السلام عليكم ورحمه الله وبركاته
يا جماعه انا بجد ضعت فى الفيزيا انا حاليا مش عارفه اذاكرها لدرجه انى مبعملش الواجب مش فاهمه اى حاجه وحاسه ان كله دخل فى بعضه
واللى زود المشكله خرجت من عند المدرس بتاعى ورحت لمدرس تانى متاخر عننا اعدت عنده اسبوع وحاسه انى مش فاهمه حاجه رغم ان اللى شرحه كنت اخداه
حاليا اعدت ومش باخد درس دلوقتى عشان حاسه انى هقعد طول السنه اتنقل من مدرس لمدرس
حاليا بدور على مدرس كويس وميكنش زحمه .. وبحاول اذاكر مع نفسى مش فاهمه ولا حرف
اعمل ايه يا جماعه انا حاسه ان السنه بتخلص والفيزيا هضيع منى

من كلامك ده انا حسيت انك متوترة وخايفة من المادة وعلشان كده لما رحتى لمدرس تانى
مفهمتيش حاجة بالرغم من انك درستى الحاجات دى قبل كده بس احب اقولك انتى مش فاهمة اى حاجة
من المادة علشان انتى قلقانة منها وخايف بالنسبة للمدرس عادى تسيبه طالما مش فاهمة حاجة منه
بس المهم دلوقتى تذاكرى اللى كنت واخده وتراجعى عليه علشان مايروحش منك وتحاولى تدخلى عند
اى مدرس كويس وتفهمى منه علشان الوقت بس وكمان لو ممكن تقرى قران قبل المذاكرة وتصلى ركعتين
وتدعى ربنا يساعدك وبعد كده تذاكرى وربنا يوفقك يارب

انا كنت زيك كده يا ست ايمى واكتر كمان ومكنتش بطيق الكتاب وكنت بغيب من الدروس وبخاف جدا وبكتئب وكل حاجه وحشه تتخيليها

بس انا حاليا فى طب اسنان ف اول سنه

ازاى بقى

انا كنت بغلس على الماده واقعد افهم نفسى بالعافيه فى حاجات غلسه زى فصل الضوء وارشميدس والكهربيه وكده يعنى دول كنت بمسكهم عالطول واقعد اكرر فيهم واذاكرهم من كذا كتاب واجيب مسائل محلوله واقعد احلها تانى واافهم طريقه الحل وكده وطبعا مكنتش بعرف اذاكر من ورق الدروس خالص لان كل مدرس ليه طريقه ودماغ تانى خالص عن التانى فانتى بصى شوفى كتب جايبه مسائل وحلاها زى كتاب المثالى والامتحان وغيره وغيره شوفى انتى اى كتب جايبه الحلول وانتى بتحلى فى الامتحانات هتلاقى مسائل صعبه جدا جدا بس متخافيش دى غالبا بنسبه 99% مش هتيجى اصلا والله المدرسين عندنا مكنوش بيعرفوا يحلوها زى امتحانات 2004 و2008 بس الامتحانات دلوقتى بتيجى سهله والله وكلها مباشره بيقى فيها نقطتين بس عاوزين تفكير وانا على فكره جبت 49 فى الفيزيا بسبب سؤال قريته غلط
انتى اوعى تتعقدى وتيأسى شوفى مدرس مشهور اصحابك الشاطرين بياخدوا عنده واستمرى معاه لان انتى كده مش مركزه مع حد خالص مش هينفع لازم تاخدى درس والله علشان تخلصى يا ايمى
بصى النظرى سهل جدا كلوا تعريفات وباقى الاسئله بتحليها من التعريفات بردوا والاثباتات معروفين اللى بييجوا فى الامتحانات ومكررين فى كل الامتحانات زى بتوع الغازات فى الباب التالت وشويه فى الكهربيه بيتحفظوا صم وترصيهم فى الامتحانات وخلاص والمسائل قولتلك مشكلتها انا فى حاجات مكنتش فاهمها خالص والله العظيم ولا كنت هفهمها اصلا بس علشان تعبت ربنا كرمنى فانتى اعملى اللى عليكى وسيبك نصيبك هيجيلك لحد عندك بس انتى ارضى ضميرك وخلاص

يلا ربنا يوفقك يا امى . بس انتى منين ؟؟؟ ممكن تبعتيلى رساله لو عاوزه حاجه علشان انا مش بتابع مواضيع المنتدى

كل الموضوع ..... المصدر اللى انتى بتذاكرى منه ....

اول حاجه كتاب المدرسه ده ..... مش هيفيدك بحاجه غير انك تمسكيه تقريه كذا مره وتحاولى تفهمى الكلام اللى مكتوب ( يعنى بلاش تحفظى منه )



فى كتاب اسمه كشكول الاول .... جميل جداا جداا جداااااا

منظم الفصول بطريقه جميله جدااا وهيساعدك فى فظ التعريفات والاثباتات



وان شاء الله ربنا معانا


_ ................(انتى كنتى جايبه كام فى تانيه )

السلام عليكم،،

أولا موضوع التنقل بين المدرسين ده انا شايفه اكبر غلط
لسبب مهم هو ان الفيزيا المفروض انتي تاخديها من شهر 8
يعني اتعودتي علي نظام معين في الشرح

ثانياً الي انتي خدتيه قبل كده مش فاكراه عادي راجعيه
انتي المفروض في الحراره تقريباً دلوقتي
ودا باب والله هايف جدا بس كتر القوانين بتعقد الطلبه شويه
حاولي تنظميها في دماغك مش مهم المراجعه انشاله تاخد شهر
"الفيزيا مش تراكميه من باب لباب"
خدي الجديد ذاكريه وافهميه حته حته وأسألي مدرسك علي الي مش فاهماه وراجعي القديم وحلي عليه هتلاقيكي ربطتي الدنيا ببعضها

بس المصيبه انتي بتقولي مش فاهمه مش مش فاكره
ودي مش فاهمها منك صراحه

وعموما يعني الفيزيا والله حتي بأعقد مسائلها عبيطه بس عايزه سنه تخيل وتعرفي القانون وولا مسأله هتقف قدامك

والمذاكره هاتي المعلم ذاكري منه شارح روعه بس في الحديثه ارميه في الزباله

وبلاش المذكرات هاتي يا المعلم يا المثالي ولو عايزه تفصيل هاتي الوسام شرح

طب ممكن اعرفك حضرتك وصلتى لحد فين؟؟؟؟؟؟

والله انا زيك بالظبط ومش عارفة اعمل ايه بحاول احل المسائل ومش عارفة بس ربنا يستر يارب

هو فى حد بيحل من دليل التقويم .؟؟؟؟؟؟؟؟؟؟ اصل الكتاب ده معقد اوى بالذات اختر من المتعدد وانا وصلت مع مدرسى لحد ارشميدس

السلام عليكم
اولا مفيش مدرس اسمه مش كويس كلهم بيشرحوا نفس المنهج ولكن شوفي اللي اسلوبه متفق معاكي
ثانيا لسه في وقت وكبير وبلاش مرحلة القلق خاصة في الوقت لانه بدري وتاثيره هيبقى سلبي اوي بعدين
ثالثا انتي مش ناسية المنهج ولا حاجة وانتي فاكراه بس مقلقين يدوب ساعة بس تذاكريه بتمعن وتركيز هيثبت الكلام وكمان طبقي عليه ان شاء الله ولو حتى سؤال
رابعا فين ثقتك بربك وبنفسك وبمدرسك ؟؟؟؟؟؟؟
ومتخليش اي حد يأثر عليكي ولا يعقدكممكن الفيزياء طويلة ورخمة بس لما تحبيها وتحبي مذاكرتها هتبقى امتع واحلى ومتضغطيش على نفسك وربنا يوفقنا جميعا
وبعتذر على التطويل

لسه بدري على الدليل وانا عن نفسي هبدا فيه في ايام المراجعه اكون تهيات للكتاب

السلام عليكم ورحمه الله وبركاته
يا جماعه انا بجد ضعت فى الفيزيا انا حاليا مش عارفه اذاكرها لدرجه انى مبعملش الواجب مش فاهمه اى حاجه وحاسه ان كله دخل فى بعضه
واللى زود المشكله خرجت من عند المدرس بتاعى ورحت لمدرس تانى متاخر عننا اعدت عنده اسبوع وحاسه انى مش فاهمه حاجه رغم ان اللى شرحه كنت اخداه
حاليا اعدت ومش باخد درس دلوقتى عشان حاسه انى هقعد طول السنه اتنقل من مدرس لمدرس
حاليا بدور على مدرس كويس وميكنش زحمه .. وبحاول اذاكر مع نفسى مش فاهمه ولا حرف
اعمل ايه يا جماعه انا حاسه ان السنه بتخلص والفيزيا هضيع منى




ماتخافيش خالص دايما فيه حل ربنا خلق المشكله وخلق حلها اهم حاجه متقلقيش عشان تعرفى تلاقى الحل

احنا وصلنا دلوقتى لارشميدس انا فاهمه النظريه بس اسئلتها بتلخبط كتير

بخوص ثقتى بربنا وتوكلى عليه هو مش المفروض اتوكل على ربنا بعد ما اعمل اللى عليا طب ازاى اتوكل عليه وانا اصلا لا عارفه اذاكر ولا حتى الواجب بعمله ازاى ربنا هيساعدنى وانا مش بعمل اى حاجه عليا انى اعملها
والله حاول اذاكرها ببقى اعده ادام الكتاب مش فاهمه حاجات كتير اوى وبقعد اعيط لا بعرف اذاكرها ولا اذاكر اى ماده بعدها
انا خايفه ومرعوبه وحاسه انى فاشله اوى وفى نفس الوقت لو قلت لزمايلى كدة يا اما بيخافوا زيي وضميرى بيئنبنى ساعتها لانى خوفتهم يا اما يتهمونى انى بخاف من الحسد وبقول كدة عشان متحسدش فبقيت اسكت
انا بجد مرعوبه ومنهاره وبفكر كتير احول ادبى بس انا مش بعرف احفظ التاريخ والمواد الدبى بالنسبالى صعبه جدا
انا علمى علوم وكنت جايبه 96 ونص السنه اللى فاتت
يا جماعه حد يساعدنى فعلا انا كدة هضيع

احنا وصلنا دلوقتى لارشميدس انا فاهمه النظريه بس اسئلتها بتلخبط كتير

بخوص ثقتى بربنا وتوكلى عليه هو مش المفروض اتوكل على ربنا بعد ما اعمل اللى عليا طب ازاى اتوكل عليه وانا اصلا لا عارفه اذاكر ولا حتى الواجب بعمله ازاى ربنا هيساعدنى وانا مش بعمل اى حاجه عليا انى اعملها
والله حاول اذاكرها ببقى اعده ادام الكتاب مش فاهمه حاجات كتير اوى وبقعد اعيط لا بعرف اذاكرها ولا اذاكر اى ماده بعدها
انا خايفه ومرعوبه وحاسه انى فاشله اوى وفى نفس الوقت لو قلت لزمايلى كدة يا اما بيخافوا زيي وضميرى بيئنبنى ساعتها لانى خوفتهم يا اما يتهمونى انى بخاف من الحسد وبقول كدة عشان متحسدش فبقيت اسكت
انا بجد مرعوبه ومنهاره وبفكر كتير احول ادبى بس انا مش بعرف احفظ التاريخ والمواد الدبى بالنسبالى صعبه جدا
انا علمى علوم وكنت جايبه 96 ونص السنه اللى فاتت
يا جماعه حد يساعدنى فعلا انا كدة هضيع

بصى يا جميل طبعا معد تش ينفع خلاص حكاية تحولى ادبى دى فلازم تلاقى حل عملى
بصى مثلا مسائل ارشميدس دى اقراى الامثله المحلوله وحليها انتى لوحدك ف اى كتاب او مزكره مش فارقه
وخدى اجابات المسائل اللى مش محلوله من اصحابك او المدرس وبرده زاكريها كويس وحليها انتى لوحدك والنظرى بتهيالى مش فيه مشاكل اد كده بس زاكرى بجديه و اعملى اللى عليكى وان شاء الله ربنا هيساعدك
ع فكره انا كنت زيك كده حاسه انى ضايعه فيها بس لما زاكرتها وبجديه وف اكتر من كتاب باه الموضوع عادى والله
بس نصيحه منى ماتقربيش ناحية المسائل الحمرا ف كتاب الامتحان لانها مش بتجيب اكتئاب بس دى بتخلى الواحد ينتحررررررررررررررررر:p وربنا معاكى ومعانا كلنا:rolleyes:

كده مش بييييييس

انا اسوا منك ع فكره

فى الطراوه ولا فتحت ولا ماده وشكلى هسقط ان شاء الله يعنى بس كده مش بيييس ع فكره لازم نذاكر بقى واللا ايه عشان منسقطش يللا نقوم نذاكر بقى يللا وبلاش لعب :(

كده مش بييييييس

انا اسوا منك ع فكره

فى الطراوه ولا فتحت ولا ماده وشكلى هسقط ان شاء الله يعنى بس كده مش بيييس ع فكره لازم نذاكر بقى واللا ايه عشان منسقطش يللا نقوم نذاكر بقى يللا وبلاش لعب :(

يلااااااااااااااااااااااااااااااا بينا

يلااااااااااااااااااااااااااااااا بينا

ههههههههههههههه

امال اقول ايه بس الواحد زهق والله :p

ههههههههههههههه

امال اقول ايه بس الواحد زهق والله :p

قول يا رب وابداها جد وربنا هيساعدك:blush:

قول يا رب وابداها جد وربنا هيساعدك:blush:


:blush::blush::blush::blush::blush::blush::blush:

يارب

بصي يا ايمي انا زيك كده في 3 ثانوي بس انا علمي رياضة ,,,,

الفيزيا طبعا تعتبر صعبة ... ومخبيش عليكي انا قلقانة جدا

بس انا ليا واحده صحبتي في اول سنة حاسبات ومعلومات

قالتلي متقلقيش كلنا كنا كده في تالتة مش فاهمين الفيزيا

بس كنا بنذاكر طول السنة عادي وأول ما فترة المراجعه بدأت هتلاقي نفسك فاهمة كل حاجه

ومفيش حاجه صعبه ...............

بصراحه كلامها طمني شوية

فا انتي ذاكري واعملي اللي عليكي وادعي ربنا وادعيلي معاكي

وربنا يكرمنا واللي لينا نصيب فيه هنشوفه ان شاء الله

تحياتي يا قمر