|
مشاهدة النسخة كاملة : يا جماعة اللى كمل ثلاث سنوات بالعقد فى محافظة القاهرة يشاركنى ارجوكم سامح مجدى 05-11-2011, 03:54 PM يا مدرسين العقود فى محافظة القاهرة ارجوكم شاركوا معاى علشان نقدر نجيب حقنا ونثبت زى باقى المحافظات ارجوكم كل المحافظات اللى كمل ثلاث سنين اتثبت على درجة معلم مساعد واحنا لو موقفناش وحسوا بينا هيضعوا حقنا لازم كلنا نتجمع ونقف ونتكلم امام الوزارة او المديرية يا ريت تشاركوا معاى بالرد علشان نرتب ميعاد الغريب فى المنتدى دة ان كل المحافظات بتتكلم على حقها فى التعيين الا محافظة القاهرة هو فين مدرسين محافظة القاهرة اللى بالعقود راحوا فين ساندرا تامر 05-11-2011, 07:00 PM قرار 75لسنة 2011 فعلالالالالالالالالالالالالالالا لم يتم تنفيذة فى محافظة القاهرة انا بقالى 7 سنين بعقد مكافاة شاملة سامح مجدى 07-11-2011, 07:40 PM هو مفيش حد شغال بالتعاقد فى محافظة القاهرة غير انا وساندرا بس الواحد زهق من عدم المشاركة على فكرة يا ساندرا فى ادارة عين شمس عندنا عاوزين دلوقتى يمضونا على صورة عقد جديد والواحد مش عارف يعمل اية عرفت ان ناس كتير مضوا على العقد الجديد وانا خايف من الغاء المدة اللى فاتت لو مضيت على العقد الجديد ولو ممضتش يبقى معسلامة ساندرا تامر 07-11-2011, 09:08 PM هما فعلا يا سامح قالوا على بداية السنة الجديدة هيحولوا العقد لبند 2/3 بس فى الوزارة شخص من قسم التعينات شاف اتلعقد بتاعى وقالى ان انتى على بند 2/3 بقالى 3 سنين حتى لو كانوا مسحين رقم العقد بس بنودة بتقول انة بند 2/3 قالى هما يقولوة الى عايزين يقولوة والفترة الى فاتت تنضم باستمارة 103 سامح مجدى 07-11-2011, 11:56 PM طيب دلوقتى يا ساندرا الحل اية يعنى اية الاجراء اللى ممكن الواحد يعملة هل لو رحت الوزارة واتكلمت على حقنا فى القرار 75 حد يسمعنى ولا القرار دة فى ايد المحافظ بس عاوز اقولك حاجة صدقينى حتى ولو كان فى ايد المحافظ لو كان اتجمع عدد كبير من اللى شغالين بالعقود بمظاهرة امام الوزارة او المحافظة على الاقل كنا هنعرف حقوقنا اية لكن احنا كدة مش عارفين حاجة سامح مجدى 09-11-2011, 12:23 AM فى الحقيقة كان نفسى من خلال المنتدى دة ان انا اجمع اكبر عدد من مظاليم التعاقد فى محافظة القاهرة ونحاول ناخذ حقنا زى باقى المحافظات لكن اللى انا لاقيتة ان المشاركين فى هذا المنتدى معظمهم من المحافظات الاخرى خصوصا الصعيد والشرقية وبيجمعوا بعضهم بطريقة حلوة واخذوا حقوقهم بالطريقة دة وانا باحييهم على وعيهم واستخدامهم للمنتدى بطريقة فعالة وحيوية لكن الغريب بقى فى محافظة القاهرة اللى المفروض تكون الاولى فى النت واستخدامة مفيش حد بيشارك خالص فى المنتدى دة من المدرسين ولا غيرة من المنتديات الخاصة بالمدرسين هل دة لانهم نايمين ولا لانهم غير مكترثين بحقوقهم ولا خذوا حقوقهم واحنا مش عارفين يا ريت حد يرد ساندرا تامر 10-11-2011, 04:29 PM بامانة يا سامح انا بقالى سنة وشهرين بجرى من المديرية للوزارة ومش عارفة اجيب حقى بتاع التعينات فى الوزارة قالى التنسيق ما يعرفش عنك اى حاجة الاداااااااااارة بتاعتك هى الى غلاطانة المفروض كنت معلم مساعد منذ 2007 منذ صدور قانون 155 لكن احنا فعلا لو نبقى مجموعة كبيرة اكيد هيسمعولنا لان احنا معانا حق وفعلا اتظلمنا ربنا يرحمنا سامح مجدى 13-11-2011, 02:23 AM هو انتى ادارة اية يا ساندرا وازاى اديلك سبع سنين من غير ما تاخدى عقد مميز على فكرة انا يئست من المنتدى دة كل يوم بقول يمكن حد يقرأ ويشاركنا علشان نكون قوة بس مش لاقى حد يرد عليا غيرك يا ساندرا وبفكر دلوقتى ان انا اروح الادارة وامضى العقد الجديد وخلاص زى الناس الثانية انت رايك اية ساندرا تامر 13-11-2011, 09:58 PM [size="5"][b]انا بقالى 7 سنين وانا بكالوريوس تربية لكن كنت شغالة فى مجال تطوير تكنولوجى منذ 2005 حتى 2009 ولما جت العقود المميزة قالتلى الهانم بتاعت التعينات فى الادارة ان انتى فى مكان لا يوافق تخصصك العقد المميز بيجى تبعا للتخصص فنقلت بفضل ربنا الى مجالى منذ 2009 حتى الان ولكن لم ياتى العقد المميز الى الان ولما توجهت بالسوال فى الوزارة كاااااااااانت المفاجاة ان العقد المميز مش بيجى بالتخصص بيجى بالموهل العالى وخصوصا التربويين والى الان بقالى سنة ونصف فى لف ومش عارفة اجيب حقى اخذتة من الشئون القانونية بالوزارة بالاحقية لكن مع ايقاف التنفيذ وانا ادارة الزاوية وانتا كدة كدة هيتحولك عقدك لبند 2/3 اول السنة دة لو ما كانش بند 2/3 وحتى لو كان على حسب ما قيل لى هما يقولوا الى عايزين يقولوة والسنين الى فاتت تضم باستمارة 103 marsho 13-11-2011, 10:02 PM هو حضرتك ادارة اية وعقد اية احنا عملنا عقد فى شهر سبعة زى كل سنة نفس العقد ادارة السلام سامح مجدى 14-11-2011, 02:00 AM لو يا ساندرا على الكلام اللى انتى بتقولية ان العقد المميز على حسب التربوى يبقى المفروض ان اخذ عقد مميز لانى انا كلية تربية نوعية حاسب الى سنة 2002 يعنى كمان الاقدمية موجودة وكملت ثلاث سنوات شغال بالعقد من 2008 الى الان ومعاى اى سى دى ال المشكلة انك تروحى المكان يا ساندرا اى واحد يكلمك كلام غير الثانى الادارة كلام والوزارة كلام والمديرية كلام وبصراحة الواحد نفسة يتمتع بهدوء الاعصاب علشان يعرف يتعامل معاهم ساندرا تامر 14-11-2011, 07:10 PM هو حضرتك ادارة اية وعقد اية احنا عملنا عقد فى شهر سبعة زى كل سنة نفس العقد ادارة السلام ادارة الزاوية الحمراء والعقد الى انتا مضيتة فى شهر سبعة دة تجديد العقد لكن الى انا بقول علية هما فى المديرية حيحولوا العقد لبند 2/3 فى يناير 2012 ساندرا تامر 14-11-2011, 07:18 PM انا بقول ان كل الموهلات العليا ليها عقد مميز وبالاخص التربويين فى وقت صدور قانون 155 لسنة 2007 قانون الكادر متهيالى ان حضرتك بعد القانون دة بالنسبة ليا انا الادارة وقعت اسمى من الكشوف عن طريق الخطا او العمد الله اعلم وبالنسبة ليك كملت 3 سنين ربنا يسهل ويقولوا هنعمل عقود مميزة لكن انا متوقعة ان بعد الانتخابات البرلمانية كل الكلام دة هيتعدل ولا يبقى فية مميز ولا غيره سامح مجدى 19-11-2011, 12:53 AM ساندرا على فكرة ان رحت الادارة ومضيت العقد الجديد ومن لحظتها صراحة وانا مضايق اللى حصل ان رئيسة قسم الاحصاء فى الادارة اتصلت بمديرة المدرسة وقالتلها ان انا الوحيد اللى مامضتش العقد الجديد ولو ما روحتش ومضيت العقد الجديد هيتلغى ليا التعاقد ودة لانى انا كنت فى الادارة قبل كدة ورفضت ان انا امضى على التعاقد الجديد بس عاوز اقولك حاجة من لحظة ما مضيت العقد الجديد وانا كرهت التعليم والشغل وحسيت ان وزارة التعليم دة مكان كبير للفساد والواحد ما لوش مكان وسطيهم marsho 19-11-2011, 12:52 PM ساندرا على فكرة ان رحت الادارة ومضيت العقد الجديد ومن لحظتها صراحة وانا مضايق اللى حصل ان رئيسة قسم الاحصاء فى الادارة اتصلت بمديرة المدرسة وقالتلها ان انا الوحيد اللى مامضتش العقد الجديد ولو ما روحتش ومضيت العقد الجديد هيتلغى ليا التعاقد ودة لانى انا كنت فى الادارة قبل كدة ورفضت ان انا امضى على التعاقد الجديد بس عاوز اقولك حاجة من لحظة ما مضيت العقد الجديد وانا كرهت التعليم والشغل وحسيت ان وزارة التعليم دة مكان كبير للفساد والواحد ما لوش مكان وسطيهم ممكن حضرتك ترفع لينا صورة منه لو سمحت سامح مجدى 19-11-2011, 04:45 PM فى الحقيقة ان انا مضيت العقد يوم الخميس 17/11وهما فى الادارة قالوا ان انا هاخذ صورة منة بعد اسبوع اعدى عليهم من يوم الخميس فانا دلوقتى مامتلكش صورة منة هو انت كملت كام سنة تعاقد marsho 20-11-2011, 11:25 PM فى الحقيقة ان انا مضيت العقد يوم الخميس 17/11وهما فى الادارة قالوا ان انا هاخذ صورة منة بعد اسبوع اعدى عليهم من يوم الخميس فانا دلوقتى مامتلكش صورة منة هو انت كملت كام سنة تعاقد 6 سنوات هههههههههههههه بس انا تعبت فبطلت اسئل ورحت وجيت وعمللت كل حاجة واستاذة ساندرة عارفة القصة خير زاد 21-11-2011, 06:58 PM هما فعلا يا سامح قالوا على بداية السنة الجديدة هيحولوا العقد لبند 2/3 بس فى الوزارة شخص من قسم التعينات شاف اتلعقد بتاعى وقالى ان انتى على بند 2/3 بقالى 3 سنين حتى لو كانوا مسحين رقم العقد بس بنودة بتقول انة بند 2/3 قالى هما يقولوة الى عايزين يقولوة والفترة الى فاتت تنضم باستمارة 103 ازاى يعنى استمارة 103 دى نعملها ازاى ارجو الافادة ضرورى محسن اللول 21-11-2011, 07:09 PM والله كل اللى بتقوله الوزاره او المديريه او الاداره تهريج واستخفاف بعقول الغلابه |