hafez94_a
08-12-2011, 08:24 PM
لو سمحتوا يا جماعه .. انا فى 3 ثانوى جبت فى تانيه 97 و نص .. ناوى على هندسة ان شاء الله
كنت عايز اعرف ايه نظام المنح فى الجامعه الالمانية ... يعنى الاسعار نظامها ايه و اعمل ايه عشان اقدم فى الجامعه
و هل هتفرق معايا فى الشغل بعد كده بينها و بين اى هندسه تانيهى ( يعنى هندسة القاهرة مثلا )
just4me
11-12-2011, 10:58 PM
انا مش عارف نظام المنح. بس التقديم كان فاتح الاسبوع الماضي
و بيفتح تاني في اخر السنة
الشفق القرمذى
20-12-2011, 12:45 PM
المنح لو جايب فوق 95 فى المية بتاخد خصم كبير و بتدفع 20 الف على ما اذكر
و الشغل بتاعها مضمون عشان معتمدة عالميا
heshamoz
20-12-2011, 07:38 PM
عيبها الوحيد انها مش معتمدة خالص غير فى مصر وفى 3 جامعات من المانيا بس بتشرف عليها بس مش معتمدة منها و انصحك بالجامعة الامريكية لو تعرف او جامعة القاهرة
الشفق القرمذى
21-12-2011, 07:23 PM
عيبها الوحيد انها مش معتمدة خالص غير فى مصر وفى 3 جامعات من المانيا بس بتشرف عليها بس مش معتمدة منها و انصحك بالجامعة الامريكية لو تعرف او جامعة القاهرة
مين قال لحضرتك الكلام ده يعنى جبتو منين؟ المفروض على حد علمى اى جامعة اجنبية بتبقى معتمدة عالميا
ياريت توضحلى هى ليه مش معتمدة خارج مصر؟؟؟؟؟؟؟
ypkill
18-01-2012, 06:49 PM
أنا طالب في الجامعة الألمانية اللي أعرفه إن شهادتها مش معتمدة عالميا, كل الحكاية إن في جامعتين في ألمانيا عاملين حاجة زي "شراكة" مع الجامعة ودي بتسهل على طلاب الجامعة إنهم ياخدوا كورسات أو يعملوا شهادات أعلى من البكالوريوس في الجامعتين دول وبس كده لا أكثر ولا اقل .. والجامعة شهادتها معترف بيها في مصر, ولو حبيت تهاجر على بره لازم تعمل معادلة (يعني من الاخر مش معترف بالشهادة دي غير في مصر).
وبالنسبة للاسعار اللي فوق 95 (أو 96 مش فاكر بظبط) بياخدوا تخفيض بيبدأ من تقريبا 20% من 21,000 في الترم .. وطبعا كل لما مجموعك بيزيد كل مانسبة التخفيض بتزيد.
heshamoz
18-01-2012, 11:37 PM
ypkill ده الكلام ده انا بفهموا للناس بقالى سنة :D
moligy
19-01-2012, 02:12 PM
انا انصحك بالجامعة الريطانية. انت بتاخذ شهادتين واحدة من الجامعة البريطانية و واحدة من جامعة لفبرا بانجلترا. الشهادة دى معترف بيها دوليا و مش بتحتاج معادلةز