|
مشاهدة النسخة كاملة : احم احم احم : ادخلو ساعدوني zoksh2010 15-11-2011, 10:01 AM احم احم انا مش هطول عليكو كدا ولا حاجه انا هقول اني ضايع ف رياضه من غير مقدمات :d :d عايز مساعده من الناس تقولي اعمل ايه فالرياضه اهئ اهؤ اهأ بكرها اوي انا معروف ياجماعه دلوقتي باني فاشل رياضه :d :d مستني النصايح highlight 15-11-2011, 10:32 AM ممممم............. مش عارفة انصحك بايه غير انك تحل كتير وتشوف مدرس رياضة كويس يفهمك..... عشان رياضة اولى ثانوى مهمة جدا جدا ..... بيعتمد عليها معظم رياضة 2 ثانوى.... منه الله(منمن) 15-11-2011, 03:34 PM فاشل؟ معتقدتش انها توصل للدرجه دى وانت لسه ف اول السنه ع فكرة رياضيه ثانوى اولى وتانيه يعتى اسهل من بتاعت اعدادى ال كنت بكرهها مووت وابتدائى كمان والله واللله سهله حل كتير مش 10 مسائل وااقلب لا حل كتير وشوف مدرس كويس ومتتنقلش من مستر للتانى لان ده هيخسرك كتير اووى وصلى وادعى ربنا انو يوفقك يارب نسمة الدنيا 15-11-2011, 04:18 PM انت الاول اولي ولا تانية؟ بس كده كده مش هتفرق لان الرياضة في السنتين سهلة وتانية أسهل كمان بس الاول لازم حب المادة وحب الاستاذ اللي بيدرسهالك لانك لو رحت عند مدرس انت مش بتقبله لا يمكن تفهم المادة بس مش معني كده انك تقعد تجرب في المدرسين السنة كلها ده كده مش في مصلحتك أهم حاجة يكون المدرس ده بيهتم بحل الاسئلة والامتحانات لان الرياضة اساسا حل...... أنا في الاول كنت وقت ما بحل في الملخص كانت بتقف ادامي مسائل معقداني في عيشتي بروح اقفل الملخص علي طول واكره حاجة اسمها رياضة....بس دلوقتي اي مسالة بتقف ادامي بديها لاستاذي يوريني بس الفكرة بتاعتها لان لو هديله كل المسائل اللي في الملخص مش هخلص وبعدين باجي تاني مرة لما بذاكر الدرس بحل عليه المسائل كلها بدون ما تقف ادامي حاجة لان فهمتها قبل كده..بس حاول انك تفكر في المسائل اللي مش عارفها وتحاول تحلها من نفسك او تشوف الحل من مفكرة الاجابة وصدقني المسالة اللي هتتعب في ايجاد حلها لا يمكن تنساها او تنسي الفكرة بتاعتها وصدقني انت ممكن تتعب في البداية في حل المسائل بس بعدين لما تيجي تراجع وتحلها مرة تانية هتلاقيها في منتهي التفاهة.. ولازم تحل كتيييييييير مش تقول كام مسألة ويلا... أرجو ان اكون افدتك zamalek1 15-11-2011, 08:19 PM تجيب كتب خارجية و تاخد الامثلة المحلولة استمبة او نموذج ولازم فى الرياضة بالذات الدرس بدرسه عشان انا عارف تقريبا فى الحصة 99.9% بيبقوا فاهمين وممكن يحلوا اى مسائلة لكن لو روحت وبيضت الامثلة لوحدك وبعد كده تحل مع نفسك فى كتب خارجية وافضل كتاب هو المعاصر فى الشرح والمسائل بس انت رياضة(1) ولا رياضة (2) عشان لو رياضة (2) تبقى زمل THE CodeR 17-11-2011, 07:51 PM اسمع مني ياصاحبي هقولك نصيحة مش فاهم رياضة امسك كتاب المدرسة و بكررها .. كتاب المدرسة افتحه امسك صفحة صفحة متفوتش صفحة الا ما تفهمها و جرب حل الامثلة المحلولة طبعاً و الكتاب الخارجي معاك برضه في حتة الامثلة دي و تفحص الكتاب كويس اوي و بعد كده حل تمارين كتاب الوزارة لو عملت كده يبقي انتا زي الفل في الرياضة و بعد كده حل دليل التقويم لو عندك دول مبيخرجش منهم الامتحان لو قابلتك مشكلة وريها لاستاذك في الدرس او الفصل خليه يبسطهالك و توكل علي الله و ربنا هيكرمك بس كده و ربنا يوفقك hobahoby 18-11-2011, 04:20 AM الرياضة لو اتفهمت بتبقى حلوة اوى و سهلة خالص بس انا مشكلتى انى على يوم الامتحان مبعرفش احل اى مسألة كأنى اول مرة اشوف المسائل دى حتى لو كنت حلتها ليلة الامتحان انا مضايقة اوى و حاسة ان الدنيا بايظة و مش عارفة اعمل اية ادعولى اوى بجد basma 2010 18-11-2011, 12:38 PM انا كنت بكرههها اوى ومش نافعه فيها بس لما حليت كتير لقيتها سهله وجبت 50 zoksh2010 09-04-2012, 07:56 PM شكرا بجد لردودكم الجميله |