إخوانى وأخواتى يد الله مع الجماعة أنا فكرت فى حل ممكن يكون مش جديد بس هى محاولة إنشاء الله أنا هبعت فاكس لمحافظ الغربية بخصوص موضوع تغيير المسمى الوظيفى والمرحلة لنا وعاوزة كلنا نكون إيد واحدة مطلوب منكم كل واحد من الغربية يدخل يسجل الأتى:
1- الاسم
2-التخصص الذى تم التعاقد عليه
3- التخصص الذى يرغب التحويل إليه والمرحلة
4- المؤهل الذى حصل عليه
5- إدارته التعليمية
لأن الوزير أصدر قراره وجعل التنفيذ من إختصاص المحافظ وفيه محافظات نفذت وإحنا مفيش جديد بخصوصنا .
أنا سمعت إن فيه امتحانات لنا فى يناير والله أعلم عاوزين نلحق نغير تخصصاتنا قبل منسجل بياناتنا على الأكاديمية ،إنشاء الله أنا هجمع بياناتكم دى وأبعتها على الفاكس بس أرجوكم عاوزة الإهتمام والصدق فى البيانات وده لكل من لم يمتحن الكادر وياريت كل زميل يبعت زيى الفاكس ده بنفس الطريقة بتاعتى علشان المحافظ يهتم ويحس إنه مطلب جماعى مش فئوى لأن فيه ناس مرتاحة فى تخصصاتها ومرحلتها وفيه ناس زينا كتير عاوزين يغيروا أنا هتوكل على الله وأبدأ فى التنفيذ بس عاوزاكم تساعدونى وأدينا هنحاول والله المستعان.
أرجو من السادة المشرفين التثبيت لمدة كافية حتى أستطيع جمع أكبر عدد من الأسماء فى مختلف الإدارات وأنا واثقة إن ربنا كبير.
صورة الفاكس اللى هبعته فى المرفقات وعلى فكرة أنا منزلاها من الموقع هنا للأمانة بس فيه شوية تعديلات وجزيل الشكر لكاتبه يالا ياجماعة نتوكل على الله ونلحق نمتحن على تخصصاتنا الفعلية قبل الوقت مايمر .
رقم الفاكس: 3333285 040

بجد متشكرة أوى ياجماعة المشاهدات 97 ولا واحد شارك معايا فى الموضوع على العموم كان نفسى نكون إيد واحدة براحتكم وكل واحد يدور على نفسه شكرااااااااااا

والله ياخت حبيبة ا نت صح الصح كل واحد يدور على مصلتة

جزاكى الله كل خير

لاخوف من القدر . . ومماتخبئه الحياة !
مادامت بيد من اثق فيّه وأحبـّه
فكل ماعند ربيّ خير . . وخير كثير

بِسْمِ اللهِ الرَّحْمَنِ الرَّحِيمِ
﴿رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ﴾(النَّمْل:19)0