه المفروض انك معتش تاخد 75%
وتاخد 50% المقررة للمعلم الاول بس خلى بالك اما تترقى هتاخد 75% كمان بتوع الكادر بس المواضيع دى مش هنتأكد من صحتها الا لما نشوف بعنينا هيعملوا ايه معانا وياخبر بفلوس بكرة يبقى ببلاش )

انا سامع ان الوزير هيعيد هيكلة الاجور من تانى للمعلمين ووضع حد ادنى واقصى ليه

لك منى خالص الشكر والتقدير

MUSTAFAEGYPT

08-11-2011, 09:59 PM

عاوز اعرف يجماعه موقف دمياط انا متعاقد فى 2009 وتم تعيينى 1/7/2011 مش عارف سالت فى الادارة قالوا اننا بنضم لتعيين 2004 وانتوا لسه شوية حد هنا يقدر يفدنى

منا قلتيلك عندنا فى الادارة سلمنا الورق بتاع التسوية وانا تعيين 1-7

ممكن ادارة دمياط نفسها عندكم بيتأخروا شوية عادى كلها ايام بسيطة ويطلبوا منكم الورق

وبياخدوا كمان ورق دفعة 2004

الادارة عندكم عايزين يخلصوا من بتوع 2004 الاول عادى الموضوع موضوع تنظيم داخلى للادارة وكل ادراة حسب نظامها الداخلى

مصري13

09-11-2011, 08:14 PM

لو المعلم المساعد امتحن واخد الكادر فى الحالة دى مش هيبقى معلم مساعد

هيبقى معلم وبالتالى مش هياخد 125 لانه فى الحالة دى اصبح معلم وليس معلم مساعد

هياخد الكادر + 75 زيك تماما بما إنه اترقى وبقى معلم

وعلى العموم ( الناحية المالية للمعلمين حاليا وخصوصا نظام الزيادة الجديدة غير واضحة المعالم الموضوع لسة مبهم لان فيه تخبطات فى القرارات وخصوصا السنة دى يعنى انت مثلا اما تترقى وتبقى معلم اول ياترى هيعملوا معاك ايه المفروض انك معتش تاخد 75%
وتاخد 50% المقررة للمعلم الاول بس خلى بالك اما تترقى هتاخد 75% كمان بتوع الكادر بس المواضيع دى مش هنتأكد من صحتها الا لما نشوف بعنينا هيعملوا ايه معانا وياخبر بفلوس بكرة يبقى ببلاش )

انا سامع ان الوزير هيعيد هيكلة الاجور من تانى للمعلمين ووضع حد ادنى واقصى ليه

لك منى خالص الشكر والتقدير

طمنتني ربنا يخليك تسلم

biba200577

09-11-2011, 09:25 PM

مصري13

10-11-2011, 12:58 AM

ياجماعة السبب فى زيادة المعلم المساعد عن المعلم إن 125% بتكون على الأساسى 219 أما الكادر اللى المعلم بياخده +بدل المعلم بيكون على أساسى 184 وده طبعا تخلف لأن المفروض الكادر وبدل المعلم يكون على الأساسى الجديد 219 مش عارفة ليه بيحسبوه على القديم!!!!!!!!!!!!!!!!!!!!!!!!!!!!!!!!!!!!

محدش فاهم حاجة علي العموم نستني لما يعملوا هيكلة للاجور زي ما الاستاذ مصطفي قال

ثم بعد كده هنشوف والله ياجماعة اكيد في غلط استحالة يعني المعلم المساعد لما يمتحن الكادر المفروض انه يقل

ولا يزيد شي غير منطقي بالمرة علي العموم قصاد حالة التخبط دي نستني ونشوف بعد نزول الدرجات واعادة هيكلة الاجور

marwasamy

10-11-2011, 01:36 AM

عاوز اعرف يجماعه موقف دمياط انا متعاقد فى 2009 وتم تعيينى 1/7/2011 مش عارف سالت فى الادارة قالوا اننا بنضم لتعيين 2004 وانتوا لسه شوية حد هنا يقدر يفدنى

ايوة كلام حضرتك سليم وقالوا نروح بعد الاسبوع الاول من العيد نقدم ورقنا

elbltagy78

10-11-2011, 01:55 PM

هل سنوات العمل بالحصة تضاف
وهل شهادة الجيش صورة طبق الاصل تكفى

atef atef

10-11-2011, 06:21 PM

يا رب يكون الكلا ده صحيح ويا ريت يكون فيه حد من قنا يطمنا ويكون سأل فى المدرية أو الإدارة و عنده معلومه عن ذالك
وألف شكر للزميل الفاضل وجزاك الله خير

MUSTAFAEGYPT

10-11-2011, 10:06 PM

هل سنوات العمل بالحصة تضاف
وهل شهادة الجيش صورة طبق الاصل تكفى

عشان السنة تضاف لازم يكون التربية والتعليم خصمت على السنة دى استقطاعات
بمعنى انهم كانوا بيخصموا تأمينات ونقابة وخلافه
فى الحالة دى من حقك تضيفها طبعا

بالنسبة لشهادة الجيش هما بيطلبوا نموذج 51 س للخدمة العسكرية وده بيكون موضح فيه سنوات الخدمة بالجيش والنموذج ده بيغنى عن الشهادة

لوجين20

10-11-2011, 10:12 PM

احييك يا مصطفى على المجهود والمعلومات المفيدة اللى بتشارك بيها
انت بقيت مصدر ثقه
تحياتى
متابعه عن كثب

MUSTAFAEGYPT

10-11-2011, 10:16 PM

احييك يا مصطفى على المجهود والمعلومات المفيدة اللى بتشارك بيها
انت بقيت مصدر ثقه
تحياتى
متابعه عن كثب

شكرا جزيلا يالوجين منورة القسم دائما
وياريت تبلغينا بأخبار التسويات عندكم وصلت لفين عشان نعرف الوضع فى باقى المحافظات

littilrose

11-11-2011, 02:01 AM

MUSTAFAEGYPT

12-11-2011, 10:45 AM

جزاكم الله كل خير
لكن لدى استفسار ارجو الرد عليه
ضم الخدمه المقصود بها الخدمه العامه والسنين الذى عملنا بها بالاجر وسنين العقد عشان فى ادارتنا ممكن ضم سنه الخدمه العامه فقط لكن رفضو ضم السنه التى عملت بها بالاجر وسنتين عملت بها بالعقد ويجب رفع قضيه لذلك ارجو الافادة

طالما ان السنة اللى انت اشتغلتها كان بيتخصم عليها تأمينات وخلافه يبقى من حقك تضمها

يمكن اللجوء للقضاء بعد استنفاذ كل المحاولات

حنين الحسينى

12-11-2011, 08:36 PM

جزاكم الله خيرا

meslmat

14-11-2011, 04:06 AM

بالتوفيق للجميع

MUSTAFAEGYPT

15-11-2011, 10:22 PM

جزاكم الله خيرا

بالتوفيق للجميع

شكرا على مروركم الكريم

vip_ame

16-11-2011, 01:56 PM

اليوم ذهبت الى مديرية التربية والتعليم بالاسماعيلية قسم التسويات للسؤال عن ضم الفترة السابقة

وكلمت مدير شئون العاملين ورانى نشرة بتفيد بعدم ضم السنين دى للعمل وتم وقف استلام طلبات التسوية اللى كانوا بياخدوها من المعلمين اللى زينا ؟؟؟؟؟؟؟؟؟؟؟؟؟؟؟؟؟؟؟؟؟؟؟

والله الواحد قرف من دى شغلانه ودى قرارات متخلفة من ناس ......................

النشرة كانت بتقول ان الفترة اللى اجنا اشتغلناها دى من متطلبات التعيين ولا تعتبر فترة اقدمية على الدرجة

hazem ali

16-11-2011, 05:24 PM

طب وكفر الشيخ ياجماعة حد يرد عليا انا تعيين 1-3 ولسة صفحتى على النت معلم مساعد نفسي افهم ليه متغيرتش مع العلم ان فى محافظات غيرت لمعلم ياريت اللى غير يدخل ويقول عمل ايه

sally2009

16-11-2011, 09:39 PM

فى المنوفيه حتى الاَن البيانات على موقع الوزاره معلم مساعد وبدون درجه .. مع العلم أنى تعيين 1/7/2011
وقالوا سيتم ضم مدة التعاقد كسنوات أقدميه وعندما ذهبت اليوم لقسم التسويات بالإداره قالوا إن وصل لهم فاكس أمس بعدم ضم مدة التعاقد بعد التعيين ....!!!
أين حقنا فى الدرجه الماليه أسوة بالمحافظات التى تم تثبيت المعلمين بها على درجه ماليه ..؟؟؟
وأين حقنا فى سنوات التعاقد والأجر التى ضاعت هباء ..؟؟؟

MUSTAFAEGYPT

17-11-2011, 12:07 AM

Mrs/Marwa

18-11-2011, 12:49 AM

اولا: هل هذا القرار ينطبق على من كانو بالحصه وتم تعينهم كمعلم مساعد؟

ثانيا: انا حصلت على الدبلوم الخاص اثناء عملي بالحصه .كيف احصل على الحافز الخاص به؟

شكرا على الموضوع المتميز

MUSTAFAEGYPT

18-11-2011, 05:07 PM

اولا: هل هذا القرار ينطبق على من كانو بالحصه وتم تعينهم كمعلم مساعد؟

ثانيا: انا حصلت على الدبلوم الخاص اثناء عملي بالحصه .كيف احصل على الحافز الخاص به؟

شكرا على الموضوع المتميز

من حقك قانونا ان تضيفى طبعا السنوات اللى انتى اشتغلتيها اهم شىء يكون مخصوم عنها تأمينات وخلافه

انا حصلت ايضا على الدبلوم الخاص ايام ماكنت معلم مساعد متعاقد

ولما رحت اضيفها فى المديرية قالولى انهم بيعطوا حافز للحاصلين على الدبلوم الخاص اثناء عمله الدائم يعن مثبت

وبالتالى حطيتها فى ملفى والسلام عشان اكتبها دايما اما اجى اطلع صحيفة حالة ويكون مؤهلى اعلى

Mrs/Marwa

19-11-2011, 01:53 AM

يعنى الدبلوم الخاص اكنها لم تكن واللى هيعملها دلوقتي هيستفاد منها واحنا لا .كده ظلم

طيب في حل: قضيه شكوى؟؟؟

MUSTAFAEGYPT

19-11-2011, 09:40 AM

والله ممكن بعد ضم المدة اللى اشتغلناها بالعقد المؤقت
فى الحالة دى ممكن نضيف الدبلوم الخاص لان الفترة اللى اشتغلناها بالعقد المؤقت اما تضم مش هتبقى فترة مؤقتة هتبقى دائمة وبالتالى نطالب بعلاوة المؤهل

محمد هيكل

19-11-2011, 04:53 PM

هل هذا الكلام مؤكد فى محافظة الشرقىة ارجوا الرد محمد هيكل معلم دراسات 1-3

أم منة و تقوى

21-11-2011, 04:18 PM

ماذا عن الشرقية وكمان انا اشتغلت من 2007 هل يخصنى هذا الكلام

ايهاب العراقى

21-11-2011, 06:08 PM

زينب عبدالرحمن

21-11-2011, 07:35 PM

MUSTAFAEGYPT

23-11-2011, 10:47 AM

بسم الله الرحمن الرحيم

أنا محافظة الدقهلية كنت النهارده في المديرية وسألت في التسويات والموظف قال لي معندناش حاجة عن الموضوع ده ومبنخدش اي أوراق ؟
حضرتكم بتقدموا الورق ده فين ولمين ؟

حضرتك مديرية التربية والتعليم بدمياط أخدت بالفعل أوراق تعيين 2004 لضم المدة السابقة لهم

وقامت الادارات المختلفة على مستوى المحافظات بأخذ اوراق تعيين 1-3

وتعيين 1-7 اللى هوا احنا

MUSTAFAEGYPT

23-11-2011, 11:02 AM

خبر كويس .... صحيح كفرالشيخ نايمة فى العسل بس ان شاء الله نسال فى التسويات ...

لكن ممكن حضرتك توضح شويه حاجات فى طلباتك :

- خطاب باسم وكيل الوزارة ( صيغة الطلب ايه ؟ )
2- صورة من اقرار القيام بالعمل المؤقت ( يعنى ايه للعمل المؤقت ؟؟ )
3-صورة من اخلاء الطرف للعمل المؤقت ( يعنى ايه للعمل المؤقت ؟؟ )
4-صورة من خطاب التعيين ( المقصود بخطاب التعيين ؟؟ القرار ام الجواب الى من الادارة لمدرستك ام ماذا ؟ )
5- المؤهل الدراسى ( صورة ولا اصل - مع العلم ان الاتنين موجودين فى الادارة ؟؟ )
6-صورة طبق الاصل من العقود ( كل العقود ؟؟ سواء كان عقد عادى او مميز ؟؟ )
7-صحيفة احوال من ملفات الادارة ( صحيفة الحالة هتطلعلك على الجديد انك تعيين 1/3 )
8- نموذج 51 س للخدمة العسكرية ( لزمتة ايه دة ؟ )
9- نموذج 103 ع

الاهم بقى لو احنا لسه منقولين من ادارة الى ادارة تانية هنقدر نعمل كل ده من الادارة القديمة ؟؟

عادى طلب لوكيل الوزارة انك عايز تضم المدة السابقة من عملك

العمل المؤقت هوا الفترة اللى اشتغلتها بالعقد قبل التثبيت

جواب التعيين نفسه اللى من المديرية للادارة للمدرسة

صوره واعمله صورة طبق الاصل من المدرسة او اى مكان

ايا كان العقد اللى اشتغلت بيه صوره صورة طبق الاصل بختمها من مدرستك او اداراتك
صحيفة الاحوال بيوضح فيها انك تعيين جديد من كذا وكنت بتعمل مؤقت فى الفترة من كذا لكذا وده حسب ادارتك ونظام الموظفين عندك
بيوضح فى نموذج 51 س المدة اللى انت قضتها بالجيش وده بيطلع من السجلات العسكرية وده اللى يعملوا الناس اللى قضوا الخدمة العسكرية
نموذج 103 ع
بيطلع من ملفات الادارة

الاهم بقى لو احنا لسه منقولين من ادارة الى ادارة تانية هنقدر نعمل كل ده من الادارة القديمة ؟؟

تقدر لو ملفك لسة متنقلش من الادارة القديمة للجديدة لكن لو اتنقل هتضطر تعمل الكلام ده من الادارة الجديدة

ايهاب العراقى

23-11-2011, 06:53 PM

شكرا اخى مصطفى

زينب عبدالرحمن

23-11-2011, 07:44 PM

شكراً أخي الفاضل ،،،،،،،،،،،،،،،
وعلي فكرة من التناقضات الجميله إني النهارده رحت الإداره ولقيت إن عندهم تعليمات من المديرية علي حسب قول مدير شئون العاملين إنهم يستكملوا ورقنا كما تفضلتوا وبدأت بالفعل لكن فيه شوية أخطاء في الاستماره 103 هنصصحها الاول وربنا يسهل

شكراً لإهتمامك بالرد

atef atef

24-11-2011, 05:20 PM

السلام عليكم ورحمة الله وبركاتة
على فكرة أول ترقية من درجة لدرجة أخرى تاخد 8 سنوات مش خمسة
وشكرا

زينب عبدالرحمن

27-11-2011, 07:06 PM

بسم الله الرحمن الرحيم

كنت في المديرية " الدقهلية " اليوم وسألت الاستاذ شامل في التعينات عن الاستمارة 103 بتعتي لأن بها أخطاء فقال لي عندنا قرار من الوزارة بعدم جواز دم الفترة السابقة فريح نفسك لم أصدقه طلعت التسريات قال نفس الكلام ان عندهم نشره من الوزاره بعدم الضم وقال انهم بعتوا للتنظيم والادارة ولم يتم الرد حتي الان وقال كمان شوف محامي ...........
ايه رايكم ؟
اعتقد انه لازم نتحرك خصوص ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عمر العدوى

29-11-2011, 09:36 PM

يااااااااااااااااارب بقى احنا مش هنرتاح ابدااااااااااااااا

محمود سوهاجي

02-12-2011, 06:03 PM

MUSTAFAEGYPT

02-12-2011, 06:17 PM

الف شكر على الموضوع
لكن للاسف عندي خبر مزعج
في محافظة سوهاج وصل نشرة من الوزارة بشأن ضم المدة السابقة ومفاده:
ان المدة السابقة من متطلبات التعيين ( من معلم مساعد ) حسب قانون الكادر اما ما سبق المعلم المساعد فانسى
وحسبي الله ونعم الوكيل

بالفعل جت اشارات بكدة لبعض المديريات ولكن هما ميقصدوش انهم ميضموش الفترة دى القصد من كدة ان المدة اللى قضناها كمعلم مساعد مينفعش اما اترقى لمعلم اقله رجعنى معلم من اول تاريخ للعقد لانى كنت ساعتها معلم مساعد فهما بيعتبروها سنتين وجوبيتين كمعلم مساعد دى معنى الاشارة اللى وصلت المديريات انه مينفعش ابقى معلم من او تاريخ عقد لكن للاسف واضح ان المديريات بتفسرها غلط لعدم درايتهم بالقوانين بيفسروها ان كدة ملناش ضم مدة وده فهم غلط
ياريت الرجوع للمديرية والاستفسار وممكن تسأل فى الشئون القانوينية الخاصة بالمديرية وابلاغنا بما حدث والتأكد من ذلك قبل اللجوء للقضاء

يويو يويو10

03-12-2011, 01:25 PM

الي كل من يريد تغير المسمي من معلم مساعد الي معلم في صفحتة علي النت يذهب الي قسم الاحصاء في الادارة ويأخذ معه صورة من جواب التعين وهما هيغيروا المسمي
علي فكرة أنا لسة تعين جديد تعين 1/12/2011 وعملت كدا والان صفحتي علي النت معلم
أنا من ادارة أكتوبر

meslmat

03-12-2011, 03:45 PM

استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه
استغفر الله الذي لا اله الاهو الحي القيوم واتوب اليه

اميمة طه

15-12-2011, 05:05 PM

خطاب باسم وكيل الوزارة

صيغته ايه

mido181173

22-12-2011, 07:48 PM

مشكووووووووووووووووووررررررررررررررررررر
بـــــــــــــــاركــــــــــ اللـــــــــــه فيـــــــــــــــــك

معلم بحراوي

22-12-2011, 08:17 PM

بارك الله فيكم لكم جزيل الشكر
ارفع نموذج 103 مملوء علشان احنا معرفناش نكتبوة

محمد عبد العظيم ضيف

24-12-2011, 08:02 PM

هذه الاستمارة يتم تدوين كل مدد الخبرة السابقة بحيث لا تقل المدة عن سنة فى عمل مساو للعمل الحالى وتسجيل تاريخ بداية العمل وتاريخ ترك العمل ويتم تحريرها ضمن أوراق التعيين.
الشيء الخطير فى هذه الاستمارة انه إذا لم تذكر مدة الخبرة وتسجلها فيها يسقط حقك نهائيا فى المطالبة بضم سنوات عملك.
وعليه فكل من سجلها له الحق فى المطالبة بضمها وإذا تم الرفض فى المديرية عليك برفع قضية بعد استيفاءإجراءات لجنة فض المنازعات وسوف تحكم لك المحكمة بإذن الله تعالى بضم المدة.
إذا كنت تعمل بالقطاع الخاص يتم ضم ثلاثة أرباع المدة وإذا كنت تعمل بنفس الجهة الحكومية فتضم المدة كاملة .
وهم فى المديريات التعليمية والشئون القانونية والتسويات يعلمون ذلك وموجود القانون فى هيئة التنظيم والإدارة ولكن المماطلة والتسويف وتضييع حقوق المعلمين أمر مشاع فى هذه الوزارة
ادخل على هذا الرابط:

http://www.caoa.gov.eg/laws

قم بتحميل : القوانين والقرارات والمبادئ المستقرة
ستجد كل حقوقك التى يريدون تضييعها ورقم القرارات التى تحفظ لك حقوقك ومنها المبدأ رقم (82) الخاص بتسجيل مدة الخبرة والذى تحتاجه أشد الاحتياج لضمها.
دمتم بخير

hassan43

24-12-2011, 08:07 PM

ما يحدث فى الاقصر
تعيينات 3 او 7
الجميع هنا يرفع قضية لضم سنوات الخدمة

waddahahmed

25-12-2011, 08:19 AM

ياريت حد يرفع صورة من نموذج 103 ونموذج 51 وهل فعلا نموذج 51 لاززم يخلص من السجلات العسكرية ؟؟؟ ولا فية طريقة تانية

ALMISTER2

26-12-2011, 11:36 PM

ممكن اطب من الاعضاء الكرام كيف اطبع صحيفة الاحوال من موقع الوزارة لانى كنت بطبع من الموقع عادى لكن اليومين دول مش شغال
ارجوا الافادة فى اسرع وقت

شريف سهيل

03-01-2012, 04:22 AM

مشكووووووووووووووووووووووووووور

MUSTAFAEGYPT

03-01-2012, 10:01 PM

ياريت حد يرفع صورة من نموذج 103 ونموذج 51 وهل فعلا نموذج 51 لاززم يخلص من السجلات العسكرية ؟؟؟ ولا فية طريقة تانية

نموذج 51 س يتم استخراجه من السجلات العسكرية

مصري 13

05-01-2012, 09:51 PM

هل تعيين 1/7 قرار 244 نزلتله الدرجة ولا لسه ارجو الرد سريعا؟؟

سيف رسول الله

06-01-2012, 01:49 AM

2-عملت بوزارة التربية والتعليم في الفترة من 10 - 2002 وحتى الفترة 10 - 2005 كمدرس بالحصة ثم تم عقد عمل كمدرس بتاربخ 1 / 10 /2005 وقمت بالعمل بموجب هذا العقد لمدة ثلاث سنوات حتى تاريخ 4/5/2008 حيث تم عقد جديد تحت مسمى وظيفة معلم مساعد وحتى تاريخه صدر قالقرار الوزاري رقم والخاص بتعيين جميعالعاملين بوزارة التربية والتعليم ممن مر على فترة تواجدهم على رأس عمله لمدة ثلاث سنوات فأكثر وكنت ممن أصابهم القرار السؤال 75 بتاريخ 2/3/2011 - هل من حقي ضم فترة عملي السابقة بالوزارة ؟ - وإذا كانت الإجابة بنعم فأي هذه الفترات يمكن ضمها التي منت أعمل فيها بالحصة أم بالعقد أم الاثنين معا؟ - ما هي الخطوات الواجب اتخذاها لضم هذه الفترة ؟ ملحوظة : هذه ليست مشلكة فردية بل مشلكة عامة لالاف من المعلمينالمساعدين ولسيادتكم جزيل الشكر ووافر الاحترام محمد على
الرد :
الأستاذ / محمد – بني سويف
سعدنا بزيارتك لموقعنا
يستمد العامل حقه فى ضم مدة خدمته السابقة من أحكام القانون مباشرة
وحيث انه قد جرى نص الفقرة الثانية من المادة 27 من القانون رقم 47 لسنة 1978 بشأن العاملين المدنيين بالدولة المعدل بالقانون رقم 115 لسنة 1983 على أن ( كما تحسب مدة الخبرة العملية التي تزيد على مدة الخبرة المطلوب توافرها لشغل الوظيفة على أساس أن تضاف إلى بداية اجر التعيين عن كل سنة من السنوات الزائدة قيمة علاوة دورية بحد أقصى خمس علاوات من علاوات درجة الوظيفة المعين عليها العامل بشرط أن تكون تلك الخبرة متفقة مع طبيعة عمل الوظيفة المعين عليها العامل0000

ali manzalawy

06-01-2012, 01:30 PM

روحت الاداره فى المنزله للحصول على شهاده خبره قالى من يوم 13/3/2011 والباقى معرفكش وانت تعاقد مع انى تعاقد2005 يعن الخبره من اول التعين وليس التعاقد

فتاة مصرية متعاقدة

07-01-2012, 09:44 PM

حد يفيدنا هل من حقنا المطالبة بضم سنوات العمل بالتعاقد ام لا

sally2009

07-01-2012, 10:22 PM

هل تعيين 1/7 قرار 244 نزلتله الدرجة ولا لسه ارجو الرد سريعا؟؟

لاتوجد درجات مالية للتعيين بالقرار 53 أو 244 .. أى جميع تعيينات عام 2011 على درجة معلم ليس لهم درجات مالية حتى الاَن ....!!!
أنا تعيين 1/7/2011 وعندما ذهبت لتعديل البيانات من معلم مساعد إلى معلم ومن بدون درجة الى الدرجة الثالثة التخصصية رفض مسئول الإحصاء وقال ليس لنا درجات مالية حتى الان وأننا حتى الاَن نعامل معاملة التعاقدات ..
لابد من أن نطالب بالدرجات المالية ويصل صوتنا لوزير التربية والتعليم لأن أزمة الدرجات المالية لم يتكلم عنها أحد حتى الاَن ....

مصري 13

07-01-2012, 11:10 PM

لاتوجد درجات مالية للتعيين بالقرار 53 أو 244 .. أى جميع تعيينات عام 2011 على درجة معلم ليس لهم درجات مالية حتى الاَن ....!!!
أنا تعيين 1/7/2011 وعندما ذهبت لتعديل البيانات من معلم مساعد إلى معلم ومن بدون درجة الى الدرجة الثالثة التخصصية رفض مسئول الإحصاء وقال ليس لنا درجات مالية حتى الان وأننا حتى الاَن نعامل معاملة التعاقدات ..
لابد من أن نطالب بالدرجات المالية ويصل صوتنا لوزير التربية والتعليم لأن أزمة الدرجات المالية لم يتكلم عنها أحد حتى الاَن ....

يارب تنزلنا الدرجة قبل تعديل الكادر الجديد يارب العالمين انصر المعلمين

محمد ع الوهاب العديسي

08-01-2012, 07:34 AM

والله نحن في الأقصر نزلت الدرجات المالية الخاصة بنا سواء تعيين 1/3/2011 أو 1/7/2011 علي أساس الدرجة الثالثة فقط - وليس التخصصية -

وهذا حدث من عدة شهور لدرجة أنه نسينا أننا حصلنا عليها!!!!..

وقمنا للتأكد باستخراج بيانات حالة موظف من الادارات التعليمية وكذلك صحيفة الاحوال الالكترونية للمعلم ومختومة بخاتم شعار الجمهورية....

ألا حسبنا الله ونعم الوكيل في كل المقصرين والحاقدين.............

مصري 13

08-01-2012, 09:35 AM

صفاء الجمل

13-01-2012, 01:06 PM

يا جماعه انا تعيين1-7 ومعلش مش فاهمه يعنى ايه تسويات ياريت حد يفهمنى

meslmat

14-01-2012, 10:32 PM

يا رب
ســـــــهل كل عسير

شريف الهادى

18-01-2012, 05:13 PM

اى حد فى اسكندرية عنده اخبار؟ للعلم عند انهاء اوراق التعيين طلبو مننا ان نكتب الفترة من تاريخ المعلم المساعد فقط 1/12/2008وحتى التعيين فى استمارة 103رغم انى متعاقد من 23 / 12/ 2004

الخوارزمى المعاصر

19-01-2012, 10:51 AM

سبحان الله وبحمده سبحان الله العظيم

الخوارزمى المعاصر

19-01-2012, 10:55 AM

مصطفي ابوطلب

23-01-2012, 05:36 PM

محافظة قنا لاحس ولا خبر واحنا هنرفع قضية علشان ضم مدة الخدمة السابقة والوجبة والاوراق المطلوبة هى 1-صورة طبق الاصل من العقد المؤقت 2-صورة طبق الاصل من عقد المعلم المساعد 3-صحيفة احوال 4-اقرار حالة اجتماعية 5-صورة طبق الاصل من جواب التعيين وصورة من اوامر الندب لسنوات الاجر مع افادة بيهم من المدرسة وصورة البطاقة والمحامى ياخدهم على مجلس الدولة وقول يارب يارب

مصطفي ابوطلب

23-01-2012, 05:47 PM

قنا لاحس ولاخبر ولاحد بعتلنا حاجة ورحنا للمحامى وهنرفع قضية لضم سنوات العمل السابقة والوجبة

romio200

02-02-2012, 02:30 AM

الكلام ده مش موجود فى المنيا خالص

mostafa02

08-02-2012, 09:40 AM

شكرا أستاذ محمد
جزاك الله خير الجزاء

عزوز ابو طه

14-02-2012, 08:58 PM

يا رب يا رب يا رب

الزهراء12

17-02-2012, 10:19 AM

اريد معرفة مرتبات المعينين 1/7 /2011 فى كل الادارات

الزهراء12

17-02-2012, 10:20 AM

يا ريت يا جماعه لو حد يعرف الكلام ده يرد عليه

العدوى1

23-02-2012, 07:34 PM

طيب المعم المساعد يعمل ايه لانهم مش عاوزين يضموا مدة السنتين الى فاتم بحجة انهم ضروريين لشغل وظيفة معلم مش عارف ده هبل ولا ايه مش عارف فياريت حد يفدنى عشان ان كنا نتحرك ونرفع قضية وامرنا لله

demotax

27-02-2012, 01:22 PM

[QUOTE=demotax;4311173]برجاء مساعدتى فأنا فى ورطة ومطلوب الرد بسرعة بعد إذن حضرتكم انا معلم متعاقد جديد دراسات 1/9/2011وكان جوابى اساسى على المدرسة اللى انا موجودة فيها ولى زميلة اخرى معى لكن جوابها طلع من التوجية اساسى فى المدرسة اللى انا فيها ولكن انتداب الى مدرسة اخرى وفجاة وبعد مرور 6اشهر على العقد وباجراء تعسفى تم تحويل جوابى الى انتداب وزميلتى الى اساسى ودة طبعا شغل التوجية وعندما اعترضت هددنى الموجة بفسخ عقدى لو لم انفذ امر الانتداب بدل من زميلتى بحجة انها اقدم منى فى التخرج رغم اننا عقد واحد وانا استلمت قبلها فى المدرسة ومطلوب منى الموافقة او فسخ عقدى افيدونى اشتكى ولا اعمل ايه واشتكى فين بالضبط.

ahmed_2040

05-03-2012, 05:44 PM

انا من محافظة قنا ادارة قنا
اليوم 5/3 تعبت مابين المديرية والادارة ومحدش فاهم حاجة في التسويات
بيقولو انة في نشرة وصلت المديريات وانا قرأتها ملخصها :
انة لايجوز لنا ضم فترة المعلم المساعد حيث انها فترة واجبة للترقي وفترة ابتداء التعيين وهي من شروط التعيين علي وظيفة معلم وانها مضمومة ولايجوز ضمها مرة اخري
لكن لوحصلت علي دبلومه خاصة اثناء فترة المعلم المساعد لايجوز لك ضمها ايضا ...
اذاااااااااااااي حد فاهم يفهمنا لانة غلب حماري معاهم .....!!!

انشتين المصري

09-03-2012, 07:21 PM

لو سمحتم افيدونا هل احد كسب قضية ضم سنوات التعاقد للخدمة او ضم مدة الجيش للخدمة ولو كان في اي محافظة واي ادارة

انشتين المصري

09-03-2012, 07:27 PM

افيدوني لو سمحمتم هل احد كسب قضية ضم مدة التعاقد او مدة الجيش للخدمة ولو كان في اي محافظة واي ادارة

salah amin

09-03-2012, 11:30 PM

مشكور يا اخى على هذا المجهود الرائع

s.skr79

15-03-2012, 02:14 PM

طب يا ريت المحافظات اللي عملوا اجراءات ضم الخدمة يدخلوا يقولولنا عملوا اية ويا ريت يرفعوا لنا قرار ضم الخدمة ضروري ضروري لو سمحتم لاننا في الغربية مش راضييم يضمو لنا بحجة ان القانون 155 لا يجيز الضم

على الرشيدى

20-03-2012, 12:46 AM

جهد طيب يا مصطفى ولك جزيل الشكر جعله الله فى ميوان حسناتك

زكريات

21-03-2012, 05:28 PM

ربنا معانا

fmm2od7y

24-03-2012, 08:38 AM

:022yb4:محدش عنده أخبار عن ضم المدة السابقة بالغربية تعيين 1/3/2012 ياريت ال عنده أى أخبار ينشرها

زينب عبدالرحمن

26-03-2012, 05:15 PM

بسم الله الرحمن الرحيم
كل الي هقوله فقط في الموضوع
إني قبلت شخص محترم
كانت مقابلته تفوق اي وصف
وإتضح إن الموضوع لم يعرض بشكله الصحيح من المديرية " التربية والتعليم "
عموما حضرته وضح لي ان فيه اتجهين شرعيين يمكن للمحافظه إنها تساعدينا من خلالهم
الأول إن مديرية التربية والتعليم ترسل للمحافظة إستفسار عن كيفية الضم .
الثاني إن إحنا نقدم شكوه للمحافظة وتكون مدعومه بالمستندات .
وأن إقترحت علي حضرته إن نبداء بلإتجاه الاول وقد قدم لي دعماً .
هبداء من غداً ، اجهز :

صور العقود مختومه صوره طبق الأصل .
صورة الإستماره 103 طبق الاصل .
صحيفة الأحول من موقع الوزارة .
صورة قرار التعيين .
لو قدرت أجهز الحجات دي غداً هروح مديرية التربية والتعليم بعد الغد الأربعاء ، ولو حد عايز يكمل معايا ، يجهز ورقة ونتقابل بعد الغد ؟
مش هقول تفاصيل تانيه ، الي عايز تفاصيل ما حدث في المحافظه يقابلني يوم الأربعاء ، وده عشان محدش اهتم بالمعياد ال سبق تحديده ؟
شكراً وإن شاء الله خير

رهوفه

26-03-2012, 07:57 PM

والله يا استاذ لسه مافيش جديد لكن معلمى 1/3 ادارة كفر الزيات بتابع الموضوع ويارب يجعل تعبنا بفائدة وباذن الله يكون فى خير قريبا

eldeash

26-03-2012, 09:12 PM

يا جماعة انا تعيين 1/7/2011 وكنت شغال من 2001 حوالى 7 سنوات بالمكافأة الشاملة والباقي عقد مميز من 2008 ولما اتعينت رفعت قضية في القضاء الاداري ةالاجراءات قربت تخلص ان شاء الله القضية اتأجلت 3 مرات لرد الاجهة الادارية والحمد لله لم ترد فاتحجزت لتقرير الخبير والحكم وان شاء الله هاضم 7 سنوات وسوف يضاف 5 علاوات كحد اقصي على اساسي المرتب
حبيت اقول لكم الكلام ده علشان متنتظروش حد يضم ليكم سنوات سابقة خلص نفسك وارفع قضية وجمع مستنداتك واتوكل على الله وبالتوفيق للجميع
وانا على استعداد لاي استفسار عن المستندات والاجراءات

ranya2000eg

27-03-2012, 12:09 PM

اقوال تقول مش هيضمم سنوات التى كنا فيها على درجة معلم مساعد وكانت من 1/2/2009 وحتى 30/6/2011

لماذا لم يضموها مش كان اول مسمى وظيفى هو معلم مساعد حتى نصبح على درجة معلم بعد الكادر محتاجين حد يفهمنا نضيع فترة من عمرنا فى المعلم المساعد والدبلوم التربوى وفى الاخر يضيع سنتين من عمرنا ....

ولا حد فاهم حاجة احنا لازلنا بلد ورق

hazem ali

27-03-2012, 12:58 PM

عندك حق ده استهتار بينا والله

ahmed salh

27-03-2012, 08:16 PM

ربنا معاكي انشاء الله ربنا يسهل لنا ولكي الخير ان شاء اللة اكون موجود في المحافظة يوم الاربعاء

زينب عبدالرحمن

27-03-2012, 08:22 PM

ربنا معاكي انشاء الله ربنا يسهل لنا ولكي الخير ان شاء اللة اكون موجود في المحافظة يوم الاربعاء

ياجماعة غدا بالمديرية الساعة 8.5 --------- 9 اقصي حاجة هكون في المديرية " مدرية التربية والتعليم "

ولو ما وصلناش لحل هنروح المحافظة علي طول

زينب عبدالرحمن

27-03-2012, 08:23 PM

وبعدين انا معلم بس بدخل بإسم بنوتي

مصطفى1234

30-03-2012, 12:48 PM

بارك الله فيك

mmm6666

30-03-2012, 02:55 PM

جزاك الله خيرا

الاستاذاحمد

30-03-2012, 06:06 PM

وفقنى الله للحصول على كافه التأشيرات اللازمه لضم مده العمل السابقه الا اننى اصطدم الان بموظف التسويات بالمديريه والذى لا يزال يعيش عصور ما قبل الثورة على الرغم من اكمال كافه المستندات التى تثبت حقوقنا جميعافى ضم مده العمل السابقه لكافه المتعاقدين السابقين وفقا للقوانين المنظمه للعمل الادارى وبعد ان وقع باحاله الموضوع للاداره مخالفا بذلك القانون ذهبت الى مدير شئون العاملين بالمديريه والذى افاد بتحويل الطلب وقرار مديريه شمال سيناء الى التنظيم والاداره بالشرقيه وفى حاله عدم الرد او الاستجابه السلبيه المعتاده ارجوا منكم التجمع فى ميعاد نتفق عليه بالمديريه للضغط عليهم لاسترداد الحق المغتصب.
الامر مهم يا شباب لان معظمنا سيحصل على حقه فى الترقيه كمعلم اول ومنا من سينتقل بعد سنهواحد فقط للدرجه الثانيه.....وهذا ما يغيظ الظالمين الحاقدين
لذلك نرجوا الاهتمام والتنسيق

الرجاء التثبيت من ادارة الموقع

الاستاذاحمد

30-03-2012, 06:10 PM

ياريت حد يكتب المحافظات التى ضمت المده للمتعاقدين

mahmmoud_sakr

30-03-2012, 08:48 PM

السلام عليكم ورحمة الله وبركاته
فى محافظة أسوان تم عمل الورق المطلوب من زمان
الاول تقدم الاوراق بالادارة
والادارة تؤكد هذه الاوراق ثم ترسلها لمديرية
ثم الى التنظيم والادارة
ثم الوزارة
تم أرسال الورق بالخطاء فى الاول للتنظيم والادارة لكن قدموا أستفسار للوزارة وتم الرد بالخطوات السابقة وأرجعت الاوراق اليهم ( الادارة )
و يتابعها عضو النقابه لدى الادارة
لكن ما قالوه فى التنظيم والادارة أن المشوار ده طويل يحتاج وقت
الله المستعان

msrahmedseef

31-03-2012, 07:16 AM

فى ادارة دكرنس عندنا رجعوا ورق طلبات ضم الخدمة اللى احنا قدمناها عاوزين نوحد جهودنا ولو نرفع قضية علشان يضموا الفترة اللى قبل التثبيت

أ/محمد غازى

31-03-2012, 11:26 AM

ممكن اتشرف بمعرفتك انا من المعلمين الجدد بدكرنس اسمى محمد مسعد غازى لتوحيد الجهود والبدأ فى الخطوات الفعلية على ارض الواقع

مصطفى جابر راشد

31-03-2012, 02:59 PM

إتأكد أولا أنك سجلت مدة الخبرة فى إستمارة 103
لأنك لو لم تسجلها فليس لك الحق فيها حتى ولو رفعت قضية

ahmed salh

31-03-2012, 10:22 PM

يا مسهل يارب سهل لنا الاحوال ياكريم يارب

فداك يارسول الله

02-04-2012, 12:17 AM

إتأكد أولا أنك سجلت مدة الخبرة فى إستمارة 103
لأنك لو لم تسجلها فليس لك الحق فيها حتى ولو رفعت قضية

ودا نعرفه ازاى ؟؟؟؟؟؟؟

ahmed salh

02-04-2012, 09:06 PM

استماره 103 دي نجيبها منين
مع العلم انني تعاقد 11/2006 اداره بلقاس تعيين 13/3/2011
ومع شهادة خبرة من الادارة منذ بداية اول تعاقد حتي الان

الضى الوردى

02-04-2012, 09:19 PM

جميل جدا رببنا يوفقكم

الضى الوردى

02-04-2012, 09:22 PM

لا الة الا الله

MUSTAFAEGYPT

05-04-2012, 09:34 AM

اشكركم على ردودكم الجميلة ونتمنى المتابعة لمزيد من الاخبار

الحمد لله تم ضم مدة الخدمة العامة بالنسبة للمعلمات ومدة الجيش بالنسبة للمعلمين كسنة اقدمية

ودى بداية كويسه للضم بإذن الله

محمد كامل عطية

05-04-2012, 04:46 PM

انا من البحيرة وبدأت التعاقد من 2004 و لحد دلوقت مفيش ى حد ضم مدة التعاقدمن البحيرة .

ABOLAHAB701

08-04-2012, 04:12 PM

انا تعاقدت بتاريخ 1/4/2007
واستلام العمل نفس التاريخ
اريد ان ارفع قضية ضم فترة الخدمة
حيث قرار التثبيت بتاريخ 14/2/2011
وخدمت ايضا الجيش
كما اننى عملت بشركة خاصة بالقاهرة لمدة ثلاث سنين بتأمينهم
مع الرد صورة من بيان الحالة
مكتوب الظيفة الحالية معلم مساعد تعيين؟؟؟؟
ارجو الافادة

درة السنة

09-04-2012, 09:36 PM

وكيل مدرسة

11-04-2012, 06:23 AM

اشمعنا السويس
؟؟؟؟؟؟؟؟؟؟؟؟؟؟؟؟؟؟
لو فيه حد يغرف حاجة عن السويس يقول يا جماعة

s.skr79

16-04-2012, 11:44 AM

هل من جديد

محمدمحمد4

16-04-2012, 09:21 PM

يا جماعه انا مش فاهم حاجه هل دلوقتي احنا متعينين فعلا ولا لازم موضودع الدرجات الماليه وهل لازم موضوع الورق ده ولا خلاص احنا كده تعيينا قانوني

فداك يارسول الله

23-04-2012, 11:04 PM

السلام عليكم و رحمة الله و بركاته
حد يعرفنا ايه وضعنا بالظبط بالنسبة للضم المدة و كمان الدرجات المالية

تعيين 1/7/2011
وعملت سنتين معلم مساعد

فداك يارسول الله

25-04-2012, 11:45 PM

؟؟؟؟؟؟؟؟؟؟؟؟؟

دودو852

29-04-2012, 06:49 PM

معنى الكلام دة ان كل ادارة وكل مديرية ضم الفترات السابقة لواحدة يعنى ناس ينضم لهم وناس لم ينضم لهم مديرية المنوفية قالوالى ارفعى قضية ما ها هو الحل

hhhhh615

01-05-2012, 09:25 AM

مشششششششششششششششششششششكور

yousef_assiut

11-05-2012, 10:05 PM

هل في عدد محدد للسنوات لضمة علي الخدمة

muhammad ellithy

14-05-2012, 10:16 PM

انا عايز صيغة الطلب اللي بيتقدم لضم سنة التجنيد

نور الشمس الذهبى

28-05-2012, 05:32 PM

هل فى اخبار عن ضم الخدمة العامة فى الغربية

ibrahim hamza1

03-06-2012, 10:10 PM

عندنا فى البحيرة الكلام الأكيد الصادر من المديرية ديرية ان هناك قرار من التنظيم والإدارة (صفوت باشا النحاس ) هذا القرار يمنع ضم مدة من وظيفة أدنى وهى التعاقد الى وظيفة اعلى وهو التعيين ودا كلام أكيد لدرجة انهم صوروا القرار ووزعزه علينا وقالوا ان الحل الوحيد ان نرفع قضية

mr_adam00

04-06-2012, 12:20 AM

يا جماعة مفيش ضم خدمة ولا غيرة هما حسموها بالقرار اللى طلعوه ان السنتين المعلم المساعد دول من مراحل الكادر يعنى احنا بعد 6 سنين من تاريخ التعيين هانبقى معلم اول ان شاء الله

ميرا11

04-06-2012, 06:40 PM

يوجد عامل بالمدرسة ( الاسكندرية ) فى احدى المدارس و قد تقدم لعمل التسوية و لكن بعد التسوية اكتشف انه تم تعينة من جديد اى سنوات الخدمة السابقة له قد الغيت و يوجد مشرفيين بالمدرسة ايضا و اتت لهم التسويات ويسالون ما الموقف المالى لهم بعد التسوية ( هم الان على الدرجة الثانية )

sallymahmoud

18-06-2012, 02:42 PM

جزاك الله خيرا

نانا صبرى

06-07-2012, 04:56 PM

الموضوع دى ماحدش كلمنا عنه لا ادارة ولا مدرسة ولا اى مدرس زينا سمع عنه هو لكل المحافظات ولا ايه والاوراق دى ماحدش طلبها منا ابدا بعدما اتثبتنا
ممكن تخلصها الادارة من عير ما تطلب مننا اى اوراق
لو حد من قنا سمع عن الموضوع دى فى مدرسته يفيدونا ولو حد من محافظة تانية ذى وضعنا يفيدونا

hazmanco

01-08-2012, 03:00 PM

شارك في اضراب بداية العام الدراسي
وهل سعادتك يعني الطلاب الذين يدرسون في جامعة القاهرة أولاد أغنياء ؟
المعلمون الذين لا يشتركون في هذا الاضراب أنما هم متأخري الفهم فقد فعلها كل طوائف الشعب من موظفي النقل العام ، الشهر العقاري ، الخبراء ، الاطباء ، ودكاترة الجامعات و الشرطة وكلهم يؤثر إضرابهم على المواطن تأثير مباشر وفعلها مدرس الجامعات هل أنت أفضل منهم وملائكية لهذه الدرجة وبعدين الحكومة تريد أن ترفع يدها عن دعم التعليم في الميزانية ونحن نطالب بزيادة هذا الدعم وهذا من صالح الطلاب والتعليم .
الموظفون الذين قاموا بالاضراب ((( وحصلوا على حقهم)))
1ـ الشرطة
2ـ الخبراء
3ـ النقل العام
4ـ الشهر العقاري
5ـ دكاترة الجامعات
***** الموظفون الذين لا يقومون بالاضراب
1ـ القضاه (12000)
2ـ البنوك (4500) + ارباح البنك كل 3 شهور + امتيازات العلاج والشقق
3ـ الكهرباء (2400)
4ـ الاتصالات (2500)
5ـ الضرائب (3450)
6ـ الخارجية (8500)
7ـ الجيش (ملازم 2800) بداية التعيين شوف أنت البقية العقيد ، العميد ، اللواء
8ـ الوزارات (المرتب + 200% +بدلات أخرى خاصة بالموظفين الذين يعملون بمبنى الوزارة 300%)
9ـ الجمارك (2750)
10ـ البتروك (3400)
لأن كل هؤلاء ليسوا محتاجين لمرتبات
والله حتى لو أعطيت دروس ليل نهار تفتقد لوضع المادي + المعنوي +الوضع الاجتماعي + تقدير الدولة لك ...................!!!!!!!!!!!!!!

alfa_ahmed

01-08-2012, 05:06 PM

في مديرية بنها ذهبت اليوم وقالوا ما فيش تسويات للتعينات الجديدة والعقد شرط من شروط التعيين
الحل : نرفع قضية في القضاء الاداري

hazmanco

17-08-2012, 12:52 AM

شارك في اضراب بداية العام الدراسي
وهل سعادتك يعني الطلاب الذين يدرسون في جامعة القاهرة أولاد أغنياء ؟
المعلمون الذين لا يشتركون في هذا الاضراب أنما هم متأخري الفهم فقد فعلها كل طوائف الشعب من موظفي النقل العام ، الشهر العقاري ، الخبراء ، الاطباء ، ودكاترة الجامعات و الشرطة وكلهم يؤثر إضرابهم على المواطن تأثير مباشر وفعلها مدرس الجامعات هل أنت أفضل منهم وملائكية لهذه الدرجة وبعدين الحكومة تريد أن
ترفع يدها عن دعم التعليم في الميزانية ونحن نطالب بزيادة هذا الدعم وهذا من صالح الطلاب والتعليم .
الموظفون الذين قاموا بالاضراب ((( وحصلوا على حقهم)))
1ـ الشرطة
2ـ الخبراء
3ـ النقل العام
4ـ الشهر العقاري
5ـ دكاترة الجامعات
***** الموظفون الذين لا يقومون بالاضراب
1ـ القضاه (12000)
2ـ البنوك (4500) + ارباح البنك كل 3 شهور + امتيازات العلاج والشقق
3ـ الكهرباء (2400)
4ـ الاتصالات (2500)
5ـ الضرائب (3450)
6ـ الخارجية (8500)
7ـ الجيش (ملازم 2800) بداية التعيين شوف أنت البقية العقيد ، العميد ، اللواء
8ـ الوزارات (المرتب + 200% +بدلات أخرى خاصة بالموظفين الذين يعملون بمبنى الوزارة 300%)
9ـ الجمارك (2750)
10ـ البتروك (3400)
لأن كل هؤلاء ليسوا محتاجين لمرتبات
أين أنتم أيها المعلمين في هذا الوطن
والله حتى لو أعطيت دروس ليل نهار تفتقد لوضع المادي + المعنوي +الوضع الاجتماعي + تقدير الدولة لك ...................!!!!!!!!!!!!!!

علاء التلاوى

18-08-2012, 02:41 AM

مجهود رائع بس يا ريت تعرفنا بكل جديد

KAMAL SH

24-08-2012, 03:29 AM

كل مرة نروح الأدارة محدش عارف حاجة .......... حد ضم حاجة

eva2012

26-08-2012, 11:47 AM

احنا بقا فى محافظة قنا حصل معانا الكلام ده من 3 شهور وفعلا طلبو كل الارواق ده بس استمارة 103 ع ح كانت من واقع ملفك الللى فى الادارة مش جديدة وعليه لما تروح تاخدها تلاقى مفيش اى مدة مكتوبة فيها ولو عملت واحدة جديدة محدش بيرضى يستلمها .... المهم بعد كل اللفة دى قالو نزل قرار من المديرية يقول ان ال 3 سنين بتوع العقد شرط من شروط التعيين ولا يجوز ضمهم

وكيل مدرسة

31-08-2012, 08:21 PM

انا اللى عرفتع اننا "التعينات الجديدة"رجعنا اقدمية سنتين بصورة تلقائية و الكلام ده على لسان موظفة فى التنظيم و الادارة ابلغته لزميلة لنا عندما ذهبت لللستفسار عن الجزئية دى فى قانون 155 لسنة 2007

Mr/Ali Aswan

01-09-2012, 04:56 AM

جزاك الله خيرا علي الموضوع ولكن عايز صوره 103لو سمحتو وده مستقبل بيضيع حضرتك

خير زاد

04-09-2012, 07:39 PM

حد وصل لحاجة فى المضوع دا

hanon231

11-09-2012, 09:56 AM

هذا كلااااااام جميل بس احنا محافظه الدقهليه مجهزين هذه الاوراق من حوالي سنه يعني بعد ال:slap1qk6:تعيين بفتره تمام......... دلوقتي بيقولوا لنا في اداره نبروه تعالوا خدو اوراق ضم المده احنا جالنا جواب بالرفض
............ روحنا المدريه امبارح و كنا ثلاثه عملنا طلب لوكيل الوزاره و ارفقنا فيه اسماء المعلمين في محافظه الجيزه اللي اضيف لهم مده العقد السابقه و طلبنا بالمساواه بيهم فياريت زملائنا في دمياط يساعدونا و يبعتو لنا اي اوراق تثبت اسمائهم بالقرار و يا ريت كا محافظه القهليه تتحرك و نعمل حاجه لو حتي هنروح التنظيم و الاداره في المحافظه و للمحافظ نفسه ارجو الاهتماااااااااام و شكرااااااااااا لمعلمي مصر

كافوران

11-09-2012, 02:25 PM

هل يمكن تسوية مؤهل دراسي عالي بمؤهل عالي اخر؟ لتحويل من مادة الي اخر؟
ام التحويل باستخدام القرار 275 لسنة2011؟
مسئول التنسيق بالادارة رفض استلام ملفي بتغيير المسمي (( الملف المطلوب بالاكاديمية)) و قال لي اعمل تسوية وليس القرار 275؟ (( مع العلم المديرية قالت لي التغيير في الادارة التعليمية؟))
ماذا افعل؟؟؟؟؟؟؟؟؟؟؟؟؟؟

hanon231

11-09-2012, 03:20 PM

كلام جميل بس احنا في محافظه الدقهليه محدش ضم المده خالص بالرغم من ان احنا عامليين ورق ضم المده من بعد التعيين مباشره و رجعوا قالو خدو الملفات تاني مفيش ضم مده في الدقهليه تمام ......... ذهبنا للمدريه بالامس و كنا ثلاثه و عملنا طلب لوكيل الوزاره بنطالب بيه بمساوتنا بزملائنا المعلميين في الجيزه و ارفقنا اسماء زملائنا و قرار ضم مدتهم و قالو هنبعت لالتنظيو و الاداره في المحافظه لازم نتحرك زمايلنا في الجيزه ز دمياط هياخدو الدرجه و احنا قدامنا سبع سنييييييييييييييين علي ما ناخدها لازم المساوااااااااااااه بطالب زملائنا في دمياط رفع اي قرار بخصوص هذا الموضوع و شكرا .................ز

mrwaeld

18-09-2012, 01:41 PM

انا تعيين 1-4-2011 ولي تسوية امتي اروح ياجماعة جزاكم الله خير
ت / 01094876995

Le Samurai

19-09-2012, 05:47 PM

النهاردة سمعنا أخبار عن ضم المدة .........................
إيه صحة الأخبار دى و فى حد من البحيرة كسب قضية ضم مدة صحيح و المديرية مكتمة علشان المتعاقدين القدامى ما يطالبوش بالمثل وبعدين فين مدرسين البحيرة من ضم المدة ال هتفرق كتير جداً فى المرتبات والترقيات .............
دا آخر كلام سمعته إنه هيتم خصم علاوة 2008 من متعاقدى 5/10/2008 طاب الخصم دا هيتنفذ فى كل إدارات البحيرة ولا هو الموضوع اجتهادات شخصية لاداريين مش فاهمين شغلهم ......
يا جماعة لازم نتحرك
عامةً فى ناس رايحة المديرية بكرة 20/9/2012 تسأل عن ضم المدة و علاوة 2008 يا ريت كلنا نبدأ و نروح المديرية ونقدم طلبات وتظلمات بخصوص ضم المدة لوكيل الوزارة و طلبات فتاوى قانونية من الشئون القانونية بالمديرية وال إضطر الأمر لرفع قضايا فى المحاكم الادارية لضم المدة كفاية تعرفوا أن السنة بتفرق أكتر من 75 جنيه فى المرتب دا غير المكافأة والترقيات .........
و بعد إذن المشرفين دا رقم تليفونى للتواصل بهذا الخصوص ..........................
01115218578
و أخيراً ما ضاع حق وراءه مطالب