مشاهدة النسخة كاملة : فوق يا مصرى....!!


highlight
27-11-2011, 09:03 AM
يا ابن بلدى.......

مالك يا ابن بلدي هو أنت قالب وشك ليه ؟!

مش أنت يوم ما الثورة قامت قلت هيييييه ؟!

و رقصت في الشارع و قلت بقينا أحرار يا بيه ؟!

و أنت أصلاً محدش قالك حرية يعني أيه ؟!

و إن الحرية مش بس حقك اللى تفضل تدور عليه !!

... و بعدين تنسى واجبك و اللى عليك ما تفكرش فيه !!

و ترجع بعديها تستغرب البلد ماتغيرتش ليه ؟!

طب إسمحلى أقولك يا سيدى من يوم الثورة عملت إيه !!

عملت بإسم الثورة كشك عشان تبيع سجاير !!

و لزقت ستيكر شهداء 25 يناير !!

و ع الأرض الزراعية قلت فرصة و بنيت عماير !!

و عملت للثورة لحاف و مش بعيد تعمل ستاير !!

و كأن الثورة قامت لأجل الفلوس مش للضماير !!

بعد الثورة أنت قلت كلام كتير مية مية .. قلت البلد دى بلدى و هشيلها جوة عينيا !!

و عشانها هتغير عشان مصر البهية .. لكن كانت المفاجأة أن أخلاقك هي هي !!

و كلها كام يوم و رجعت ريما لعادتها الأولانية !!

و بقيت تشكى من البلطجة و إحنا كلنا بلطجية !!

أصل إحنا أحسن ناس تصقف و أجدع مطبلاتية !!

تكونش فاكر الفهلوة هتاخدك للعالمية ؟!

ده مفيش بلد بتتقدم و أغلب سكانها فهلوية !!

ده إحنا عشان نتقدم عايزين عزيمة قوية !!

و اتفرج ع اليابان و شوف خيبتك القوية !!

يضربها نووي ، إعصار ، بركان و برده واقفة عفية !!

و إحنا بلدنا تولع عشان عيل عاكس ولية !!


آه لو تبدأ بنفسك بشوية إحساس بالمسؤلية !!
http://files.thanwya.com/do.php?img=7854 (http://files.thanwya.com/)

ملحوظة...هذه الابيات ليست بقلمى انا بل بقلم احد الاصدقاء و من تتشابه قصيدته معى فليتقدم بتوجيه الطلب بحذف الموضوع مراعاة لحقوقه..و انا ليا حساب مع اللى اخدتها منه........:stickjo4:

ضياء الدين سعيد
27-11-2011, 12:44 PM
ما أجملها كلمات
وتعبير عن حاله واقع مرير

دومت لنا أخي العزيز
تقبل مروري وتحياتي

samar saad
27-11-2011, 02:09 PM
جميلة جداااااااااااااااااااااااااااااااااااااااااااااااا اااااااااااااااااااااااااااااااااااا
بجد سلمت يداك

تقبل مرورى

فكري ابراهيم
27-11-2011, 03:45 PM
كلمات رائعة تعبر عن الواقع فعلا
نفبل تقديري

نقاء الروح
28-11-2011, 09:15 AM
كلمات جميلة جداً
وتصف واقعاً نعيشه ،
جزاك الله خيراً عالموضوع

highlight
02-12-2011, 04:28 PM
ما أجملها كلمات
وتعبير عن حاله واقع مرير

دومت لنا أخي العزيز
تقبل مروري وتحياتي



شكرا جزيلا على المرور الكريم.......
اسعدتنى كلماتك.......:)

جميلة جداااااااااااااااااااااااااااااااااااااااااااااااا اااااااااااااااااااااااااااااااااااا
بجد سلمت يداك

تقبل مرورى
شكرااااا جزيلا يا سمر.........
شرفنى مرورك.......:)

كلمات رائعة تعبر عن الواقع فعلا
نفبل تقديري
شكرا جزيلا سيدى الفاضل.......
شرفنى مرورك الكريم :)
كلمات جميلة جداً
وتصف واقعاً نعيشه ،
جزاك الله خيراً عالموضوع

ايانا و اياكم اخى العزيز......
شكرا جزيلا....:)

T!to
03-12-2011, 03:52 PM
جميل جدااااا .. شكرا جزيلا ياهاى

Engineer ..
03-12-2011, 05:21 PM
ربنا يقدرنا على الجمال ده كله
تسلمي يا دكتورة

highlight
03-12-2011, 08:54 PM
جميل جدااااا .. شكرا جزيلا ياهاى
عفوا يا استاذ تيتو........شكرا على االمرور الجميل :)

ربنا يقدرنا على الجمال ده كله
تسلمي يا دكتورة

شكرا يا باش مهندس.......شرفنى مروووووووووورك :)

نيره احمد
07-12-2011, 04:07 PM
ما اروعها كلمات نااااااااااااااااااااايس

highlight
09-12-2011, 11:22 AM
ما اروعها كلمات نااااااااااااااااااااايس
ثانك يوووووووووووووووووووووو..........:)