زملائى الافاضل

اريد طريقة تفكير ( خواريزم ) لبرنامج ذكى لتقييم الاختبارت الموضوعية زى الصح والخطأ
على ان يوضح بطريقة التفكير ان البرنامج ذكى يعنى مثلا لو انا اختارت اجابة من السؤال الخاص بالاختبارات هوا يقلى الاجابة مثلا دى صح عشان كذا او الاجابة دى اصح من دى عشان كذا يعنى يكون برنامج ذكى
ياريت اللى يعرف ميبخلش عليا بطريقة التفكير دى لانى محتاجها ضرورى جدا
وله خالص الشكر والتقدير

طب ياجماعة واضح ان الموضوع صعب
طب لو امكن وحد عنده برنامج او مثال لبرنامج نظام خبير يعطينا الرابط وجزاه اله خير الجزاء ان شاء الله

بصراحة حتة خواريزم جاهز صعبة شويتين فعلاً خصوصًا هنا ممكن تسأل فى منتدى متخصص فى الموضوع ده

أما برنامج جاهز فمبدأيًا اللى حضرتك بتسأل فيه اسمه quiz و هتلاقى كمية برامج مهولة فيها اللى تخيلته و زيادة

و ده طبيعى لأن أمريكا و أوروبا و اليابان بتهتم بالأسئل الموضوعية جدًا

و مبدأيًا ده برنامج فيه اللى حضرتك طالبه بشكل جزئى

بسم الله (http://www.mediafire.com/?nyqiji4wjmz)

و ده الشرح له

بسم الله (http://www.mediafire.com/?wdgmujjzmnz)

البرنامج اسمه hot potatoes

و فيه برامج تانية من نفس الفصيلة و كل برنامج ليه مميزاته و امكانياته أكيد

Wondershare QuizCreator

QuizFaber

quiz creator

و طبيعى لما تدور على البرامج ده هتلاقى برامج تانية من نفس النوع

و على فكرة فى خاصية فى بعض البرامج ده إنها بتتيح لك تصدير الشغل كملف بور بوينت أو اتش تى ام ال أو وورد أو ملف تنفيذى منهم بالتحديد تانى برنامج ذكرته

و فى الأخير مجرد استفسار حضرتك عايز البرنامج لايه بالضبط لأن كنت دورت فى المواضيع ده من فترة و ما زلت بدور فى مواضيع متصلة و ممكن أفتحلك أفكار جديدة لو فيه صلة بمعلوماتى


بالتوفيق ،،،،،،،

شكرا ياباشمهندس
انا عايزه عشان بحضر رسالة ماجستير فى التربيه عن النظم الخبيرة
ياريت تفيدنى لو عندك معلومات اكثر


مقلتليش البرامج دى اللى انت حاطط اسمها

بتقيم ايه الاسئلة الموضوعية ولا ايه

للأسف معنديش معلومات زيادة خصوصًا إن ضعيف فى حتة البرمجة و الخواريزميات
لأنها بطبيعة الحال مش تخصصى

بالنسبة للبرامج فحسب ما فهمت آه هى بتقيمها
بأنك بتتنبأ بكذا إجابة و تكتبهم فى البرنامج و تحط الردود بنفسك

أما لو حضرتك عايز أنظمة خبيرة بمعنى ذكاء و كده

فعليك بموقع wolframalpha
الموقع ده هو أول و أكبر موقع طلع فكرة ذكاء فى الأسئلة و الرد و الأجابة و كده
طبعًا ده حاجة كبيرة و هو مبنى عليه جزئيًا siri اللى فى الآيفون الجديد و مكسر الدنيا (فى أمريكا و أوروبا طبعًا)
ممكن حضرتك تدور على موضيع عنهم و تحاول تستنبط الخواريزمة

ربنا يوفقك يا أستاذنا ،،،،،،،

للأسف معنديش معلومات زيادة خصوصًا إن ضعيف فى حتة البرمجة و الخواريزميات
لأنها بطبيعة الحال مش تخصصى

بالنسبة للبرامج فحسب ما فهمت آه هى بتقيمها
بأنك بتتنبأ بكذا إجابة و تكتبهم فى البرنامج و تحط الردود بنفسك

أما لو حضرتك عايز أنظمة خبيرة بمعنى ذكاء و كده

فعليك بموقع wolframalpha
الموقع ده هو أول و أكبر موقع طلع فكرة ذكاء فى الأسئلة و الرد و الأجابة و كده
طبعًا ده حاجة كبيرة و هو مبنى عليه جزئيًا siri اللى فى الآيفون الجديد و مكسر الدنيا (فى أمريكا و أوروبا طبعًا)
ممكن حضرتك تدور على موضيع عنهم و تحاول تستنبط الخواريزمة

ربنا يوفقك يا أستاذنا ،،،،،،،

مشكور جدا ياباشمهندس
وانا شايف انك نشيط جدا فى القسم ده
وعقبال منبارك ليه على الاشراف
تقبل تحياتى

ههههههه

لأ اللى زيى من النوع اللى لو اتعرض عليه الإشراف بيرفضه بنفس راضية

و عقبال ما نباركلك على الرسالة

و متشكرين على المجاملة

بالتوفيق ،،،،،،،