ياريت الاساتذة الافاضل يقولوا ايه صلاحيات المعلم الاول لان المعلم الاول اللى معايا فاكر نفسه الريس بتاعى ويقولى انا امضيلك واتابعك والمدير ماشى على هواه .............وطبعا انا صداه علطول علشان طريقته مش كويسة وكل لما ينطلب حاجة يحولها عليا وانا طبعا بارفضها وده عامل مشاكل فى المدرسة بسبب دماغه الفاضى ويقولى انا المسئول عن المادة
للاهمية

اذا كان معلم اول مشرف الماده
يبقى من حقة المتابعة لان الموجه سوف يحاسبة على ذللك
وبعدين لابد من تقارب وجهات النظر
نصيحتى لكم ان تتفاهموا
لخدمة العملية التعليمية

فية ناس كتيرة سيدتى فاكرة نفسها حسنى مبارك دة يجب عزلة ومينفعش يكون مدرس اول مشرف وهو دة الحال فى كل المدارس

طلما هو المسئول عن المادة انت مزعلى نفسك ليه ؟ انت مش مطلوب منك غير كشكول التحضير ودرجات الطلاب معكى وتكملى سجلات المعمل للصفوف اللى انتى بدرسلها ونقى اسئلة صعبة واسئليه فيها واختلفى معه فى الاجابة حتى لو كان صح واعرضى الامر على الموجه وشوفى النتيجة وبقى ادعلى

طلما هو المسئول عن المادة انت مزعلى نفسك ليه ؟ انت مش مطلوب منك غير كشكول التحضير ودرجات الطلاب معكى وتكملى سجلات المعمل للصفوف اللى انتى بدرسلها ونقى اسئلة صعبة واسئليه فيها واختلفى معه فى الاجابة حتى لو كان صح واعرضى الامر على الموجه وشوفى النتيجة وبقى ادعلى

لى كلام الموجه بيقله الاستاذ بينقله بالحرف للعيال فى الفصل لدرجة لو علق على رسوماتى فى الكشكول يتكلم الاستاذ فى الفصل ويغير فى الكلام وحاجات خايبة
ده حتى بيسال العيال عن ادق التفاصيل يعنى مثلا سالت مين ووقفت مين وشرحت الجزء ده ازاى وعملت ايه وقلت ايه وقضيت الحصة ازاى ولو كلمت حد يسال قلت ايه وحاجات غريبة كده

مشكلتى الاكبر ان المدير صاحبه الملازم ليه ودايما واقف معاه ومطلعنى انا اللى غلطانة وانى مش باشوف شغلى ومش مقدرة مدرسى الاول رغم والله انى مش باحب احتك بالناس دى مش لسوء اخلاقهم انما النفاق والكدب والرياء والغيبة وحاجات تقرف بجد

كمان انا مش عاوزة ابقى مهمشة اللى يقول عليه انفذه وخلاص
ده ميرضاش يدخل حصة احتياطى وبيجى الساعة 10 المدرسة وميشيلش ريادة ولا اشراف
وكل لما حد يكلمه يقول انا شغال بقالى 12 سنة
المدير بقى كل لما يشوفنى " متزعليش الاستاذ" طيب انا مالى ومال الاستاذ انا فى حصصى وخلاص
انا عاوزة بقى اوقفهم الاتنين عند حدهم
بس مش عارفه ازاى

علشان انها اقرب مدرسة لبيتى غير كده والله المدرسة ما تساوى حاجة

خلاص عمليهم على انهم ملهمش لازمة عندك
و ريحى دماغك منهم خالص

يا استاذ خالد انا قلتلك انا عاوزة اشتكيهم بس بايه مش عارفه وهل التوجيه هيبقى مع مين فينا مع العلم ان المدير المنافق معاه طبعا
انا بقا اعمل ايه وانا اصلا باعاملهم على انهم مش موجودين ودى حاجة تعباهم جدا

يا اخت اميمة الشكوى لغير الله مذلة
قولى حسبى الله و نعم الوكيل

تصدق بالله انى باتضايق لما اجيب سيرتهم ودايما لما احب احبس غضبى باقول كده انما خلاص عاوزة انهى الموضوع لصالحى واخلص من الوضع ده ربنا يسهل ان شاء الله

ان شاء الله ربنا معاك
و اعلمى ان الله ديما مع الحق
و ان شاء الله ربنا ينصرك عليهم
يا اما ياخذ المدير و اما المدرس الاول

خايفة اقول " اللم امين" يبقى حرام عليا

لان اللى زى دول مش عارفين ان الواحد هيموت هيموت لا محالة
و لكن الدنيا وخداهم

عزراً ياسادة ياكرام
مهام المعلم المشرف
سواء أقدم معلم أو معلم أول أو معلم أول أ - أومعلم خبير
قد يرى بعضهم أن عمل المعلم ووظيفته تنحصر في قيامه بالوقوف في الفصل لنقل ذلك الكم من المعلومات الذي يتضمنه المنهج إلى الطلاب ، وقد يتطلب ذلك معاقبة هذا الطالب أو ذاك ، لأنه أعاق تأديته المعلم لعمله أو قصر في أداء واجبه ، كما قد يتطلب اختبار الطلاب فيما حصلوا عليه من معلومات ألقاها عليهم معلمهم .
أو قد يحاول لفت انتباه الطلاب إلى معلومة سواء بالمنهج أو اثرائية وقد يتعمد فى بعض الأحيان أن يكون أفضل من المعلم فى الشرح ( وخاصة لو بيدى درس)
هذا ليس المشرف المطلوب تربوياً
وفي ضوء هذه الصفات المتنوعة للمعلم في المدرسة بشكلها الحديث ، يمكن تحديد أهم واجبات المعلم فيما يلي :
أولاً – تخطيط التدريس ويشمل ذلك :
( 1) تصميم خطط تدريس المقررات أو الوحدات .
( 2 ) تصميم خطط الدروس اليومية.
( 3 ) حصر المواد التعليمية اللازمة للتدريس وتجهيزها .
( 4 ) تحديد قدرات أو معلومات الطلاب المبدئية .
( 5 ) صياغة الأهداف بمستوياتها المختلفة .
( 6 ) تحديد ووصف طرق تنفيذ الأهداف التدريسية وتقويمها .
ثانياً – تنفيذ المواقف التدريسية ويشمل ذلك .

( 1 ) طرح المعلومات .
( 2 ) تعلم المهام .
(3 ) توفير المواقف الخبراتية.
( 4 ) تقويم التعلم بأنواعه .
( 5 ) تعزيز التعلم .
( 6 ) متابعة أعمال الطلاب الشفهية والتحريرية وتصحيحها .
( 7 ) متابعة المهام الروتينية كالغياب والرد على المعاملات ... الخ
ثالثاً – إدارة الصف ويشمل ذلك :
( 1 ) ضبط النظام .
( 2 ) الإبقاء على انتباه الطلاب .
( 3 ) إدارة مجريات أحداث التعلم .
( 4 ) حل لمشكلات العارضة .
( 5 ) الفصل في المنازعات بين الطلاب .

رابعاً – نقل القيم والمثل والعادات ، ويشمل ذلك :

( 1 ) أن يكون سلوك المعلم ذاته قدوة ومثلاً يحتذى به الطلاب .
( 2 ) توظيف الموضوعات أو المواقف التدريسية لتدعيم قيم مرغوبة في المجتمع .
( 3 ) الإشادة بسلوك الطالب ( أو الطلاب ) الذي يعكس قيماً مرغوبة .

خامساً – إدارة النشاطات غير اللاصفية ، ويشمل ذلك :
( 1 ) التخطيط لهذا النشاطات .
( 2 ) تنفيذ النشطات المختلفة ، كالرحلات والزيارات والجمعيات المختلفة ... الخ .

سادساً – التعاون مع الإدارة والزملاء ، ويشمل ذلك :

( 1 ) تنفيذ المهام الإدارية التي توكلها إليه إدارة المدرسة .
( 2 ) تنفيذ نوبات الإشراف والمتابعة .
( 3 ) المشاركة بالرأي والعمل في اجتماعات مجالس المدرسة .
( 4 ) المبادرة بتقديم المساعدة والمشورة والاقتراحات البناءة للزملاء .

سابعاً التعاون مع المنزل ، ويشمل ذلك :

( 1 ) الاحتفاظ ببيانات عن أولياء أمور الطلاب وكيفية الاتصال بهم .
( 2 ) الاحتفاظ بعلاقات طيبة مع ولي الأمر بما يخدم العملية التربوية .
( 3 ) الحفاظ على الأسرار الخاصة بالطلاب وأسرهم .
( 4 ) المشاركة الفاعلة في مجالس أولياء أمور الطلاب .

ثامناً – الإرشاد والتوجيه ، ويشمل ذلك :
( 1 ) التعاون مع المرشد الطلابي – أن وجد – والعمل على تنسيق العمل وتكامله معه.
( 2 ) تعرف الميول الدراسية المهنية للطلاب .
( 3 ) تقديم المعلومات والمشورة اللازمة للطلاب لاختيار مسارهم التعليمي .
( 4 ) الاستماع إلى المشكلات التربوية للطلاب والعمل على حلها .
تاسعاً – الدراسة والبحث والنمو المهني ، ويشمل ذلك :
( 1 ) القراءة المستمرة رغبة في النمو المعرفي الأكاديمي وفي الثقافة العامة .
( 2 ) القراءة في مجال التربية بما يخدم النمو المهني للمعلم ، ويساعده على تحسين عمله .
( 3 ) حضور المحاضرات والندوات واللقاءات التربوية والمؤتمرات الخاصة بالمعلمين أو الخاصة بتطوير العملية التعليمية .
( 5 ) المشاركة في الدورات التدريبية القصيرة أو الطويلة والحرص على الاستفادة منها .
( 6 ) المشاركة في عمليات فحص المناهج وتقويمها وتطويره ، وتقويم أثارها في تعليم الطلاب .
( 7 ) الحرص على الدراسة في المعاهد أو الكليات للحصول على المؤهلات الأعلى في المجال المهني .
( 8 ) المساهمة الفعالة في إنجاز المشروعات البحثية التي تقوم بها الجهات المختصة بتطوير التعليم ، أو الجامعات أو الباحثين ، والتي تتعلق بالعملية التعليمية .
( 9 ) تحقيق الاستفادة القصوى من المشرف التربوي الذي يعمل على تحسين العملية التربوية والارتقاء بمستوى أداء المعلم .

هذا هو المعلم المشرف الحق

ربنا ييسر والاقى حد هنا من اخواننا واخواتنا اللى يقدر يقولى اتصرف ازاى وايه الحاجات اللى ممكن تبقى نقاط ضعف ليهم

نمو المعلم المهني من أهم المحاور التي يرتكز عليها مفهوم الإشراف التربوي، إن لم يكن أهمها على الإطلاق. فالإشراف التربوي ـ باختصار ـ ما هو إلا عملية تقليل الفارق بين وضع المعلمين الحالي والوضع المثالي الذي نتطلع له. ولتؤتي برامج النمو المهني ثمارها لابد من توافر وتكامل عناصر عدة، من أهمها وجود بيئة تربوية داعمة لنمو المعلمين وحافزة له.
بشكل عام، هناك ثلاث عناصر تتحكم في مستوى الأداء (Hitt, )، وهي الدافعية للعمل والقدرة المتوفرة لدى المعلم بالإضافة إلى البيئة التي يؤدى فيها العمل.
الأداء = القدرة + الدافعية + البيئة
فبدون دافعية تؤجج رغبة المعلم للإنجاز لا يمكن له تحقيق أمر ذي بال، ودون القدرة، التي منها ما هو فطري ومنها ما هو مكتسب، أيضا لا يمكن أن يصل الإنسان لما يضعه من أهداف. والبيئة هي المجال الذي يحتوي هذين العاملين وتهيئ لهما سبل النجاح.

لكي يبدع المعلم لا بد من وجود هامش كبير من الحرية له في المدرسة. واعني هنا بالحرية أحقية اتخاذ القرارات التي تتعلق بالعملية التدريسية داخل الفصل. فالمعلم المقيد لا يمكن أن يندفع نحو الابتكار والتجديد. فشيء من الحرية ضروري للبيئة التربوية لينمو المعلم. فطالما أن المعلم لا يرى في دوره إلا السير على كتاب المعلم والتقيد بتعليمات المشرف التربوي أو المدير فلن يلتفت كثيرا لنموه المهني ولن يهتم ببرامج النمو المهني ولن يتعامل معها بجدية.

من أكبر عوائق النمو المهني ظاهرة مقاومة التغيير. وهي في الوقت نفسه من أكبر التحديات التي تواجه المشرف التربوي (Daresh & Playko, 1995, p177). وليس من المبالغة إذا قلنا إن حقيقة عمل المشرف التربوي إنما هي إحداث "تغيير" في أداء المعلمين والمدرسة بشكل عام. فطبيعة الإنسان تنفر دائما من التغيير وتحب الركون إلى الأمر المألوف.
فمن مهام المشرف التربوي إيجاد حالة من قبول التغيير وربما السعي له داخل المدرسة، مما يساعد على إحداث التغير المطلوب في أداء المعلمين.
فلكي تتهيأ البيئة التربوية الحافزة على النمو المهني للمعلم لا بد من تذليل عوائق التغيير والتخلص من العوامل التي تساعد على تأصل هذه الظاهرة.

لا يحدث تعلم دون وقوع في أخطاء! فالخطأ قناة من قنوات التعلم والنمو. وعلى المشرف أن يشعر المعلمين دائما بأنه يتوقع منهم الخطأ في اجتهاداتهم وتطبيقاتهم الإبداعية وتجاربهم. إن وجود جو من تقبل الخطأ والتعامل معه بأناة وواقعية يدفع المعلمين لتعلم الجديد وتطبيق ما تعلموه. إن من أكثر عوائق تطبيق الخبرات الجديدة عند الكبار الرهبة من الوقوع في الخطأ أمام الآخرين. وعلى المشرف أن يوجد جوا يشعر فيه المعلم بالأمان للاعتراف بالخطأ وطرح خطئه للنقاش وقد أشار كثير من الباحثين إلى أن تصيد الأخطاء سمة سائدة في أداء كثير من المشرفين التربويين، ويمثل عائقا من عوائق الإشراف التربوي

العلاقة الأخوية
المقصود بالعلاقة الأخوية هنا ذلك النوع من العلاقة الودية بين العاملين في المؤسسة التعليمية الذي ينبني على التشاور والتعاون والاحترام المتبادل. وقد أشار كثير من الدراسات إلى وجود نوع من التعالي والنفرة في العلاقات بين المشرف والمعلم، بل سماها بعضهم حربا باردة فالنمو المهني، كما يقول جلاتثورن ، يحتاج إلى علاقة منفتحة، وليس علاقة يسودها التعالي أو التوجس ونقص الثقة.
ومن المهم جدا أن يوجد المشرف التربوي هذه العلاقة ليس فقط بينه وبين المعلمين بل بين المعلمين أنفسهم وبين المعلمين ومدير المدرسة. وقد دلت الدراسات على أن المعلمين يرون إيجاد هذه العلاقات من أهم أدوار المشرف التربوي

الاتصال
الاتصال هنا يعني الطريقة التي تسير بها المعلومات والتوجيهات بين أفراد المؤسسة التعليمية. وقد دلت كثير من الدراسات أن لعملية الاتصال أثرا كبيرا في نجاح أو فشل أي مؤسسة، وأن كثيرا من المشكلات التي تحدث أثناء العمل يمكن تلافيها لو وجد نظام اتصال فاعل داخل المؤسسة . وقد دلت البحوث على أن هناك علاقة وثيقة بين فعالية أساليب الاتصال في المؤسسة وبين ارتفاع مستوى الرضا الوظيفي فيها
من الأمور المهمة أن يتأكد المشرف التربوي من وجود قنوات اتصال فاعلة في نطاق المدرسة أو المؤسسة التعليمية الأوسع (كإدارة التعليم) ليضمن بذلك سلامة انتقال الرسائل والمعلومات كما أرادها مرسلها فالاتصال الجيد ضروري لتنظيم وتنسيق نشاطات أي منشأة تربوية لتحقيق الأهداف المشتركة .لا يكفي أن يقول المشرف التربوي الشيء أو أن يصدر التوجيه بل لا بد من التأكد من أن الرسالة فهمت على الوجه المقصود. والتفريط في هذا الجانب يجر على اختلاف التفسيرات للرسالة الواحد والسلوك الواحد. فما يراه المشرف ـ مثلا ـ ملاحظة صفية يقصد بها التطوير أو تقويم الأداء التدريسي للمعلم قد يراه المعلم نوعا من التفتيش وتصيد الأخطاء. وما ذلك إلا لأنه في كثير من الأحوال لم تكن هناك قنوات اتصال فاعلة يستطيع المشرف من خلالها إيصال فلسفته وأهدافه الكامنة وراء تلك الزيارة، ولم يكن هناك قنوات اتصال مناسبة تنقل انطباعات المعلم وتفسيراته لتلك الزيارة للمشرف. فضعف الاتصال في محيط المؤسسة التعليمية يؤدي إلى اختلاف الآراء حول الممارسات التربوية داخل تلك المؤسسة . وقد دلت كثير من البحوث إلى وجود تفاوت ملحوظ بين آراء المشرفين التربويين وآراء المعلمين تجاه كثير من الممارسات الإشرافية

ربنا ييسر والاقى حد هنا من اخواننا واخواتنا اللى يقدر يقولى اتصرف ازاى وايه الحاجات اللى ممكن تبقى نقاط ضعف ليهم
لا تبحثى فى نقاط ضعفهم
عزيزى نقاط قوتك
تحضير جيد
أهداف واضحة
وسائل معينة
معامل أوساط ومعامل متطورة
تقييم ذاتى لكى وللطلبة
تواصل مع أولياء الأمور
رحلات علمية تخدم المنهج
مسرحة المنهج
استخدام استراتيجيات التعليم التعاونى
تفعيل الأنشطة المصاحبة للمادة
ونتمنى لكى التوفيق

الكلام جميل يا استاذ محمد بس انا عاوزة حلول فى الواقع الناس اللى انا شغالة معاهم دول اساتذة فى الكلام وفى قلب الحق باطل
ماانا باعمل اللى عليا واكتر
ده الاستاذ بيتدخل حتى فى الانشطة اللى الوزارة منزلاهم وبيقول هم المستشارين دول عارفين حاجة وكمان بياكد على انى ماطلبش انشطة من العيال
ده بقا مدرس اول

معليشى نسيت
وكل سنة وحضرتك طيب

ونقى اسئلة صعبة واسئليه فيها واختلفى معه فى الاجابة حتى لو كان صح اقتباس
بئست المشوره

مشكلتى الاكبر ان المدير صاحبه الملازم ليه ودايما واقف معاه ومطلعنى انا اللى غلطانة وانى مش باشوف شغلى ومش مقدرة مدرسى الاول رغم والله انى مش باحب احتك بالناس دى مش لسوء اخلاقهم انما النفاق والكدب والرياء والغيبة وحاجات تقرف بجد
ربما تكوني انت على خطأ راحعي نفسك واتقي الله يجعل لك مخرجا

يا استاذ خالد انا قلتلك انا عاوزة اشتكيهم بس بايه مش عارفه وهل التوجيه هيبقى مع مين فينا مع العلم ان المدير المنافق معاه طبعا
انا بقا اعمل ايه وانا اصلا باعاملهم على انهم مش موجودين ودى حاجة تعباهم جدا
لو الموجه كمان معاهم يبقى انت ميه ميه على خطأ
راجعي نفسك امام الله واتقي الله

لا تبحثى فى نقاط ضعفهم
عزيزى نقاط قوتك
تحضير جيد
أهداف واضحة
وسائل معينة
معامل أوساط ومعامل متطورة
تقييم ذاتى لكى وللطلبة
تواصل مع أولياء الأمور
رحلات علمية تخدم المنهج
مسرحة المنهج
استخدام استراتيجيات التعليم التعاونى
تفعيل الأنشطة المصاحبة للمادة
ونتمنى لكى التوفيق

ونعم المشوره بارك الله لك

sarqozo
انا الحمد لله كل المدرسة تشهد لى وحتى بيقولوا لى ان دى غلطتى من الاول انى كنت علوم " شفت بقا الوضع ازاى "
مشكلة الناس دى ان ليهم مصالح مع بعض بره المدرسة وانا لا ومعظم البنات والستات كده فسهل عليه انه يطلعنى انا اللى غلطانة عشان يرضى صاحبه اللى هو معاه فى الدروس ومشتركين فى مشروع مع بعض واللى بيحاسب على طلباته
انما الموضوع مش انى انا اللى غلط

كمان انا كل اللى ينصحنى فى المدرسة يقول هو مش هيضحى بصاحبه عشانك ومشى امورك ومش مهم خليه الريس ومفيهاش حاجة لما الصبح تقوليله صباح الخير اى اوامر والله العظيم الكلام ده حصل
وطبعا الكلام ده بالنسبة ليا مرفوض وعمرى ما هانفذه

داة حتة واحد شايف نفسة جهزى شوية اسئلة ومعلومات واديها للعيال وهوة موجود وخلى الطلبة يسالوة ويجاوب عمنا الفت صدقينى النوع داة مالوش غير كدة وانا ياما جربت هذا الاسلوب ونجح بامتياز

داة حتة واحد شايف نفسة جهزى شوية اسئلة ومعلومات واديها للعيال وهوة موجود وخلى الطلبة يسالوة ويجاوب عمنا الفت صدقينى النوع داة مالوش غير كدة وانا ياما جربت هذا الاسلوب ونجح بامتياز

مش نافع عشان العيال بياخدوا درس عنده

لا تبحثى فى نقاط ضعفهم

عزيزى نقاط قوتك
تحضير جيد
أهداف واضحة
وسائل معينة
معامل أوساط ومعامل متطورة
تقييم ذاتى لكى وللطلبة
تواصل مع أولياء الأمور
رحلات علمية تخدم المنهج
مسرحة المنهج
استخدام استراتيجيات التعليم التعاونى
تفعيل الأنشطة المصاحبة للمادة

ونتمنى لكى التوفيق

كل من شجعك من الزملاء بالمدرسة فهو ضدك فيوجد أناس هذه طريقتهم ليتسلوا ويجدو موضوع يتقربون به الى ادارة المدرسة فلا تنخدعين بأقولهم وراجعى نفسك ولن اوصيك بتجهيز اسئلة فقد قلتى أن أغلب الطلبة عنده فى الدرس وتأكدى أن التوجيه سينصفه لأن التوجيه يرى الأمور بأعين أخرى وهى الصالح العام طالما الأمور ماشية حتى لو غلط تبقى صح فى نظرهم .
إن كنتى واثقة بنفسك ولكى مبدأ وفكر فأستمرى دون شكوى ويكفيك راحة ضميرك
معلش يمكن كلامى ميعجبكش

أستاذة أميمة ....

أهدي لكي نصيحة هي في الواقع صعبة التطبيق ...

"استمعي دوما لرأي الناقد والحاقد ... فالأول يصحح من مسارك ،أما الثاني اجعليه يزيد من إصرارك ..."

ربنا يحفظك من كل سوء ...

شوفي يا أستاذة المعاملة الحسنة والأدب والتحضر والخنوع بالإضافة إنك إمرأة كل هذا لاينفع مع الأشكال دي
ظبطي تحضيرك ودفاترك وحضورك وانصرافك وصحصحي للمدير والمدرس الأول ده بحيث محدش يمسك عليكي غلطة وانتي حاولي تمسكي عليهم أي غلطة وبالورقة والقلم وابعتي علي الإدارة شكاوي إعملي لهم صداع ( أبو رودي )

الاخت الفاضلة
انا معلم اول منذ 12 سنة
ولم يشعر اى مدرس او مدرسة بفارق بينه وبينه
ولا اتعالى على احد وبكون مسرور جدا بان اسدى لهم معروف سواء فى معلومة او نصيحة
ولما اوقع فى دفتر تحضير او اعمال سنة بستاذن منهم واخبرهم ان هذا روتين واننا مدرسين مثل بعض
ولكن هذا روتين
ولنما ما تقوليه نوعيه مريضة على حسب ما اوردتى
واسف انى اختلف مع الرائع ا/ الطنطاوى فى بعض النقاط
واتقف ملعه فى : كونى قوية فى مادتك بالاطلاع الدائم والتحضير الجيد لدروسك
ودفتر تحضيرك ونشاط مادتك وحصصك العملية
وعلاقتك بزملائك وطالباتك واولياء الامور
وبعد كدة لاتعيريه اى اهتمام فليس له اى قيمة لكى بعد هذا
واعلمى ان التربية والتعليم كلها على بعضها اخرها انذار او يوم خصم
متعبريش اخينا ده
طالما انتى على حق
واذا كان بيدخل الفصل يتعمد احراجك
اول ما يدخل قولى للاولاد
الاستاذ فلان هيكمل الدرس عشان نستفيد من علمه ودبسيه فى الحصة
او توقفى عن الشرح واسالى الاولاد سؤالين تلاتة ولا تعيريه اهتمام
ربنا يوفقك