الــســـلام عــــلـــيكم و رحمــــــة اللــــه و بـــركــاتـــة



بجد يا جماعه انا عندي مشكله و محتاجه حل

انا تعبت مش عارفه اذاكر ولا عارفه انظم وقتي

انا دروسي كلها في مركز و بعيد عن البيت

و كل حصه امتحان في الدروس

غير الواجبات

انا اول السنه كنت كل حصه في الدروس بجيب الدرجان النهائيه

و من بعد اجازه العيد حسيت ان انا نسيت كل حاجه و المنهج ضاع مني

بجد درجاتي بقت وحشه قووووي

صحابي بقوا بيجيبوا اعلي مني

دي حاجه مديقاني قووووي

و انا باخد 3 ايام في الاسبوع دروس و الباقي فاضي

يعني

الاثنين (( فرنساوي و عربي ))
الثلاثاء (( انجيلزي و رياضيات ))
الاربعاء (( تاريخ ))

و باقي الاسبوع فاضي بعمل الواجب حتي مبلحقش اذاكر الدرس بنقل الواجب
ولما بمتحن بجيب درجات وحشه قوووي


بجد يا ريت تقولولي ازاي انظم وقتي ونفسي قوووي اجيب مجموع كبير انا اول السنه كان نفسي ادخل اعلام او كليه السن

بس بدرجاتي دي حسه اني مش هجيب حتي حقوق

انا اسفه قوووي ان انا طولت عليكم بس بجد انا في مشكله و مش لقيه اي حل :(

حاولى تعملى لكل ماده ساعه والمذاكره مش بالوقت الكتير المهم التركيز ولو نصفساعه

أولاً امتحانات الدروس مش مقياس
ثانياً نقل الواجب يعنى انت ماستفدتيش حاجة .. الواجب دة ليكى انت مش للمدرس
ثالثاً و الأهم المفروض أن عندك سبت و أحد و خميس و جمعة يعنى 24 * 4 = 96 ساعة
سهلة إن شاء الله تنظمى 96 ساعة ما بين النوم و الترفيه و المذاكرة
يعنى انت مثلاً عندك تاريخ .. لازم كل يوم علشان مايتنساش
أحد .. يبقى فرنساوى وعربى تركزى عليهم علشان درس و تحلى عليهم
خميس تذاكرى إنجليزى و تاريخ و تحلى رياضة و تراجعى على العربى
جمعة تاخدى مراجعة على كل الى فات تاريخ و إنجليزى و عربى و فرنساوى
و تكملى واجب الرياضة
و دى مراجعة يعنى المفروض تكونى مذاكرة أصلاً
و السبت تاريخ كالعادة و فرنساوى و عربى
و المفروض الرياضة زيها زى التاريخ كل يوم لأن مفيهاش مذاكرة
و المفروض برضك أن الجدول و تنظيم الوقت يكون منك أنت و تنظيم الوقت فى ثانوية عامة مش صعب ولا حاجة
انت بس أهم حاجة تييجى يوم الجمعة دة تراجعى على أى حاجة وقعت منك

انا من رأيى انك تخلى الرياضيات فى يوم لوحدة !

ويستحسن يكون بليل .