رفض صانع ألعاب النادي الأهلي ومنتخب مصر محمد أبوتريكة الاحتفال بعيد ميلاده الثالث والثلاثين، وقال لزملائه في الفريق إن أعياد الميلاد ليست من السنة النبوية، مكتفيًا بالمشاركة في تقطيع تورتة أصر زملاؤه والجهاز الفني على إحضارها للاحتفال به في الفندق الذي أقام فيه الفريق ليلة مباراة إنبي.
وقرر مانويل جوزيه، المدير الفني للفريق، عدم السماح للاعبين بتناول التورتة حتى لا يتأثر برنامجهم الغذائي سلباً قبل مواجهة إنبي، ليفوز بها عمال غرف الملابس المتواجدون مع الفريق بالفندق.
وبينما أعدت رابطة ''ألتراس أهلاوي'' لافتة خاصة لتهنئة أبوتريكة بعيد ميلاده، تجاهل الموقع الرسمي للأهلي الإشارة إلى عيد ميلاد أبرز لاعبي النادي خلال السنوات العشر الأخيرة.
ونشر الموقع الرسمي للاتحاد الدولي لكرة القدم ''فيفا'' تقريرا عن بلوغ أبوتريكة عامه الثالث والثلاثين، وقال إنه ''يحتل مكانة مرموقة في تاريخ كرة القدم المصرية ويحظى بالإعجاب في البلدان العربية''.
يذكر أن أبوتريكة نشأ في أسرة متوسطة الحال بقرية ناهيا في الجيزة مع 3 إخوة وأخت واحدة وهو متزوج ولديه ولدان، وبدأ رحلته في كرة القدم منذ أن كان عمره 7 سنوات بشوارع ناهيا والدورات الرمضانية، ومن خلال أصدقائه، الذين أدركوا مهارته، عرف أبوتريكة طريق الأندية والمراكز الشبابية، وعندما بلغ 12 عاما نجح في اختبارات نادي الترسانة وتألق وذاع صيته مع الترسانة حتى انتقل إلى الأهلي عام 2003 وحصل معه على العديد من البطولات.
http://www.masrawy.com/News/Egypt/Sports/2011/november/7/4571693.aspx

طول عمرك كبير ياتريكة باخلاقك وتدينك
وكل يوم بتكبر فى نظرى
لاعب ماجبتهوش الملاعب ولا ان شاء الله هتجيب زيك :o
بس قطعت التورتة خلاص بقى :d
كل سنة وانته طيب
وشكرا على الخبر ...جزاكم الله خيرا

محترم يا بوتريكة وامبارح كنت روعة امام انبى

لاعب على أخلاق عالية

نحسبه كذلك والله حسيبه

ولانزكي على الله أحدا


وإنما الأمم الأخلاق مابقيت *** فإن هم ذهبت أخلاقهم ذهبوا (أحمد شوقي)




صلاح أمرك للأخلاق مرجعه *** فقوم النفس بالأخلاق تستقيم (أحمد شوقي)
وإذا أصيب القوم في أخلاقهم *** فأقم عليهم مأتما وعويلا (أحمد شوقي)
هي الاخلاق تنبت كالنبات *** إذا سقيت بماء المكرمات
فكيف تظن بالابناء خيرا *** إذا نشأوا بحضن السافلات (معروف الرصافي)
وإذا رزقت خليقة محمودة *** فقد أصطفاك مقسم الأرزاق (حافظ ابراهيم)
لاتنه عن خلق وتأتي بمثله *** عار عليك إن فعلت عظيما (المتوكل الليثي)
والمرء بالاخلاق يسمو ذكره *** وبها يفضل في الوري ويوقر (محمود الأيوبي)
فلم أجد الاخلاق إلا تخلقا *** ولم أجدالأفضال إلا تفضلا (أبوتمام)

أخيراً:

أجمل ما قيل في الأخلاق :


قال الجاحظ:

لامروءة لكذوب ولاورع لسئ الخلق

قال أندريه موروا:

تنكشف الأخلاق في ساعة الشدة

قال جعفر الصادق:

حسن الخلق أحد مراكب الحياة

قال المهلب:

أدني اخلاق الشريف كتمان سره وأعلي اخلاقه نسيان ما أسر إليه

وهذه مقولة لعربي:

تواضع عن رفعة وأزهد عن حكمة وأنصف عن قوة وأعف عن مقدرة
فمتى فسدت أخلاقنا سقطنا كما سقطوا، فالاخلاق هي التي ترفع من قدر والمجتمعات والأمم..





.

ربنا يحميه هو وكل اللى مثله

اللهم اميين

والله يا تريكة انت فعلا انسان كبير

وبتكبر فى نظرى اكتر واكتر بأفعالك دى

ربنا يبارك فيك ويحفظك ويوفقك بلما يحبه ويرضاه

ولديه ولدان
حد ينسى روقية بردو
البنووتة العسلة
لديه لودان وبنت

شكرا على التوبييك :)

بارك الله فى الرجل
للمسلم عيدان، عيد الفطر وعيد الأضحى

هههههه بس اكتر حاجة عجبتنى انهم قطعوا التورتة ومكلوهاش

ههههه

انا تريــــــــــــــــــــكاوية

شيخ يا ابو تريكة
اغطس كمان وكمان :022yb4:

شيخ يا ابو تريكة


اغطس كمان وكمان :022yb4:

فعلا الاخلاق بتفضح صاحبها
انت لست اهلاوي
لان اخلاقك تغرد خارج السرب لوحدك
راجع نفسك ولا ينكر ضوء الشمس الا ..........
هو حرام في عرفكم ان يكون هناك قدوة
ولا ما سمعتوش عليها
انا معك ليس هناك انسان كامل سوي الرسول صلي الله عليه وسلم
واذا اضررت اعتبره قدوة ضرورة !!!!!!!!!!
لكن نحن نحتاج الي القدوة في هذا الزمن لوعندك قول او هات ونحن نرحب به :av4056bb7jp3:

فعلا الاخلاق بتفضح صاحبها
انت لست اهلاوي
لان اخلاقك تغرد خارج السرب لوحدك
راجع نفسك ولا ينكر ضوء الشمس الا ..........
هو حرام في عرفكم ان يكون هناك قدوة
ولا ما سمعتوش عليها
انا معك ليس هناك انسان كامل سوي الرسول صلي الله عليه وسلم
واذا اضررت اعتبره قدوة ضرورة !!!!!!!!!!
لكن نحن نحتاج الي القدوة في هذا الزمن لوعندك قول او هات ونحن نرحب به :av4056bb7jp3:

اه فعلا الاخلاق واضحة
وبعدين يا اخى ممكن تتخذ قدوة عالم او شيخ
مش لاعب كرة

كل سنة وانت طيب يابوتريكة وعقبال 100 سنة ان شاء الله

أبو تريكة
تواضع * مهارة * أخلاق
يزداد اعجابى به يوما بعد يوم
اتمنى لك من كل قلبى كل التوفيق وفعلا هو يحظى بالاحترام من جمهور الشعب المصرى والدول العربية .

اشفق على الاهلاوى عندما اجده يتباهى بقدره قديسهم محمد ابو تريكه على خداع الحكام والحصول على ضربات جزاء وهميه ومن ثم يشارك بنسبه " غير قليله " فى الحصول على بطولات غير مستحقه يتبعها الحصول على مكافأت غير مستحقه وحرام ، وبالرغم من ان هذا المشجع فى حياته الشخصيه رجلاً شريف لا يقبل أن يحصل على امولاً حرام ولكن يدافع عن تمثيل ابو تريكه متحججاً بانها مجرد كره قدم متناسياً ان كل ضربه جزاء وهميه حصل عليها ابو تريكه عاش وربى بها ابناءه بماااال حراااااام !


وايضاً عندما يصرح عبد الله غراب وزير البترول بأن محمد ابو تريكه يحصل على مرتب شهرى من الوزاره يقيمه 20 الف جنيه فى الشهر اى ما يقرب من ربع مليون جنيه فى السنه الواحده رغم انه لم يذهب ولو لمره واحده لاى شركه بترول ليمارس عمله وبالتالى يأخد امولاً ليس من حقه ويستولى على فرصه غيره اكتر كفاءه منه واكثر حاجه للاموال منه

عندما يقرء مشجع الاهلى خبر تقاضى " شخصيات عامه " لمرتب كبير شهرياً من وزاره البترول سيثور ويحسبن عليهم وعلى سامح فهمى .. ولكن لحظه .. عندما يدرك ان الخبر عن ابو تريكه سيتراجع عن غضبه ويهمل الخبر تماماً ويؤكد لنفسه بصوت عالى حتى يجبر نفسه على التصديق " هى جت عليه وبعدين اكيد ابو تريكه بيتبرع بيهم للفقرا دا تعاطفنا مع غزه برده الله عليك يا ابو تريكه يا حبيب والديك " ،، ليستمر مسلسل انا لا اكذب لكنى اتجمل

مش لازم قدوتنا يكون لاعب كرة .. جملة قراتها هنا

نعم فعلا انا اقتدى بأحمد زويل فى علمه وهناك كثير من العلماء والمشايخ أقتدى بهم فى دعوتهم وتدينهم وأقدرهم واحترمهم

لكنى أقتدى بأبوتريكة واحترمه تمام الاحترام لأنه جعل لكرة القدم معنى تانى

لما انسان عادى يدخل الاخلاق والتدين فى كل حاجة فى حياته يبقى ونعم الانسان وابو تريكة مثال للمسلم المشرف اللى ممنعتوش الكورة من انه يكون انسان على خلق ومتدين فى كل شئ


طبعا حضرتك زملكاوى دة شئ تانى داخل تغلط وخلاص لمجرد انه مش من النادى بتاعك فدة شئ يخص حضرتك

وعمرنا ما سمعنا على ابو تريكة بتفرق معاه الفلوس ولا بيطلبها

اعرف ازاى تريكة جه الاهلى وبكام من ايام الترسانة فى وسط كل عروض باقى الاندية

اعرف حضرتك كمان ليه تريكة رفض الاحتراف لحد السنادى رغم العروض المادية المغرية

لو تريكة بتفرق معاه الفلوس مكنش فرط فى حاجات كتير فى حياته

كون ان حد قرر لتريكة مرتب فدى مش مشكلته هو

وكمان حضرتك متقولش تريكة بيمثل ضربات جزاء ((الزملكاوية طول عمرهم يرون بأعين خاصة جدا الا من رحم ربي )) لذلك اكيد حضرتك بتقول على ضربة جزاء امبارح مصطنعة رغم انها كانت واضحة جدا ورغم ان كل المحللين أجمع على صحتها

بالعكس ياما تريكة اتظلم فى ضربات جزاء

وعلى فكرة حرام جدا ومش من حق حضرتك تحكم على فلوس واحد انها حرام

زى ما كمان عاوزة اقولك انه حرام تقول على حد قديس ولو حضرتك شفتنا بنقدسه ولا بنعبده ابقى تعالى قول كلامك دا هنا

اتق الله

انا طلعت من التوبيك دة بكذا فتوى : اولها انه مينفعش نتخذ قدوة لاعب كرة

ثانيها إن تريكه فلوسه حرام

دار الافتاء الزملكاوية:d



ــــــــــــــــــــــــــــــــــــــــــــ

ما حازم امام كان زملكاوى وكنت بحترمه لى انتو كدة

خلاص يا جماعة ناخد شيكابالا البلطجى المادى عديم الخلق اللى كل يوم يهدد الزمالك بالرحيل قدوة لينا



لا حول ولا قوة الا بالله

كل سنة وانتو طيبين

وربنا يحفظ يا تريكة ويزيدك اخلاق وتدين يا مثل أعلى ومشرف لاى لاعب كرة قدم على وجه الأرض


أبو تريكة
تواضع * مهارة * أخلاق
يزداد اعجابى به يوما بعد يوم
اتمنى لك من كل قلبى كل التوفيق وفعلا هو يحظى بالاحترام من جمهور الشعب المصرى والدول العربية .


معاكِ حق

ربنا يوفقك يا تريكة لما يحبه ويرضاه

من أحبه الله أحبه الناس


اللهم إنى أسألك العفو والعافية

ارجو الالتزام بالتعليق على الخبر فقط ..
جزاكم الله خيرااااااااااااااا

يارب اشوف ابنى مثله فى خلقه وتدينه

وانا كمان :d

يا رب لما اكبر ويبقى عندى ولاد اشووفهم مثله