أريد الرد من الطلاب [الأرشيف] - بوابة الثانوية العامة المصرية

مشاهدة النسخة كاملة : أريد الرد من الطلاب

modypiano

05-03-2008, 07:33 PM

انا كاتب 7 مواضيع ولا واحد اترد عليه

اسئلة على اجزاء مختلفة فى المنهج

أنا نفسى طيب حد يسأل بقه علشان اجاوب أنا

الأستاذة أم معتصم

06-03-2008, 12:21 AM

اسال انا يا مسيو

ولا اجاوب

بس تعطينى الدرجة النهائية

اتفقنا

لا تيأس من رحمة الله

ان شاء الله الطلاب سيجيبو على اسئلتك

aboali5029

06-03-2008, 12:27 AM

والله يا استاذ موضوعاتك باين عليها كويسة ويا ريت كنت لقيتهم السنه الى فاتت مكنتش اتوكست وجبت41.5فى الغة الاجنبية الثانية

modypiano

06-03-2008, 04:19 AM

شكرا مودموازيل جنه

بس انتى عارفه رأيى فيكى من زمان

وهو أن انتى واخده الدرجة النهائية من زمان قوىىىىىىىىىىىىىىى

بس الطلبة احنا بنكتب لهم ولا واحد عايز يجاوب انا مش عارف ليه

ثانيا انا بشكر أبو على على تعليقة وربنا يوفقك السنه دى ان شاء الله

Rien

01-06-2008, 01:31 PM

انا باجاوب عليهم دلوقتى يا مسيو
زى ما حضرتك عارف اننا بدأنا العربى والوقت ضيق اوى
بس انا مقسمة الوقت بين العربى والفرنساوى عشان مش فيه وقت كفاية لمراجعة الفرنساوى ليلة الامتحان
والف شكر على مجهود حضرتك معانا

sh2awa _ 91

01-06-2008, 01:36 PM

والله ان شاء الله قبل امتحان الفرنساوي هادخل وهشارك لكن حاليا صعب عشان العربي

ثااااااااااااااااااااانكس اوي يا مسيو ...

modypiano

02-06-2008, 01:32 AM

Slgado

02-06-2008, 01:41 AM

modypiano

02-06-2008, 01:49 AM

فعلاَ والله يامسيو الواحد مشغول بالعربي جداً جداً ...

وانا جاي بطلب المرادي ..
انا مش تمام اوي 100% في السؤال بتقديم فعل على فاعل في الازمنة المكونة من فعل مساعد وفعل اساسي ..
انا حافظها بس مش فاهمها كويس ..

ارجو من حضرتك الافادة ..

لو انت مش عارفها ممكن تهرب منها باستخدام est-ce que

علشان ما تقدمشى فعل على فاعل

اما لو عايز تعرفها

فلو الفاعل ضمير (je - tu - il - elle - nous - vous - ils - elles) يبقى لو الزمن مركب بنقدم بس المساعد على الضمير واسم المفعول اللى هو يعتبر الفعل الاساسى بعد الضمير فمثلا

Quand avez-vous commencé à écrire?

أما بقة لو الفاعل اسم مش ضمير فى الحالة دى بنقدم الفعل المساعد واسم المفعول على الفاعل فمثلا

Qunad s'est passé l'accident?

وممكن نقول السؤال بطريقة تانية وهى استخدام ضمير التوكيد بعد المساعد ويكون الضمير عايد على الفاعل فلو مذكر يبقى il ولو مؤنث يبقى elle زى الامثلة اللى جاية

Quand l'accident s'est-il passé?
À qui Sami a-t-il écrit cette lette?
Quand la lette a-t-elle écrite?

Slgado

02-06-2008, 02:19 AM

اممممم .. زي اللي جت في امتحان السنة اللي فاتت ..
شكراً كتير يا مسيو ..

هل في نوع من الجمل يجبرني على الحل ده ؟؟

modypiano

02-06-2008, 02:25 AM

اممممم .. زي اللي جت في امتحان السنة اللي فاتت ..
شكراً كتير يا مسيو ..

هل في نوع من الجمل يجبرني على الحل ده ؟؟

مافيش حاجة اسمها ان الحل يجبرك لأن فى اكتر من طريقة

الطريقة اللى انت شايفها سهلة حل بيها علشان ماتنقصشى درجات

انا شرحتلك شرح مبسط لو الموضوع شاغلك قوى اعملك شرح مفصل لو عايز واكتبهولك

بعنوان كيف نكون سؤال بس انا شايف ان فى الفترة الحرجة دى الاسهل اعمله

وربنا يوفقك

Slgado

02-06-2008, 02:30 AM

modypiano

03-06-2008, 02:28 AM

اممم ..
انا مش عايز اتعب حضرتك يامسيو ..

انا يومين كده ولا حاجة وهنزل قطع من عندي واحلها ..
وحضرتك راجعلي عليها ...
وهحاول ادرب بقدر الامكان على الطريقة دي بجانب الطريقة المعتادة ..
او لو حضرتك حابب تنزل القطع ونجاوب احنا معنديش مانع ..
ولك جزيل الشكر ..

بص كده او كده الهدف من الموقع ده هو مساعدة الطلبة لوجه الله

تجيب انت القطع اجيب انا اللى انت عايزه انا تحت امرك

وسيبها لله