تعمل ايه لو كنت مكانى [الأرشيف] - بوابة الثانوية العامة المصرية

مشاهدة النسخة كاملة : تعمل ايه لو كنت مكانى

اميمة طه

11-11-2011, 05:08 AM

فى مشاكل كتيرة بينى وبين مدير المدرسة لانه محابى لمدرسة المادة الاول بمعنى ان فيه مصالح بينهم مشتركة فالاستاذ مثلا : عامل جداولنا فى نفس الوقت وبكده المدرس الكبير هو اللى بيدخل المعمل
كمان مش بيحضر غير قليل جدا المدرسةو وبيجى الساعة 10 غيرنا طبعا اللى بنبقى من الساعة 7.5 فى المدرسة
كمان بيعمله تكليف بوضع امتحانات الفرقتين رغم انى اعرف ان فى قانون يمنع ده
كمان عامل المدرسة سنتر للدروس الخصوصية
عاوزة اعرف اجيب حقى منه ازاى
بصراحة اكتر عاوزة اشتكيه بحاجة تضره وتجيب نتيجة لان فى واحدة زميلتنا اشتكته قبل كده والموضوع اتلم ومحصلش حاجة وهى اللى اتنقلت
ايه نقط الضعف الى ممكن تضره لو اشتكيته بيها
والله انا مش باحب المشاكل ولا اذية حد انما لما الموضوع يزيد عن حده يبقى لازم واقفة
لانه ليه حاشية جوة المدرسة بيمشيهم ويخلى المدرسين تدخل مكانهم حصصهم بحجة الاخوية والزمالة والناس اللى شغالة فى المدرسة ومش عاجبهم الوضع يقول انهم مش رشغالين
رجاء المشاركة

سامىمرتضى

11-11-2011, 08:24 AM

نصيحتى اليك يا ابلة اميمة هى فى خطوات سريعة
1-التدقيق فى دفتر الحضور والانصراف لان اخطائه فى المدارس بالجملة
2-تكوين جبهة معارضة فى المدرسية
3-عمل اتصال مع افراد من الادارة (ادرايين مثلا)ليصل اليهم دائما ان المدرسة بها مشاكل
وهذا يرعب الادارة ويبدوا التحرك
هذا ما قمنا به بالفعل فى مدرستنا ونجحت وتم نقل مديرة المدرسة

احلى الكلمات

11-11-2011, 08:33 AM

مبسوطه جدا ان فى ايجابيه وتغيير ورفض للسلبيات

ربنا معاكى

وحسبنا الله ونعم الوكيل فى كل مخالف لضميره

اميمة طه

11-11-2011, 12:02 PM

رجاء اللى يعرف الطريقة المثالية لحل المشكلة والتخلص من تعنت ونفاق مدير المدرسة يكتب الحل هنا لتعم الفائدة

محمد حسن ضبعون

12-11-2011, 12:07 AM

رجاء اللى يعرف الطريقة المثالية لحل المشكلة والتخلص من تعنت ونفاق مدير المدرسة يكتب الحل هنا لتعم الفائدة
تصيد الأخطاء ليست طريقة مثلى وبعيدة عن الجو التربوى

محمد حسن ضبعون

12-11-2011, 12:09 AM

لا تبحثى فى نقاط ضعفهم
عزيزى نقاط قوتك
تحضير جيد
أهداف واضحة
وسائل معينة
معامل أوساط ومعامل متطورة
تقييم ذاتى لكى وللطلبة
تواصل مع أولياء الأمور
رحلات علمية تخدم المنهج
مسرحة المنهج
استخدام استراتيجيات التعليم التعاونى
تفعيل الأنشطة المصاحبة للمادة
ونتمنى لكى التوفيق

amc_85

12-11-2011, 02:26 PM

كفته يا جدعان و الله كفته
أنا اقولك تعملى ايه خدى الحكمة من المستجدين
اول حاجة ادفعى التوريدة بزيادة يعنى لو بتدفعى 30 جنيه ادفعى 35 ... عشان العين تعمى
ثانى حاجة انضمى لحلف المدرس اللى انتى كرهاه ... ومن هنا تظهر البدع ... و اول ما تقع ادامك حاجة ... ابعتيها ع الادارة بسرعة ... وهكذا ...
وتكون نتيجة الطريقة دى ان المدير مش هيعملك حاجة عشان التوريدة وفى نفس الوقت كل حاجة بتظهر ادامك الواحدة بعد التانية كأنها سبحة و انفرتت ... واعبال المشكلة التانية ... وكل سنة وانتى طيبة

ابوكريم2

12-11-2011, 07:53 PM

هو يا ست اميمه فاكره ان اللى بيحصل ده فى مدرستك بس .........ده فى كل مدارس مصر الا من رحم ربى

بيعتبرونا فرز تانى .....بس اقولك حاجه توديه فى ستين داهيه اشتكيه للتوجيه المالى والادارى
1-فواتير مصروفات الكتب مفيش حد بيعملها كامله
2-فلوس الانشطه بتروح اول باول جيوب النظار
مع انه حرام بس انتى تنك وراه فى الماليات
واخيرا .........المسامح كريم يعنى لو هتسامحيه افضل

اميمة طه

12-11-2011, 08:18 PM

محمد عبد الحق

13-11-2011, 06:29 AM

لا تبحثى فى نقاط ضعفهم
عززى نقاط قوتك
تحضير جيد
أهداف واضحة
وسائل معينة
معامل أوساط ومعامل متطورة
تقييم ذاتى لكى وللطلبة
تواصل مع أولياء الأمور
رحلات علمية تخدم المنهج
مسرحة المنهج
استخدام استراتيجيات التعليم التعاونى
تفعيل الأنشطة المصاحبة للمادة
ونتمنى لكى التوفيق
انا مع الاستاذ محمد حسن عززي نقاط قوتك

اميمة طه

13-11-2011, 08:10 AM

يا جماعة انتوا بتتكلموا فى حاجة تانية خالص
انا عاملة كل اللى مطلوب منى
بس الاستاذ دايما يقولى لازم تكبريه عشان هو بيحب الناس تعامله كده
فاهمين قصدى
يعنى الشغل هنا مش المقياس
عاوزنى اروح اقوله اى اوامر
اوامر ايه اللى هيديهالى كمان

اميمة طه

13-11-2011, 08:12 AM

انما الطريقة اللى الناس بيقولوا انفذها دى والتحضير وكده
يعنى هو رغم شغلى بيقول الابلة مش بتشتغل
يبقى هو بيحاول يضرنى بكل وسيلة وانا عاملة الطيبة اللى فى حالى
لا طبعا
بنفس الطريقة هارد عليه

محمد حسن ضبعون

13-11-2011, 12:14 PM

أختنا الفاضلة
رغم كل النصائح الموجه لكى وهى فى مصلحتك
إلا إننى أراك مصممة ولكى رؤية معينة للموضوع
فطالما انتى مصرة على رأيك فلما فتحتى باب المناقشة
الأولى بكى الأخذ بآراء الأخرين
ما خاب من استشار

اميمة طه

13-11-2011, 02:11 PM

يا استاذ محمد انا مصرة انى اخد حقى واوقفه عند حده
وده كان اساس طلبى فى الموضوع اعمل ايه عشان اخد حقى
انما حضرتك بتنصحنى انسى واسامح واخلينى فى حالى
والاستاذ لما يعمل مشكلة معايا اتغاضى عنها ويهمشنى بالتدريج

meslmat

14-11-2011, 03:27 AM

دفترى مكتب و تحضير كاملان جيدان

اميمة طه

14-11-2011, 12:23 PM

ايوه طبعا الدفاتر كاملة ولحد تاريخ النهارده والكراسات متصححة حتى تمرينات الكتاب محلولة ومتصححة
انما الكلام وكل يوم قدام الشلة بتاعته الابلة معملتش الابلة مش بتاخدى رايئ الابلة الابلة
حاجة تزهق يعنى