يبدو ان سيادة الوزير لايعلم ان المادة 70 من القانون 155 لسنة 2007 تم تغييرها بالقاون 198 لسنة 2008
والذى اضاف الاخصائيين الاجتماعيين والعاملين بالادارات والميريات الذين كانوا يعملون بوظائف التدريس والاخصائيين الى الكادر وهم يصرفون حاليا اسوة بالمعلمين والموجهين وكذلك نص القرار الوزارى 195 لسنة 2009 نص على مسميات الاخصائيين وتصنيفهم اسوة بالمعلمين
وكذلك فتوى مجلس الدولة التى نصت على احية المشرفين الاجتماعيين فى الكادر
ارسلوا فاكسات للوزير ولرئيس الوزراء فورا ولاتنتظروا صياغة نصوص التعديلات والا ميدان التحرير موجود
ويجب الاتصال بالنقابات المهنية للتحرك فورا والالتقاء بالوزير

ورد فى تقرير لجنة تعديل االكادر هذا النص ( تصنيف المستفيدين بالكادر إلى شريحتين، الأولى هى المعلمون والموجهون، والمجموعة الثانية تضم الأخصائيين والمشرفين، على أن تكون المجموعة الأولى أكثر تميزاً، مع تفصيل ذلك فى اللائحة التنفيذية للقانون الجديد،)
يجب التصدى له بكل قوة

يانهار هو لسة الموضوع
برجاء كتابة رقم الفاكس

النقابات وخصوصا نقابة الاجتماعيين -
قد أسمعت لو ناديت حيا *** ولكن لاحياة لمن تنادى
ليس لنا الا واحد من شيئين اما عدول الوزير عن هذا الاتجاه او الإضراب العام والشامل لكل الأخصائيين الاجتماعيين
فعجيب أمر هذه القيادات تقول انها تريد ان ترقى بهذا البلد ولا تصدر الا كل قرار يبخس حقاً ويثير فوضى ةجدل وإضرابات ويا دكتور جنزورى اهذه هى البداية وهذا هو الإصلاح فإذا كانت هذه هى البداية فكيف بالخاتمة أرجو أن لاتكون بإضراب يشل المدارس واعتصام يشل مصر والحياة

ماذا نفعل
كل مرة يحدث هذا الأمر

طريقة إرسال الطلبات والشكاوي :
1- عن طريق البريد والبرقيات بأنواعه علي العنوان الآتي :
وزارة التربية والتعليم
3 شارع صفية زغلول من شارع القصر العيني القاهرة .
2- عن طريق الفاكس علي أرقام :
27953681 أو 27953102 أو 27921351
3- عن طريق البريد الالكتروني :
cservice*email.emoe.org



السيد الاستاذ الدكتور/ وزير التربية والتعليم
تحية طيبة وبعد
مقدمة لسيادتكم الاسم رباعى ----------- المقيم ف------------
الوظيفة --------- تاريخ التعين ------------ مقر العمل---------
أدارة -------- محافظة -----
الموضوع
---------------------------------------------
برجاء التكرم ب
---------------------------------
---------------------------------

ولسيادتكم جزيل الشكر

التوقيع
الاسم
بطاقة رقم قومى
العنوان
ت

ياريت تعرفونى ايه هو الموضوع بالظبط هو الوزير عايز ايه من الاخصائيين

ورد فى تقرير لجنة تعديل االكادر ( تصنيف المستفيدين بالكادر إلى شريحتين، الأولى هى المعلمون والموجهون، والمجموعة الثانية تضم الأخصائيين والمشرفين، على أن تكون المجموعة الأولى أكثر تميزاً، مع تفصيل ذلك فى اللائحة التنفيذية للقانون الجديد،)

ربنا واعدنا دايما بالوزراء الى مبيفهموش حاجة ومتعقدين من الاخصائيين وربنا يستر

لابد ان تفعل نقابة المعلمين ونقابة الاجتماعيين المشتركين فيهما ونهبين فلوسنا شيئا سريعا حول هذا الاقتراح والا الاعتصام والاضراب والوقفات الاحتجاجية من الاخصائيين

يا عم خليك تتعامل معامله الادارى افضل اخدوا 92%
وبعدين 83%

يا عم خليك تتعامل معامله الادارى افضل اخدوا 92%
وبعدين 83%

هم قبضوا حاجة قالوا لهم أعملوا قضية ال عمل هيبقى يقبض

معك فى كل شئى نحنو المهنة التى تعطى بلا مقابل والعوض على اللة

للاسف هذه مقترحات روابط وائتلافات المعلمين على التعديلات الجديدة اما اللجنة التى عدلت الكادر لم تقترح تلك الخرافات
لماذا التفرقة من تلك الروابط والائتلافات والنقابة المستقلة للمعلمين

هو احنا ربنا واعدنا بالوزراء الجهلاء ربنا يرحمنا بقى منهم يدوب نبتدى نخطو خطوة للامام ىرجعونا عشر خطوات للوراء

هزعل بجد لو المدرسين من حولنا يزيدوا وأحنا محلك سر
هى البلد فاضية لقراءات الفاكسات
لازم ننزل التحرير علشان يحسوا بنا

ياجماعه هم نزلوا حصص للاخصائيين واصبحت لاتوجد مشكله فنحن اخصائيين ومعلمين خدمه مجتمع مش كده ولا ايه ولسه هيدور على حاجه تانى نشلها ومش عارف هيعملوا ايه تانى معانا ربنا يستر

ازيكم ياجماعه انا اخصائيه نفسيه انا اسفه على ازعاجكم بس بجد كنت متضايقه جدا من الاخبار دي ومش عارفه اعمل ايه وطبعا انتم عارفين ان الأخصائيين النفسيين ليس لهم نقابه مثل نقابه الاجتماعيين اللي المفروض تكون معاكم دلوقتي مينفعش نعد نكلم نفسنا كدا لازم صوتنا يوصل لازم نعمل حاجه يعني يقولو لنا خدوا تربوي واي سي دي ال وينزل لنا حصص وبعد كداالباشا الكبير اوي عايزنا نكون اقلل عايزنا نعمل اكتر من كدا ايه تاني داحنا فاضل شويه ويقولولنا مهمت الاخصائي بعد القيام بواجباته وعمل سجلاته ودخوله الحصص يمسح بعد كدا جزم المديرين عشان نطمئن عليه ان فلوسه حلال هما وظفونا عشان يزلونا بس
شوفوا هتعملوا ايه وانا معاكم بس المهم منسكتش لحد القانون دا مايطلع ويتوافق عليه

دية طلبات المدرسين وموقع عليها اكتر من عشرون الف مدرس لالالالا زنب للوزير ولا مستشارية فى شئ بيقولوا احنا اصحاب الفضل فى العملية التعليميه فلابد ان نميز عن جميع العلملين بنسبة تتراوح من ثلاثون الى سبعون فى المائة ومن هنا يتضح موضوع التقسيم الى مجموعتين

ياجماعه هم نزلوا حصص للاخصائيين واصبحت لاتوجد مشكله فنحن اخصائيين ومعلمين خدمه مجتمع مش كده ولا ايه ولسه هيدور على حاجه تانى نشلها ومش عارف هيعملوا ايه تانى معانا ربنا يستر


خدمة المجتمع نشاط كأى نشاط للتربية الاجتماعية بدون جدول حصص

لو الكلام ده حقيقي بجد لازم من وقفة ووقفة حازمة مع هؤلاء الجهلاء ، فكيف بالله عليكم يكون هذا جزاء الاخصائي الاجتماعي وهو دينامو أي مؤسسة تعليمية ، أنا علي سبيل المثال قائم بأعمال التربية الاجتماعية مرحلة اعدادية كاملة بمدرسة تجريبي ( تربية اجتماعية - اتحادات طلابية ) وكذلك مسئول الجودة بالمدرسة للمرحلتين الابتدائي والاعدادي ومسئول العلاقات العامة بالمدرسة وعضو كنترول مرحلة إعدادية ، ويقولي شريحة أقل من المعلم والموجه يبقي كده النزول للاعتصام والاضراب والتظاهر ضد هذه القرارات الخاطئة التي تصيب بالاحباط ، انا لا أفكر بالناحية المادية علي اهميتها ولكن الناحية المعنوية والنفسية ففاقد الشئ لا يعطيه عندما يشعرنا هذا الوزير وغيره من المسئولين بأنني درجة تانية فماذا يتوقع مني هل يتوقع بأن أتدخل لحل مشكلة ومساعدة طالب علي التكيف مع العملية التعليمية بالمدرسة وانا محبط ، أعزائي انا مشترك بنقابة المعلمين وغير مشترك بنقابة الاجتماعيين وكذلك أنا أمين صندوق لجنة نقابية حاليا وبانتظار انتخابات مجلس النقابة الفرعية بالإدارة واطالبكم جميعا باستخدام كافة الوسائل حال تنفيذ هذا القرار ويجب أن يكون هناك تنسيق بيننا جميعا لاتخاذ موقف حاسم ضد هؤلاء الجهلاء وشكرا

وانا معاكم

الله المستعان

ارجوا من معالى الوزير الجديد
بحكم خبرته الكبيره النزول الى ارض الواقع ومحاوله لم الشمل بين جميع القائمين على العمليه التعليميه
لكى يتحسن حال البلاد والعباد
ياسر كحلا

فين نقابة الاجتماعيين ؟؟؟ ولا هما شغلهم الشاغل كل شوية يرفعوا قيمة الاشتراك ... طيب عموما من الضروري يكون في موقف موحد جماعي من جميع الاخصائيين واضح ان كل فئة بتدور علي نفسها ومعالي الوزير اللي قلنا مننا وهيحس بينا طلع زي اللي قبلة ولا يفرق عن سابقية شئ وربنا يستر علينا منه هو لسة فية التفرقة والفكر العقيم دة واضح ان البلد دي مش هتتقدم خطوة طول ما العقول دي موجودة بيننا

http://www.thanwya.com/vb/showthread.php?p=4233180&posted=1#post4233180
ممكن نتابع فالموضوع ده
بارك الله فيكم
جزاكم الله خيرا

http://www.thanwya.com/vb/showthread.php?p=4233180&posted=1#post4233180
ممكن نتابع عالرابط ده الموضوع المهم والاهم
جزاكم الله خيرا

خلاص احنا كلنا مانشتغلش علشان بشوفوا المدارس هاتبقى عمله اة هاتكون غابة من الطلاب والمعلمين وهاتزيد الجريمة والعنف علشان يعرفوا ان الاخصائى هو المدرسة بكل مافيها واهلا وسهلا بالحرمان

حسبنا الله ونعم الوكيل هو المستشار فين نايم ولابيدور على مسابقة يوجع قلبنا بيها ههههههههههههههههههههههه