البحيرة مفهاش مظاليم لان اكتر من 90%من اللى اتعينو ميستحقوش التعيينات دى لانهم جايين بالواسطة والرشاوى واغلبهم تقدير مقبول ومتهيئلى يحمدو ربنا انهم قدرو يتعينو ويبقى لهم مرتب ثابت كل شهر وغيرهم افضل منهم وذاكرو وجابو تقدرات عالية ومش عارف حتى يجيب عقد بالحصة لانه مش بيستخدم لاواسطة ولا معاه يدفع اقل حاجة 10000 جنيه عشان ياخد عقد مضروب من الادارة او مدير مدرسة بصراحة مهزلة عندنا فى البحيرة واكيد فى محافظات تانية فيها ظلم وافترى وناس بتاكل حقوق ناس لانه نظام فاسد وبقى اكتر فساد بعد الثورة انا كنت بقول ان التعيينات تبقى بمسابقات وكل واحد يقدم ورقه واذا تساوى فى الظروف واحد بيشتغل بالحصة او بالعقد مع واحد مشتغلش قبل كدة وكانو جايبين نفس التقدير يبقى الاولوية للى اشتغل قبل كدة .....مش الكوسة واللخبطة اللى حصلت انا عندى فى المدرسة اكتر من 24 مدرس بالعقد الجديد من ضمنهم اكتشفنا ان واحد منهم متعين بالثانوية العامة مدرس لغة عربية والصراحة ولا واحد فيهم يصلح يكون شيخ فى كتاب حتى ( اللى مخارج الالفاظ عنده مش واضحة واللى حجمه وشخصيته ضعيفة ومهزوزة ومش قادر يسيطر على الطلبة كويس واللى طريقة لبسها مستفزة ومسخرة وكانها رايحة كباريه مش مدرسة واللى واخد عقد اخصائى تطوير واساسا المدرسة عندنا مفهاش حجرة تطوير وبيقعد كل يوم فى المكتبة ساعتين كدة ويروح وحوالى 19 منهم خريجين جامعات خاصة يعنى من الاخر فشلة وجايين زى الجراد يزاحمو اصحاب الحقوق الفعلية فى التعيينات) بجد حاجة تقرف وكان نفسى دفعتى اللى اتعيينت فيها انها تمشى بنفس الاسلوب اللى وضحته فى التعيين يعنى من الاخر محدش يتكلم عن زيادات فى المرتبات او يحس انه مظلوم واحنا عارفين ومتأكدين ان اغلبنا بل كلنا من غير مبالغة لا نستحق اللى احنا فيه وبجد حاجة تقرف وتزهق

مش البحيرة وبس فيه محافظات تانية شغالة بالنظام ده

اللي شغالين في البحيرة بالحصة فعلا كلهم خدو حق مش حقهم والغريب انهم بيعملو مظاهرات عشان يزودو مرتباتهم مع انهم اساسا مالهمش مكان في المدارس
احنا عندنا في الادارة 120 مدرس زيادة في التخصص كلهم من بتوع الحصة اشتغلو من المعارف مع ان مش ليهم مكان ومن غير اي تقديرات
بس نقول ايه حسبي الله ونعم الوكيل اهو فيه مديرين ادارات متحولين للتحقيق ورنا يكرم ويشدو اللى معاهم كمان

كفر الشيخ ... حدث ولا حرج

الموضوع زايد جدا عن حده

فعلا المدارس فيها عدد كبير من المدرسين بسبب العقود اللى اتعملت السنه اللى فاتت والكوسه اللى فى البلد وانا بقول الكوسه غاليه ليه لها حق ماهى لها قيمه وسعرها عالى احنا كمان عندنا ثانويه عامه وعملوا عقود السنه اللى فاتت فى المدرسه ليه معرفش

والله عندك حق يا أختي البحراوية الوساطة مازالت مستمرة في كل شئ حتى بعد الثورة ، في القليوبية ناس كتيرتم تعينهم وعمل إفادات لهم من المدارس وهم لم يكونوا على رأس العمل ........................
حسبي الله ونعم الوكيل في كل من عين شخص لايستحق التعيين .
والله المستعان

المشكله تبدا من المديريات والإدارات ( الوسايط والمعارف) كل المحافظات ماشيه على النظام ده
ربنا يهديهم و فين الوزاره وموقفها الحازم من الموضوع ده
المشكله أنه فكر قديم ومش هيتغير غير لما النظام كله يتغير

وفتح المجال لكل الكليات والمعاهد الاخرى غير تربيه للعمل
شغل وسايط
كان لو حدد العجز بالنسبه للعدد المطلوب وعمل بيهم مسابقه
ودربهم تربويا
مش يفتحها على مصرعيها
بس هاقول أيه غير رزق لناس معينه

ولو عايز حقك منهم تكلم مين كلهم فكر واحد
ربنا عالم بالحال