هاكتبلكوا موضوع ولا عمركوا هاتشوفوا زيه ......
الي يقولكوا ان الدنيا حلوة كداب.... الي يقول ان الدنيا فيها حاجة كويسة كداب .... الدنيا دي كلها مشاكل وهموم و خيانة وكدب .... انا مش تامر خالد الي تعرفوه ايوة مش تامر خالد ... انا خلاص بعد الي حصلي بقيت واحد عاوز يرتاح بس مش عاوز حاجة تانية ... ارتاح هو دة حرام بزني ... بسرق ... بقتل ... باغتصب واحدة ... كل الي عاوزه ارتاح ..... الدنيا دي ولا حاجة وانا كرهت نفسي وكرهت الناس وكرهت ابويا وامي واصحابي وكرهتكوا انتوا كمان .... انسوني ومش كل واحد يعمل موضوع ويشايلني انا الهم ... انتوا ليكوا حياتكوا وانا ليا حياتي ... عيشوا وسيبوني اعيش ..... و اقسم بالله لو امي جرالها حاجة لهادخل يا حسام وهاتشوف الي عمرك ما شوفته عشان الي اتقال عن امي ... فاكره ولا نسيته ... ولا تحب انا افكرك .... و الله العظيم ما هاسيبك لو جرالها حاجة و هاوريك العجب انتا واصحابك ....

الدنيا اي نعم صعبة وبايخة ومشاكلها كتير ...بس لو سلمنالها هانضيع ....

مش ده توقيعك
بصله كويس وإقرأ اللى فيه
:(

مش ده توقيعك
بصله كويس وإقرأ اللى فيه
:(



انا كداب يا محمد .... ايوة كداب لأني ضحكت على نفسي .... عملت فيها واد ماحصلش وضحكت وقولت هانسى .... وانا عبيط وكداب .... اية يعني .... عادي ... والتوقيع دة للناس العادية مش ليا ... دنية اية دي ... البنت الي حبتها وفهمتني ماتت قدامي ..... واحد معايا بقاله سنين واكتر من اخويا ومات بالسرطان ..... أمي مش عارفين نعالجها ... ابويا بيعالج كل الناس ولما أمي تعبت وقف مش عارف يتحرك .... كل دة وادخل المنتدى الاقي الناس بتقول اني نسيتهم .... وتقولي مش دة توقيعك ..... بصيتله يا محمد وقريت الي فيه ... لقيته كدب

(ولنبلونكم بشىء من الخوف والجوع ونقص من الاموال والانفس والثمرات وبشر الصابرين الذين اذا أصابتهم مصيبة قالوا انا لله وانا اليه راجعون اولئك عليهم صلوات من ربهم ورحمة وأولئك هم المهتدون)

( كل من عليها فان ويبقى وجه ربك ذو الجلال والاكرام )

تامر اذا توقفنا عشان الناس الي بنحبهم ماتو اعتقد كان المسلمين انقرضو من زمان لما الرسول صلى الله عليه وسلم لحق بالرفيق الاعلى
تامر الصحابة زعلو على موته صلى الله عليه وسلم فاكر ابو بكر وقف على المنبر وقال ايييه فاكر يا تامر
" من كان يعبد محمد فان محمد قد مات ومن كان يعبد الله فان الله حي لا يموت "
تامر الي قال الكلمتين دول اكتر واحد بيحب الرسول صلى الله عليه وسلم وشوف قال ايه
زي ما قلتلك الحيات مستمرة لا يوقفها رحيل من نحب او فراق من نعشق
فالدنيا دار ارتحال وليست دار قرار
بس بردو الرسول صلى الله عليه وسلم قال " اعمل لدنياك كأنك تعيش ابدا ظاعمل لاخرتك كأنك تموت غدا "

مش ده توقيعك
بصله كويس وإقرأ اللى فيه
:(


هكذا الدنيا
بس الدنيا اي نعم صعبة وبايخة ومشاكلها كتير ...بس لو سلمنالها هانضيع
بس انت متغير ليه
دى دنيتك
واحنا ضيوف فيها ولازمنتغلب عليها
يا تامر
مش كدا ؟؟

... البنت الي حبتها وفهمتني ماتت قدامي ..... واحد معايا بقاله سنين واكتر من اخويا ومات بالسرطان ..... أمي مش عارفين نعالجها ... ابويا بيعالج كل الناس ولما أمي تعبت وقف مش عارف يتحرك ..
يوم لما ابويا الله يرحمه
توفى اتخنقت ومكنتش طايق حد
شيخ كان فى العزاااء قالى يا ابنى احنا ضيوف فى الدنيا
فاعمل ما يرضى الله وادعلى لوالدك بالرحمة مش بالبكاء ولا بالندم

وكنت داخل على امتحانات الثانوية

ومكنتش اعرف اى حاجة
جه التنسق
على ربع درجة فارق بين كلية ومعهد

والحمد لله الاحوال انصلحت لوو حدها
فانابقولك الصير
يا عم
وزى ما قولتلك قبل
كدا
احنا هنا فى الدنيا دى
ضيوف
نتعلم ونعلم
نستيض ونضيف
______

وربنا يوفقك يا تامر

والله العظيم انا مافاهم حاجة في الدنيا .... انتوا عايزين استحمل ... استحمل اية ولا اية ولا اية ؟؟؟ استحمل الناس الي بتموت قدامي ..... كيم ماتت ... هشام مات ... امي ناوية تحصلهم .. ابويا هايموت من زعله عليها ... عمي يتكل زعلان على اخوه .... مراته تحصله زعلانة على جوزها .... وانا قاعد اتفرج .... اية الجمال الي انا عايش فيه دة .... استحمل اية ..... هو انا عايش ليه اصلا .... انا مش عايش عشان اتبهدل انا ليا حق في الدنيا زي باقي الخلق ....

يا جماعه حرام عليكو قطعتو قلبي والله متقول حاجه يا سادات انا خلاص معنتش قادره اقول حاجه

يا جماعه حرام عليكو قطعتو قلبي والله متقول حاجه يا سادات انا خلاص معنتش قادره اقول حاجه

الي بيزعل مايبقاش يدخل المواضيع ... والنبي خفو عليا شوية عشان خلاص جبت آخري .....

نهايته عشان انا تعبت ...... لما ابقى افوق واروق كدة هابقى ادخل ... و و النبي بلاش الناس الي تقول حرام عليك مش عارفين نذاكر والامتانات والرغي الكتير الي مالهوش لازمة دة لأني مش ناقص ..... وبلاش نضحك على بعض ... مش لازم نصطنع حب الناس ... و انا محتاج حد يرحمني مش حد يشيلي اهلي الهم .... كان نفسي اكلمكوا كلكوا بس مش فاضي ..... و ياريت يا كريم قبل ماتعمل موضوع تبقى تسال الاول انا فيا اية .... ومحمد السادات واحمد رضا هايقولولك انا قولتلهم اية قبل ما امشي .... انا قولتلهم مايقولوش بس يالا هي باظط خلاص ..... عارفين انا بقالي 4 ايام قاعد لواحدي في البيت ..... ابويا اخد امي وسافر بيها المانيا .... وربنا يستر .... ولو كان حد فيكوا بيحبني يفتكرلي حاجة كويسة على ما ابقى ادخل ..... وياريت تهتموا بحياتكوا .... انا لا انفع اكون صاحب حد ولا حد يحبني ...ماشي ....

أنا مش هتكلم لان دى حياتك
أنا مش هقول غير ربنا معاك
وربنا يشفيلك مامتك

بص ياتامر
انا من النوع المادي اوي
ومن النوع اللي له منهجه وفكره الخاص
بس في الجانب ده
فيه حاجة اسمها ايمان بالله
لو اخدت كل كلمه بالمادة
اول طريق الكفر والالحاد

بص ياتامر
مين اللي جاب الناس دي
ومين اللي خلق الناس دي
مين اللي خلق والدتك
مين اللي خلق صاحبك
مين اللي خلقك

الحاجات دي بتاعت ربنا
وكلنا امانه وفي الاخر هنروح لربنا
لكن لما نقعد نقول ليه يارب
ده الدنيا دي وحشه
ده كل حاجة وحشه
يبقي انت مبتشتمش الدنيا
انت كدا بتشتم ربنا
بتشتم القدر

لاء ياتامر باشا
انت اينعم كارهني
بس انا بعمل اللي عليا ياسيدي

خليك مع ربنا
عشان لو فضلت تقول كدا
كل ما هتحب حاجة هتضيع منك
وربنا عمره ما هيكرمك
عشان ربنا شديد العقاب
لكن انت صلي
وظبط علاقتك بربنا
وادعي لوالدتك بالشفا
وادعي للبنت بالرحمه
ولصاحبك بالرحمه
هتلاقي حياتك مشيت تمام

حلو الكلام ياباشا
انا مكنتش هرد
بس قولت اعمل اللي عليا لانك حبيبي

:)