مشاهدة النسخة كاملة : مشهد متكرر
LoOoLy El Treikawya 20-11-2011, 07:38 PM بسم الله الرحمن الرحيم
السلام عليكم ورحمة الله وبركاته
بداية انا بجد مش عارفة اقول ايه فى اللى بيحصل دلوقتى دة فى مصر
لكن كل اللى حسيته انه مشهد متكرر ليوم 28 يناير والبلطجة اللى حصلت بعده
انا طول عمرى كنت ضد اى وقيعة بين المجلس العسكرى والشعب حرصا على مصلحة مصر لدرجة كتبت دة فى توقيعى صراحة ويمكن كتير من حضراتكو عارف دا
لكن انا دلووقتى بقولها ان المجلس العسكرى والمشير مسئول أولا وأخيرا عن كل اللى بيحصل دا
لأن بالعقل كدة
المليونية بتاعت الجمعة كان معلن عنها قبلها بكتييير وكان معلن عن طلباتها واسمها ((جمعة المطلب الواحد ))
والاغلبية كانوا معاها من فئات مختلفة
المجلس كان يقدر يمنع المليونية دى بتنفيذ طلبات الشعب لكن انا مش عارفة يعنى هو مستنى لما الدنيا تتخرب عشان يعمل اجتماعات وانتظروا البيان وشغل مبارك الفكسان دا
بس كان حسنى اشطر
مطالبنا معروفة عاوزين اسراع فى القرارات
جدول زمنى لكل حاجة عشان نحس ان فيه اجراءات بتحصل
9 شهور محصلش حاجة
الاسراع فى محاكمة رموز النظام السابق واى بلطجى يريد الخراب بمصر عشان البلد تهدى
الغاء وثيقة السلمي اللى كشفتهم بجد
ولو هم على حق وصح واحنا غلط يبقى ليه ميطلعش المشير يوضحلنا ويكون فيه شفافية فى التعامل
لو هو صح لى ميقطعش لسان كل واحد عاوز يعمل وقيعة بيننا وبينه لما يكون هو واضح معانا
لكن اللى بيحصل دلوقتى ان مظاهرة سلمية اتعملت مفيهاش اى مشاكل فجأة تتحول لبلطجة وتهديد الامن العام ودة كان نفس السلاح اللى لجأ ليه المخلوع
انا مش عارفة الناس دى بتفكر ازاى
ومش لاقية مبرر فى الحقيقة ومبقتش عارفة ادافع عنهم اكتر من كدة لان انا بجد حاسة بنار جوايا من اللى بيحصل دا
حتى اسلوبهم فى فض التظاهرات اسلوب كر وفر وحاجات مش مقنعة
يعنى ايه يعنى الشرطة والجيش تفضها بالقوة وفى خمس دقايق يختفى كل الامن عشان التظاهرات ترجع تانى متلحقش تتفض
يعنى ايه يوصل عدد المصابين لالف مصاب
ايه الجديد اللى حصل
انا بجد مش فاهمة حاجة بس كل اللى انا فهماه اننا عمرنا ما هنفرط فى حقنا لأن احنا مصر
الشعب هو مصر وهندافع عن حقنا وثورتنا لآخر نقطة فى دمنا
ومحدش يفتكر انه هيعرف يسرق ثورتنا
والانتخابات هتتعمل ومش هيحكمنا العسكر لان دى ارادة الشعب
ومصر فى طريقها لتكون دولة اسلامية اذا كان اللى بيحصل دا وسيلة البعض عشان يحاربوا الاسلاميين ويأجلو الانتخابات
حتى لو اللى فى الميدان غلطانين فالمجلس هو اللى سمح للغلط دة انه يحصل من الأول
وآدينا منتظرين البيان
رب إجعل هذا بلدا آمنا وارزق اهله من الثمرات
يااا رب مصر يااا رب مصر التى ذكرتها فى قرآنك الكريم خير جنود الارض ياا رب
اللهم عليك بمن اراد بمصر شرا
أنا واثقة ان مستقبل شعبنا احسن مهما زادت المحاولات على قتل الثورة ومهما حاولوا اغفال المصريين ثانية
لأن فلسطين منتظرة وطال انتظارها
وأتمنى أسمع آراءكو
السلام عليكم ورحمة الله وبركاته
LoOoLy El Treikawya 20-11-2011, 07:39 PM egyptian forces burn protest tents in tahrir (http://news.yahoo.com/egyptian-forces-burn-protest-tents-tahrir-160057265.html)
egyptian soldiers and police set fire to tents in the middle of cairo's tahrir square and fired tear gas and rubber bullets in a major assault sunday to drive out thousands of protesters after two days of clashes.
معروف ان دة مش حل
ودى الاخبار اللى واصلة للعالم
aymaan noor 20-11-2011, 07:43 PM جزاك الله خيرا دكتورة آلاء و بارك الله فيك
M..osama 20-11-2011, 07:46 PM والله ان دموع العين تنهمر وأنين القلب لايتوقف
الضارب أخى والمضروب أخى
فكيف أكون المنتصر
أفيقوا أخوتى فكلم أخوتى
LoOoLy El Treikawya 20-11-2011, 07:54 PM جزاك الله خيرا دكتورة آلاء و بارك الله فيك
جزانا واياكم استاذ ايمن نور
بوركتم وبورك مروركم الكريم
انتظر الآراء
LoOoLy El Treikawya 20-11-2011, 07:56 PM والله ان دموع العين تنهمر وأنين القلب لايتوقف
الضارب أخى والمضروب أخى
فكيف أكون المنتصر
أفيقوا أخوتى فكلم أخوتى
انا بجد زعلانة جدااا
مصر شعبها احسن شعوب الأرض
لي يحصل كدا
مش معقول يعنى محدش عارف يوقف دا
يا رب انصر الحق يا رب
انا بصراحة مش عارف ليه المجلس ملتزم الصمت ؟؟
وليه مفيش اسراع فى الانتخابات .. اذا كان خوفا من الاسلاميين ان يحكموا البلد فهذ فشل الاحزاب الاخرى ..
فما تعرض له الاسلاميين تعرض له كل الفصائل المصرية والاحزاب القديمة والجديدة ..
ولا اتفق ايضا مع المظاهرات التى تدور الان واتفق الراى مع الشيخ محمد حسان ..
+
فهناك جسور للحوار تقدم ..وبعد ذلك مظاهرات لتوصيل الرسالة ..
وبعد ذلك مظاهرات واعتصامات كما نشاء ..
لكن تسليم وتسلم فى يومين ولا اسبوع !!
ازاى يعنى .. وده راى الشخصى ..
يجب ان يكون هناك نية واضحة من المجلس العسكرى واطلاعه للمستقبل ..
يعرف الناس هيمشى امتى ويسرع فى الاجراءات ..
لكن مانراه هو جزء من فكر المخلوع ..ووريثة لكنوز مصر ..
واللى يقعد اكتر يلم اكتر :(
وربنا يحمى مصر
LoOoLy El Treikawya 20-11-2011, 08:15 PM انا بصراحة مش عارف ليه المجلس ملتزم الصمت ؟؟
وليه مفيش اسراع فى الانتخابات .. اذا كان خوفا من الاسلاميين ان يحكموا البلد فهذ فشل الاحزاب الاخرى ..
فما تعرض له الاسلاميين تعرض له كل الفصائل المصرية والاحزاب القديمة والجديدة ..
ولا اتفق ايضا مع المظاهرات التى تدور الان واتفق الراى مع الشيخ محمد حسان ..
+
فهناك جسور للحوار تقدم ..وبعد ذلك مظاهرات لتوصيل الرسالة ..
وبعد ذلك مظاهرات واعتصامات كما نشاء ..
لكن تسليم وتسلم فى يومين ولا اسبوع !!
ازاى يعنى .. وده راى الشخصى ..
يجب ان يكون هناك نية واضحة من المجلس العسكرى واطلاعه للمستقبل ..
يعرف الناس هيمشى امتى ويسرع فى الاجراءات ..
لكن مانراه هو جزء من فكر المخلوع ..ووريثة لكنوز مصر ..
واللى يقعد اكتر يلم اكتر :(
وربنا يحمى مصر
فعلا مع حضرتك حق
موقف المجلس معصبنى
انا نفسى يطلعوا يوضحوا للناس خلو الدنيا تهدى
انا عن نفسى رغم تمسكى بموقفى انى معاهم فقدت الثقة فيهم
انا بجد بتمنى من كل قلبى اكون غلطانة ويكونو هم صح بس انا مش شايفة دليل على دة
وبالنسبة للمظاهرات انا ضدها
انا كنت مع مليونية الجمعة السلميـــــــــة لان يظهر انهم مش بيسمعو صوتنا غير من هناك ولو مكنوش عاوزينها تتعمل كانوا يقدروا يمنعوها
لكن بعد صلاة المغرب فى يوم الجمعة محبتش ان الناس تعتصم وانا ضد الاعتصام والتظاهر دلوقتى لانه حصل خلط كبيير وبلطجية كتييير وحرق عربيات ومحاصرة سجون
عشان كدة بقول مشهد متكرر
بس انا بردو رغم انى شايفة الاتصام غلط فانا مغلطة المجلس لانه هو ادى الفرصة انه يحصل كدا
وانا متشوقة اعرف رأى دكتور صفوت حجازى لانى بثق في رايه جدا وانا حقيقة معرفش راي الشيخ محمد حسان اللى حضرتك تقصده
وفعلا يبدو انه جزء من فكر المخلوع
لا حول ولا قوة الا بالله
وحسبنا الله ونعم الوكيل فى كل من اراد بمصر ضرا
شكرا يا استاذ طاهر
جزاك الله خيرا
NazeeH 20-11-2011, 08:41 PM تسلم ايدك يادكتورة ألاء والله من أجمل الكلمات التي قرأتها وتصف الأحداث وصفاً دقيقاً حسبنا الله ونعم الوكيل يا رب يا ذا الجلال والإكرام يا قاهر فوق عباده انصر إخواننا في التحرير وفي كل مكان على أرض مصر اللهم كن لهم ولا تكن عليهم اللهم امكر لهم ولا تمكر عليهم رحماك رحماك بمصر من الذئاب أعداء الدين يا رب وصلي اللهم وسلم وبارك على النبي محمد
LoOoLy El Treikawya 20-11-2011, 08:46 PM تسلم ايدك يادكتورة ألاء والله من أجمل الكلمات التي قرأتها وتصف الأحداث وصفاً دقيقاً حسبنا الله ونعم الوكيل يا رب يا ذا الجلال والإكرام يا قاهر فوق عباده انصر إخواننا في التحرير وفي كل مكان على أرض مصر اللهم كن لهم ولا تكن عليهم اللهم امكر لهم ولا تمكر عليهم رحماك رحماك بمصر من الذئاب أعداء الدين يا رب وصلي اللهم وسلم وبارك على النبي محمد
اللهم صل وسلم على سيدنا محمد
واللهم آمين يا رب انصر مصر على اعدائها
وربنا يخليك يا استاذ نزيه شكرا كتير ..
جزاك الله خيرا
لوجين20 20-11-2011, 09:00 PM فعلا المشهد متكرر
ومش عارفين رايحين فين
مش معقول المجلس العسكرى هو اللى يغرق البلد ويضيعها كده؟
امال هانستنى لما يحصل انقسامات وفصايل جديدة تظهر
مصر بتضيع وصعب نسيطر عليها دلوقتى
كل واحد بيسمع نفسه وبس
والاحزاب ليها اجندتها الخاصه وربنا يسترها على مصر
موضوع مرعب بجد
وده معناه اننا بنفرط فى مصر بسهولة
LoOoLy El Treikawya 20-11-2011, 09:04 PM فعلا المشهد متكرر
ومش عارفين رايحين فين
مش معقول المجلس العسكرى هو اللى يغرق البلد ويضيعها كده؟
امال هانستنى لما يحصل انقسامات وفصايل جديدة تظهر
مصر بتضيع وصعب نسيطر عليها دلوقتى
كل واحد بيسمع نفسه وبس
والاحزاب ليها اجندتها الخاصه وربنا يسترها على مصر
مش كل الأحزاب يا استاذة لوجين ومش دة موضوعنا
موضوع مرعب بجد
وده معناه اننا بنفرط فى مصر بسهولة
ان شاء الله بنفرط فى روحنا وما بنفرط فى مصر
انتظر موقف ايجابى قريبا من المجلس ويفوق لنفسه ويشوف اللى طمعو فى الحكم والامارة حصل فيهم ايه
شكرا كتير يا استاذة لوجين على مشاركة رأيك
مرورك طيب
جزاكِ الله خيرا
لوجين20 20-11-2011, 09:10 PM العفو يا دكتورة
بس والله الموضوع معصبنى اوى
يعنى ايه 28 يتكرر تانى
المصريين اتغيروا وصعب يتحايل عليهم المجلس العسكرى
بيضحك على مين بالظبط؟
أ/رضا عطيه 20-11-2011, 09:25 PM مش كل الأحزاب يا استاذة لوجين ومش دة موضوعنا
ان شاء الله بنفرط فى روحنا وما بنفرط فى مصر
انتظر موقف ايجابى قريبا من المجلس ويفوق لنفسه ويشوف اللى طمعو فى الحكم والامارة حصل فيهم ايه
شكرا كتير يا استاذة لوجين على مشاركة رأيك
مرورك طيب
جزاكِ الله خيرا
لو نزل ملاك من السماء
مااتفق عليه الأن اتنين فى مصر
لسبب بسيط
أن الكل طمعان فى الكل
وأن الكل بيتلاعب بالكل
إسألى أى مرشح حتى لنقابة
واذكرى أمامه كلمة( الأمن القومى )
ستحمر عينه ويتغلظ صوته وهذا بيان لأتباعه
وليتولاكى ربنا ويخلصك من إيديهم دون إصابات
الكل يريد دوله على هواه
الكل يعتبر الأمن القومى هو أمنه الذاتى
الكل لايدرى أن هناك بشر على حافة المجاعة
المحلة مولعة مع إنهم لايتجاوزوا 1% من سكانها )
هل يمكننى الأن أن أخرج فى الشارع وأقول لهم (البلد بلدنا )
وارحموا صغارنا من هذا الرعب
هموت بالتأكيد
ربنا يتولانا جميعا برحمته
ويسترها عليكى يابلدى
فعلا مع حضرتك حق
موقف المجلس معصبنى
انا نفسى يطلعوا يوضحوا للناس خلو الدنيا تهدى
انا عن نفسى رغم تمسكى بموقفى انى معاهم فقدت الثقة فيهم
انا بجد بتمنى من كل قلبى اكون غلطانة ويكونو هم صح بس انا مش شايفة دليل على دة
وبالنسبة للمظاهرات انا ضدها
انا كنت مع مليونية الجمعة السلميـــــــــة لان يظهر انهم مش بيسمعو صوتنا غير من هناك ولو مكنوش عاوزينها تتعمل كانوا يقدروا يمنعوها
لكن بعد صلاة المغرب فى يوم الجمعة محبتش ان الناس تعتصم وانا ضد الاعتصام والتظاهر دلوقتى لانه حصل خلط كبيير وبلطجية كتييير وحرق عربيات ومحاصرة سجون
عشان كدة بقول مشهد متكرر
بس انا بردو رغم انى شايفة الاتصام غلط فانا مغلطة المجلس لانه هو ادى الفرصة انه يحصل كدا
وانا متشوقة اعرف رأى دكتور صفوت حجازى لانى بثق في رايه جدا وانا حقيقة معرفش راي الشيخ محمد حسان اللى حضرتك تقصده
وفعلا يبدو انه جزء من فكر المخلوع
لا حول ولا قوة الا بالله
وحسبنا الله ونعم الوكيل فى كل من اراد بمصر ضرا
شكرا يا استاذ طاهر
جزاك الله خيرا
راى الشيخ يا الاء انه مش عاوز مظاهرات الان لعدم كسر شوكة الجيش ..
وانا كنت متفق معاه امبارح ..
لكن بعد الفيديوهات اللى شوفتها والمجازر من الشرطة العسكرية والامن المركزى والاسلحة الرهيبة اللى بيعاملوا بها المتظاهرين السلميين هذا اكبر دليل على الانتقام من الشعب وان المجلس يتسلق على الثورة .. وانا كمصرى لن اسكت ..واخواتى اللى فى التحرير لازم انزلهم ..تحت اى مسمى و مايحدث فى حق المواطن المصرى شىء بشع ..
ولازم ننسى اى مصالح الان ..فكرامة المصرى فوق اى شىء ..
..
معلش ياشيخ حسان ..
لازم انزل الميدان ..
ماينفعش اللى بيحصل فى اخواتنا ..
ونفضل ساكتين كمان ..
الثورة لسه مخلصتش ..
مبارك والمشير سيان ..
ويامجلس مش هنسكت ..
وروح الشهيد فى الميدان ..
هاتوا مسيل .. هاتوا نووى
ثورتنا حماها الرحمن ..
انا لازم انزل الميدان ..
عشان ثورتنا تكمل ..
ان شالله اكون شهيد كمان ..
....
ده الفتها فى 10 دقائق :rolleyes:
ومعلش انا نازل الميدان بقى سلام :078111rg3:
الأستاذة / أم أمل 21-11-2011, 02:15 PM تسلم ايدك يا الاء
LoOoLy El Treikawya 21-11-2011, 05:51 PM راى الشيخ يا الاء انه مش عاوز مظاهرات الان لعدم كسر شوكة الجيش ..
وانا كنت متفق معاه امبارح ..
لكن بعد الفيديوهات اللى شوفتها والمجازر من الشرطة العسكرية والامن المركزى والاسلحة الرهيبة اللى بيعاملوا بها المتظاهرين السلميين هذا اكبر دليل على الانتقام من الشعب وان المجلس يتسلق على الثورة .. وانا كمصرى لن اسكت ..واخواتى اللى فى التحرير لازم انزلهم ..تحت اى مسمى و مايحدث فى حق المواطن المصرى شىء بشع ..
ولازم ننسى اى مصالح الان ..فكرامة المصرى فوق اى شىء ..
..
معلش ياشيخ حسان ..
لازم انزل الميدان ..
ماينفعش اللى بيحصل فى اخواتنا ..
ونفضل ساكتين كمان ..
الثورة لسه مخلصتش ..
مبارك والمشير سيان ..
ويامجلس مش هنسكت ..
وروح الشهيد فى الميدان ..
هاتوا مسيل .. هاتوا نووى
ثورتنا حماها الرحمن ..
انا لازم انزل الميدان ..
عشان ثورتنا تكمل ..
ان شالله اكون شهيد كمان ..
....
ده الفتها فى 10 دقائق :rolleyes:
ومعلش انا نازل الميدان بقى سلام :078111rg3:
ربنا يحفظك ويحميك يا استاذ طاهر
ربنا يبارك فيك وفى كل شباب مصر
فعلا ثورتنا لسة مخلصتش
LoOoLy El Treikawya 21-11-2011, 05:52 PM تسلمي استاذة ام أمل نورتى
د.عبدالله محمود 22-11-2011, 01:57 AM النقطة الأبرز من وجهة نظرى المتواضعة
أن المجلس العسكرى عوَّد أصحاب المطالب أنه لن يستجيب إلا تحت ضغط المليونيات
وجٌل ما أثير من مطالب هى مطالب شعبية
والله ما كنت أخشى شيئاً بالقدر الذى خشيت من مليونية 18/11
مشكورة على طرحك الرائع
LoOoLy El Treikawya 22-11-2011, 12:07 PM النقطة الأبرز من وجهة نظرى المتواضعة
أن المجلس العسكرى عوَّد أصحاب المطالب أنه لن يستجيب إلا تحت ضغط المليونيات
وجٌل ما أثير من مطالب هى مطالب شعبية
والله ما كنت أخشى شيئاً بالقدر الذى خشيت من مليونية 18/11
مشكورة على طرحك الرائع
فعلا المجلس عودنا انه ميسمعش غير صوت المليونات
وهو اللى خلاها تتعمل من البداية
بس بعد مقتل المتظاهرين والظلم اللى انا شيفاه دا
خلااااص الشعب يريد اسقاط المشييير ولا تراجع
مليونية 18 /11 كانت سلمية
واهم دلوقتى جايين يلمحوا فى التليفزيون المصرى ان فيه اسرائيليين فى الميدان والمشير هو اللى وصل البلد لكدة وحسبنا الله ونعم الوكيل
شكرا لحضرتك جزا الله خيرا
د.عبدالله محمود 22-11-2011, 10:11 PM فعلا المجلس عودنا انه ميسمعش غير صوت المليونات
واهم دلوقتى جايين يلمحوا فى التليفزيون المصرى ان فيه اسرائيليين فى الميدان والمشير هو اللى وصل البلد لكدة وحسبنا الله ونعم الوكيل
شكرا لحضرتك جزا الله خيرا
جزانا وإياكم أختنا الفاضلة
نفس سيناريو 25 يناير
شعارهم الذى يقاتلون من أجله " لا تغيير "
ولكن وعلى كلٍ يجب أن يكون مطلبنا الأول هو الحرص على الملف الاقتصادى
ولنعلم أنه أمر لا يهم السادة كثيراً فالجنسيات الأخرى فى لحظات الضيق تنفعهم
وسنبقى نحن وحدنا نعانى المرارة
المليونيات كارثة
والسكوت كارثة
صلاح حال البلاد
هبةمن رب العباد
نسأله تعالى السلامة
LoOoLy El Treikawya 22-11-2011, 10:16 PM انا كنت بقول الكلام دا قبل البيان
لكن دلوووقتى انا اقتنعت بالبيان لانه فعلا بيحقق مطالبنا فيه ومش كلام وخلاص زى الانشا بتاع حسنى مبارك
وشايفة انه كفاية عشان مصلحة مصر وعشان منديش فرصة لحد يستغل دة ضد المصلحة ويندس ويخرب البلد
شكرا على مرور حضرتك طالب الفردوس اسال الله ينولهالك
د.عبدالله محمود 22-11-2011, 10:20 PM آمين .. فى حفظ الله
LoOoLy El Treikawya 23-11-2011, 05:32 PM المشييير غلط نفس غلطة مبارك
بعد البيان اشتغل الضرب والقنابل على المتظاهرين
لسة لحد دلوقتى مفهمش ان المصريين كرامتهم اغلى عندهم من حياتهم وعمرهم ما هييجو بالقوة
ههههه والله نفس غلطة مبارك انا بردو تعاطفت مع بيان مبارك بس هو صححلى وجهة نظرى بعد موقعة الجمل
وهى فعلا خلاص
الشعب يريد اسقاط المشير
على فكرة انا بعد ما كتبت ردودى بساعتين تقريبا شفت اللى بيحصل فى الميدان ولقيت ان فعلا المشير لازم يرحل
|