غاربله
07-11-2011, 06:49 PM
كل سنة وانتم طيبيين بمناسبة عيد الأضحى وربنا يتقبل مننا كلنا صالح الأعمال
من فضل ربنا علينا إن صفحتنا فيها أكتر من مليون وسبعمائة ألف عضو .. لكن احنا شايفين إن دي مسؤولية كبيرة مش فضل بس .. والمسؤولية بتزيد لأننا مش مثلا مجموعة أفراد متسقة ومتناسقة هدفها واحد وفكرها واحد وتعليمها واحد .. احنا مختلفين أوي عن بعض .. في نفس الوقت اللي عضو من أعضاء الصفحة قاعد في شقة في الزمالك وحاطط اللابتوب على حجره .. فيه واحد تاني قاعد في سايبر في قرية في صعيد مصر .. وتالت عايش في الرياض بيدخل على النت من كمبيوتر الشغل وكلهم عشان يقروا ويعلقوا على اللي بيتكتب في الصفحة. احنا مختلفين جدا عن بعض والاختلاف ده نتيجة اختلاف التربية والتعليم والثقافة .. فينا الغني والفقير .. اللي مكملش تعليمه واللي معاه دكتوراه .. فينا اللي شايف إن أصلح رئيس لمصر هو "س" من الناس وأسوأ رئيس هو "ص" وفينا اللي بيؤمن بعكس كده بالضبط .. والاتنين بيتكلموا من منطلق حرصهم على بلدهم اللي نفسهم يشوفوها أحسن.
واحدة من المشاكل اللي بتواجهنا في مصر بشكل عام اننا متعلمناش نختلف مع بعض وده نتيجة ثقافة اتفرضت علينا ورضينا نقبلها من عشرات السنين اسمها ثقافة الرأي الواحد .. في كتير من دول العالم بنلاقي الناس بتختلف مع بعض وتحاول توضح وجهات نظرها من غير اتهامات لحد .. وكل واحد بيحاول يعمل اللي عليه. بنشوف ده يوميا في الصفحة اللي رأي الناس فيها بيروح أحيانا لأقصى اليمين إن الصفحة دي باعت الثورة وتم احتواءها وتسييسها والضغط عليها وبتقول اللي بيعجب المجلس العسكري بس .. وأقصى الشمال اللي شايف ان الصفحة دي اللي ماسكها جواسيس لأمريكا وإيران وقطر وإسرائيل ودول تانية كتير. بين اللي شايف إن الصفحة خائنة للثورة وإن الصفحة خائنة للوطن .. بين اللي بيتهم الصفحة في التقصير في حشد المليون وسبعمائة ألف عضو لثورة تانية وبين اللي شايف إن الصفحة كل دورها هو التهييج وتوليع الدنيا لهدم البلد.
تعالوا ناخدكم جولة في بعض اللي بنرصده كأدمن على الصفحة من بعض التعليقات :)
نتكلم عن ميزانية الجيش وأهمية مراقبتها
- أيوه كده يا أدمن انتم بتوعّوا الناس
- خلصتوا على الداخلية وداخلين على الجيش حسبي الله فيكم يا خونة
- يا أدمن بطل الشغل ده وهات من الآخر 18 نوفمبرلازم تنزل والا هتبقى خاين للثورة
- جبت الكلام ده منين يا خاين؟ طبعا أسيادك اللي باعتينه ليك
- مفيش فايدة يا أدمن انت بتنفخ في قربة مخرومة
- الله عليك يا أدمن وشكرا على الكلام المفيد ده
- طبعا عايز أمريكا وإسرائيل يعرفوا أسرارنا .. متآمر وأهبل
- كفاية بقه حرام عليكوا البلد خربت
ندعو الناس للمشاركة في الانتخابات
- اظهر على حقيقتك .. طبعا عايزين تسيطروا على البلد
- إنت يا عم مش قلت هتسيب السياسة بعد تنحي مبارك؟ فكك بقه مننا
- المشاركة في الانتخابات خيانة للثورة .. استرجل وادعي للثورة التانية
- الصفحة دي تم السيطرة عليها من المخابرات
- يسقط يسقط حكم العسكر
- ممكن تبادل إعلاني يا أدمن؟ مشرف صفحة أنا باضيع يا وديع
- أيوه كده مش تقول لي ميزانية جيش وبتاع انتم كده شغالين صح استمروا
- اللي بتعملوه ده مالوش لزمة بتكلموا نفسكم انما اللي هينتخب مش على فيسبوك
- كفاية بقه حرام عليكوا البلد خربت
نعتذر عن خبر نشرناه وطلع غير صحيح
- الله يخرب بيوتكم .. مش تتأكدوا من الأخبار الأول؟
- أنا كنت باحترمكم دلوقتي باثق فيكم شكرا على مصداقيتكم
- ههههه خفتوا من الفضيحة فقلتوا تلحقوا تعتذروا
- انت شخص غير جدير بالثقة لأنك بتنشر أخبار كذب
- الاعتذار شيمة الناس المحترمة
- يا عم هتعتذر على ايه ولا ايه منتو بتنشروا أخبار كذب طول الليل والنهار
- كفاية بقه حرام عليكوا البلد خربت
نرفض المبادئ فوق الدستورية
- الصفحة دي اللي ماسكها اخوان مسلمين
- هو مين وكّل حضرتك تتكلم باسم الشعب أيوه احنا عايزين مبادئ فوق دستورية
- دلوقتي بتقول كده .. مش انت تبع الليبراليين اللي كانوا عايزين الدستور أولا
- هو انتم جالكم التنبيه الجديد من اللي مشغلينكم؟
- بطل تهييج للدنيا البلد مش ناقصة
- هههههههههههههههههه
- خليكوا انتوا كده عمالين تتكلموا في السياسة والناس الفقراء مش لاقيين ياكلوا
- كفاية بقه حرام عليكوا البلد خربت
نقرر ناخد موقف محايد أثناء الاستفتاء ونعرض وجهتين النظر
- ربنا يرحمك يا خالد سعيد .. الأدمن بتاع صفحتك باع الثورة
- يا أدمن حرام عليكم مينفعش نكون حياديين لازم نقول للناس تقول لأ
- موقف مشرّف من الصفحة لأن دورها توعية الناس مش توجيههم
- انتوا متحيزيين في رأيي لأنكم نزلتم ٥ فيديو بتؤيد لأ و٤ فيديو بتؤيد نعم
- عاجل ومؤكد: الأدمن الحقيقي بتاع الصفحة دي تم اعتقاله من قبل الصفحة ما تتعمل واللي ماسك الصفحة دلوقتي أمن الدولة
- طبعا خفتوا تقولوا "لأ" عشان لو خسرت ميبقاش موقفكم وحش وتعرفوا حجمكم الطبيعي- كفاية بقه حرام عليكوا البلد خربت
نتكلم عن الفقراء وأهمية إصلاح منظومة الأجور والعدالة الاجتماعية
- الثورة بتتسرق وانت عمال تتكلم في الاقتصاد .. حسبي الله ونعم الوكيل فيكم
- وانت ايش عرفك بالفقراء؟ وهل حد منهم وكّلك تتكلم عنهم؟
- مفيش حاجة هتتغير في البلد دي وانتوا بتنفخوا في قربة مخرومة
- الصفحة دي الأدمن بتاعها باعها للمجلس العسكري
- سخّن الناس وولع الدنيا مش ده اللي انتوا عايزينه؟ حسبي الله ونعم الوكيل
- ممكن بقه حضرتك تقول لنا مرتّبك كام عشان نعرف برضه
- أيوه كده يا جماعة لازم نرجع نتكلم تاني في القضايا الأساسية اللي بتهم الثورة
- كفاية بقه حرام عليكوا البلد خربت
إدارة الصفحة دي مسؤولية كبيرة جدا علينا، وربنا شاء إن يكون عندنا الوسيلة الإعلامية دي عشان نخاطب فيها الناس، ومش شرط يكون اللي بنعمله كله صح بس بمجرد ما نكتشف أي خطأ بنعتذر عنه. اللي شايفنا مقصرين بغض النظر عن الأسباب ليه حق في ده بس الأهم هو إن كلنا نشتغل مش ننشغل ببعض بدون تصحيح حقيقي لمسار مصر.
من فضل ربنا علينا إن صفحتنا فيها أكتر من مليون وسبعمائة ألف عضو .. لكن احنا شايفين إن دي مسؤولية كبيرة مش فضل بس .. والمسؤولية بتزيد لأننا مش مثلا مجموعة أفراد متسقة ومتناسقة هدفها واحد وفكرها واحد وتعليمها واحد .. احنا مختلفين أوي عن بعض .. في نفس الوقت اللي عضو من أعضاء الصفحة قاعد في شقة في الزمالك وحاطط اللابتوب على حجره .. فيه واحد تاني قاعد في سايبر في قرية في صعيد مصر .. وتالت عايش في الرياض بيدخل على النت من كمبيوتر الشغل وكلهم عشان يقروا ويعلقوا على اللي بيتكتب في الصفحة. احنا مختلفين جدا عن بعض والاختلاف ده نتيجة اختلاف التربية والتعليم والثقافة .. فينا الغني والفقير .. اللي مكملش تعليمه واللي معاه دكتوراه .. فينا اللي شايف إن أصلح رئيس لمصر هو "س" من الناس وأسوأ رئيس هو "ص" وفينا اللي بيؤمن بعكس كده بالضبط .. والاتنين بيتكلموا من منطلق حرصهم على بلدهم اللي نفسهم يشوفوها أحسن.
واحدة من المشاكل اللي بتواجهنا في مصر بشكل عام اننا متعلمناش نختلف مع بعض وده نتيجة ثقافة اتفرضت علينا ورضينا نقبلها من عشرات السنين اسمها ثقافة الرأي الواحد .. في كتير من دول العالم بنلاقي الناس بتختلف مع بعض وتحاول توضح وجهات نظرها من غير اتهامات لحد .. وكل واحد بيحاول يعمل اللي عليه. بنشوف ده يوميا في الصفحة اللي رأي الناس فيها بيروح أحيانا لأقصى اليمين إن الصفحة دي باعت الثورة وتم احتواءها وتسييسها والضغط عليها وبتقول اللي بيعجب المجلس العسكري بس .. وأقصى الشمال اللي شايف ان الصفحة دي اللي ماسكها جواسيس لأمريكا وإيران وقطر وإسرائيل ودول تانية كتير. بين اللي شايف إن الصفحة خائنة للثورة وإن الصفحة خائنة للوطن .. بين اللي بيتهم الصفحة في التقصير في حشد المليون وسبعمائة ألف عضو لثورة تانية وبين اللي شايف إن الصفحة كل دورها هو التهييج وتوليع الدنيا لهدم البلد.
تعالوا ناخدكم جولة في بعض اللي بنرصده كأدمن على الصفحة من بعض التعليقات :)
نتكلم عن ميزانية الجيش وأهمية مراقبتها
- أيوه كده يا أدمن انتم بتوعّوا الناس
- خلصتوا على الداخلية وداخلين على الجيش حسبي الله فيكم يا خونة
- يا أدمن بطل الشغل ده وهات من الآخر 18 نوفمبرلازم تنزل والا هتبقى خاين للثورة
- جبت الكلام ده منين يا خاين؟ طبعا أسيادك اللي باعتينه ليك
- مفيش فايدة يا أدمن انت بتنفخ في قربة مخرومة
- الله عليك يا أدمن وشكرا على الكلام المفيد ده
- طبعا عايز أمريكا وإسرائيل يعرفوا أسرارنا .. متآمر وأهبل
- كفاية بقه حرام عليكوا البلد خربت
ندعو الناس للمشاركة في الانتخابات
- اظهر على حقيقتك .. طبعا عايزين تسيطروا على البلد
- إنت يا عم مش قلت هتسيب السياسة بعد تنحي مبارك؟ فكك بقه مننا
- المشاركة في الانتخابات خيانة للثورة .. استرجل وادعي للثورة التانية
- الصفحة دي تم السيطرة عليها من المخابرات
- يسقط يسقط حكم العسكر
- ممكن تبادل إعلاني يا أدمن؟ مشرف صفحة أنا باضيع يا وديع
- أيوه كده مش تقول لي ميزانية جيش وبتاع انتم كده شغالين صح استمروا
- اللي بتعملوه ده مالوش لزمة بتكلموا نفسكم انما اللي هينتخب مش على فيسبوك
- كفاية بقه حرام عليكوا البلد خربت
نعتذر عن خبر نشرناه وطلع غير صحيح
- الله يخرب بيوتكم .. مش تتأكدوا من الأخبار الأول؟
- أنا كنت باحترمكم دلوقتي باثق فيكم شكرا على مصداقيتكم
- ههههه خفتوا من الفضيحة فقلتوا تلحقوا تعتذروا
- انت شخص غير جدير بالثقة لأنك بتنشر أخبار كذب
- الاعتذار شيمة الناس المحترمة
- يا عم هتعتذر على ايه ولا ايه منتو بتنشروا أخبار كذب طول الليل والنهار
- كفاية بقه حرام عليكوا البلد خربت
نرفض المبادئ فوق الدستورية
- الصفحة دي اللي ماسكها اخوان مسلمين
- هو مين وكّل حضرتك تتكلم باسم الشعب أيوه احنا عايزين مبادئ فوق دستورية
- دلوقتي بتقول كده .. مش انت تبع الليبراليين اللي كانوا عايزين الدستور أولا
- هو انتم جالكم التنبيه الجديد من اللي مشغلينكم؟
- بطل تهييج للدنيا البلد مش ناقصة
- هههههههههههههههههه
- خليكوا انتوا كده عمالين تتكلموا في السياسة والناس الفقراء مش لاقيين ياكلوا
- كفاية بقه حرام عليكوا البلد خربت
نقرر ناخد موقف محايد أثناء الاستفتاء ونعرض وجهتين النظر
- ربنا يرحمك يا خالد سعيد .. الأدمن بتاع صفحتك باع الثورة
- يا أدمن حرام عليكم مينفعش نكون حياديين لازم نقول للناس تقول لأ
- موقف مشرّف من الصفحة لأن دورها توعية الناس مش توجيههم
- انتوا متحيزيين في رأيي لأنكم نزلتم ٥ فيديو بتؤيد لأ و٤ فيديو بتؤيد نعم
- عاجل ومؤكد: الأدمن الحقيقي بتاع الصفحة دي تم اعتقاله من قبل الصفحة ما تتعمل واللي ماسك الصفحة دلوقتي أمن الدولة
- طبعا خفتوا تقولوا "لأ" عشان لو خسرت ميبقاش موقفكم وحش وتعرفوا حجمكم الطبيعي- كفاية بقه حرام عليكوا البلد خربت
نتكلم عن الفقراء وأهمية إصلاح منظومة الأجور والعدالة الاجتماعية
- الثورة بتتسرق وانت عمال تتكلم في الاقتصاد .. حسبي الله ونعم الوكيل فيكم
- وانت ايش عرفك بالفقراء؟ وهل حد منهم وكّلك تتكلم عنهم؟
- مفيش حاجة هتتغير في البلد دي وانتوا بتنفخوا في قربة مخرومة
- الصفحة دي الأدمن بتاعها باعها للمجلس العسكري
- سخّن الناس وولع الدنيا مش ده اللي انتوا عايزينه؟ حسبي الله ونعم الوكيل
- ممكن بقه حضرتك تقول لنا مرتّبك كام عشان نعرف برضه
- أيوه كده يا جماعة لازم نرجع نتكلم تاني في القضايا الأساسية اللي بتهم الثورة
- كفاية بقه حرام عليكوا البلد خربت
إدارة الصفحة دي مسؤولية كبيرة جدا علينا، وربنا شاء إن يكون عندنا الوسيلة الإعلامية دي عشان نخاطب فيها الناس، ومش شرط يكون اللي بنعمله كله صح بس بمجرد ما نكتشف أي خطأ بنعتذر عنه. اللي شايفنا مقصرين بغض النظر عن الأسباب ليه حق في ده بس الأهم هو إن كلنا نشتغل مش ننشغل ببعض بدون تصحيح حقيقي لمسار مصر.