السلام عليكم صباحكم ومساكم معطر
دار حوار ينى وبين قريب لى من جماعة الأخوان
بداية الحوار اعتيادية دفاع دفاع مستميت عن فكر الجماعة
المهم انه سألنى سؤالين عايزة اعرف اجابة كل واحد فى حضراتكم عليه
* خايف ولا لأ من الاخوان خصوصا بعد توقعات نتائج الانتخابات ؟
* وما هو السبب؟

انا عن نفسي قلق من الاخوان بس مش خايف منهم
بس اناا عارف طريقه تفكيرهم واتجاهاتهم لاني بتعامل مع االاخوان يوميا

ربنا يستر علي البلد ويقدروا يحققوا الي الشعب عاوزه مش الي هما عاوزينه

من خلال تعاملى معهم يركبون الموجة

من خلال التعامل مصحلجيه جدا . نظام مصلحتك اولا مش اللي يستحق اولا .ولو حصل مشاده بين اتنين احدهما علي حق مش بيخدوا جنبه بيبعدوا ويقولوا ابعد عن المشاكل .......ويخدوا صف الاقوي مدام في المصلحتهم

ايه رايكوا فى السلفيين

مصلحجية , انانية , بس طبعا مش خايف منهم انا خايف على البلد و الثورة منهم
انا اقلق من اي حد باع الثورة سواء ديني و غير ديني
و اهم حاجة تخلينا نقلق منهم اساليب الدعاية الغير نظيفة اللي بتمارس ضد المرشحين المنافسين زي المنشورات اللي توزعت ضد الدكتور مصطفى النجار احد شباب الثورة اللي شال احد اصدقاءه على ايده في الميدان بعد ما استشهد في موقعة الجمل.
طبعا الاخوان لما تقولهم كده يقولك لا مش احنا و ده حد عايز يشوه صورتنا و هاتلنا دليل و روح قدم للنيابة يعني بين قوسين اخبط دماغك في الحيط.

من خلال التعامل مصحلجيه جدا . نظام مصلحتك اولا مش اللي يستحق اولا .ولو حصل مشاده بين اتنين احدهما علي حق مش بيخدوا جنبه بيبعدوا ويقولوا ابعد عن المشاكل .......ويخدوا صف الاقوي مدام في المصلحتهم
مين قال ان الاخوان مصلحنجية اتمنى انك تراجعى كلامكة مش عشان يعنى اتعاملت مع واحد وطلع وحش يبقى كلهم وحشين ولو هم مصلحجية زى محضرتك بتقول ازاى يستحملوا السجن والاعتقال فى سبيل الوطن انا بدعيلهم وبدعى لكل واحد يهموا انه بيحكم بدينه ويراعى ربنا نبقى معاه والله همه9 اللى هيغيروا البلد انا اعرف واحد قعد 3شهور فى المعتقل وتقولىى عشان مصلحته الاخوان دولت ناس محترمة وربنا هيوفقهم وده مش معنى ان كلهم حلوين ولا كلهم وحشين فى وفى وانا برده مع السلفيين بس لهم نقطة ع8تاب واحده بس هم كانوا فين ايام الفلول والظلم مكانوش بيشاركوا فى الانتخاباتت المفروض كانوا يشاركوا لان ده منكر والمفروض كانوا يغيروه انا اتعاملت مع الاتنين لقيت لهم وجهة نظر تكاد متقاربة واهم حاجة ان همه هيحكمه بشريعة الاسلام فمتحكمش عليهم من غير عاملهم

خايف ولا لأ من الاخوان خصوصا بعد توقعات نتائج الانتخابات ؟


وهنخاف ليه ؟

هو احنا كنا نطول إن الإخوان يبقى لهم الأغلبية فى مجلس الشعب .... ده شرف لمصر كلها

وأظن لو الناس كانت خايفه او حتى قلقانه منهم مكنوش وثقوا فيهم واعطوهم صوتهم

وبقوا الأغلبية .... يعنى أغلبية الشعب واثق فيهم وواثق فى تفكيرهم ... والصندوق مبيكذبش :d

بصى أولا أنا ولا تبع إخوان ولا سلفيين ولا أى حد عشان أدافع عنه

بس فعلا شايفه إن الإخوان أفضل حد موجود دلوقتى سياسيا واجتماعيا ودينيا وإن حقهم اتهدر كتير

بصى مش هقولك أكتر ناس اتعرضت للظلم وتشويه الصوره والمعتقلات

بس فعلا هما ناس متوسطين جدا فى الدين .... عمرنا ما سمعنا مشكلة بين إخوان ومسيحيين

بالعكس المسيحيين كانوا بينتخبوهم ومرشحين الإخوان نفسهم كان فيه منهم مسيحيين

سياسيا .... بقالهم 80 سنه شغالين فى السياسه .... وشايفه إنهم فاهمين فيها كويس جدا

وده بشهاده سياسيين على مستوى العالم مش مصر

اجتماعيا .... ناس من طبقات الشعب العادية جدا ونشاطاتهم الإجتماعية والخيرية واضحه جدا

على مستوى المحافظات كلها .... منظمين جدا

هيحكموا بشرع ربنا .... مش هيبلطجو ويسرقوا

هنعوز إيه أكتر من كده .. وإيه اللى يخوف من كده ؟

نقطه كمان بس

إنهم بتوع مصلحتهم وبس :friendsxs3:

وده كان واضح جدا لما رفضوا ينزلوا الإعتصامات الأخيرة وفضّلوا الإنتخابات

وأنا عن نفسى اتضايقت من الموقف ده جدا

بس عرفت بعد كده انهم كانوا الأصح

إيه كانت نتيجة الإعتصامات؟؟؟

وإيه كانت نتيجة الإنتخابات ؟؟؟؟

وهو ده فعلا الثائر الحق زى ما قال الشعراوى

يثور ليهدم الفساد ثم يهدأ ليبنى الأمجاد

يعنى مش ركبوا الموجه وخلاص

وناس نازله يبقى ننزل عشان متقلش شعبيتنا

أنا اسفه على الإطاله

مع إنى بكره جدا الردود الطويله

بس هى ظروفها جت كده :d

وشكرا نوره على طرح الموضوع:078111rg3::078111rg3:

ايه رايكوا فى السلفيين



من ناحية ايه ؟؟:rolleyes:

يعنى لم نقرأ المداخلات السابقة ألمح شيئا غريبا وهو أن من يتهم الإخوان قد حكم عليهم من خلال :

ربما ظنا منه أو سمع من حد بيكرههم أو موقف شخصى من أحدهم أزعجه

حتى الأخ صاحب المشاركة اللى أعجب بالدكتور مصطفى النجار ..أعجب به من موقف واحد فى موقعة

الجمل .... ولو صدق مع نفسه سيعلم من كان السبب فى الحفاظ على الثورة فى هذا اليوم - بعد

فضل الله - وأنا شاهد عيان على ذلك

أيها الأحبة كما يردد الإخوان " اسمع منا ولا تسمع عنا "

ولا تحكم عليهم من موقف فلو أردنا ذكر محاسنهم خلال فترة مبارك لما استطعنا .....وهذا بكل حياد

ايه رايكوا فى السلفيين



السلفيين ناس محترمه جدا واشجع منهجهم فهو منهج الله ورسوله واتمنى ان هم اللى يقودوا البلد هم او الاخوان

المرحلة القادمه للجميع لابد ان يعمل الجميع وان نكف عن التخوين والتجريح ولنفترض حسن النويا ونحترم حرية الشعب في اختياره ولا نتصيد لبعض الاخطاء وندخل في جدال غير مجدي لأن طالب الحق يكفيه دليل وصاحب الهوى لا يكفيه الف دليل * لماذا الخوف من الحرية والعدالة وهم اول من نادى بتوافق كل القوى السياسيه وكون التحالف ونجح على قوائمه ناس من غير الحرية والعداله ولكنهم كوادر تخدم بلدهم ومنهم اقباط * لماذا الخوف وقد تحقق توافق معظم القوى على الرئيس القادم للمجلس والوكلاء واللجان رغم سهولة الانغراد بكل اللجان للنور والحرية والعدالة*عندما نجحوا الاخوان طالب المرشد بأن يذهب النواب الى من لم ينتخبهم ويقول له نتعالى نتعاون ونتوافق ونتناقش في نقاط الخلاف وتوضيح الرؤية وتلك مثاليه لم نعهدها على ا ي فصيل *والجميع يعلم ان المنصب والسلطة ليست مغنم بل هي مغرم وخاصة في هذة الايام فلنترك من لم نجربهم ومن ضحوا باعمارهم من اجل دينهم ووطنهم ليمسكوا الدفه فان نجحوا فهذا ظننا بهم وان لم يكن فليكن غيرهم فلقد جربنا من ظلمونا عقود*ولنتذكر قصة عمر ابن الخطاب عندما وقف على المنبر وقال اسمعوا واطيعوا فوقف احد المسلمين وقال له لا سمع لك ولا طاعة لانك اخذت ثوب اطول مما اخذه الناس فطلب عمر ان يوضح ابنه عبد الله فقال وجدت ابي لايكفيه نصيبه فاعطيته ثوبي حتى يكفيه تلك رحمه عمر في سماع من اعترضوا عليه واحسب ان اصحاب الايدي المتؤضة عندهم سعة للصدر واستيعاب لكل من خالفهم واخيرا اكرر طالب الحق يكفيه دليل وصاحب الهوى لا يكفيه الف دليل

سعيدة قوى بردودكم:d
برغم اختلاف وجهات النظر
بارك الله فيكم جميعا
وكل اللى بنتمناه جميعا الخير لمصر الحبيبة
تحياتى للجمبع :078111rg3: