بسم الله الرحمن الرحيم

انا فى 2 ثانوى ادبى ومعايا تاريخ
وللاسف للاسف للاسف انا لو استمريت كدة مش هنجح من اساسة
لان لحد دلوقتى واحنا فى شهر 11 اهو ولسة معرفش غير قلة قليلة فى المنهج
الا الرياضة الحاجة الوحيدة الى منتظم فيها


نفسى انتظم ومش عارف كل يوم بقول الى بعدة والايام بتجرى منى ومش عارف احصل
الى فاتنى
محتاج تنظيم للوقت عملت جدول مذاكرة ومش عارف امشى علية
يا ريت محدش يقولى انت تعرف تظبط نفسك اكتر من اى حد وكدة لانى لو كنت عارف ما كنتش كتيت الموضوع من الاول

انا محتاج للنصيحة جدا منكم وفى امس الحاجة كمان يا ريت ارائكم لانها هتساعدنى كتييير

انا اكتشفت حاجه فى موضوع الجدول ده الواحد لو مش متعود على جداول المذاكره لازم ميحطش فى جدول المذاكره حاجات كتير فوق طاقته

اعمل لنفسك جدول خفيف اوى فى الاول و بعدين يومين كده لو كنت مشيت عليه اعمل واحد اتقل شويه و هكذا لحد ما توصل انك

بتعمل جدول تقيل و عارف انك تقدر عليه و حتمشى عليه و تمشى عليه فعلا بس الحكايه ديه حتاخد بتاع شهر كده هو اه كتير بس حترتاح بعد كده طول السنه

و ملحوظه: انا بعمل كده برضو و الحمد لله الجدول عندى تقل شويه بس بمشى عليه

السلام عليكم
بص يا غالى اوعى تستسلم وتحبط من نفسك وتقول الوقت فات لا الوقت مازال فى ايدك
انت تقدر تخلص اى حاجة بس لازم يكون عندك صبر وقدرة وعزيمة
التاريخ كانت احلى مادة ليا فى الثانوى العام لانها مادة حلوة وعلى فكرة اول 5 ابواب منها زى العسل
بالذات اول 4 ابواب خفيفة موت بس محتاج مراجعة كتير وحل اسئلة على كل باب
والنصيحة بالنسبة للتاريخ المراجعة وحل الاسئلة وربنا يوفقك